我有少少淺見想俾返作者
作者使用旺角、都市傳說等元素,我覺得無非係想增加讀者閱讀時嘅代入感。但係睇到依家嘅我,仲係覺得同成個故事好有距離、充滿抽離感。
我覺得可以為主角增加更多側面描寫同同其他角色互動嘅完整小故事,俾機會讀者從多個角度了解佢,令到主角形象更鮮明立體同飽滿。依家同每一個角色互動描寫都實在太片段。而作者有個習慣,會用一段仔去描寫配角嘅外型衣着,但我暫未見其重要性,反而覺得有時俾得太多太瑣碎,例如,Ace,用嚟描寫佢有刻意打扮過的衣着篇幅可以略過,重點應該在他的桃花眼和望向主角的視線點樣令佢唔自在。讀者對配角有一個鮮明的記憶點就足夠。然後加強返角色之間嘅互動,否則過多嘅配角描寫顯得太過累贅,亦分散左讀者注意力。
另外,我同主角情感共鳴上邊,對於主角想救阿豪喱一點上,如果撇除他們為多年好友並一同參與體驗館外,整體故事編排同敘述方式都有令我覺得有少少突兀,例如被困在天台屋多日,只有一個夢系關於阿豪,當然我明白作者可能係想藉個夢買下伏筆,而唔會透露太多細節,但我覺得可以俾返多啲主角對呢個夢嘅反應,心知回憶起以前佢哋給一些片段。否則多年好友這個背景只係合理左主角想救阿豪嘅心態,但無助讀者投入主角想救阿豪既情緒。
少少愚見
就當彌補我去唔到書展買呢本書嘅補償啦