［結局］【職業魔法師ＩＩ：神威破滅．獵戶座的終末勘星者】

樓主諗住點回應真神

真神挽哂啦

咁我都好想知讀者點睇既
你想唔想全人類被一個真神永遠統治？定係人類就係世界主宰但繼續咁打黎打去殺黎殺去？

有未

星期日抖抖先

估唔到個故可能爛尾既原因係核戰
睇下我寫得快定核彈飛得快

冚球鏟（物理）

視黎有咩用
佢要玩核既我地除左等死都做唔到咩
Dont Look up 啦

聽日繼續等文

我嘅訴求就係睇文

結局篇ＩＶ： 強襲神代．世人的不可為而為之

晨月竟然說要由她來殺死真神。

「我唔會俾你去，晨月！」我捉住她的手說，「我唔理你殺唔殺得死，咁危險我點會俾你去？你望下千本鳥居後面，唔可以去！」

「……除左聖槍之外，大死神的確係擊殺真神既最大希望。」

可柔…你在說甚麼…

「大死神既權能，包括時間權能，你見過破滅之相係點樣？就係將時間強置到毀滅既一刻。」

可柔，你…你為甚麼要做樣說…

「時間之神—柯羅諾斯（Chronus），本來就代表死亡既概念，而死神手上既鐮刀，只係因為同死神讀音相近既「豐收之神」克洛諾斯（Cronus）而黎，兩者框念揉合起黎，就變成手執死神鐮既死亡之神。」

可柔你在做甚麼…

但沒想到連晨月也是這樣。

「即使係本來唔存在終結既既目標，但因為被我斬中，因果上就存在終結。然後我再行使時間神＝死神既權能，將目標既現在定義為終結一刻，就可以將目標破壞……」

「晨月，我唔想知，總之我唔想你去做Ｄ咁危險既事！」

可柔卻說：「依加我地只剩返晨月呢個希望，如果唔由佢去殺死真神…」

「收嗲啦！！係度推晨月去死！邊個知入左神代之後會點？！」我激動地站起來，「叫人去死你就叻！你自己唔去？！正一冷氣軍師！！」

可柔先是一愣，然後緩緩低頭，即使熱毛巾蓋著眼睛也看得出她心裡受傷了。

「喂，阿仁，你唔好咁樣講野好喎！可柔都係講事實啫！」呀蘇說。

「你點可以咁鬧佢！？可柔佢都唔想！！」

一時沖口而出了。

但是…但是…

「唔通我要點呀？！好呀，我地一於由晨月去死啦咁呀？！阿七你唔好成日係度扮文師兄！你唔係佢，你永遠都做唔到佢！！」

阿七氣到差點昏掉，因為被我說中了他的心態：「范普仁！你…你！！」

「咁晨月佢呢？唔通佢話好呀，一於由你去拎聖槍同真神同歸於盡啦咁呀？！」呀蘇怒道，「佢就係愛你先寧願拎自己條命黎搞飛！」

「我…我夠知…」

一陣腳步聲從車尾傳來，卻出現兩個人，那是因為二人一致相同的步伐。

「換句話說，只要由晨月進入神代而可以確保佢既安全就無問題啦？」

詩珮姊妹從車尾登上伽利略。

「詩珮…」

「阿仁，隻手好返未呀？嗯，睇黎Ｄ藥有用。」詩珮一左一右捉起我的雙手察看，完全不怕我正在生氣。

「原來係你地…咦，等陣，咁即係你地係晝星既人…施子雄既人？！」

「依加我地係邊一邊既人，重要咩？」

詩珮問。

「如果硬係要話，我地係第七期既人。」她們說，「你地又鬧交啦？」

「唔好掂阿仁！」

晨月一手拍開二人，擋在我與詩珮之間，眼中卻滿是警戒，始終詩珮那時幫宋校長毒死了恩奇都。

「…嗯，都係既。」詩珮說，「但如果你地真係要進入神代，我地晝星已經準備左方法。」

「方法…？」

「嗯，係神代之內，神權高於一切，換句話說諸神既加護愈多，人就愈安全，可柔。」

看回第七期的成員，擁有神權的只有晨月身上的柯羅諾斯（Chronus）和克洛諾斯（Cronus），硬要說…詩珮也有六耳獼猴的加護，阿七，芷瑜算有庫瑪麗的護佑，剩下甚麼也沒有的就是我，Carla和呀蘇吧。

「但係，我地可以用法寶補足。」詩珮說，「施隊長除左請齋王閣下黎發動千本鳥居，佢仲準備左御守，係千本鳥居後既世界被定義為日本神代，日式御守係最有用，齋王乃係日本皇室既侍神代表，我諗應該無比起佢製作既御守更強力？」

