【驚慄】你有冇諗過如果喺旺角蕩失路，你會去咗咩地方？

推 今晚再出多幾篇啦 唔夠喉

「哈哈哈哈笑死我咩想！你哋唔係以為報警有用啊嘛？你要同啲流浪貓錄口供呀？我之前都不知畀人搭過返去幾多次，咪又係因為證據不足而放人？哈哈哈哈哈。」

那中年男人叫囂著，聽他這話的意思，竟然還不是初犯，並且因為自己的「豐功偉績」得意洋洋。我頓時被氣得七竅生煙。

「嘩你個仆街，枉我頭先仲幫你。」我狠狠瞪了他一眼。

「咁你想點吖？打我一身呀？打囉，最後有事嗰個係你咋！我反而一啲事都冇，而你就衰傷人，監都有得你坐呀，哈哈哈！」他說起來簡直毫無畏懼。

我不由自主握緊了拳頭。

我很氣憤，但他說的確實沒錯。這種人渣這樣殘暴對待動物，卻很難受到法律的制裁，但只要我們付諸暴力，最後遭罪的反而是我們。

「已經報咗警，差佬話嚟緊。」國鈞放下手機，對著我說。

「哈哈哈，」那中年男子煩人的笑聲再度傳來：「咁仲唔快啲放咗我，好聲好氣囈下我，或者我會考慮下唔追究你哋擅闖民居嘅。」

我心裡七上八落，我自然知道不能就這樣放他出去繼續殘害生靈，但又怕我和國鈞會受到牽連。

「國鈞。」我忽然靈光一閃。

「嗯？」國鈞向我挑起眉毛。

「你頭先係點樣將佢綁成咁？」這中年男人體格算健壯，應該是幹開體力活的，國鈞斯斯文文的一個人，正常情況下很難一個人把他制服。

除非……

「用我嘅能力囉。」果然。

「你過一過嚟，」我露出了笑容，朝他擺了擺手：「我同你商量啲嘢。」

沒過多久，門外就傳來警笛的聲音，隨著那警笛聲越來越接近，還有很多想搶第一手報道的新聞直播車，村子的馬路本來就不闊，結果他們通通擠在這裡打蛇餅。

平時這類案件沒這麼多人關注，但這次在電視上曝光，又涉及到小貓，引來了很多愛貓人士的不滿和抗議，人們群情激憤，誓要把這個背後殺貓的混蛋揪出來，甚至威脅要以牙還牙。

拿著警盾的警察們慢慢地向屋門口靠近，張嘴就是那句例牌台詞：「裡面嘅人聽住！你已經被包圍，立即放低武器出嚟投降！」

雖然這種窩囊廢只敢對小動物出手，對人一般不敢怎樣，但他手裡有斧頭作武器，會不會作出失控舉動還是未知之數，所以對他還是需要謹慎一點。

片刻之後，「吱呀」一聲，門被從裡面推開了。

那中年男子的雙手跟大斧頭被綁在一起，一踏出來就朝外面的警察們揮舞大斧。

「阿Sir救我呀！」那中年男子嘴裡求救，動作卻絲毫沒有停下過，像吃了熊心豹子膽，一邊向前走著，一邊揮舞斧頭襲擊警察。

「放低武器！！」他往前走，那些警察就往後撤，他們也沒想到殺貓的竟然也會這麼難搞，紛紛拿槍對準了他。

「唔好開槍呀！唔係我做㗎！」他這樣說著，情緒非常激動，卻又用力地揮舞了一下斧頭。要不是身邊那個記者躲得快，就被他砍中了。

「係呀我哋可以見到現場情況係非常之危險！個中年男人情緒激動，不斷用佢手上嘅斧頭襲擊警察同埋記者呀！」那記者簡直是完全不怕死，帶著鏡頭一直追著那中年男人的大頭來拍。

