我都去過印度出差 Bangalore 算係工業城市 比較上冇咁落後 住係ritz Carlton 去一個星期 去之前真買定幾箱水 個喼都係放咗好多水
去到當地 發覺好多印度同事都係用iPhone 仲要最新個款 過萬蚊一部 但問翻佢地人工都係3-4千蚊不個月 真係cls 然後當地買iPhone要俾稅 所以有印度同事問可唔可以託我香港買
另外講下當地食野 係酒店食個啲直頭同土皇帝一樣,個大廚會出黎問你想食咩,然後tailor made 俾你,價錢相對香港係好平,100咗右食到prime 牛扒,另外個大廚知我食唔到太辣嘅印度咖喱,都有特別整一種甜咖喱俾我,味道同服務都一流
酒店有個餅店 cake係勁甜,甜到食唔到兩啖 另外有馬卡龍 價錢唔平 成十幾蚊港幣一粒 個味唔錯 同香港差不多
如果係商場入面既餐廳 我夠膽死一個女仔去食頹商場food court嘅印度老麥 其實食落又冇咖哩味 啲麥洛雞又幾好食 其他食過普通西餐 其實味道唔錯
最後想講下塞車 印度人真係好撚顛 啲車完全唔跟線行 3條線至少有5架車行 基本上佢地有位就入 唔理幾貼都好 啲電單車直頭玩命 另外見到啲街頭小販會拎住啲花生呀棉花糖之類係條公路上面販賣 左穿右插 好多都係好細個嘅小朋友
舊棉花糖又冇袋包 吸晒成條路嘅精華廢氣。。。