短篇sweet（間中有咸）故合集（6）
Bottas（已硬）
928 回覆
59 Like
1 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁
不要驚動肥腩
6.
抱住「犠性小我，完成大我」嘅精神，我好有義氣咁喺個group度覆咗Sharon。
「GOGOGO!」我懶係情緒高漲咁打晒大階同感嘆號。
Sharon即刻喺group入面send咗個錫錫sticker俾我。
喺之後嘅一段好長時間，group入面都冇人再講過嘢。
「喂，唔多對路喎，你個陳柏坤呢？」唔好話俾我聽到時淨係得返我同Sharon兩個人去……
「我都唔知呀，佢好似未睇……」Sharon都有啲緊張。
好彩，陳柏坤夜少少之後終於都覆咗我哋：「去囉」
佢回覆之後冇耐，江睿銘都開始喺個group入面打字。
我個心無法控制咁緊縮咗一下，好似被人摙住咗咁。
「好呀」江睿銘好快就send咗個message出嚟，言簡意賅。
「咁我哋過幾日再約時間！」Sharon覆得好快。
而我有一刻呆滯。
江睿銘話好？
隔咗一陣之後，我先至反應過嚟。
咁咪即係代表佢會一齊去迪士尼？！
我諗到呢度，本身被迫去做電燈膽嘅不滿瞬間煙消雲散。
江睿銘都去嘅話就唔同講法喇。
諗諗下，咁樣咪即係double dating？
我好辛苦先忍得住唔同Sharon講我呢個諗法。
下星期先至係去迪士尼嘅日子，所以呢個星期對我嚟講特別漫長。
我從來都唔知道原來一個星期係可以過得咁慢。
我每一日都望眼欲穿，只希望時間可以過得再快啲。
到咗約定日子嘅前一晚，我興奮得翻來覆去咁瞓唔着。
好唔容易瞓着咗之後，我仲夢見我哋去迪士尼嘅情景。
喺夢入面，我滿懷期待咁等待江睿銘嘅出現。
結果，佢竟然係拖住另一條女嚟嘅。我喺夢中忍唔住當場喊咗出嚟，最後在場嘅全部人都好鄙夷咁望住我。
我被呢個夢嚇到紮醒，冷汗都出埋。
幾秒之後，我先意識到啱啱發生嘅一切都只係夢。
乜嘢垃圾夢嚟！
清醒咗少少之後，我望一望個鐘。而家係差唔多十點半，我個鬧鐘都應該就嚟響。
我提前熄咗個鬧鐘，然後落床去刷牙。
我哋幾個約咗十二點半一齊食晏。
時間尚算充裕，我刷完牙之後就嗱嗱臨去洗頭沖涼。
吹完頭，我馬不停蹄咁換衫化妝夾頭。
十二點半，我準時到達咗餐廳。
我去到嘅時候，發現陳柏坤同江睿銘比我更加早就到咗。我一行到餐廳就見到佢哋坐咗喺近門口位置。
呢個時候，陳柏坤咁啱擰轉頭望咗出嚟。
佢見到我之後對我揮咗揮手。
江睿銘見到佢嘅動作，都擰咗過嚟望向我呢邊。
同佢視線相觸嗰刻，我覺得自己緊張到手汗都出埋。
我偷偷咁握咗一下拳頭為自己壯膽，然後表面平靜咁行咗去佢哋度。
「Hello。」我笑住同佢哋打招呼，然後坐咗喺佢哋對面。
「睇下想食咩啦。」陳柏坤遞咗塊餐牌俾我。
「好。」我自然咁接過。
到目前為止，我應該表現得幾正常掛！
抱住「犠性小我，完成大我」嘅精神，我好有義氣咁喺個group度覆咗Sharon。
「GOGOGO!」我懶係情緒高漲咁打晒大階同感嘆號。
