可以簡單share多單搞笑嘢
16年聖誕節嗰陣,同嗰陣時個女朋友同我最好嘅朋友 total 3條友去昆明行雪山。
去之前做晒準備有日去睇東川紅土地,另外有日上雪山。
去紅土地嗰日,我地預先包咗㗎車由酒店pick up再車我地去嘅,單程要成4粒幾鐘。
紅土地係大陸4A級旅遊景點,但可能因為太偏僻兼大陸本身太多5A級景點啩。。嗰度得好少旅客,附近旅遊嘅配套亦唔多。
嗰日司機建議我地一早出發,先去紅土地嗰度附近一條村食農家菜醫肚,之後再去睇紅土地。我地3個都預咗比人劏,不過算啦,又唔知嗰度附近有乜食。
咁當日7點幾出車,大約12點幾到條村。一到村口啱啱見到有人殺豬
嗰陣女友梗係嚇到面都青,我同個 friend就好厚面皮咁同人買塊豬肉去餐廳整。去得大陸仲要鄉下地方,梗係叫餐廳殺多隻雞食添啦
不過最食落。。。其實幾難食下
食完我地3個傾咗陣(大約個鬆啲鐘),我個肚就黎料,我就去條村一個公廁度排放啦。咁鄉下地方梗係唔會有馬桶啦,入面只係有一條坑,就咁痾落去。個廁所污糟嘅程度,係入面乜地方都有屎/尿
(前面有講過嘅),我痾嗰陣要將全身嘅氣力谷落小腿度,因為我真係好撚驚我跣腳/腳軟仆喺度變屎撈人
無驚無險痾完出到黎仲有個村民收5蚊清潔費
痾完去睇紅土地,咁嗰度有條大約2-3公里沿住座山嘅橋,我地就係一路行,一路喺條橋度遠望個紅土地嘅。講真,雖然好憎呢個國家,但啲景係真心好靚好宏偉嘅(睇YouTube 、睇相係完全感受唔到嗰陣震撼)
條橋基本上得我地3個同幾個人喺度映下相(好後悔嗰陣無買航拍
)行到條橋嘅中間位置左右,我個肚同我講:「你唔係諗住頭先嗰一篤屎就打發到我呀?」
我嗰下好撚肚痛
痛到知道我5分鐘內就肯定會失守整咖哩底褲
當時嘅情況好危急,我心裡面數住「一步、兩步、三步」,發覺係催眠唔到自己,亦確認咗我向前向後邊一個方向行都好,15分鐘內係肯定唔會去到廁所嘅。
我即刻當機立斷,用僅餘嘅氣叫咗一下:「唔撚掂」。之後將個背囊放喺地下,拎咗2包紙巾出黎,同我個朋友講:「幫我行前20米睇水」。呢個識咗20年嘅兄弟即刻心神領會,但都問咗一句:「屌你老味,你認真定搞Gag?」
我:「好撚認真」。轉頭同我嗰陣嘅女友(大陸妹黎)講:「妳往後走幫我看一下」,佢明顯無嗰種默契,個樣仲係一個大大嘅「❓」咁望住我。我嗰下個肚已經萬馬奔騰,破城門之勢已銳不可擋,我近乎鬧嘅語氣再講:「去那邊看著,別讓人過來」。
佢兩個一行開,我就即除褲解放。沿沿不絕嘅水,夾雜住偏軟嘅硬塊,雙腳微微的抖震,係爽、係興奮、係醒神嘅。
心裡面畫面嘅右下方,亦都跳出一個方格,上面寫嘅係
「成就解鎖:大陸4A級旅遊景點痾屎」
呢個金achievement 真係唔容易
(待續)
印度嘅衝擊係大,但昆明下部份嘅衝擊可以令我突破自己