［結局］【職業魔法師ＩＩ：神威破滅．獵戶座的終末勘星者】

仲load緊獅子狗係俾邊個指使

試煉，好似係

無直接講
但佢體內既魔力傳送門係真．康天賜俾既

真康天賜仲未岀場

回憶入面算唔算
我印象中預告之類既野出過場
唔重要

以為佢會係宋校長後嘅final boss

無可奉告
直接問ＢＯＳＳ身份點答

我留名睇

失敗左

霹靂一閃 神速

我覺得唔會係，真康天賜自覺係天才，都係放棄獵戶座走，去做其他野啫，就算支持過施子雄，最多都係施子雄打骰，唔比外人攪香港魔法界，宋校長成功，真康天賜都唔會信真神必然係好掛，嚟個消滅人類，佢都抵抗唔到。
不過真係唔知係邊個final boss，香港魔法師內諗唔到

今晚有冇

有

我決定今日早文

警告：是日連載含有可能令人不安，反感之圖片，請做好心理準備或關閉圖片顯示

警告：是日連載含有可能令人不安，反感之圖片，請做好心理準備或關閉圖片顯示

警告：是日連載含有可能令人不安，反感之圖片，請做好心理準備或關閉圖片顯示

聲音之後，出現的是畫面。

甚至連血的溫度，焚燒屍體發出的惡臭也栩栩如生。

「１２３４年，蔡洲之戰，金朝滅亡，過程中，蒙古人屠殺女真５００萬人。」穿著白衣的小女孩領著我走過自縊的男人面前。



「１９１７年，亞美尼亞種族滅絕，鄂圖曼帝國以驅逐為名屠殺１８０萬亞美尼亞人。」河面滿佈屍體，蒼蠅伏在被強姦後的女人眼珠上，幼發拉底河因為屍體而傳出劇臭。







「納粹大屠殺，死者６００萬人；三年大飢荒，死者１５００萬人；文化大革命，死者２０００萬人，紅色高棉大屠殺，死者２００萬人；盧旺達大屠殺，死者３００萬人……」

走過屍山血河，走過頹垣敗瓦，白衣女孩冷眼看著我，我抱頭跪在地上抖震。

是的，這些事我全部知道。

「最後。」

「隆………」



巨大的蘑菇雲升起，前如未見的強光燒燬了一切，視野內萬物都起火焚燒。男生抱住自己的妹妹倒地，但馬上整個人活生生自焚熔化，起火的皮肉黏到女孩身上。

「廣島原爆，彈指之間，１６６萬條生命灰飛煙滅。」白衣女孩嘆氣說，「呢個就係失去諸神既世界。」

女孩轉身看著衝天而起的蘑菇雲嘆氣說，「行惡者再無報應，握權者無需忌諱任何存在，一個狂人誕生，要動員半個地球既國家軍隊，犧牲無數人無數生命，無數夢想無數人生先可以制止。」

地上的飛蛾倒地，原爆下翅膀起火的牠不知道是否滿足了撲火的夙願？

「何等可悲。」白衣女孩說。

接著風景又改變了。

「聖士堤反書院」，那邊的牌子這樣寫著。

那些屍首，那邊扔於地上的軍刀，那個跪在學生屍首前的男人，這是日佔香港的聖士堤反大屠殺。

「班畜生…班畜生…！！」

那個跪地的男人，是宋校長。

「你就咁望住呢一切發生?！」
「你就咁望住咩都唔做？！」
「你又話你愛世人？！甚至將你的獨生子賜給他們？！！？」
「你做過Ｄ咩黎啊？！？？！」

宋校長向彩繪玻璃窗怒吼，玻璃窗上畫著救世主向民眾講道的畫面。

「佢地本來每個人…每個人都可以大有作為…每個人都……對唔住…係校長對你地唔住…」

他很有畫畫天分，也許會成為畫家。
他課餘時間會和自己討論數學，也許能成為數學家。
他對天文很有興趣，聖誕打算送他一個天文望遠鏡。
他跑起來比起校工的單車還要快，拿得香港第一塊奧運金牌也不意外。

現在只剩下血淋淋，肢離破碎的屍體。

死不瞑目。

宋校長哭著跪於被侵略者殘殺的學生屍首前，一時間只有中年男人的悲哭聲在牆壁之間回響。

然後—

「砰啦！！」

宋校長執起軍刀憤然一擲，軍刀擊碎玻璃上的畫像，講道的救世主化成玻璃碎片散落一地：「你唔配做神！！你唔配！！世界上，世界上一定要有人，有一個存在黎阻止呢班仆街…唔只佢地…係阻止所有呢種仆街！！」

那日死去的，還有昔日和藹可親的宋校長。

真神對我說：「明白未？范普仁。」

「……」

「屠殺，戰爭，從來都是係強者發動，因為佢地知道所有因果報應，道德約束，善惡審判都係假既，只要有無上既武力，權力，其他人無法反抗就可以為所欲為。」真神說，「宋校長先係正確，你地呢班魔法師先係真正既反派。」