Sharon即刻喺group入面send咗個錫錫sticker俾我。
喺之後嘅一段好長時間，group入面都冇人再講過嘢。
「喂，唔多對路喎，你個陳柏坤呢？」唔好話俾我聽到時淨係得返我同Sharon兩個人去……
「我都唔知呀，佢好似未睇……」Sharon都有啲緊張。
好彩，陳柏坤夜少少之後終於都覆咗我哋：「去囉」
佢回覆之後冇耐，江睿銘都開始喺個group入面打字。
我個心無法控制咁緊縮咗一下，好似被人摙住咗咁。
「好呀」江睿銘好快就send咗個message出嚟，言簡意賅。
「咁我哋過幾日再約時間！」Sharon覆得好快。
而我有一刻呆滯。
江睿銘話好？
隔咗一陣之後，我先至反應過嚟。
咁咪即係代表佢會一齊去迪士尼？！
我諗到呢度，本身被迫去做電燈膽嘅不滿瞬間煙消雲散。
江睿銘都去嘅話就唔同講法喇。
諗諗下，咁樣咪即係double dating？
我好辛苦先忍得住唔同Sharon講我呢個諗法。
下星期先至係去迪士尼嘅日子，所以呢個星期對我嚟講特別漫長。
我從來都唔知道原來一個星期係可以過得咁慢。
我每一日都望眼欲穿，只希望時間可以過得再快啲。
到咗約定日子嘅前一晚，我興奮得翻來覆去咁瞓唔着。
好唔容易瞓着咗之後，我仲夢見我哋去迪士尼嘅情景。
喺夢入面，我滿懷期待咁等待江睿銘嘅出現。
結果，佢竟然係拖住另一條女嚟嘅。我喺夢中忍唔住當場喊咗出嚟，最後在場嘅全部人都好鄙夷咁望住我。
我被呢個夢嚇到紮醒，冷汗都出埋。
幾秒之後，我先意識到啱啱發生嘅一切都只係夢。
乜嘢垃圾夢嚟！
清醒咗少少之後，我望一望個鐘。而家係差唔多十點半，我個鬧鐘都應該就嚟響。
我提前熄咗個鬧鐘，然後落床去刷牙。
我哋幾個約咗十二點半一齊食晏。
時間尚算充裕，我刷完牙之後就嗱嗱臨去洗頭沖涼。
吹完頭，我馬不停蹄咁換衫化妝夾頭。
十二點半，我準時到達咗餐廳。
我去到嘅時候，發現陳柏坤同江睿銘比我更加早就到咗。我一行到餐廳就見到佢哋坐咗喺近門口位置。
呢個時候，陳柏坤咁啱擰轉頭望咗出嚟。
佢見到我之後對我揮咗揮手。
江睿銘見到佢嘅動作，都擰咗過嚟望向我呢邊。
同佢視線相觸嗰刻，我覺得自己緊張到手汗都出埋。
我偷偷咁握咗一下拳頭為自己壯膽，然後表面平靜咁行咗去佢哋度。
「Hello。」我笑住同佢哋打招呼，然後坐咗喺佢哋對面。
「睇下想食咩啦。」陳柏坤遞咗塊餐牌俾我。
「好。」我自然咁接過。
到目前為止，我應該表現得幾正常掛！
推
好期待呀
牙腩寫得好好
牙腩寫得好好今日好早
是
謝謝你
推
入直路了
入直路了臨瞓有文睇 好開心
推
我終於知道點解咁多男女主角都係歡喜冤家喇，因為只有咁樣佢哋先至可以勁唔客氣咁同對方講嘢又唔會尷尬
而我仲on99諗緊點樣令男女主由少生疏變熟
而我仲on99諗緊點樣令男女主由少生疏變熟
其實現實都好似係咁
太客氣嗰啲會唔知點進一步，同埋會有啲悶
太客氣嗰啲會唔知點進一步，同埋會有啲悶
鬥慣嘴習慣對方存在 突然冇人同自己鬥嘴會唔慣 自然就會知對方有幾重要
是
7.
