屌，印度街頭美食真係世界第一。。。
https://lih.kg/2515247
- 分享自 LIHKG 討論區
發覺連登仔對印度嘅認知唔深同太多誤解，所以開呢個 post分享一下嗰陣我去印度嘅所見所聞。
（好耐以前喺高登都有分享過，不過今次詳細啲）
事不宜遲，直接開波
話說我嗰陣16-17歲（差唔多20年前）當時天真爛漫嘅我對印度充滿幻想：
世界古國喎，肯定充滿歷史嘅痕跡，又想睇下生命之源⋯⋯恆河
所以當我呀爸個印度客嫁女（會去5日4夜）請我呀爸同我呀媽去觀禮，我叫我呀爸帶埋我去。去之前，我已經做晒 research，諗定要去邊度參觀。
臨上機前兩日，我仲預算可能唔太夠時間，所以仲叫我呀爸幫我改機票、訂酒店，我自己stay多2、3日。薑，越老越辣嘅，我呀爸嗰陣幽幽咁講：
你去到留咗2日之後仲咁諗先再講啦。
我嗰下真心嬲咗：嬲嘅係我呀爸嘅不通情，嬲嘅係我呀爸覺得我係溫室長大會頂唔順。
Anyway，最後我地喺6月中一個陽光普照嘅天氣下出發。
惡夢嘅開始，係由上飛機開始。
一上到機，由於班機充滿印度呀叉嘅關係加上香港天氣比較熱，就算坐嘅係 business class，成機都彌漫住一種印度香料加身體嘅酸叔味（簡單講，就係好撚柒臭）。我自問係一個文人，雖然未去到講句仆街會打冷震，但平時真心唔多講粗口。不過都要講：屌佢老味，真係好撚柒臭。
好不容易捱過5個半鐘落機，充滿住期待咁行出機門、諗住呼吸一下古國歷史嘅氣息嘅時候。。。
迎面而黎嘅係一陣比機倉更濃烈嘅「up」味，加上微微嘅暖風帶住猛烈嘅熱氣下，肚裡面頓時感覺到胃液翻滾（簡稱「作嘔」）。之後入境、坐客㗎車去酒店嘅路上，我都一直比呢一種獨特嘅氣味熏到頭暈腦脹。
之後嗰一日，個客好有心，搵專車車我全家去參觀下啲景點。我印象就只有：好臭、好撚臭、好撚柒臭，同好熱、好撚熱、好撚閪鳩柒熱。喺車上面有冷氣同無咁臭，但取而代之嘅係塞車塞撚到孖閪咁。你去過泰國以為泰國交通好差成日塞就見識過乜叫塞撚到仆街？
sorry，你太天真喇，印度嘅塞車，係開外掛咁撚樣塞：係成半個鐘㗎車都郁唔到1cm嗰一種塞。去個景點講緊6-7公里外嘅，要塞成2個鐘。你可能話：屌，咁行都行到啦。啱，不過外面超過40度嘅高溫，加上嗰種臭同成街都係人，我情願塞車。
充滿冒險精神嘅我，中途仲喺街買咗杯奶茶同街頭小食。
認真，杯奶茶無乜嘢嘅，因為夠凍，仲夠甜，算好飲添。
份街頭小食係個客嘅司機推介嘅。係一舊空心嘅炸麵包，食嗰陣就挖個洞加啲醬料。味道嘛？你幻想下食一種加牙膏嘅咖哩，再加臭臭地同苦苦地咁。好唔好味？我真係唔識欣賞囉。
第一日其中一個 check point就係睇下生命之源嘅恆河。
唔知各位有無去過元朗國嘅B仔涼粉舊鋪食過，間嘢咪對住條渠好柒臭嘅？喺恆河嗰度附近，種臭大約係元朗國條臭渠嘅10幾20倍到。無去過元朗國？無所謂，去你而家附近一個最臭嘅公廁，對住個尿兜深呼吸，應該差唔得幾遠（點解係尿兜而唔係屎塔？因為恆河臭得黎係有種刺眼嘅「壓」味）
喺呢一度，容許我
一下，順便表達我對我呀爸嘅尊敬：因為佢未退休前每一年左右就要去一次印度出差，佢嗰次已經係第三、四次黎印度。果然係「強人是你，能飛天遁地」去到幾次印度，飛天遁地都係小事。
（待續，下集有華麗嘅結婚場面）
