MADHOUSE爆死系七月新番：Sonny Boy

基本故事就係咁

基本故事就係咁

瑞穗真係一個好重要嘅角色
如果冇佢嘅話 飄流真係可能淨係長良嘅幻想
尤其是佢嘅能力係觀測者 再加上佢間房有本魯賓遜漂流記
連人名都好似淨係用佢得知/觀察出嚟嘅形象嚟命名 (由此可見佢真係好唔care現實同好抽離 亦都就係因為佢咁抽離佢先至係觀察者)
好容易令人聯想到 佢只不過係唔想面對唔如意嘅現實(學校問題 家庭問題 同埋女嘅問題) 然後就將現實同漂流融合嚟ff逃避
係ff入面自己鍾意條女就嚟慢慢咁開導同拯救自己 同時亦都獲得夥伴同友誼
最後明白雖然改變唔到世界同結局 但係可以選擇世界 然後根據希嘅願望返返去現實世界 8月16日希同長良冇相遇 天台空無一物嘅世界
長良同瑞穗就好似佢哋跑返嚟原本嘅世界互相綁住救生索一樣
大家成為咗大家嘅錨點 就係有對方所以先至可以確立到自我同所在何方
如果得一個人嘅話就會好容易迷失
長良同瑞穗依家後唯一有經歷過兩年漂流記憶嘅夥伴
(話說一齊跑返原本世界嗰段音樂真係好正 不愧係toe )

不過即使有瑞穗我對漂流世界係咪幻想都係50 50
因為話就話長良係觀察者 但係漂流世界真心勁以佢為中心
觀察者嘅影響大到漂流好似融入咗係佢自己幻想咁
可以解釋係話觀察者都唔係絕對客觀 始終都有自己嘅一層主觀濾鏡
所以佢係觀察者之餘亦都大大咁影響甚至近乎創造漂流世界
漂流同幻想條界線真係好迷好模糊 尤其是係對於觀察者
如果最後有校長佐證同解釋下嘅話就好啦
(甚至其實可能每個人都有自己係觀察者嘅漂流世界 (?)
不過講又咁講 無論係漂流定幻想都好 只要從中獲得到啲乜嘢 甚至成長到 咁就成件事已經好有意義 (只不過如果係幻想嘅話成件事會好靠唔住腳)

瑞穗帶長良掃完墓到最後feel到希同長良發生咗啲事 然後鼓勵長良只要係漂流過嘅你就一定冇事
呢度即刻就聯想到喺沙灘插木堆沙 同希同長良返原本嘅世界之後要再同大家做朋友嘅承諾
但係到最後長良冇主動出嚟相認
雖然對個結局係靚啲嘅 留返個懸念(可能性)喺度
但係我個人係希望可以講出口嘅 (因為我係尋根究底派)
呢兩年漂流長良從希學到嘅其中一樣嘢就係決定咗行呢條路就要繼續向前行
咁既然由無限可能性嘅靜止漂流世界入面捨棄咗其他嘅可能性選擇咗依家呢個可能性
咁就無謂再追逐之前可能性嘅影子 要繼續向前行
長良選擇保留嘅漂流嘅痕跡就只係默默咁帶住呢兩年嘅經驗 就係咁多 唔包括呢個世界嘅希
但係我覺得繼續向前行同相認係可以冇衝突嘅 不過的確係會令到長良"停滯不前"嘅機會提高
當然你都要睇你點樣定義向前行動停濟不前嘅定義啦
(所以成件事其實係講緊長良要放低希(?