詩佩亮出幾個精美的御守。

這聽起來…可行。

「由晨月帶住御守突入神代，然後擊殺真神。」詩珮說，「咁樣就無問題喇？你又係，阿仁，點可以咁樣同可柔講野？仲有阿七。」

詩珮輕彈我額頭一記：「快Ｄ同佢地道歉。」

「下…但佢地頭先竟然話…」我不依。

「阿仁？」詩珮瞪住我說。

「…嗯…對唔住，可柔，阿七…我頭先激動左少少…Ｓｏｒ鳩.。。.」

一如以往，詩珮可以協調我們第七期的人，有她在即使吵架也不會太激烈。

「唔緊要喇。」可柔揮揮手說。

唉，找天請她吃飯吧。

「好，咁就交俾我。」晨月接過御守，「我會殺佢佢。」

「要去一齊去。」我也拿過一個御守。

「嗄？！」

萬一晨月犧牲，我便拿起聖槍捅死真神，然後與晨月於彼岸團聚——我那時抱住這種想法。

但是我沒有說出來。

「既然係咁。」Carla走過來，「我諗我地全部都會去架啦？」

那時我才注意到準備好的御守剛好是十一個。

第七期永遠也是十一人。

「你地…去黎做咩？喂唔好啦，有御守都唔代表１００％安全，你地…」我慌張起來。

「可柔，你留低支援我地。」呀蘇拿過御守。

「嗯，佢身體咁，的確唔可以一齊黎。」阿七拿起御守，掛到剛剛背到身上熟悉的斜肩袋上。

「反正我地應承過會去救庫瑪麗。」芷瑜拿起御守掛到裙子上。

「……如果你地唔介意，我地都想一齊黎。」詩珮把最後兩個御守掛上身上，然後把博士和文師兄的御守掛到角落處我們合照的相框角落。

大家彼此點點頭，沒人提出異議。

那麼—

「我地出發，敵人係真神！」

就在這時，外頭傳來一陣尖叫聲。

「仆街！！頂唔住啦！！」

才一回到夜色中，可以看到一些千本鳥居已經崩潰！神代從這些缺口氾濫而出，污血，蒼蠅，蝗蟲穿過倒塌的鳥居湧向外頭，人們驚呼著逃跑，但同時也有魔法逆向跑往缺堤處！

「結界張開！！」

「吾名為——！」

崩潰的千本鳥居由魔法師們取代，由自身的法力擋住氾濫成災的神代，但這樣子下去連日出也撐不到！

「呢邊係伽利略，大家聽唔聽到？」可柔的聲音從耳機傳來。

「聽到。」

「神代開始進一步氾濫，我呢邊睇到真神正向山下緩慢移動，佢移動既方向有更多鳥居倒塌！施壓方向同佢進擊方向一致！」

天上有更多鳥居飛來補充缺口，但是這密度遠不及倒塌來得快，只能靠世界各地的魔法師撐住！

「下定左決心啊？第七期。」正在齋王身邊輔助她定位鳥居的施子雄說。

「…我唔知御守可以抵抗神代氾濫幾耐，你地行動要快，ご武运を！（祝武運昌隆）」

「多謝你，齋王小姐！」

「小姐啊…」齋王笑了笑，咦我說錯了嗎？

「有餘力既人過黎！！幫第七期打開進入神代既通道，齋王閣下，請你配合我地打開個鳥居！等陣我地負責撐住防線，直到第七期成功弒神為止！」施子雄指揮。

「了解！」

尼泊爾的僧侶，京都的齋王，梵諦岡的神父，倫敦的巫師全部集結於我們周圍。

「準備好啦嘛，晨月。」我壓下聲線問。

「有大家係度，我唔驚。」晨月輕揉我手背說。

這就是終局，攔截神代的決戰。

「開始喇！」

神父使出聖座神淨，鳥居後的一小片神代瞬間消失！巫師召來圓桌騎士的英魂，似有還無的騎士身影舉起盾牌包圍著我們把我們護住！梵文組成的法輪在我們腳下流轉，法輪轉動捲起清風使我們覺得身體更加輕盈！

「以齋王之名打開聖域！自豐葦原中國宣之，稟告天照大神在上—」齋王雙目如雷，「此乃救世之戰！！八百萬神，八百萬神，請與吾等勇士同行！！」

神居突然間放出陽光，在黑夜之中耀目卻不刺眼！

「出發！！」

穿過鳥居，我們身處的正是神代。

腰間的御守正在發燙，呼吸有點困難，這兒明明還是平地我卻感到好像高山反應發作似的，但我們還活著。

身後的鳥居已經再無光輝，從這邊望回去竟然還看不到神代以外的景色，聲音也被隔絕，通訊亦然，整個世界好像只剩下我們幾人似的。

晨月既死神概念解釋
係複雜，唔明都唔緊要唔影響閱讀，我只想試圖解釋

目標未來本身係無死相，之所以會出現死相，係因為被晨月揮刀
而晨月揮刀引致既死相並非憑空出現，而係因為晨月揮刀先會出現
一種被稱為「套娃」既概念

１。玻璃杯本身永遠不碎（永生）
２。晨月對其揮刀，召喚未來而來既「死相」
３。「死相」套用至玻璃杯，玻璃杯進入「死相」而死亡
４。已經死亡的玻璃杯，現在的樣子（死相）被過去的晨月召喚至２，引致３，促成４

所以果＝因　只要被晨月揮刀，玻璃杯必死

屌自己都講到１９９９９９
希望你地明　我當時同常眠都解釋左好耐

果＝因，因＝果　希望你地明　雖然唔係重要

結局篇ＩＶ： 強襲神代．世人的不可為而為之

將會係最後既結局篇

我明

我既訴求係出文

唔重要：是次連載完結後會開始於penana上連載

暫時計劃係魔法師ＩＩ連載結束後先將舊故扔上去摸熟功能

畢竟我成日有ＣＧ配圖，配樂，文字效果咁

學識用後下個故將會連登／penana同步連載，對大家無任何影響

故事會係完全一模一樣既內容，不過連登我可以一個個讀者覆，多謝支持

下個故聽講係末日3

唔係

定全新故

全新 下個係輕鬆故 同之前D故完個時講既一樣

阿仁都幾婆媽
明明係佢怕死 晨月先話自己上 第7期先附和
自己自私仲要鬧其他人

睇住D 圖同俄羅斯既新聞
有少少俾真神說服

即係死神可以倒果為因 強行賦予未來必死
所以現在必死 有冇理解錯