【驚慄】你有冇諗過如果喺旺角蕩失路，你會去咗咩地方？

其實會唔會之後都加深入少少咁寫？
而家個感覺每次都係入去行個圈熱下身，突然之間打場細交咁就完左，唔係好關怪談本身事同埋逃生咁

好似虎豹別墅依次，無啦啦就同時間突然開始打交，好奇怪

之前幾場同今場虎豹別墅其實係差唔多，就算個分數唔同，但係寫出黎就只係換左啲怪，個內容係冇乜分別

上次七姊妹嗰次又係，突然之間就話其他人都開始打交，之後入到屋好似搵線索，但係主角突然覺醒就完左，雖然可能係為左交代主角開始有能力，但係就變到唔係好投入到成件事咁

同埋點解國均突然之前成個人唔同左
佢未玩嗰陣成個人鳩下鳩下咁 但係同主角玩嘅次數應該一樣，突然之間寫到佢勁cool咁

Lm

推

要讚嘅係個耐人尋味性
同埋角色都好出
亦都算有幾足夠嘅篇幅講佢地嘅野
or令觀眾明佢地性格
加油加油

期待旗袍女，覺得一定好重要
另外有少少，少少，期待女角嘅發展
一黎就除衫嘅女吸血鬼，之後會唔會有啲甜

同埋主角啲咒印又係好期待！

聽日要大量

都有少少呢個感覺，但係其實都唔差嘅我都想樓主係佢哋能力上嘅開發同埋戰鬥上面多啲筆墨，每次入去講得詳細啲

都有啲道理
啲都市傳說好似只係個背景咁
之前幾篇就算換過第二啲都市傳說、電影漫畫做背景都一樣，唔仔細啲去寫啲都市傳說，甚至寫到啲角色同都市傳說嘅連繫，有啲可惜左作者突登搵個咁本土嘅野黎做題材

同埋有時寫得太快會有啲1999，就好似第一章個怪人，第二章七姊妹得一個仲要識超能力咁，同埋印象淺到啱啱果章我淨係記得有石像

不過作者寫得好清晰，好容易就睇故想像到個畫面出黎

係旺角蕩失路去症油麻地

好多謝兩位嘅意見
我一直希望可以進步 所以好喜歡聽到評語
兩位都好有心 實在感激不盡
兩位講嘅嘢我事後都Sense到 呢個亦係第一季主要嘅弊病
因為第一季我想帶出一個更重要嘅主旨 所以主旨以外例如非重要性戰鬥場面都有啲趕場Feel
之後嘅戰鬥會側重返少少（因為開始關主旨事）
同埋下一季會真正似返個無限流
著墨返角色之間嘅爾虞我詐同埋對怪物、幕後主腦嘅角力

留名等睇

期待無限流

加速

第五章 都市傳說體驗館（二）

頭頂上的電燈泡忽明忽滅，這次我們一行人來到了一個相信是加護病房的地方。一進門，就看見裡面站著一個全身綁著約束衣的瘋子，他臉上的神情就像死人一般蒼白詭異。起初他只是站在一角，動也不動。

正當我以為他沒有行動能力的時候，那瘋子竟然一彎腰，「嗖」的一聲就如彈簧般彈射出去。就算手腳靈活的人也做不到這樣的速度和爆發力，他從房間的一邊直接飛到另一邊，誇張點說，簡直就像一枚精準打擊的導彈。

我忽然意識到他的移動方向，深感不妙。

「國鈞小心！」我朝著那個方向大喊道。

果不其然，那綁著約束衣的瘋子好像是憑空撞到了什麼障礙物，但他似乎並沒有停下來的意思，一直頂著那透明的障礙物繼續向前飛去，直到砰一聲撞上牆壁。

那瘋子看起來渾身脆弱，力氣卻巨大，那隱形的障礙物被他頂著砸往牆壁，牆灰彌漫之間，國鈞才現身出來。他被夾在那牆壁和瘋子之間，吐了一大口血。

但他本人卻臨危不亂，當即單手掄起斧頭砍了下去。那瘋子動作極靈敏，凌空向後翻一個筋斗就輕巧地躲開了這一擊。國鈞這一斧頭撲了個空砍到地面，陷得很深一時拔不出來。

「看招！」那對笨蛋情侶中的男孩忽然站了出來，手裡扛著一把湯姆森衝鋒槍，朝著那穿著約束衣的瘋子掃射。

那湯姆森的槍口不見有子彈射出，但對面那瘋子的身上卻真的多了很多彈孔，被打得像漏篩一樣。進來之前聽他們閒聊，這槍是那男孩用分數換來的，特點是用不盡的子彈，靈感來自電玩遊戲。