話說我一直睇嗰陣都覺得長良有身邊嘅人支持佢真係好好彩
佢同朝風就喺相差一個契機 (承我上一個post)
不過有時人生啲嘢就係咁 不過細小嘅分歧點可以造成巨大的差異
而言返返去原本嘅世界個契機係去咗去朝風嗰度
係插木堆沙嗰陣 長良驚返到去之後所有嘢都會變成零 呢兩年漂流好似冇存在過一樣
希話唔使驚因為我哋喺度確實地有前進度 去到發生嘅事確實所有發生度 仲約定咗要相認
即係話即使大家再一次重新認識 大家一定都可以重新成為朋友
證據就係係漂流到發生嘅事情 大家的確有成為朋友嘅可能性
約定要相認就係確保有契機去觸發開端去重新認識
但係返返嚟原本嘅世界長良同希嘅事大大力咁話比你聽 可能性始終只係可能性
係眾多factor改變咗嘅情況之下 (長良有漂流記憶 8月16日冇相遇 希同朝風已經係男女朋友等)事件嘅軌跡可以變得好唔一樣
我覺得長良係有掙扎要唔要相認 不過最後朝風走咗出嚟
希同朝風已經係男女朋友呢個外力阻止咗佢去相認 連契機都放棄唔去觸發

上面打咗咁長想講嘅就係 人生雖然有好多可能性 但係都要有契機去觸發先至會有後續嘅故事
呢套動畫帶你再次認識到可能性同契機呢啲掌握唔到虛無縹緲嘅嘢不斷左右自己嘅人生 帶嚟嘅係重重嘅虛無同無力感
曾經窺探過自己可能性嘅男主都控制唔到 更何況係我哋呢
瑞穗想接返啲貓嗰陣話長良話唔做都冇所謂因為仲有好多其他要做嘅嘢 (雖然我知道呢度其他嘢係泛指任何事物 不過我好想知道佢突然搵到啲咩其他嘢要去做 突然勁正面)
最後亦都話人生啱啱先開始前面仲有好長嘅路
講嘅就係唔好比已經發生嘅事情嘅可能性限制束縛住 要繼續向前行去開拓未來嘅可能性同嘅道路
雖然係好正面 控制唔到就放低唔好諗咁多 但係不可力控帶嚟嘅無力感確確實實咁存在喺度 我覺得要面對同跨越佢哋先至係更加好嘅做法
就好似長良同希咁 雖然放低都係一個方法 但係我覺得可以相認 之後面對同跨越佢 去同佢做個決斷
不過係另一個角度可能係嘥時間啦 就好似長良叫瑞穗放低貓貓去做其他嘢咁
所以其實呢集就係比個契機你推一推你話比你聽係可以選擇放下過去 繼續向前行
(充其量只係話比你聽有呢個選擇 至於點樣放下 就要睇你做化喇 放低可以係一件好難嘅事 長良都係經過咗兩年漂流先至學識到 而然學識完之後做唔做到又係另一回事)

戴返個頭盔先 上面呢啲可能性同契機都只係我個人主觀觀點 可能套嘢根本就唔係咁唔係想講呢啲 我有咩講得唔啱又或者補充歡迎大家提出
寫完一個po之後又諗到更多然後又開過另一個po 寫寫下已經三個 但係呢套嘢真係好正 好想同大家討論下

想問下那個(旋轉黑色物體)係咩?
呢條女又係邊個?

「但是，三人的關係並不是三角關係，長良或許喜歡希，但和瑞穗到底是朋友。我不確定那種中學生獨有的對周遭的氛圍有沒有很好的傳達給觀眾。」

真係劇中講明既戀愛情感 得貓女對老師 朝風對希 骨折對朝風 同埋 11集印度仔既故事 （Ace 同 上海冇乜戲份）
山彥同長良既情感 就冇清楚咁表明過呢種係戀愛、崇拜定係乜
始終個氛圍就要表達唔清楚愛戀係乜既少年少女

