[SPQR]開坑講下羅馬帝國衰亡史

雅各賓派 · 2017-06-06T15:33:36+08:00

上一個post講述由羅馬建城直到奧斯古都建立羅馬帝國： https://lihkg.com/thread/52051/page/1 小弟既facebook page: https://www.facebook.com/desjacobins 第一章：Pax Romanica既結束同新紀元既開始公元4年第一公民奧古斯都係羅馬在位第三十一年，困擾羅馬長達百年既内戰同軍人統治循環得以結束，羅馬人民得以安享平靜既三十年。來自希臘，近東，埃及，地中海以至安息王朝既財富源源不絕地透過貿易流入羅馬，奧古斯都甚至自誇一座塼城在他的手裏面變成了大理石的城市。係新興建既角斗場上面，每日上演住奴隸既決鬥來取悅由世界各地來臨羅馬既群衆，羅馬市民係慶典上享受住免費派發既麵包，過去佔據羅馬街頭既貧民幾乎徹底絕跡，取而代之既係步伐齊整既禁衛軍巡邏住羅馬既街道。係十五年前，羅馬大軍係尼祿·克勞狄·德魯蘇斯既帶領下越過盧比亞河進入萊恩河北岸，日耳曼部落斯坎佈利人臣服於羅馬既軍旗下。對比起羅馬甚至高盧而言，日耳曼既社會制度非常原始，由於糧食缺乏同日耳曼尼亞嚴酷既生存環境，日耳曼人無辦法建立大型城鎮，他們只擁有以幾百人為中心的定居點，以部落既形式生存。原居斯堪的那維亞半島一帶既日耳曼人因爲氣候轉變而開始移入日德蘭半島同易北河一帶，再進入萊恩河東岸，係馬略時期，一支叫做辛布里人既日耳曼部落率先進入羅馬，並且係阿勞西奧戰役全殲羅馬十六個軍團，令羅馬遭受比起坎尼更加慘重既失敗。於是這群高大健壯，金髮碧眼而且勇敢好鬥既日耳曼人一直成爲羅馬人所敬畏既對手。係奧古斯都繼子提比略率領下，羅馬征服了萊茵河到易北河的廣大地區，而凱撒（奧古斯都）就特意要求係投降既部落強征日耳曼人進入羅馬軍隊。當時投降既日耳曼部落當中包括一支稱爲切盧斯克人既部落，為左保證日耳曼人既忠誠另一方面將呢批蠻族開化，部落酋長既首領海爾曼同他既兄弟被當成人質帶去羅馬。係羅馬海爾曼改名阿爾米尼斯（Arminius，其實暗藏原始日耳曼語 erminaz（ IRMIN ），意思是「偉大的」）接受軍事教育，通曉拉丁文，並獲得羅馬公民權，成為同化成功的“好羅馬人”。阿爾米尼斯作爲羅馬軍隊既精英，代表住奧古斯都率領日耳曼人組成既軍團出征巴爾幹半島，並征服潘諾尼亞。他的兄弟被羅馬生活方式的豪華與精致所征服，對羅馬忠心耿耿。阿爾米尼斯係公元前4年，羅馬派遣瓦盧斯前往日耳曼尼亞擔任總督。這位曾經係敍利亞擔任總督既羅馬貴族，以鐵腕手段同個人既貪婪而聞名，他係敘利亞執政時，統領4個軍團，施行苛政和高稅收引發猶太人大規模民變。即使如此，瓦盧斯依靠娶屋大維姪女的裙帶關係，在凱撒面前仍然係紅人，於是他得以贏得日耳曼尼亞總督既職位。瓦盧斯他上任之後迅速就扭轉左提比略軟硬兼施的政策，大規模縱容手下對日耳曼部落進行劫掠，同時又不改異常荒淫放縱既生活習慣。與此同時，阿爾米尼斯被被派往瓦盧斯手下服役...