但這作弊一般的裝備卻沒有讓他戰無不勝。那瘋子滿身彈孔卻行動如常。像個盲頭烏蠅一樣，哪邊受到了攻擊，就朝哪邊彈射過去。

還沒等那瘋子撞過來，這男孩子倒是率先害怕起來。

「哇哇哇！」他反應特別快，在他女朋友反應過來之前，就把她拉過來當人肉盾牌用。

「睇少眼都唔得……」我實在看不下去，全身躍起，一腳掃向那瘋子的腰際，改變了他還在半空中飛行的軌跡，他受到外力的干預，立刻像顆橡皮球一樣反射向阿豪。

阿豪很快會意，煞有其事地活動了一下膊頭關節，瞄準了他的來向，狠狠地打了一個重拳出去。

「食屎啦去！」

那穿著約束衣的人立即整個炸開，血肉到處橫飛，有些還黏在天花板上面晃晃蕩蕩。

這種事不管看了多少次都還是不慣：「你其實可唔可以細力啲？次次都搞到周圍污糟邋遢，衫褲都唔使要啦。」

我看見自己這一身血污，忽然想起了莉莉，相比她在第一次遊戲中帶給我的刺激，這畫面真是有過之而無不及。

「呼，」那情侶中的男孩沒幫甚麼忙，卻好像嚇得不輕：「好險，好險……」

那女孩看到危險解除也鬆了一口氣，但下一秒她就想起自己剛才被男朋友拿來擋怪物：「喂！」

她踢了癱坐在地上的男朋友一腳：「你頭先做咩搵我嚟擋呀！」

我眼看著那男的眼中劃過一絲驚慌，不過很快就被討好的笑容代替。

「邊有唧豬豬？我點捨得呢，我係保護緊你！」

「你仲扮嘢！」那女孩跺了跺腳，伸手去拽他起來：「你最好同我解釋清楚，如果唔係我哋就分手啦！」

那男的面對她這不依不饒的架勢也有點應付不來，只能假裝渾渾噩噩不肯起來。

「好啦好啦……你哋啲感情問題可唔可以留返屋企先處理呀？」我真的一刻都不想待在這房間。

我走到國鈞旁邊，把他扶了起來。

「你見點呀？」我問道。

國鈞搖了搖頭說沒事，又敲了敲胸口：「我放咗塊鋼板喺裡面，唔係嘅話可能都頂唔住。」

「我之前仲笑你心口裝鋼板，原來真係有用。」我長舒了一口氣。剛將國鈞扶了起來，就聽到外面傳來一陣「踢踢踏踏」的聲響，從遠到近，仔細一聽，那是很多人急促雜亂的腳步聲。我立刻警覺了起來，忽然之間哪裡來這麼多人？

我們一行人趕快到門外面檢查情況，卻看見田徑男正朝我們跑來。他一看見我們，簡直就像是寒冬臘月的夜裡看見熊熊燃燒的火把堆。他那種激動又欣慰的表情，要不是看見他身後跟著一群約束衣瘋子，說不定我真的會被感動。

我現在只想他離我們越遠越好。但很明顯事與願違。

「屌咩送咁大份禮過嚟！」阿豪直接罵了出來。

「唔好意思阻阻你哋，請問你哋有邊個得閒幫下手呀！？」那田徑男隔著老遠，扯出一個極其難看的苦笑，朝著我們喊道。

我們一行人也十分有默契，互相看了一眼，什麼都沒說，十分乾脆地掉頭就跑。

※

「今日真係唔多盡興，一直喺度跑跑跑，似馬拉松體驗多過似都市傳說體驗。」阿豪走在我旁邊抱怨著。

遊戲結束後，我和阿豪，國鈞，都有些疲憊地從舊城區後巷離開。

「一日最衰都係嗰個田徑佬，本來我哋都唔使一直跑到完場……」我只覺得小腿肚有些疼，耷拉著肩膀說道。

算一算，自虎豹別墅那次之後，時間已經過去一個月了。就像上班打卡一樣，我們每星期日都有參與遊戲，上星期是一百七十分的皇室堡狐仙圖案，上上星期是二百分的美利大廈，再上上星期只有五十分的長洲東堤……而今次則是三百分的高街鬼屋，舊精神病院。

