【少甜】《吸血鬼係香港搵食真係好拎艱難》

1001 回覆
279 Like 8 Dislike
2016-12-05 22:18:52
故事簡介:

人類實在太過自信。

一直以黎,人類一直自以為自己係最強生物,不斷地以其它動物作為食糧,大量飼養牲畜以作飽腹之用,更加創造「寵物」概念,鐘意就養,唔鐘意就殺。呢種生活模式打從智人出現就已經存在。

但當世界上出現比人類更加優秀既物種既時候,人類就好奇怪地開始恐懼,然後譴責、憎恨比佢地優秀既物種。或者唔應該局限係物種,而係任何比人類高階既野。

「係咪?人工智能。」以吸血鬼身份生活左20年既我向住一個被我坐住既女仔人頭問。

「我唔係叫人工智能,我係Great1NG-Y0 U號機。 」人頭回應。

「忽腰。」我說。「以後就咁叫你啦。」

「...」忽腰不作回應。

「一齊殺死所有人類。 」我低語。
2016-12-05 22:20:35
第1回 - 戇鳩吸血鬼

是咁的,

我係一個燥底的吸血鬼。

講起上黎,點解我會做左吸血鬼?講起就我就扯火啦。話說十年前有晚,我落老蘭溝女,識左個鬼佬。個鬼佬幾好人既,不過你地知啦,落得club既,識個鬼佬當然用黎拉social proof架姐!當晚,靠呢件鬼佬的確多左好多女埋身。

果晚我睇中左條女,打撚哂車輪,準備帶條女走去爆房。點知條痴線鬼佬就無啦啦走出黎追住我,想郁鳩我。

「屌呀?你睇中條女唔早出聲?」我對住鬼佬大叫。

我當時好危險,生命受到威脅,加上常時醉醉地,我都開始唔知做緊乜春,只記得好似對住個鬼佬狂用貓拳,一路打一路笑。第朝起身,先知原來個仆街鬼佬咬鳩我條頸喎,我屌呀! 血流到成身都係,真係嚇到我屎忽都濕埋。當時我記得訓係床上面,成身血,又忽冷忽熱咁,隔離條女仲慘過我,全身慘白色,死撚埋。

就係咁,我就做左吸血鬼喇。 其實變吸血鬼個過程唔算好難好辛苦,不過令我最困擾既,係我日日比人恥笑。

「喂,死傻仔!!」有個契弟拍我個頭。

係人都知啦,香港地,邊有咁多吸血鬼架?全香港我諗得20隻吸血鬼,有一半都係鬼佬黎。班鬼佬,一係就外國黎香港玩果d遊客,少部分就係英殖時代黎香港住到而家。剩底果一半,再有一半係女人黎。講到尾,係班鬼佬沉船,咪變佢地做吸血鬼囉。仲有幾個,應該係共用針筒咪中左招。平時你地行街見到有d扮乞衣既頹友,就係佢地黎。因為佢地不死身,本身又爛泥扶唔上柄,所以會一日到黑條條街度hea。至於我呢D本土香港仔,會無啦啦做左吸血鬼既,我諗除左我之外,都無另一個本土製作吸血鬼囉。


至於點解我會比人恥笑?因為香港本身就已經好多地膽係度,吸血鬼只係少數,真係要行埋一邊。頭先拍我個頭條撚樣,就係香港殭屍。殭屍係香港好撚耐架啦,由清朝到家陣,都唔知住左幾多年。佢地同吸血鬼唔多岩牙的,因為大家既食物一鳩樣,都係要吸人血,佢地會話鳩我地搶佢地d食物。我地識飛,佢地只係識跳得好高。同埋佢地好多都爛面,唔知點解。我地就皮膚白少少,無血色姐,又未至於爛面。可能基因唔同掛。

「屌你呀! 」我舉手中指比人殭屍仆街仔,然後即刻用我最快速度著草。下次見到佢真係想郁柒佢。
2016-12-05 22:21:24
2016-12-05 22:22:16
第2回 - 做吸血鬼其實好慘