希（漂流版）就...佢表裡如一既表現來講 應該真係個個都係朋友

一開始無講但應該本身係一齊，漂流嗰時先會講飛咗佢

唔明點解朝風嗰陣唔救希

最後一集條金毛女又邊個嚟？

//瑞穗想接返啲貓嗰陣話長良話唔做都冇所謂因為仲有好多其他要做嘅嘢//

瑞穗要做既事係畫畫，上集有暗示

打工搬公寓接貓係搵童年，佢返學校入唔返漂流、打碎水杯，童年已經一去不返

同上集思鄉病道理一樣，為打工放棄畫畫=為過去放棄未來

其實有個鏡頭係長良欲言又止，見到希大笑先釋懷轉身踏過水氹

呢個我明 我好奇嘅係長良 頹廢冇目標嘅佢突然好似勁正面更有動力咁 甚至係去開導瑞穗 佢個反差咁大有啲突然 lol

本身諗住轉身就咁走就算 -> 比希搭話問係咪同校
我覺得呢度如果唔係朝風出嚟 再傾耐啲嘅話應該就講返句佢再次成為朋友
但係呢個位朝風走咗出嚟 長良擘大咗個口好似驚醒咁
之後再close up長良個表情係好似見到朝風同希嘅互動之後恍然大悟再夾雜著嘆氣有少少sad咁放鬆/放心/放下咁
然後見到希大笑就轉身走人 但係呢個位我覺得畫得有啲怪(?
長良poker face再加上走路個姿勢好"坦蕩蕩" 再加上踩水氹 我第一次睇個feel係長良知道呢個空間冇用納佢嘅地方 然後轉身走人 唔水氹都唔避就係想盡快離開
最後見到佢獨白個樣好坦然 就知道佢應該真係放低咗對呢個世界嘅希嘅執著同幻想
咁再推返轉頭嘅話坦蕩蕩咁走只不過係作畫唔好(? 咁但係踩水氹呢個鏡頭語言有冇咩其他特別含義我就係幾讀得明啦
Btw 黑白紅遮 細節好評

https://twitter.com/VanishingKira/status/1442590566487838729?s=20

真係藝術品

貓女個角色其實會唔會好慘

長良選擇希選擇既世界

貓女只係跟從長良選擇，最後乜都冇

都係迷家好睇 至少我睇得明

其實真係要配CP 嘅話，我覺得長良同希比較適合做摰友，伴侶應該同貓女會夾啲

之前寫咗少少野未完整，諗住遲啲整理好另外開post講，但見有ching咁熱心想傾就貼住先大家參詳下

1. 因果交流電燈(a.)

好多人都講車站轉身似秒5/eva終，但我認為真正致敬既唔只呢下，對故事理解更重要係一開始就有定格分鏡既電線桿。

電線桿係新海誠/庵野常用景物。電線桿連結電車，電車連結遠方，遠方連結故人。

因此當我地見到電線桿，就可以直覺地從世界系文脈推斷到，電線桿係象徵對相隔兩地思念之情，世上最遠距離可以係光年、可以係生死、可以係真假、可以係相見不相識。


電車有咩意義大家應該都察覺到，唔再多作解釋。呢到想講係電線桿第二次出現時，另一樣所連結景物，係路燈。光係貫穿全套作品既重要意象，結局有大量燈既特寫，可想而知燈光重要性。

頭幾分鐘直到路燈出現前，光常在嗎？並不。至少係冇陽光，一直陰雨綿綿。老友唔記得盡頭島、回中學與小玉山彥擦身而過、瑞穗不認長良，呢個時候路燈仍未亮起。

此時發生一件有對白既事件，心事重重既長良被邊行邊㩒手機既大叔撞到，反被說教要望清前路。但此刻彷佛無光，然後質問漂流真係有發生過嗎？


下一幕轉到黑夜，場景係停車場同長良打工既酒店。車之後都有意義，一陣再講。

有趣之處係留意標題「兩年的假期」，有燈光既地方係酒店，已經失去假期既長良，打工要服務他人既假期。打工妹都係一個光既彩蛋，雖然唔太重要。




打工後一個過場分鏡，電線桿、燈、電車、車、紅燈，幾種有意思既景物滙聚一個路口，妙極。

紅燈點解有意思，除咗常用既靜止，再之後劇情就知背後由連結紅色電線，都係連結電線桿。同時紅色電線係轉喻瑞穗喺摩天輪時玩既紅繩，紅繩寓意睇過你的名字唔難明吧。






2. 落雨流水(a.)