「等陣你哋有冇嘢做呀，我哋再去搵啲嘢玩吖。」阿豪好像渾身有用不盡的精力。

「你哋去啦，」我擺擺手，滿身酸痛：「我聽日仲要返工……」

阿豪很意外的看了我一眼：「唔係啊嘛，你仲返咩工呀？」

「你咁係咩意思？」我瞥了他一眼：「我唔返工邊有錢食飯。」

「你依家嘅分數都已經夠你下半世唔使憂啦，仲返工嚟托咩？」阿豪不解的問道。

我詫異的望向阿豪，心裡有個很不好的想法，需要找他確認一下：「你唔好同我講，你依家已經冇返工？」

「係呀，做咩，有咩問題？」阿豪自然而然地說道，顯然不覺得這有什麼問題。

「好大問題。」我停下腳步，盯著阿豪：「你唔儲埋啲分數，你之後打算點樣變返正常人？」

除了必要的療傷、增強體力等等的分數消耗，我一直都精打細算地積攢著得分，為的就是幫阿豪重新變回人類，卻怎麼也沒想到皇帝不急太監急。阿豪現在明顯樂在其中，已經忘了我們一開始的初衷。

「哦……你話呢樣……」阿豪滿不在乎地笑了笑。

「當初變成吸血鬼的確幾惡頂，但日子慢慢耐咗，我發覺做吸血鬼嘅好處實在太多，基本上死唔去，連個樣都睇落後生咗，話唔定我永遠都可以Keep住依家咁，仲有呢身力量，只要唔好長時間曝曬或者傷得太重，根本就比做人好好多！」

我被他的這一套說辭嗆得有些無語。

「你唔怕畀人發現你吸血鬼嘅身份？你有冇諗過佢哋發現之後會點對你？」我質問阿豪。

「試過啦，我試過喺普通人面前露棚牙出嚟，但佢哋好似完全見唔到咁。」阿豪攤攤手。

「完全見唔到？」這是什麼意思，我被他說得有點摸不著頭腦。

「我都唔知點講，就係……你好似變咗透明咁，啲人會直接繞過你，完全睇你唔到。但個樣變返正常之後佢哋又見得返我。同佢哋講嘢都會應。」阿豪答到。

「咁就奇怪啦，如果照你咁講，咁點解當初啲人又見到我嘅紋身？」我至今還記得那的士司機瀕臨崩潰的眼神。

「我諗係因為紋身仲屬於正常範疇，畢竟普通人都可以全身紋身。」國鈞加入了我們的對話，補充說道。

「仲記唔記得一個月前殺流浪貓嗰個男人？」國鈞接著說：「後來我睇新聞，嗰個男人嘅口供一直話畀人控制，但完全冇提過我同你。」

我仔細想了想，點了點頭：「我都覺得有啲奇怪，事後完全冇差佬搵過我哋。」

「佢聲稱畀人控制，但冇話畀邊個控制，佢到底有咩顧慮唔交我哋出嚟？點都講唔通。」國鈞推理道。

他冷靜的分析倒讓我感覺到背後陣陣的涼意：「你係想話，都市傳說體驗館喺背後保護緊我哋？」

國鈞搖搖頭：「唔一定係保護我哋，可能係出於自保，唔想都市傳說體驗館曝光，我哋只係連帶受益。」

聽他說到這裡，我更覺得這都市傳說體驗館像一個無底深潭，你永遠不知道它更深處藏著甚麼。就像我們來這裡都有了一段時間，自以為對一切已經很了解，但其實根本一無所知。

都市傳說體驗館到底是一個怎樣的存在，一個普通開在地下室的密室逃脫遊戲館？但它產生的影響明明已經延伸到現實世界，而我們更是沒有人知道，它真正目的到底是什麼。

我低頭自顧自走路，偶然一抬頭，發現我們走到了後巷某一段路，我對這裡印象深刻，第一次來的時候，這裡的牆上曾經有一些由英文單字組成的字句。

但如今它們卻消失不見了。

「喂，阿豪，你仲記唔記得我哋第一次嚟嗰陣，呢度上面有句嘢？」我順口問了一句身邊的阿豪。

「哦，你話嗰句粗口呀。」阿豪也隨口回答道。

「咩粗口呀，」我懷疑阿豪看不懂英文：「嗰句Kill the guide喎，用海報砌出嚟嘅呢，依家唔知點解唔見咗。」

「咩呀，你係咪記錯呀。」阿豪疑惑地轉頭看了我一眼：「明明就係粗口。」

「點會係粗口呀？」我確定我記得清清楚楚：「當時你肯定攰到懵咗。」

「冇可能，我當時雖然攰到就嚟暈撚低咁濟，」阿豪尤其肯定，表情嚴肅：「但冇啦啦畀人問候全家，仲連字都寫錯，冇可能會冇印象囉。」

「唔係喎，我見到嘅明明係英文句子，邊有咩粗口呀……」我仔細回憶了一下，牆上確實沒有類似他說的那種句子，難道是我記錯了？

推推推

今日出多咗2+1篇，聽晚繼續！
Btw故事已經去咗一半啦，剩低嘅希望大家繼續支持！

推

故事結尾：
原來全部人都係食咗迷藥
所以先會你又睇到一句野 我又睇到另一句野
it's in our mind

企硬！咪take野！

幾正