再過咗冇耐，Sharon都到咗。
我哋幾個好快就食完晏，然後一齊搭車去迪士尼。
我都數唔清自已嚟過呢度幾多次，迪士尼係我同以前嘅男朋友必嚟嘅地方嚟。我每次拍拖都會同對方至少嚟一次，可以話已經對呢度熟晒，瞇埋眼都知點行。
但因為江睿銘，我而家嘅心情仍然好雀躍，就好似我係第一次嚟嘅咁。
入到園，Sharon第一時間就話要玩蟻俠。
我哋其餘三人都冇乜意見，所以就任由佢帶領住我哋去到明日世界。
排隊嘅時候，我同Sharon係排埋一齊嘅，所以理論上應該會係我同佢坐埋同一卡。
但陳柏坤同Sharon呢兩隻小學雞由唔知幾時開始就喺度鬥嘴，又話對方廢、又話咩「射唔凖」之類。
結果陳柏坤順勢提出同Sharon一齊坐，話要同佢單挑。
於是最後就變咗陳柏坤同Sharon坐同一卡，我同江睿銘坐同一卡。
我哋兩個交換咗個心照不宣嘅眼神。
當然，其實我內心暗爽緊。
Sharon同陳柏坤呢場幼稚嘅比賽最後係以Sharon嘅勝利告終。
我哋兩pair人一前一後咁離開出口，向住iron man嘅方向走去。
「都話你射唔凖㗎啦！」
「屌你頭先係咁推我隻手嘅。」
前面嘅Sharon同陳柏坤仲係不停咁爭論緊。
「一係入去玩多轉囉，今次我唔搞你，等你輸得心服口服。」最後Sharon講。
「驚你呀？」陳柏坤即刻答，然後佢擰過嚟望向我同江睿銘：「我同佢入去再玩多次。」
話音剛落，未俾我哋任何反應嘅時間，佢就拉住Sharon走返轉頭，只留我同江睿銘喺原地面面相覷。
無言咁對望咗幾秒之後，江睿銘開口，話裏有着無奈嘅笑意：「我哋好似唔應該跟埋返去阻住佢哋。」
「係囉……」Sharon同陳柏坤呢兩個人嘅心思可以話係司馬昭之心路人皆知。
「咁我哋自己去iron man嗰度？」江睿銘提議。
「好！」我內心欣喜若狂。
估唔到咁快就有獨處嘅機會，真係要多謝嗰兩隻小學雞。
行緊去iron man嘅時候，我收到Sharon嘅message：「一陣我同陳柏坤玩完嚟匯合你哋？」
我好「體貼」咁拒絕咗：「唔使啦你哋慢慢二人世界啦」
佢覆咗個心心俾我，然後又講：「多謝bb 下次請你食飯！」
我好想叫佢唔使咁客氣，因為其實我都只係出於自己嘅私心。
之後我同江睿銘就去咗排隊，間唔中吹幾句水，氣氛和諧。
呢日唔係好多人，我哋好快就攞咗3D眼鏡，行去閘口等待入場。
喺閘口等緊嘅時候我已經迫不及待咁戴上眼鏡。
我左望右望，扮自己去緊旅行，當正副3D眼鏡係太陽眼鏡咁。
平時我同friend嚟都會咁玩，仲會瘋狂自拍。
當然我而家唔會無端端拉住江睿銘自拍啦。
江睿銘見我戴咗眼鏡，又有樣學樣咁跟住我戴，嘴角帶笑。
佢嘅笑意令我面一紅，覺得自己啱啱咁樣好似太低B，所以又除低咗眼鏡攞喺手中。
但江睿銘仍然戴住副眼鏡笑住望我。
我咬唇，諗咗諗之後直接伸手過去，想除咗佢副眼鏡。
我本身以為佢會阻止我。點知佢避都冇避，甚至微微彎腰靠近我配合我嘅高度，等我除得容易啲。
佢咁順從嘅態度搞到我猶豫咗一秒，不過我最後都係繼續我嘅動作。
最後佢副眼鏡被我輕易除咗落嚟。
眼鏡被攞落嚟嗰刻，江睿銘嘅眼眸瞬間失去遮擋，變得清晰可見。
佢維持住微微彎腰嘅動作。佢嘅影子籠罩住我，喺呢個距離下，我甚至睇到我身後頭頂嘅燈光反射咗喺佢雙眸，喺佢眸中忽隱忽現。
此情此景令我忍唔住窒咗窒。
咁樣好似有少少曖昧……
呢個時候，閘門打開咗。
江睿銘重新企直，我哋嘅距離重新被拉開。
壓迫感瞬間消失，我偷偷鬆咗一口氣。
工作人員示意大家入去艙內。
我即刻轉身行入去。
艙內燈光稍暗。
我趁江睿銘睇唔到，即刻用冰涼嘅手背貼住自己發熱嘅臉頰，幫助降溫。
再過咗冇耐，Sharon都到咗。
我哋幾個好快就食完晏，然後一齊搭車去迪士尼。
