(真倉實戰)TQQQ/UPRO 信號配置(2)

假如一開始initial investment = usd10000，之後係咪每季做rebalance 加入金，入金全部都係係季結到做，同埋全部入晒去bond如果唔hold cash ?

係

想問下洪巴如果股價跌30%，但係未到供款日，你會唔會加注

早晨巴打，唔會，一切跟計劃而行

我地唔會time the market

upro試過一期內跌12%，再期跌37%，3個月內跌左49%

我們都只會跟計劃而行

Thx 洪巴揸緊個信念

呢d正常波動啫

所以我點解反對全倉就係咁解


-由於我們核心思想係不去預測市場走勢,只對每期價格變動做適當反應，利用定期進場並係隨機性波動中獲利,等待均值回歸!!


但TQQQ/UPRO仍然會係每期之間交易日劇烈波動。我們唔會理會未到期時當中既波動 , 所有買賣動作只會堅持係1.3.5.7.9.11呢六期既第一個交易日調整


所以嚴守紀律 , 保持耐性將係最關鍵，因為過度情緒化的投資者可能會在錯誤的時間決定退出。例如突然其來黑天鵝消息 20年2月時 在信號配置期間 疫情傳到美國擴散 此時我們還在等待3月調整 , 恐懼永遠不會等你準備好賣出股票才來 , 此時好多人都鱷魚理論 , 斷臂求生...


-所以雖然呢個配置方法對收穫利潤、鎖定復甦等方面都有指引，但有時市場波動會嚴重打擊它 , 係30%規則啟動時要求你買入股票亦可能市場恐慌性拋售攪到你猶豫不決!!但請保持耐性.冷靜,並相信指數永遠不會結束

要睇個人風險承受力，我個人認為自己年紀大受不了，所以我冇做


-傳統資產配置 , mdd會比信號配置較少 , 因每周期都維持40%比例,但反擊力卻因rebalance而限制40% ratio , 只靠多於40%+的ratio 去rebalance到另一邊資產上 , 所以能對沖到多少tqqq/upro幅度做到風險平均係靠你買的負相關資產獲利能力.(這裡只談3X ETF)

TMF波動亦可能會受加息周期,通漲問題等等相關新聞消息刺激.作為一個需要嚴守紀律長期執行計劃 , 有可能需要面對一定壓力 , 需要有較高既個人風險承受力 , 但投資心理行為表明 , 投資者永遠高估自己持貨能力 , 當兩邊資產都係3倍摃桿 , 相應承受風險亦不低 , 且低息環境未來可能會改變 , 雖然溫和加息 , 未必影響TMF獲利 , 而且信號配置表明配搭TMF獲利比其他債劵獲利高 , 但我了解自已風險能力 , 暫時 我是不會選擇TMF (註:因為我年紀已不輕) , 當然TMF好處係股市下趺時會提供到足夠保護力.(註:並非絕對)例如武肺時期TMF提供的保護力相當令人驚喜 

係，我們核心思想係不去預測市場走勢,只對每期價格變動做適當反應，利用定期進場並係隨機性波動中布局 , 等待均值回歸!!

所以未到期，我只會繼續觀望住

其實買UPRO/TQQQ，係咪都係因為基於「指數從來未輸過，最終會破頂，美國佬會搞掂」呢個假設？

信號配置係中長期計劃

正因為你買入的是指數!!而且係世界性指數 ,

而UPRO/TQQQ 對應的VOO / QQQ的指數入面都是一流企業.世界級企業,其觸手遍及全球
大部份行業!!(不作細數)  正如連登潮文所講 " 信自已不如信美國佬金融霸權"

#TQQQ潮文(原版為VOO)雖然感覺玩膠及粗魯 , 但其實言骸意簡 , 一語中的 , 化繁為簡 


潮文核心思想
-因為當你清楚了解到投資本質簡單到就係參與世界級一流企業 發展 , 讓世界一流企業家為你既錢工作 ,而指數更免除複雜既選股 , 降低投資單一個股風險

而且利用LETF去提高獲利 , 配合資產配置/信號配置 , 分散系統性風險 , 將你財自時間提早 , 而你只需要保持簡單 , 不去猜測市場 , 克服情緒 , 若果你能看清投資本質 , 自然會產生定見 , 有正確對待股市的觀念 , 自然對股價波動會有另一番體會 

新事物唔係太多人接受到，實踐係檢驗真理唯一標準，所以我先真倉實戰

既然真倉，就要承受風險，我自己受唔到就冇用tqqq tmf

但係年輕又覺得受到，可以

上年Tqqq/upro 都有接近78%既return，我當今年個市冇之前咁勁，又收水，加息。

如果有20-30%return，中間硬食d volatility decay，都已經好正，最重要係敢買，跌就加倉，長遠就fat fat

係，保持簡單就好

-信號配置就係要盡量去移除投資者既fomo ，降低壓力

-低買先有效降低decay

而且定期進場無視中間volatility，成績反而更好

最怕係有極端黑天鵝姐，不過美國佬有circuit break強停

所以永遠有準備囉

如果個倉淨係得tqqq
想試玩呢個6:4 方法
係咪要補返40% 債券先開始？

係