真正減肥大法

1. 唔係靠意志，係靠習慣
意志比盡你一個月，改變同建立唔到習慣你瘦50kg都始終會肥番

2. 你唔係去健美比賽，唔洗食水煮餐/絕食
減肥係降低卡路里攝取量，唔係食幾日難食嘅低卡野幻想自己會瘦就瘦到
係要思考點樣降低卡路里之餘又維持到，只要改變到習慣，得閒聚會食好啲唔會影響太大

3. 仔細計卡路里，之後再粗計
仔細計兩三個星期，大概知道平時食開嘅carbs/protein/oil份量同卡路里嘅關係，之後就可以捉到大概平衡

4. 諗下邊啲自己放得低邊啲放唔低
我唔太鍾意食甜野，所以完全戒都冇乜所謂，但煎炸野好鍾意食，所以會戒甜但有時都會食炸雞
除非你所有高卡野都放唔低（咁你收皮），否則應該根據自己喜好，捨棄一啲較易捨棄嘅高卡食物
減肥法同理，我不嬲唔食早餐，但唔鍾意戒carbs，咁就只skip早餐，可以戒carbs就試下短時間生酮

5. 當窮撚慳錢咁慳卡路里
同上面類似，不過每日大概要有條數計住，夜晚打邊爐晏就就食少啲，今日食好多，胃咩滿足咗聽日就應該可以忍多啲口

6. 條件許可就自己煮
自己煮一定最好，落少啲油多落勁多味道上唔大分別，但卡路里可以差幾倍
話做唔到嗰啲諗下係藉口定真係唔得，因為你點都會搵到啱自己口味而又易煮嘅食物

7. 搵alternatives
鍾意食煎炸野睇下氣炸過唔過到口癮，鍾意食雪糕試下轉有糖乳酪（無糖greek你肯定覺得好撚難食成盒擺到過期）
話無糖氣水難飲好多嗰啲繼續飲原味飲到300磅
口痕鍾意零食嘅搵啲冇咁高卡嘅零食（脆口就rice cake 口痕食紫菜 甜嘅轉代糖）

8. 唔洗做運動
肥西一有動力減肥就日日跑勁多再加食唔夠，食慾極強捱幾日就會捱唔到
等你識得正常減肥先再諗加入少量有氧同埋舉野，再諗下平時點增加消耗（行多啲樓梯etc）

講到尾都係減肥心態，忽然有動力絕食幾日覺得好辛苦就收皮再無限輪迴，只係比藉口證明自己食過，同埋證明食對你黎講重要過瘦
真正長減，唔洗兩個月已經見到變化，朋友見到讚你同埋上磅跌數就自然有動力繼續減，冇想像中咁難
你要拋棄嘅唔係世上所有好食嘅野，而係你依家想食咩就食咩唔識控制仲想身材好嘅妄想
咁樣都仲係減唔到咁其實你可以繼續食，因為食既然咁撚重要咁都冇計，咁不如大方接受，起碼你仲可以喺食之中搵到快樂，唔洗隔幾個月就辛苦自己仲要搞柒埋自己metabolism

另外就係好多傻西依然狂做帶氧完全唔做重訓
完全唔理解人體消耗卡路里最大部分係基礎代謝，要靠重訓增加肌肉去提升
而唔係額外活動量導致嘅消耗

但我淨係做帶氧加控制飲食減咗30kg點睇

你減到自己舒服咪得囉
只係話你知做埋負重會仲好啲

去到某個階段重訓係必須 因為關乎到身材同tdee
一係你本身好撚肥 一係你遲啲會肥番 一係你遲啲都會走去做gym

Calories in calories out

最大問題好多人想快
唔好講三個月
一個月都好多人堅持唔到

年幾無肥返，已經習慣咗嗰個食糧，而家比減嗰時可能食多少少咁上下囉

咁姐係你對身材要求唔高，唔肥就得
咁對你黎講行得通咪繼續，已經好過其他肥西，但唔代表重訓唔重要

標題講減肥，見人講做帶氧傻閪分享返啫
係人都知重訓對身形好、會提升基礎代謝啦
想講返帶氧對減肥係有用啫，況且唔係人人都鐘意做重訓

度過體脂屬於正常偏高，個肚真係好難減

減到30kg即係本身都好撚肥下啦，咁本身咁重，BMR一定好高啦，要做到calorie deficit相對容易嘅

不過你要分清楚減肥同減磅...冇錯你係減左磅，有calorie deficit呀ma
但你要睇埋自己體脂率跌左幾多
計下自己減嘅磅數，燒左嘅幾多係muscle幾多係fat
然後睇下自己基礎代謝率跌剩幾多

狂做帶氧同節食可以一開始減到磅數嘅，短時間內係會出現calorie deficit, 自然磅數會減
但主要係脫水同減肌囉，個人短時間睇落會薄左嘅
但可能減緊嘅係5成係水,3成係肌,2成係脂肪啦
但唔會sustain得耐，咁樣減其實不停燒肌肉，身形唔會好睇，個人睇落愈黎愈“林”，之後仲可能進入“skinny fat”
而且BMR一直咁跌，你冇可能不停咁cut食量又同時不停咁提升帶氧運動量, 去maintain個calorie deficit
it's simple mathematics
咁落去只係等待磅數反彈嘅一日，到時你已經冇足夠嘅肌肉量去做有效嘅重訓

咁淨係飲食控制都減到啦

依家朝朝返工前抽時間做重訓
希望會變成習慣
依期冇左WFH, 飲食又要重新調整過, 冇得自己整

你話點咪點囉，係呀帶氧垃圾嚟㗎

你話點咪點囉，係呀無氧垃圾嚟㗎

重訓係會做上癮所以係比較易建立習慣（除咗做腳）
飲食就算外賣都應該可以慢慢搵到減到肥嘅選擇
就算譚仔都可以清湯雞肉加菜
加油

你唔記得換ac
點解減肥post都要自己同自己嘈

本身bmi 22.x，半年都減左30kg，係好爽但身心無得救都係正正路路慢慢減好

本身bmi 22.x，半年減左30kg
借問聲幾高幾重

眼殘自膠

你要拋棄嘅唔係世上所有好食嘅野，而係你依家想食咩就食咩唔識控制仲想身材好嘅妄想
不過真係好羨慕有啲人食極唔肥

我唔信有人會食極唔肥 好多人其實都係望落食好多但可能好快飽 或者出街食先食得多野
英國好似有套片研究所謂食極唔肥嘅人 全部都有原因 （唔食早餐/平時食好少/做好多運動etc）
不過點都係有人易肥啲

無講過重訓無用喎，兩種都有佢作用
但將其中一種當做宗教就戇鳩啦

第一句係認同樓主要將減肥變為習慣

但係你講到咁撚複雜又得閒拋幾句英文出嚟講一大段理論又乜撚野做重訓

係人都知減肥要做帶氧運動，控制飲食，戒甜野做呢三樣野其實已經夠

樓上有人講淨做帶氧運動減到30KG，你就成隻癲狗咁好唔似抵得人推返哂你啲理論

搵食都唔係做到咁on9啦清

除非你想練大隻就可能要計哂數，你打咁大篇野又要計咁多野，好多人都淨係想Keep住跑吓步做帶氧運動乜都唔諗，有成果就自然會Keep架啦