【少甜】《吸血鬼係香港搵食真係好拎艱難》

文呢？

咪出左

第8回 - 有隕石呀屌

不用一個鐘，劉龍已經將條女屍食到條渣都無。剛才既骨頭山都比佢當蝦條咁食埋，真係專業食肉獸黎呀下 。不過，話哂都龍呀嘛，唔一啖吞哂已經算係咁。劉龍話，好野梗係要慢慢嘆，點可以一啖食左佢。

「不如周圍行下囉？」劉龍食飽飽，個樣睇黎十分滿足。

「咪啦，無乜心情。」我話。「溝唔到女唔開心。」

「你上次講果個人類呀？怕咩呀你吸血鬼咁型，吸血新世紀主角都係咁溝女架啦。聽講個女仔識打柔道架喎，唔知夠唔夠吸血鬼打？」劉龍一輪嘴咁講。

「打鬼打馬咩，比我吸乾左啦。」我話。「就係咁先唔開心。」

每次一溝唔到女，我就忍唔住一手劃過佢既頸際，趁住鮮血直噴時吸一兩口熱血。

「... 算啦，女死女還在呀嘛。」劉龍搭住我膊頭。「行下啦。」

「好啦..不過你等我準備下先...」我說。

佢所謂既行下，其實就係一野捉我上天。我達一句「屌」都講唔切，真係嚇向左走向右走到我屎忽都濕埋。係呀，龍人都係識飛的。於是我都即刻變返隻蝙蝠，踩係劉龍個頭上面。因為以我既飛行能力絕對唔會比龍強。「你想去邊呀屌你？ 」

「無架，周圍睇下野囉。喂我頭先黎果陣見到d奇怪野。你望下呢度，有鬼咁大個洞喎。」劉龍指住下面話。呢個時候既佢已經飛到上平流層。

「嘩搞錯呀咁撚大粒隕石撞落黎？天文台都唔理既？唔得喎，我地去睇下啦。」我話。

「喂，人間界既事人類自己搞啦。」劉龍話。佢雖然串，不過都講得無錯。一陣落到去，比人類捉埋我地就麻煩啦。雖然都試過幾獲架啦，不過你知啦，對住人類一定要留手的，如果唔係好易玩出火。

「望下唔洗錢姐 。 」我冷冷地道。我仍然為左溝唔到條女然後殺左佢而唔開心，都唔知點同佢老豆老母交代。

於是我地飛左落去望下。

more正皮

咁撚慢既
果邊睇到條囡變左蟲

咁耐都未到新文

今晚加速啦咁

咁撚慢既
果邊睇到條囡變左蟲

慾畜則畢達呀嘛

終於係呢到睇得到呢個故了

第9回 - 撚樣外星人

「搞錯呀，咁大粒隕石跌落黎無人知會聲既？打歪少少就打到我屋企架啦嘛！屌！」變返人類形態既我，企係個大咕隆隔離望住個天。

「咁日光日白，跌左落黎無人知都唔出奇呀。」劉龍話，想伸手去搞粒隕石。

我一野捉住佢，阻止佢摸石：「咪呀，熱架戇鳩。」

「咁有野就要摸下望下架啦。」佢話。真係唔明，咁單純既龍人點解咁耐都未比人類害死哂。

「你等我用超能力望下入面有乜啦。」我話。

「勁喎，你新練成架？ 」劉龍一聽我話有超能力就十分興奮。

「等我用念力屌撚死你個戇鳩仔.. 」我緊閉雙目。其實都唔係咩超能力，只係本身吸血鬼聽力係好少少。我留心一聽就知道隕石有無發出古怪聲。

舊隕石熱死辣辣，有d燃燒既聲音，呢樣雖然唔洗超能力都知 ，不過我仲聽到有少少聲係入面傳出黎。

「有野係入面呀屌... 」我話。

「外星人？」劉龍拍哂手。「好呀好呀，我未見過外星人喎。」

『你見過啦..我唔講姐..』我心諗。外星人既情報，我知道好多，但唔講得的，因為好恐怖，講左出黎我就會比人刺殺，吸血鬼都不例外。我只能講，天外有天，人外有人。香港係有好多外星人的，真心。