我都數唔清自已嚟過呢度幾多次，迪士尼係我同以前嘅男朋友必嚟嘅地方嚟。我每次拍拖都會同對方至少嚟一次，可以話已經對呢度熟晒，瞇埋眼都知點行。
但因為江睿銘，我而家嘅心情仍然好雀躍，就好似我係第一次嚟嘅咁。
入到園，Sharon第一時間就話要玩蟻俠。
我哋其餘三人都冇乜意見，所以就任由佢帶領住我哋去到明日世界。
排隊嘅時候，我同Sharon係排埋一齊嘅，所以理論上應該會係我同佢坐埋同一卡。
但陳柏坤同Sharon呢兩隻小學雞由唔知幾時開始就喺度鬥嘴，又話對方廢、又話咩「射唔凖」之類。
結果陳柏坤順勢提出同Sharon一齊坐，話要同佢單挑。
於是最後就變咗陳柏坤同Sharon坐同一卡，我同江睿銘坐同一卡。
我哋兩個交換咗個心照不宣嘅眼神。
當然，其實我內心暗爽緊。
Sharon同陳柏坤呢場幼稚嘅比賽最後係以Sharon嘅勝利告終。
我哋兩pair人一前一後咁離開出口，向住iron man嘅方向走去。
「都話你射唔凖㗎啦！」
「屌你頭先係咁推我隻手嘅。」
前面嘅Sharon同陳柏坤仲係不停咁爭論緊。
「一係入去玩多轉囉，今次我唔搞你，等你輸得心服口服。」最後Sharon講。
「驚你呀？」陳柏坤即刻答，然後佢擰過嚟望向我同江睿銘：「我同佢入去再玩多次。」
話音剛落，未俾我哋任何反應嘅時間，佢就拉住Sharon走返轉頭，只留我同江睿銘喺原地面面相覷。
無言咁對望咗幾秒之後，江睿銘開口，話裏有着無奈嘅笑意：「我哋好似唔應該跟埋返去阻住佢哋。」
「係囉……」Sharon同陳柏坤呢兩個人嘅心思可以話係司馬昭之心路人皆知。
「咁我哋自己去iron man嗰度？」江睿銘提議。
「好！」我內心欣喜若狂。
估唔到咁快就有獨處嘅機會，真係要多謝嗰兩隻小學雞。
行緊去iron man嘅時候，我收到Sharon嘅message：「一陣我同陳柏坤玩完嚟匯合你哋？」
我好「體貼」咁拒絕咗：「唔使啦你哋慢慢二人世界啦」
佢覆咗個心心俾我，然後又講：「多謝bb 下次請你食飯！」
我好想叫佢唔使咁客氣，因為其實我都只係出於自己嘅私心。
之後我同江睿銘就去咗排隊，間唔中吹幾句水，氣氛和諧。
呢日唔係好多人，我哋好快就攞咗3D眼鏡，行去閘口等待入場。
喺閘口等緊嘅時候我已經迫不及待咁戴上眼鏡。
我左望右望，扮自己去緊旅行，當正副3D眼鏡係太陽眼鏡咁。
平時我同friend嚟都會咁玩，仲會瘋狂自拍。
當然我而家唔會無端端拉住江睿銘自拍啦。
江睿銘見我戴咗眼鏡，又有樣學樣咁跟住我戴，嘴角帶笑。
佢嘅笑意令我面一紅，覺得自己啱啱咁樣好似太低B，所以又除低咗眼鏡攞喺手中。
但江睿銘仍然戴住副眼鏡笑住望我。
我咬唇，諗咗諗之後直接伸手過去，想除咗佢副眼鏡。
我本身以為佢會阻止我。點知佢避都冇避，甚至微微彎腰靠近我配合我嘅高度，等我除得容易啲。
佢咁順從嘅態度搞到我猶豫咗一秒，不過我最後都係繼續我嘅動作。
最後佢副眼鏡被我輕易除咗落嚟。
眼鏡被攞落嚟嗰刻，江睿銘嘅眼眸瞬間失去遮擋，變得清晰可見。
佢維持住微微彎腰嘅動作。佢嘅影子籠罩住我，喺呢個距離下，我甚至睇到我身後頭頂嘅燈光反射咗喺佢雙眸，喺佢眸中忽隱忽現。
此情此景令我忍唔住窒咗窒。
咁樣好似有少少曖昧……
呢個時候，閘門打開咗。
江睿銘重新企直，我哋嘅距離重新被拉開。
壓迫感瞬間消失，我偷偷鬆咗一口氣。
工作人員示意大家入去艙內。
我即刻轉身行入去。
艙內燈光稍暗。
我趁江睿銘睇唔到，即刻用冰涼嘅手背貼住自己發熱嘅臉頰，幫助降溫。
有文睇好幸福
諗住入嚟睇睇就瞓 點知有文
時間啱啱好
我諗應該唔只我一個會將蟻俠副3D眼鏡當太陽眼鏡戴喺個頭度 同friend一齊扮喺夏威夷度緊假？
腩b出文咁快嘅！
平時就串鳩我 出文就腩b 唔講啦