唔差在我都騎劫一下,我係幾年前去既,去之前都做定晒心理準備會係咩情況,不過都總係遇到想像唔到既事。
一落機就臭到怨,夜晚比狗追,行街時有馬騮係頭頂經過,食到有腸胃炎,見到d人周圍痾屎屙尿,打醒十二分精神最後都係踩到屎,呢d都算啦。
最難忘果次係係泰姬陵坐火車返新德里,我果時買左4點半火車,結果不停Daley ,每次都de半個鐘。
最慘果日仲要腸胃炎,不停咁係車站去廁所,又驚miss左班車,最後Daley到8點半先黎,問題係佢水牌係寫部火車係3號月台到,結果佢就停左係2號月台,又睇唔到車名。
最後有理無理上左車先,一路都驚自己搭錯車,車開啦,車上又冇人答到我係咪返新德里,等左一陣有人黎查飛,先問到條友我上啱車,因為成4個鐘車,一放鬆就訓著左,夢見自己係屋企瞓得好好,一醒返,聽住d轟隆轟隆聲…原來我仲係印度…
果日凌晨3點起身去泰姬陵,搞到第二日凌晨2點返到酒店,差一個鐘就活動夠24粒鐘。