MADHOUSE爆死系七月新番：Sonny Boy

福士組應該大機會有一兩集spy family外包，cw同wit都喺sonny boy幫過手，要還人情

輝夜ed

都係sonny boy#11主力

啱啱追返第一集，都幾多嘢睇，睇晒先追返post

可以將想像具現化，明星呢種創造能力同神都有幾分相似
cap雖然係俾民主推翻，但最後施予懲罰嘅都係神

資質係先天，唔係個人價值

睇完第二集，先天（世界）同個人嘅對比開始幾明顯
幾鐘意改變唔到世界反而如釋重負嗰幕

睇到第4集，每集太多資訊鳩噏少少都當係自己整理吓劇情
第一二集個背景好明顯就係講獨裁者，一種係民選權力嘅異化，一種係才知主義（能力）喺資本主義下嘅優勢
第三四集感覺男主都有一個思想上嘅跳躍，第三集個跳點係nozomi嘅認同，第四集係制度或者話係世界超越人類嘅平等性？前者令男主拯救自己，後者垃圾繼續係垃圾

貓、老虎>火；馬騮>棒球，呢個係物語系列嘅節奏？

睇到第8集，有啲唔太肯定，戰爭係咪可以理解為山彥分裂出嚟嘅自己
一邊係狗嘅溫純，一邊係打破蛋殼嘅殺神


山彥映射長良，咁こだま應該就映射希望嘅のぞみ，暗示長良突破自己就可以救到のぞみ
最後一幕長良好肯定自己時間係啱，直接幫のぞみ較返時間，即係話のぞみ唔駛等佢咁耐，都算係幾浪漫

睇到第8集，有啲唔太肯定，戰爭係咪可以理解為山彥分裂出嚟嘅自己
一邊係狗嘅溫純，一邊係打破蛋殼嘅殺神

呢個幾有趣 末咁諗過

長良 同 希 d 由一開始你拉住我 到之後我帶返你
果種成長式交往真係正

こだま都可以理解做山彥需要自欺,依附,懺悔對象而分裂出既聖母人格，班信徒都可以理解為山彥現實世界分裂出既自身倒影(この世界って君そのものだ、“この世界”全部指涉山彥)
所以呢個こだま同呢個戰爭係真實存在定係純粹心魔其實唔重要，要解釋兩邊都可以，冇必要化約到得一種解釋

之後有集兄弟之爭都可以咁閱讀的，係自我鬥爭，同時都係非自我衝突，好多時都係雙向理解，自我連貫性同斷裂之間係一線之差，人生階段係咁，故事結構都係咁

山彥映射對象唔只係長良，希或者瑞穗都可以搵到吻合既線索，こだま都一樣可以映射返長良，單元回寓言有趣地方就係呢到，係斷裂開既故事，同時都有唔同面向將缺席既人事串起

第九集都幾強調「大人-小朋友」嘅雙向性
老生常談嘅貓，但抵受唔住食物嘅誘惑
故作大人嘅朝風，只係不擅表達嘅細路
能夠改變世界嘅兄弟，執着於一條頭髮，捨棄其中一邊，此方亦不復存在
保持住童真，與毛共處，自然就會感受到溫暖

亦都同時回應咗畢業嗰集
班學生唔係無俾神選中，佢地雖然係複製品，但亦係不可遺棄嘅一部分，強調自己唔代表要否定彼方，共存先係恢復自我嘅正確出路

最後一集長良同瑞穗一齊追住希跑返去現實世界嗰段
點解想返去？「因為呢個係希眼中嘅光」
唔講其他，可以用咁純粹嘅少男少女之情貫穿成套動畫真係非常難得

慢慢追返post先

所以我到依家都仲係好鍾意猿毛球份禮物，“遺物”本身冇任何意義，只有太陽曬過既氣味，但佢就係透過有情/無情差異去教你點解掉落既毛髮值得珍視

“光”本身都只係冇意義既符號，唔係“let there be light”既神諭律令，最後段奔跑係不斷逃離/反抗呢種意義既中心權威，“光”因為段關係先有新既意義，令你相信自己選擇既出路就係份遺留不變既感情
第1集係冇bgm，到最後先用幾首歌去豐富呢份落木逝水都帶唔走既詩意

補多次最後兩集，的確有啲意猶未盡
指南針都有啲似猿毛球，長良送猿毛球俾印度仔，貓送指南針俾長良，背後嘅意志都係一樣

跑嗰陣摩天輪長良話要重擲骰仔，都暗示咗自己係神
其實唔怪得希點解一開始跟朝風，拎個原版指南針俾長良係朝風，協助長良由幻影世界去自由世界都係朝風
一開始我都覺得係秒速五釐米，但其實係相反，由入口走出嚟呢份自信，正正係屬於反抗者嘅笑容


希由長良得到指南針，長良確認到希嘅不變得到勇氣，由漂流世界到現實世界，如車流不息，闇夜明燈般源源照亮人心

瑞穗嗰部份或者可以理解做創造生命／創作，對應嘅係討厭死亡
呢個位有啲難解，如果話呢套係存在主義作品，瑞穗好似一直都無咩反抗，感情主導，而第11集嘅解釋都係思鄉，最後彈返落第3集嘅改變唔到世界反而如釋重負

一個星期追哂
唔係好明但係又印象深刻