「你講既歷史，我無打算亦無資格否認。」我反問，「所以我地應該接受一個無限神威既真神黎統治我地？」

「……」

真神彈一個響指。

好冷?！

「呢度唔係過去，係現在。」真神說，「俄羅斯已經係烏克蘭東面集結，隨時準備揮軍進攻，一但開戰，生靈塗炭，如果事態惡化就會係第三次世界大戰。」

寒風凜冽，一堆身穿俄羅斯軍服的彪形大漢手執步槍走過，軍車在雪中捲起沙塵，樹林只有樹枝在寒風中搖晃，沒有一絲生氣，只有鋼鐵的冰冷和汽油的臭味。

「世界上除左我，無勢力可以阻止到俄羅斯開戰，但我既神代氾濫覆蓋到過去，一瞬間我就可以令所有士兵沉睡，所有武器無力化，無任何人會傷亡。」

士兵們看不到我與真神，但我與真神卻可以看著他們正在擦拭步槍，為裝甲坦克進行補給準備出擊。

「你明唔明你地係幾可笑？范普仁，你竟然想制止我既臨世……你知唔知烏克蘭有幾多人向佢地所信既神祈禱，求神阻止戰爭，求神拯救佢地？」

一瞬間耳邊炸開，無數的低語聲傳入腦袋，雖然是我聽不明白的語言，但我卻明白了其此意思，即使不明白意思，飲泣聲也滲透著她們的無助和絕望。

［主啊，求你垂憐我既屋企人］［神啊，你係邊度?］［主耶穌救你賜予和平］［萬福瑪麗亞，求你轉禱，為我既祖國帶來力量…］

「世人同弱小者都希望有神拯救，只有暴虐無道既強者先唔希望見到神明降下天罰，范普仁，你明明都係弱者，點解你要用朗基努斯炮炸我？莫非你想助紂為虐？」

「點解你唔想我抹消世界上所有既不幸，所有既絕望，所有既死亡？」

「你地有咩理由反抗我既臨世？」

「凡人，你憑咩感到自豪？」

面對真神的逼問，我沒法回答。

雖說我常說歷史是乞食科，但我那時還是挺用心讀書。

因此我知道真神說得完全正確，衪沒有用神威，神權使我折服，而是向我展示了我早知道，卻視而不見的歷史。

但是…但是我不甘心。

我不甘心我們以後要永遠地被一個無敵真神統治。

自由與安全的對立，連真神也解決不了嗎。

「咁如果有一日你變成邪神，無任何能力反擊既人類可以點？」我無力地反問。

「我乃全善之神，唔存在變壞既可能性。」真神說，「只要大部分人類嚮往美好，善良，正義，我既神性就會回應呢種集團願望。」

「…佢地都以為自己係為正義而戰啊。」我指指附近的俄羅斯軍隊。

「你想講咩。」

「我問你，俄羅斯國力同烏克蘭相比好強大係咪？打起上黎根本無得打，監硬打仲會有死傷係咪？就好似我地凡人面對你咁。」我問。

「無錯。」

「既然係咁，烏克蘭係咪應該即刻投降，恭迎俄羅斯入城？」

「…係。」真神說，「咁樣就唔會有人命傷亡，事實上被俄羅斯統治，呢度大部分人既生活質素都會變好。」

「哈。」

「嗯？」

「哈哈，哈哈哈哈！真神，我知道你既弱點係邊度！！」

「…我並無弱點！我係統合人世所有神性既存在，真正行走於人間既活神！」真神向我說，這大聲叫囂的樣子就像個發脾氣的小女生一樣。

突然間，景象收縮成一點，我被彈飛回現實世界，伽俐略車上。

「嗚…頭好暈…」

「阿仁！你見點！？」千雪說，「可柔話你暈左！釋迦牟彌賽亞拉…只係自報真名就咁大影響？！」

「唔…你地只聽到佢講自己真名？」

「你仲聽到其他野？」晨月問。

我轉頭看看四周，晨月正扶著我，似乎只有我一個人倒下了，是因為由我按掣炮擊真神才被祂特別招呼嗎？

「聽到，同睇到…」我呆然說。

「真神既強制傳心太大影響。」千雪道，「好在我幫佢解左咒。」

「你真係無事？阿仁…」

「無事呀傻瓜。」我輕拍晨月的頭說，「我訓左幾耐?」

「３０秒。」晨月說。

「３０秒你就搵解咒師?」

「阿仁你係麻瓜，仲要岩岩用完朗基努斯炮，然後仲要突然暈左，你竟然話返我轉頭…嗚…」晨女委屈地扁著嘴說。

「…唔…唔係啦，好啦…我唔岩，依加情況點？」

「真神既神性反應消失左一秒就重現，神代氾濫無停止，觀測到會長同宋校長既生命反應。」阿七走到我旁邊說。

「所以…朗基努斯炮無用。」

果然這種遠程開炮的作弊式「使用」過不了關。

「唔係無用。」可柔在遠處休息，雙眼被熱毛巾覆蓋，「雖然只係消失一秒，但已經證明聖槍起左作用，佢並非絕對無敵。」

「……」

之前說過，要靠聖槍弒神。

會長為了我不被聖槍殺死，才花這樣多時間，人力物力鑄造朗基努斯炮。

但萬一沒效就要靠我去拿起聖槍，親手弒神…但這也代表著我的死亡。

所以，我們現在…

「我會去殺死真神，阻止神代氾濫。」晨月說，「身為大死神，無野我係殺唔死。」

晨月握住死神之鐮，凝視千本鳥居後正洶湧氾濫的神代。

結局篇ＩＩＩ：神代氾濫．真神釋迦牟彌賽阿拉

完

結局篇ＩＶ：未諗

當我無講過減文
但真係唔可以夜訓落去

本身既圖係BAN圖級,諗諗下都係算

咁早就有文 多謝