「喂,華仔。」條鬼佬以鬼佬腔廣東話叫我。「今晚有無節目啊?無就一齊去一野咬到d女一頸血啦?」

呢個鬼佬就係咬鳩我果個痴線吸血鬼,佢叫Dio,我成日叫佢做「屌」,蝦佢唔識廣東話。問返果時做咩咬鳩我?佢話,因為佢飲醉左酒喎。而家我焗住要同佢住。無計啦,就算嬲鳩佢咬鳩我,都要同返d生活習慣一樣既人往,做野起上黎方便d呀嘛。

「戇鳩仔先會用牙隊落人條頸,噴到成身都係。」我話。

「哈哈,我係戇鳩仔。咁先好玩呀嘛!」Dio話。其實Dio份人都幾nice,有少少英國紳士feel。不過鬼叫佢咬鳩我咩?咬鳩我我就屌佢架啦 。

Dio平時真係會著到成個吸血鬼咁,典型英國風格既吸血鬼。每年Halloween佢就最出位架啦。佢對於班本土派香港殭屍就好少理,因為佢吸親既,都係吸鬼妹。美國妹英國妹俄妹賓妹索高維亞妹,有邊種妹佢未食過?所以呢,佢又唔會話搶哂班殭屍風頭。有時真係想學下佢咁豁達。


我地住埋同一個單位,元朗某間村屋黎。屋企有架老爺benz,Dio以前買落既。不過佢從來唔會渣,因為佢只會變蝙蝠飛去目的地,渣架車過老蘭?佢先唔會啦,過海好撚貴,佢話。所以成日叫我郁下架車,費事電池無電,叫人黎救車又洗幾舊水。鬼咩,吸血鬼都要洗錢架嘛!我地要一日2餐,一個月要飲一次人血,果兩餐唔係錢呀?仲有交租呢?燈油火蠟呢?香港做咩唔洗錢架?做吸血鬼,係香港仲難生存,都唔知邊忽有血!Dio就唔洗點做野既,幾百年前銀行D錢,今日仲收緊息,都咪話唔和味!至於我,就係雙失吸血鬼。

不過咁,呢部黑色S Class Benz,變左我溝女既工具。

呀係,小姓劉,名叫做華仔,德華。因為我好鐘意做愛,所以d人又會叫我做愛德華,或者華仔。二十年前,1996年係24歲。今年,2016年,個樣仍然係24歲。

當年未有SARS,大學生好吃香。今年,大學生做慘過擔爛泥怪。我雖然用左十年時間,讀左個degree,但都唔知做乜好。我呢D夜行生物,除左看更都唔知做咩好囉。試過係老蘭d夜店做過一排bartender既,不過環境太嘈了,吸血鬼對耳唔多頂得順。

但係,最近見左份新工,希望可以搵到食啦...我諗,應該都幾過癮既。
2016-12-05 22:23:12
第3回 - 吸血鬼見工


早幾日。

「華仔下嘛,請坐」著住西裝的女人說。

「..唔該。」我說。「可唔可以拉左個窗簾或者..較暗少少個燈。」

「先生,我都想請你除左副超先,我地先至以繼續。」個女人話。

超,除咪除!吸血鬼唔鐘意見光姐,唔代表見光會死。

「愛德華先生,想請問下你對於你申請既職位,有幾了解同埋,有咩期望呢?」個女人問我。

「咩呀...殺人之嘛下嘛。」我話。

「你的確講得無錯...」女人說。「不過...我地指定要殺既人物,一定要以特定方法令佢死亡,唔係只係殺。你知啦,香港地呀嘛。」

無錯,我見呢份工就係全職殺手。要靠點門路先至做到。你地以為香港無殺手?哈哈,咁你地就錯了..每年香港失蹤人口就有幾百人。我可以話,除左比我地呢類生物食左之外,都係殺手所為。

「明既明既...」我說。「不過可唔可以舉少少例呢?」

「我地係你正式加入前,唔可以講太多。」女人話。

「咁我加入囉。」我說。

「等等先..先生,我都未知道你適唔適合我地呢份工作。」女人企起身,指住一個紙板人。「我想請你係500米外,刺殺佢比我睇下。工具有哂係檯面,你可以用任何方法。」

我望住檯上面,有刀有弓箭有球棒仲有支甜筒,就係無槍。都好,比槍我反而唔識用。一個正常香港人有幾可掂過槍呀?

