【少甜】《吸血鬼係香港搵食真係好拎艱難》

嗚呀！！要射了！！

第69回 - 夢遺爭霸戰II

指令。

係每一個生命誕生之前，就已經被下達一個「指令」。唔需要教，唔需要有人話比佢知，佢就識得要執行呢個指令。狗仔唔需人教就識飲奶，毛蟲唔需要人教就識結蛹，魚唔洗人教就識遊水。

人類既指令係d咩呢？生存？掠奪？控制？戰爭？

我個名叫做摩耳甫斯。我對進入左我夢境入面既人下達既指令就係...夢遺。

===========================================

「唔知點解，我一入左黎夢之後，就有一種好想做底最終boss先至叫玩完呢關既感覺。」我話。

「我反而唔係咁諗..我覺得，係呢個夢入面爽到先至係呢個夢既目的。」萬J王—劉龍話。真係一朝得志，語無倫次。

「你呢一招..睇黎可以用黎對付陰陽座。」我專心地思考中。不過我回過神來，其實點解我會想要同劉龍對付陰陽座呀？只不過發夢姐！嚇我唔到既！！屌，諗諗下，呢個夢實在太戇鳩，我要走了唔撚再同佢地玩。

「唔同你玩，我走了。」我講完後，控制係現實世界既肉體用力地掙扎，想喚醒現實世界中既自己。平時我發噩夢，想強制中止都會咁做。不過今次唔知點解，無論我點爭扎都無用？？頭先明明都醒到一次架喎。

