有人讚 有人覺得吹大左
究竟 除左好主觀咁覺得好聽同唔好聽
有冇得客觀咁評論一個歌手唱功？
我覺得有
小弟係一名歌唱導師 我既學派會有自己既見解
相信其他學派既歌手/導師 都會大同小異
首先係音感
音準拍子係出道歌手必須合格既野
我聽過唔少人覺得音準拍子唔重要，有感情就得
呢種講法離譜至極
每粒音同有自己既基音同泛音 一走音就會同其他樂器既泛音頻率唔同步 會十分銀耳
稍為進階少少既歌手除左準之外仲會加上例如律動感/riff
令個人特色更突出
第二係音色
呢個可能會稍為主觀少少
但大概形容為歌手既共鳴/projection/邊緣震動
同background有幾和諧
有啲年青歌手既聲音好實好響好有穿透力
往往無視整體音樂氛圍
正正就係被人話勁但唔感動既原因
第三係情感演譯
有感情唔係純粹投入或者灑狗血式咁唱就等於好有感情
相反係將技巧融匯貫通，透過音色既變化同埋語感既設計，加上樂句處理 好自然咁傳入聽眾隻耳
好多大家所謂唔使用技巧 但好有感情既歌手反而係技巧既痕跡高到唔覺 所以聽落去好自然
第四就係最最最多人講
但偏偏最唔重要既音域
最多人講因為個個都聽得出 同埋高音既高頻突出 所以好alert到個大腦
音域/音量等等 只係一種極限內既表達能力
換句話講只係代表既歌手既歌路闊同窄
但單憑單一風格甚至單一首歌 音域稱唔上十分重要
甚至唔少歌手其實都音域好闊
但佢認為自己既sweet tone唔係高音
所以作品上並無呈現出來
總結林家謙呢位歌手 絕對值得香港人稱讚
頭三樣都稱得上一流
第四樣暫時未呈現到係作品
加上佢啲歌自己寫自己唱
好多作品既完成度都極高
大家平時對唱功既刻版印象其實並唔適合套林家謙 林宥嘉 梁靜茹呢類歌手到
題外話
未退來落既男歌手 張敬軒係第一
佢唯一既缺點只係聲線既低頻並唔突出
係低音領域 同香港歷代男一稍輸一籌
如果唔同意 插得細力啲
Thanks
