短篇sweet（間中有咸）故合集（6）

5.

自呢一日起，我就開始頻密咁同佢哋三個打機。

其實我冇話好沉迷呢隻game，只係想借啲意同江睿銘交流。

雖然大多數時候佢都係好認真咁玩緊，冇乜出聲。

我估佢應該mute咗自己，只有喺需要嘅時候先開咪。

救命，佢呢種性格完全係我鍾意嗰type！

我份人好多嘢講，所以沉默嘅人會特別吸引我。

我而家幾乎日日都會喺group叫佢哋打機，而佢哋差唔多次次都會應承。

我諗我哋當中至少有三個人都係醉翁之意不在酒。

呢一日，陳柏坤同Sharon都不約而同咁話唔得閒打機，叫我同江睿銘兩個自己玩。

我一開始好雀躍，仲諗住tag江睿銘叫佢online，但諗諗吓又覺得江睿銘可能會因為唔齊人而唔玩。

於是我停低打字嘅動作。

唉，都係去寫文算。我內心有啲失落。

但就喺我準備開電腦嘅嗰一刻，我部電話響咗一聲。

我漫不經心咁望過去，然後爭啲成個人彈起。

Send message俾我嘅係江睿銘。

重點係，佢唔係喺group度tag我，而係私底下send message俾我。

我諗真係只有傻咗嘅人先至會因為呢啲細節而欣喜若狂。

我認我就係。

「玩唔玩？」江睿銘簡單嘅三隻字，足以照亮我本身黯淡嘅心情。

「玩」我幾乎係秒回。

入game嘅時候，我嘅心情係前所未有咁緊張。

雖然之前都有同佢玩過，但單獨一齊玩嘅感覺真係完全唔同。

我一入到game就收到佢嘅邀請。

雖然我哋根本唔會見到大家嘅樣，但我仍然不由自主咁整理咗一下頭髮先至㩒接受邀請。

「Hello。」入到去，我試探性咁開口。

「Hi。」佢聲音微沉，語調好似比平時多咗分笑意，我都唔知係咪我嘅錯覺。

我正沉浸喺緊張情緒當中嘅時候，佢又再開口：「你今日會玩幾耐？」

我諗咗諗：「可能同平時差唔多囉，你呢？」

「我一陣間有啲嘢做，淨係玩幾舖。」佢嘅聲音再度響起。

「好。」我語氣平靜，但內心喺度嘆緊氣。

唉，難得有獨處機會，佢竟然有嘢要做。

但之後我又轉念一想。

唔係喎，佢明明一陣有嘢做都同我打機，唔通佢真係好想同我打？

我又開始ff。

呢個時候，進入遊戲嘅音效響起，拉回我嘅思緒。

都係專心啲啦，唔好做雷隊友！我告誡自己。

我本身以為江睿銘同我單獨打機嘅時候會好似之前一樣咁沉默，但事實卻相反。

佢明顯多咗嘢講，會間唔中同我交流。

我諗佢今次應該冇mute過咪，因為佢唔出聲嘅時候我都聽到佢嗰邊嘅背景聲。

其實我之前有幻想過佢mute緊嘅時候係咪喺電話嘅另一面勁躁底咁鬧緊隊友。

事實證明，我真係諗多咗。

即使係喺打機嘅時候，佢份人依然係咁溫和。就算我哋啲隊友好雷，係咁送頭，佢都只係無奈咁笑。

同江睿銘打機嘅時間好快過，眨下眼我哋就玩咗差唔多九個字。

「我要走喇。」喺玩完最後一舖嘅時候，佢講。

「好呀，Bye bye。」

退出咗遊戲之後，我面上嘅笑容仍然冇收過。

好開心呀！

我跳上床，好似個痴線婆咁攬住個枕頭碌嚟碌去。

如果Sharon佢哋之後都唔得閒打機就好。我忍唔住諗。

喺我正飄飄然緊嘅時候，我部電話「叮」一聲咁響起。

唔通又係江睿銘？我興奮又期待咁跳落床攞起部電話睇。

結果令我大失所望，send message嚟嘅只係Sharon。

但佢喺group send出嚟嘅嘢又引起咗我嘅注意。

「大家下個禮拜一唔一齊去迪士尼！！」

做乜無啦啦約去迪士尼？我覺得好奇怪，於是私底下send咗個問號俾佢。

「其實我想同陳柏坤去，但唔敢約佢單獨去，咪唯有約晒你哋三個囉……」佢好老實咁向我交代佢嘅目的。

佢早幾日已經同我坦白咗佢鍾意陳柏坤，所以我一啲都唔驚訝。

「有咩唔敢啫？你試下問佢先吖嘛。」我覺得陳柏坤唔會拒絕佢。

「我邊敢咁主動啫。嚟啦一齊去啦，你唔係有年飛咩？」佢哀求。

「唉好喇好喇。」我唔情願咁應承佢。

我之所以唔想去，係因為我覺得江睿銘唔會去呢啲地方。

如果我去，即係代表我到時要自己一個做Sharon同陳柏坤嘅電燈膽。

但既然Sharon開到聲，我唯有配合下啦。

最多到時偷偷地走開啫……

腩我愛你啊

你哋只係睇在文份上先咁講 我一早睇透晒

入嚟推推

推

腩(condom)

唔講啦

出文前：


出文後：

推推

推啊！

Push

笑咗出聲

大大力推

推一推牙腩先

是你老母

你哋邊個夠膽再寸我我就停更夠做埋嚟

我好打得

😅😅😅

點？

有文睇，很開心☺️
笑😅