『邊個同你講..呢一個係夢，而唔係現實？』旁白又講野了。我唔信邪，開始中撚左風咁係地下典黎典去，都係出唔到個夢境 。

「放棄啦。」劉龍話。「出到去我就出左啦。」

「我唔想再留係呢個濕鳩夢入面！！ 」我大叫。

『離開只有一個方法，就係搵到『夢遺』。』旁白話。『夢遺可以係一個結果，一個過程，都可以係一件信物。』

劉龍睇黎都聽到旁白講既野，似乎我地兩個係夢境係打破到第4面牆。劉龍向住愛CK魔人，輕輕舉高手，然後魔人狂叫一聲：「嗚呀！！」

跟住我見到天上面有股強光由天度射向愛CK魔人，佢慢慢向上升！！佢升天了！！佢離開左夢境！！！

「喂，對住我用！」我同劉龍講。劉龍即刻點頭，開始對我使出超能力！！我感覺到扯旗既感覺！！不過，我只feel到現實中既我扯旗，夢入面既我仍然一d感覺都無。

「聰明仔，你而家無丁 ！」劉龍笑鳩我。「咁我而家都將自己『封神』先喇，拜拜。」

「封神」係我同劉龍之間既暗號，通常我地殺人唔會真係講要殺邊個隊林邊個，而係講「封神」。

「喂咪撚走住呀！你走左我咪自己困係度？」我鉗撚住劉龍條頸唔撚比佢用超能力。

「救命呀！！..」劉龍想打鳩我。「唉最多咁我幫埋你打埋陰陽座先走喇。」

「一定要啦仆街仔 。」我話。「同我去尋找夢​遺！ 」

萬j王射得太多衰老了

聽日可能無時間出文，所以出多篇 請繼續支持夢境篇

聽日可能無時間出文，所以出多篇 請繼續支持夢境篇

支持

萬J王（MagJto）

好故留名

好撚正 推

　live 咗，推

推
好搞笑

D圖笑撚死我

萬j王射得太多衰老了

我用紙言 ios 個app揾唔到你d文？
連你個名都揾唔到

萬j王射得太多衰老了

我用紙言 ios 個app揾唔到你d文？
連你個名都揾唔到

https://www.shikoto.com/author/18415/%E8%8F%AF%E7%8E%8B%E5%AD%90.html

高登個名叫猛鬼大廈嘛

今日夜返無文，所以尋日出左，明天繼續
明晚都要食飯，會朝早出

今日夜返無文，所以尋日出左，明天繼續
明晚都要食飯，會朝早出

飯局多到……
偽毒華

今日夜返無文，所以尋日出左，明天繼續
明晚都要食飯，會朝早出

呢個喎

今日夜返無文，所以尋日出左，明天繼續
明晚都要食飯，會朝早出

呢個喎

你想揾邊篇？

今日夜返無文，所以尋日出左，明天繼續
明晚都要食飯，會朝早出

呢個喎

禁去近個名無文咩？

第70回 - 夢遺爭霸戰III



「我地行去教員室搵陰陽座，然後你就用超能力令佢夢遺。然後我地就可以離開呢個夢境。」我充滿鬥志地同劉龍講出我呢個簡簡單單既計劃。

「非常完美 。」劉龍話。

我地戰戰競競地行到教員室樓層，然後互相對望左一下，我地已經準備好叫陰陽座出黎隻揪！！

「陰陽座老師請到一號窗。」我對住呢個教員室外既咪話。

陰陽座好快行左出黎，一見到我就笑笑口咁，正一咸濕佬黎。「你搵我呀？咁凍仲唔著返衫？」

「係機會啦！！」我同劉龍大叫。

劉龍集中精神，將所有JJ能量集中，力量之強令到自己好似磁力王一樣浮係半空之中，向住陰陽座使出我睇唔到既勃Jer能力！！

「我而家就勃起你！！」劉龍話。

「原來你地都係『穿越者』....」陰陽座未講完，就已經舉高手，輕輕一揮，我地兩個都比佢既念力壓底！！今次真係無論宇宙壓力都將我壓底喇...

「點解你咁差架.... 」我扒左係地，同隔離一樣貼係地下既劉龍講。

「救命呀！我而家做左貼地大聖 ！！」劉龍自己同自己係度講。真係九唔撚搭八。

「喂，起身呀！！」我扯佢頭髮。

「我而家親吻大地呀！！」劉龍又係度話。睇黎佢已經痴左孖根。

「你地學生就應該有返學生既樣。」陰陽座行埋埋黎，然後唔知點解劉龍慘叫。

「佢入左我個腦度！！」劉龍慘叫。

「點入呀 。」我雖然都好驚陰陽座呢個新能力會對我發動，不過都係忍唔住笑。

「佢..狂係我個腦入面播reproduction片！！」劉龍話。「唔得啦！我就快夢遺啦！！！ 」

Reproduction？好野黎喎！我都想睇，喂快d比我睇啦。我都要夢遺呀！

「我唔會入侵女仔既腦。」陰陽座話。扮乜春呀自己咪又係咸濕佬？況且我唔係女仔呀。

「快d諗下辦法啦...」劉龍就快頂唔住了。

呢個時候，時間好似停止左一樣。我陷入回憶之中。

----------------------------------------------------------------

我記得，我係細個既時候身體唔係幾好。所以我一緊張起上黎，都會有大量手汗。雖然唔會好似Ironman咁射出高壓巨炮，但都會多到滴落黎。好似落雨咁。

「你又係好多手汗架？我又係喎。」一個皮膚好白女仔同我講。

「我以為男仔緊張先會咁。」我話。

「唔係啦，我身體差嘛。」女仔話。佢睇落好虛弱。「呢個都係我地既特點黎架嘛。」

得到左呢個女仔既啟發，我終於知道上帝賜手汗比我既目的係乜野。

---------------------------------------------------------------

「快d諗下辦法！」劉龍就快頂唔住了。

「唔撚洗諗喇。」我話。「我已經發現自己係夢境既新能力。」

我雖然被重力壓住，不過將手掌指向陰陽座。我將專注力集中，全身所有體液集中係手掌每一個毛孔之中。準備...所有毛孔已經填充完成，發射！！

高壓手汗從手掌射出！！我都因為後座力而被向後推。

「點...點會咁架！！」陰陽座快幾油滅了。「你係...劉博士！！」

哦？叫得我做劉博士都代表陰陽座係入黎夢境既人喎。

「嗚呀！！」陰陽座都夢遺了應該。係夢入面浸係水度既人特別容易夢遺。

「我地都係時候返去現實了。 」我拍拍手掌。

「喂，你呢招唔係新招黎喎！你出過架啦喎！」劉龍話。

「洗乜咁撚執著呀。 」