「唔係呀，唔好影！唔好影呀！救命呀，係有人捉住我隻手呀！」他這樣喊著，手裡的動作依舊沒有停下來。

警察警告不果，於是開槍射他的小腿，之後像美式足球般一窩蜂衝上前將他壓住。

「襲警！拒捕！意圖傷人！再Charge多你一條藏有攻擊性武器！十年都有得你坐呀撚樣！」那警員一邊給他帶上手銬，一邊惡狠狠地說道。

「阿Sir……真係唔係我做呢……」他在這麼多對眼睛下如此證據確鑿，早就沒有人在意他說什麼，很快就被警察押上警車帶走。

我藏在圍觀看戲的人群中，目睹了整個經過，憋笑真的憋得很辛苦。

並不是每個窮凶極惡的狂徒，都像今天這個中年男人一樣，可以背後有一個隱形的國鈞。他隱去形跡之後，在背後抓著那中年男人的手揮來揮去，旁人看了不知真相，當然就以為是那中年男人負隅頑抗。

「搞錯！咁好玩嘅嘢你哋居然唔預我！」事後阿豪聽我和國鈞講述那天的經過，忿忿大叫可惜。

「嗰時仲邊有時間叫你，我驚再遲啲國鈞就會搞出人命。」我輕輕按摩著笑得有些麻痺了的面部肌肉說道。

「我冇諗住殺佢。」國鈞就坐在我們旁邊，十分冷靜地解釋道。

「咁係你問題啦，」我打趣道：「你當時條片拍到好似綁架咁，我覺得你個款似係想撕票。」

「我下次會注意下。」國鈞悶悶地說。

「吓？仲有下次？」我瞪大眼睛，下巴向後縮了縮。

「國鈞講得啱。」阿豪在一旁看熱鬧不嫌事大：「我哋依家有咁嘅力量，就應該喺現實世界好好利用！」

「你慳返啖氣啦，」我假裝瞪他：「你係吸血鬼嚟，你咁奇特嘅身體構造畀人知道咗，一定會日日捉你嚟做實驗。」

阿豪這下子乖了，敢怒不敢言的瞪了我一眼。

「話時話，你哋有冇諗過一個問題，就係點解喺現實世界裡面，完全冇人提起過都市傳說體驗館？」國鈞忽然我打斷我們，開啟了另一個話題。

好眼瞓今晚提早出文
出多咗兩篇，聽晚繼續

你有d似某著名寫手

支持好好睇樓主出多啲

邊個？

因為無人會信 啲人只可以借 寫故為名 公諸於眾

好睇 皮已正

等更新

Live咗
有個位唔明，點解主角第二次明明走咗唔玩
最後又要番去玩？
同埋佢同阿豪點還番10倍分數比人？

可能有人提，但比組織消除
例如del message、del post etc
或者同個旗袍女人有關

應該係唔放心佢2個fd

所以體驗館本身都係一個都市傳說
呢章嘅標題

樓主有冇屌到旗袍女

「話時話，你哋有冇諗過一個問題，就係點解喺現實世界裡面，完全冇人提起過都市傳說體驗館？」國鈞忽然我打斷我們，開啟了另一個話題。

「可能你咁啱見唔到有人講唧，又或者佢用咗其他名代替。」我隨便的回答道，不以為意。

「唔會，我見唔到佢有用過其他名。而且都市傳說體驗館呢個名本身咁特別，要搵出嚟應該唔難，但係網上面連一條結果都冇，唔係好唔合理？」國鈞繼續說道。

他這樣說，也不是完全沒有道理的，第一次去都市傳說體驗館的時候，我就曾經試過上網搜索「都市傳說體驗館」，卻也沒有相關信息，一開始我還以為新密室逃脫館開幕，還沒有人玩過而已。

可現在想一想，在我們之前的那些人，明顯已經很有經驗，不只是到過都市傳說體驗館一兩次而已，由此可見都市傳說體驗館一定已經存在了一段時間，但為什麼到這裡參加過遊戲的人，全部都絕口不提呢？

