差唔多六、七年前去過印度加以各答
衛生情況都無乜印象 不過點都無樓主講到咁差
但食所有印度餐都勁撚好食
咖哩飯呀 tandoori chicken呀 naan 嗰啲
同埋真係會試用手食 即刻入鄉隨俗左 覺得似半個印度人
最深刻係坐印度火車 逼既程度係繁忙時間金鐘嘅10倍
好彩有分男女車廂 逼既都係女人
佢啲位係卡位同埋要面對面坐
本身無劃位 啲女人已經坐到逼爆哂
點知原來卡位中間條罅都會企人
好彩搵到有位 因為要坐大約兩個鐘
大約過左一個鐘後 啲女人開始同我地講野
有啲識英文嘅人翻譯話原來坐到咁上下要讓位
讓比啲企嘅人坐 所以我地最後都讓左
其實諗返覺得印度人都幾互助
坐坐下火車會一支水幾個人share
雖然係落後唔衛生 但有嘅嘢愈少就愈會分享
好過大陸人