文師兄的確係自己決定離開故事,大家見一開始我專登寫「安倍明理事件」,一直唔講真名既文師兄,無啦啦附近有魔力流動既文師兄,完美魔偶—康台長二世,身為書靈術師使又識鍊金術魔偶術咁…無錯,我本身已經寫好左,文師兄會係北斗會館大戰獵戶座天文台一幕自爆
然後留低阿七
直到終戰,先變成魂具出黎幫手(JEAN既所有出場都係提醒返讀者有魂具呢回事)。直到呢度都係我既計劃之內。其實同一個角色有兩個專屬表演時刻已經好夠(又稱高光時刻)。仲要兩個都係喊爆既場面,我本身對呢個角色既描寫已經完
由當初孤伶伶一個人既安倍哲也,到創造出明理,明理誤傷人類,文師兄單挑全個伏見稻荷大社,最後得到明理個句「唔好為我變成咁」,先回復佢既本性變成文師兄,創造出康台長二世然後成為第七期,犧牲變成魂具。
呢個時候,可能係我,可能係文師兄,我心入面突然出現一個「點解唔真係完左係呢度呢?」既問題。文師兄以魂具再現個下呢個問題已經變到無法忽視,文師兄不斷同我討論呢個問題,係好完整呀,但係如果咁樣落去,文師兄可以係魔法師III之中再出場,就算唔出場,佢只要存在,世界再變化都會影響到佢
文師兄是否於第二集中退場,成為我寫結局既一大掙扎,於是我留下左文師兄回避問題既伏筆,亦專登寫左成佢同明理唔同奏,佢兩個係無實體
隨住進度推進,文師兄都係同我講,係度完左係好D,完整,完滿,安倍哲也同安倍明理從此退場,雖然無得係第三集出場,但係角色完美咁落幕。
所以掙扎位就係文師兄係第三集出場VS文師兄就此退場,同佢傾左一陣,諗過度過,最後我同佢既決定就係大家睇到既咁:文師兄係第二集退場。
係第二集登場,係第二集退場,完整咁完成成個角色曲線,雖然無得再見佢出場同阿七廢UP,但係完整好緊要,一個好既結局,終點,好好好重要,無論電影系列(星戰,DCEU),甚至遊戲(刺客教條),甚至最近既Vtuber 被引退我都明白到,一個完美既落幕好重要,就好似晨月所講,萬物有始就要有終,一個好既終點先令成個旅程變得完整,完滿,有意義,否則總有一日件事會使我地唔希望既方式完結。
"Nothing Lasts Forever "
由其由命運將我地擊落,倒不如自己好好咁完左佢。
我當然鐘意文師兄呢個角色,強大,專一,啟發身邊既人,正因為佢係咁美好,更要係度完左佢,對佢依依不捨帶入第三集,可能我寫衰左第三集,可能我有咩意外寫唔出第三集都有可能,所以佢即使美好,即使我鐘意,我同文師兄都決定係度完左佢既故事,令佢係登場既一集中退場,係一個故事中睇到文師兄既一生同始末,我自己其實幾滿意
特別係搞喊大家方面,你地愈喊作者愈開心,因為傳遞到我既諗法
希望大家明白呢個安排背後既思量,而我亦係最憎MARVEL個種死完又復活又死又復活個種,角色死亡既重量唔應該輕易被推翻,文師兄變成魂具一陣已經係超規格既待遇。
一路好走,文師兄,阿七阿仁芷瑜佢地會幫你走落去