我見劉龍咁興奮，都唔好掃佢興啦。我向住隕石大叫：「出黎呀！」

「嘰嘰--!!」粒隕石入面有聲。估唔到真係會一叫就出黎。正一戇鳩外星人。

第10回 - 撚樣外星人II

隕石入面爬出左條撚樣出黎。條友一字眉，d頭髮向上飛起哂成個超級殺亞人咁，仲要矇豬眼，個鼻大到成龍咁，仲有執羊咩鬚。係呢一刻，唔知點解我真係好想一野衝埋去打撚柒佢，因為個樣太柒碌。

正當我懷疑條撚樣係咪咩飛機墜落d生者還果時，我發現條友原來得個頭的。

「嘩屌！咁撚核突既！ 」見慣死屍的我都表示，見到個活人頭係度郁下郁下真係好撚恐怖。

「喂，佢有手架！」劉龍指住個大坑。

個人頭係度爬黎爬去，原來佢個頭係連住好多觸手 ，要描述的話，即係好似十支竹簽插住一粒魚蛋咁款。

「屌乜撚野星人黎架... 」我話。「唉屌走呀！」

「下？唔理佢啦？」劉龍話。

「咪撚理佢啦毛管都棟埋呀見到隻野！ 」我打哂冷震，準備走人。

「但係，捉到外星人類就發達啦！可能可以研究到地球上仲有咩未知生物呢？」劉龍越講越起勁，不愧係潛入人類社會多年既戇鳩仔。

「妖！呢個世界邊有d咩奇怪生物架！」我話。「走啦走啦咪睇喇，睇到我lin旗都扯埋。」

就係咁樣，我地就走左。

第11回 - 撚樣外星人III

就係咁樣，我地就走左。

以為就咁走左，就會無事啦？實在太大想頭了，對方係外星人！！仲要得個頭既怪物型外星人！！條一字眉外星人，不出所料，係我地後面跟向左走向右走住哂，仲爬得鬼咁快喎。

「喂屌你..走啦我唔想搞大件事呀！ 」我以吸血鬼特有既神速輕功跑緊，估唔到隻野都竟然追到。

「其實識多個朋友無壞呀。 」劉龍係我隔離話。佢身為一個龍人，追得上我既速度係應該的。

「嘰嘰！」隻野又叫喇。真係好嘔心。

「佢係鬼想同你做朋友架咋，想捉我地黎食咋！」我話。

「但..我地都唔係人類啦？有咩好食？」劉龍話。真係一言驚醒洛克人 ，係喎，怕咩？應該調向左走向右走返轉頭，教訓下隻好樣，話比佢知地球既話事人係我！！

「好，準備啦流龍！」我同劉龍打個眼色，佢立刻明白我既意思。

「吼---!!!」劉龍瞬間變成一條白龍，呢個係佢既真正形態。劉龍一個轉身，隻外星人停唔切，因為慣性而向前衝。劉龍用龍尾一揮，一野拍落隻外星人度，用佢充滿鱗片既龍身將隻外星人捲住，然後示意我可以出招了！！

吸血鬼有咩攻擊力？呢個真係一個好問題。嚴格黎講，我地只係擁有強化過既人類身體。肌肉力量更強，堅硬既指甲，四隻異常長既犬齒，而且有變身能力，靈性更加高。咦？你話我好似無咩特別招數？係呀，其實吸血鬼的確無咩特定攻擊方法..

不過，我發明左一招只屬於我既絕招。

「係時候喇！華Dee！！」劉龍大叫。

「呀--!!」我右手掌向住外星人，左手按住右手臂以防後座力太強大，同時奮力貯氣，想像自己是Ironman。

我地吸血鬼有近乎不死身，相對地就比人類有更長既時間去學習點樣操控、善用人體。我將全身既體液集中於右手，然後透過調節右手掌毛孔大小、手部肌肉同血管壓力，形成左一個閉合流向壓力系統。係一秒之後，液體就會經過高壓既體液會由我手掌射出！用人類既語言黎講，呢d叫手汗。

「食屎啦！！！」我大叫。

一股「水柱巨炮」打向個柒咕碌外星人，佢嘔心既觸手擺動終於停止。

「呀--！！呀---！」外星人慘叫。「好痛呀！好向左走向右走痛呀師父！！」

我地都好奇怪，點解條外星人識講廣東話既？

我一手捉住個死人頭。「柒頭，你邊度架你？講！」

「呀..！救命呀！！我最怕鹽呀！！」外星人話。

好正 正

留名

Dio

加速

玩夜左，聽日補出

加速

我記得係高登都有睇過 但唔止咁少架喎