啲設定真係好正 遊玩體驗好好
雖然幾代都係走差唔多背景 但佢個王子設定又幾正
每次有新作都睇下邊個有𤣩字邊
Gs3個雙王子同情敵pvp又搞到啲玩家心郁郁唔知簡邊個
唔係齋㩒㩒㩒睇故事 又活用到nds個touch screen
成個遊戲好完滿 都有代入感
學園祭 運動會 Christmas party 新年參拜 校園旅行 整情人節朱古力樣樣合埋好似真係去咗日本讀書咁
啲設定又好真實
讀書會減運動 運動會減讀書 化妝會減讀書運動 成日要chur啲數值雖然有時都幾煩 但又好真
連續去兩次同一個地方/同一套衫約會會比人話 冬天著少啲又比人問
又會唔同男主有唔同中意既地方
啲cg又係唔係玩一次就拎晒 要睇住本cg攻略玩
記得葉月珪果個幫佢做model個cg係要魅力到咁上下先有
係我心目中 gs真係好神作
玩過既game中暫時都味有game個遊玩性多元化過佢 好中意育成系
(講開記得gs1個情報細佬 係gs2出之前 好多人都話會有佢 去到gs4都無呢號人物
)