「會唔會有套規矩，凡係講出去嘅就會死？又或者佢哋控制住資訊流通，所有提及都市傳說體驗館嘅留言都會被刪除？」我提出了自己的假設。

「要唔要試下？」我說著，國鈞已經拿起了手機。

「嘩，唔好，唔好輕舉妄動。如果係真嘅話你咪會死囉！」我抓緊阻止了他。

「我哋下次問下隻電視機烏鴉囉，問下唔會死掛。」阿豪在一旁說道。

「照道理應該唔會，不過都係唔好啦，呢件事大家都避而不談，我哋都唔應該隨便打聽。」提及都市傳說體驗館，我就有些不安起來。

「咁依家點呀，繼續保守我哋嘅秘密呀……哎真係想喺現實世界為所欲為。」阿豪有些遺憾地說道，隨手拿起一袋血漿吸起來。

那是紅十字會的血袋。

「咦！你呢包血邊度得嚟！」我的八卦心立刻熊熊燃起：「莉莉畀你㗎？你哋見過面？過程係點，幾時嘅事，快啲同我哋講！」

「咪尋日，上佢屋企拎嘅。」阿豪十分看不慣我這八卦的樣子。

「哇哇！第一次就上人屋企，你唔會對人做咗啲咩啊嘛！」我繼續興致勃勃地問道。

「係都問佢會對我做啲咩啦吓話！我拎完血就走咗，咩事都冇發生。」阿豪翻了個白眼。

「咁佢屋企喺邊呀？仲有冇其他人？你哋下次見面約咗幾時呀！」我連珠炮一樣提出問題。

阿豪終於不耐煩了：「問問問，你有冇咁多問題問呀！」他起身走開了，漫不經心地朝著屋子裡周圍走走，好像想到了什麼，忽然問我：「你一個人住咁大間屋，唔會覺得太大咩？」

「邊有人會嫌屋大呀。」我笑了出來：「用空房嚟堆雜物不知幾爽。」

「……我記得，間屋好似係你屋企人留低？」阿豪這種小心翼翼的表情倒是很少能看到。

「我明你想問咩，」我端起桌上的牛奶喝了一口：「時間都過咗咁耐，我早已經唔會有任何感覺。」

「咁都好。」阿豪點點頭，識趣的不再說了。

父母那次意外，事後上了報紙頭版，雙層巴士失控衝下山坡，無人生還。小時候很多事情都不記得了，只記得那時候偌大的靈堂彌漫著壓抑的氣氛，前來吊唁的人紛紛安慰我，當時我還以為父母只是躺在箱子裡面睡覺，後來我才知道他們以後都不會醒來。

不幸中之大幸他們留下來的財產足夠供到我畢業，中學時又認識了身邊的阿豪和國鈞，我的童年，還不算很悲慘。

只是偶爾，我也會想知道父母到底是怎樣的人，我對他們的記憶太模糊了，唯一清晰的，就是我們一起在海洋公園拍的合照。那時我還很小，留著西瓜頭，對著鏡頭笑得天真爛漫。

「好，我決定今晚留低過夜。」阿豪忽然自顧自下了決定。

「你咁係咪叫通知我？」我詫異地問道。

「你有冇見過我上次買嘅拖鞋？」國鈞跨過我，徑直走向阿豪。

「呢對？」阿豪拾起了一雙粉紅色的，兩人無障礙交流，完全無視了我。

「唔係，」國鈞搖了搖手：「男裝嘅。」

「喂，你哋喺我屋企過夜，係咪應該徵求下我嘅同意呢？」我下巴都掉了，又喊了一聲。

「搵到啦！」阿豪打斷我，舉起了一雙黑色的拖鞋。

國鈞點點頭，阿豪看了看，低頭卻穿在自己的腳上。

「唔錯，依家係我嘅拖鞋。」

「呢對係我嘅拖鞋。」國鈞彎腰，想要把鞋子搶回來。

「嘩你做咩搶我對拖鞋！」阿豪驚叫著跑開。

「呢對係我嘅拖鞋！」國鈞將一根筋貫徹到底，不甘心地追了上去。

這兩個人真的是吵死了，我轉過身去，走到露台，隔絕了他們的聲音，任由他倆在客廳裡胡鬧。城市今天的空氣很好，就是晚上有些微涼。

我打開了手機，對著都市傳說體驗館的對話框，陷入了沉思……

第四章完結。

今晚本來應該出多兩篇，但我見啱啱好完咗第四章，唔想第五章淨係出少少，所以今晚爭落嘅順延到聽晚。多謝繼續支持呀！