「關始得未呀?」我問。女人點頭。

於是我當然玩返少少花招啦,睇少我?區區一個人類睇少我?

「颯!」一下風聲,紙牌人既頭先經比我撕左落黎,係我手上。而我仍然企係原位。

「....」女人呆左。「你點做到架?」

「商業秘密。」我羅住個人頭放係我塊面前面做面具。

2016-12-05 22:24:09
第4回 - 龘點讀?咪龍龍龍


就係咁樣,我即時就被取錄左做下級殺手。不過都係果句例牌:等兩日通知,先知有無得返工。

於是我又係屋企無所事事。

咩話?你地想知我做左吸血鬼之後,屋企人點樣?佢地仲係度呀,佢地住係九龍。不過我呃佢地話,我想同老婆移民去外國,是但搵個女仔同我結左婚擺左場大龍鳳,之後就走左去日本。事後,條女當然比我吸乾哂D血啦,條屍都仲留左係日本呀。 跟住我就偷渡返過黎,搵個假身份做返香港人。無計啦,點都鐘意香港多D呀嘛。 我每個月都有入錢落老母戶口架,耐唔屎都會變返34歲個勁樣探下屋企人,我都算孝順仔啦?不過無左個人扮我老婆,總會比人問東問西既。

而家呢個年頭,唔只做吸血鬼,做乜春都唔多好景,無返一兩招法術傍下身都咪出黎行。以我為例,做左吸血鬼之後,要睇書學新招。十年前學識左變形術,可以變咩都得,當然要練習啦。因為我地吸血鬼係半肉體生物,我地個肉身好唔穩定,所以可以跟隨我地既意志隨時改變,孫悟空七十二變都做到,只要肯努力。不過半肉體既缺點係相機影我地唔到,照鏡都ok既。

第二樣我練既野野就係高速移動,即係著草呀。呢兩樣野可以話係吸血鬼基本功。當然我地本身力量都強過人類100倍啦。

Dio條死鬼佬就比我識多少少,識用催眠呀,隱形呀,古靈精怪咒語呀,仲識整喪屍添呀。我記得呀,佢有次屎忽痕話想整喪屍,好耐無整喎!於是我咪幫佢搞一大輪野囉,又買呢樣又整果樣,搞足幾日!又要幫手買條死屍返黎,比佢落下咒語又盛。最後又真係整到隻出黎,不過我地見到都唔多開胃,於是放生左佢去後山,唔知而家點喇。 我仲記得果時仲串Dio,你買支病毒返黎都無咁煩啦,去黑巿買條屍你估平咩?幾萬起跳架!未計有人同你爭bid喎。

唉,講返而家先。話說無工做既我,都有少少娛樂呀今日。今日有個朋友黎探我。

呢個朋友好特別,佢都係本土向左走向右走黎。不過香港地道麻煩妖怪——龍。


2016-12-05 22:28:01
做咩唔用返猛鬼大廈
2016-12-05 22:28:15
正皮先
2016-12-05 22:49:27
終於出啦
2016-12-05 23:11:59
留名
2016-12-05 23:26:07
2016-12-05 23:26:31
而家係咪LIHKG仲多人睇過高登
2016-12-06 01:19:43
Finally!!!
2016-12-06 01:26:35
睇緊呀
2016-12-06 02:10:54
我應該叫你華王子定猛鬼哥好
太好啦 終於係度揾到你
2016-12-06 07:13:29
留名
2016-12-06 08:45:27
留名
2016-12-06 08:47:08
2016-12-06 12:00:37
而家係咪LIHKG仲多人睇過高登


我諗高登有7成人過左黎
同依到實在係好用好多
返唔到轉頭
2016-12-06 13:48:38
留名
2016-12-06 13:56:50
留名
2016-12-06 18:01:37
Lihkg會由頭出
2016-12-06 22:37:14
留名
2016-12-06 22:50:48
留名 ,會唔會有Jonathan Jotaro 出現
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