小林家自由研究課題：河流交滙處與城鎮散策
https://lih.kg/2694384
- 分享自 LIHKG 討論區

之前我對今季另一套新番都寫過，河流下水道、成長、城市發展關係，sonny boy都可以套用，咁啱兩集都係「假期」

小林家係一場未完成既婚禮、sonny boy係一場已完成既葬禮，由此可知兩者主題差別。










3. 名為隱喻的青春革命詩(a.)

關於青春一個最大命題，從一個可以任意解釋既符號結構，到一個穩定有效率結構，成長係兩種結構狀態轉變過程

古人為詩，貴於意在言外，使人思而得之。隱喻何以珍重？重於意義被言說省略，言有盡而意無窮。

「你們不能從這裡出去」「你沒說出不了去，所以這次沒問題」

校長(voice)守備范圍係學校邊界，一幕課室銀蓮花，得知此為希死既世界線。而長良從此走出去重置可能性，自然係一場突破生死界限既世界革命。

如何突破學校邊界，無視校長律令即可，校長無說之事即可做之事。一切皆被允許，即校長言說以外皆被允許。於話語以外尋找意義，就係Sonny boy所提倡既革命。

未整理好，有機會再詳寫


1. 因果交流電燈(b1)

瑞穗同老母去睇舊屋都有特寫路燈

另外佢敢一個人夜晚學校探險，從唔敢一個人黑暗中行樓梯既佢成長咗，已經唔怕冇光



2. 因果交流電燈(b2)

希同朋友食草莓cake，呢種jk日常應該係經常進出醫院既佢想要既未來，腳特寫好山田尚子

呢到都係特寫電燈






3. 因果交流電燈(b3)

我個人願望係轉生後既漂流希會成為城市既電線桿

連結遠方=蒲公英派，連結某人思念，最後成為萬家燈火





4. 因果交流電燈(b4)

光在水中飄，水氹諗得浪漫啲咪係漂流世界

Part a既光係紅燈，佢對鳥視而不見、避開希視線

最後既光係普通路燈，佢會救鳥、對希已經釋懷

踏過水氹 = 佢唔再為飄流選擇後悔，抬頭面對人生




5. 名為隱喻的青春革命詩(b.)

今敏既奔跑係貫穿一生，夏目既奔跑係青春限定詞

回歸日常後就未跑過，最後人生路長係慢行

一切皆可被允許，即一切皆可被原諒，佢既革命係青春特權，亦係青春病

因為一切皆被原諒，所以青春有冇革命過，似有還無

類似麻枝准，可以醫好邏各斯症候群機會只有一次，最終會歸於常理

flcl/少革落腳點都係回歸日常，但叛逆始終，Sonny boy既終極型態係原則守護者



6. 單車

點睇都係封面4人組，一個倒下、兩個返現實、一個分開

單車=青春 車=成人

愈多車意味個城市發展愈文明

所以點解得青春可以奔跑，成年人要依賴交通工具了



7. 長良朝風都係黑白遮，有朝一日會成為大人




8. 日曆

保護者說=童年
安息日=兩年假期/青春
始業式=新階段，又有新綱領





8. 歪曲王

最後想講，擺明係夏目私心想重製歪曲王

當我在歪曲路上前行，我的影子高於自己靈魂。/本體的路仍很長。

補返張同單車對比圖，最後城市夜色車水馬龍

就係一念之差

駁吾刀

https://mantan-web.jp/article/20211002dog00m200026000c.html

// 制作を終えて「言いたいことは言えた。せりふでは言っていないけど。すっきりしました。詰まっていたものが出たようで」と笑顔を見せる。//

想講都講完，雖然冇喺臺詞講

如果貓女原本「現實世界」冇同三隻貓一齊住既話
其實貓女開頭同貓一齊玩既世界係咪已經開始咗複製
只係未同時同其他人能力mix 埋一齊 開始咗漂流

睇完
修行唔夠，真係唔敢講自己睇得明
追返post先引起好多思考