【少甜】《吸血鬼係香港搵食真係好拎艱難》

王子華Happy New Year
新一年出triple份量嘅文啦
你圖文並茂式嘅style幾吸引
繼續努力

2017留名

2017留名

2017留名

王子華Happy New Year
新一年出triple份量嘅文啦
你圖文並茂式嘅style幾吸引
繼續努力

有時間我都想打多d文 不過過多日就開工，模型都未得閒砌，入左部mg突擊自由呀

巴打們 lihkg d post係咪又係有30日限期，過左期就出唔到係講故台？

好好睇，留個名先

第51回 - 連續屍體發現事件IX


SCP-957，唔單止外表極恐怖到連吸血鬼都驚，已經異常大力，唔需要訓覺，好多器官例如聲帶、大腦思考區、消化系統等等都已經退化。而且重點係佢極之難死，係佢呢個形態下既生命力直迫玻璃佬生前既不死阿伯，據說3支機槍用盡子彈都射佢唔死。

「人類形態就話一野打瓜佢姐... 」我心諗。唉，今次仆街了 。

「我仲諗住當玩下刺客信條做潛行，而家唔洗啦 。」我同文傑講。「喂你一個人搞掂佢啦不如。」

「...呢隻咩黎架？ 」文傑似乎連人地係乜都未知 。


「咁靠你喇，有本事你咪吸乾佢D血啦 。我去發光果度調查下先，陣間見。 」我話。我變成一團黑霧，向上飛入去鐵閘隙入面。

「喂！留個電話呀！」文傑臨死前都不忘想抄我牌。老老實實，文傑我諗都過唔到今晚。我覺得呢隻SCP-957分分鐘會將文傑撕開九忽，不過算啦，本來我就無當過佢係隊友。拍拍羅友著草把啦 。

「你有命再見到我先講啦 。」我故意單一單眼，比少少女色電一電佢，等佢臨死都唔會帶住悲哀呀嘛。之後我飛入窗口入面。

=============================================

我由後樓梯飛入去走廊。唔知點解呢個大廈會熄哂燈，似係荒廢左果種大廈。有時真係唔明，今時今日點解香港仲會有荒廢既大廈，明明d地咁值租。唔通... ？

屌，都係唔好再嚇自己。呢度已經暗，仲分分鐘又殺隻SCP-957出黎！我唔想係女人形態下嚇到標屎呀。

燈光雖然好微弱，不過我足以鎖定呢個工廠大廈發緊光果個單位。夜媽媽仲有人做野？

越接近呢個發光既單位，古典音樂就越大聲。間唔中聽到一D金屬撞擊聲。呢種聲音非常似曾相識，因為每個人類都會聽過。而早排仲有個師奶比呢d聲嚇親添。就係斬豬肉既聲啦。

「唔~~唔~~~」有人跟住音樂節奏哼歌！！

我只係一堆煙，基本上都唔會有任何危險，如果對方只係人類的話。我慢慢飄近發光既源頭，見到入面有兩個人，同埋一張舊式牙醫用既床。

而哼緊歌果個人，一斷咁斬緊既，原來係一個人！！係我一路跟蹤緊果個肥佬！！

「扛」一聲，成個右前臂就比佢斬左出黎。

「唉，全部無用。」男人話。「不過本來就唔諗住呢個肥佬振英會比我用黎移植架，點知殺出左殭屍殺左佢。」

咦？？呢個人識分人同殭屍？？

第52回 - 連續屍體發現事件X




呢個地方，十分空曠。除左有張手術床，周圍仲擺左好多死屍。每一件都無左一忽。樓下後巷果堆我諗都係玩完用完先掉出去。我見到有個女仔既人頭，頭皮好似比個男人批緊出黎咁，但呢個過程做到一半。好似一個行左去食飯既藝術家咁，擺底件藝術品係度。

我以為個男人自言自語，但原來佢會望一望係暗處一個人形。

「嘰...」充滿濃痰既聲音回應。呢個無說話能力，或者話有已經退化左既聲帶既人，你地又估中左啦，又係SCP-957 。我可以斷定，呢一度就係呢排發現既SCP-957既來源地之一。

『呼叫玻璃佬。』我用念力啟動顱骨通訊器。『你係咪係建築物外面呀？』

「唔係外面唔通係入面咩...同埋你個殭屍朋友比人揪緊。」玻璃佬仍然放唔底佢八十幾歲固執呀係果種語氣。

『是但啦。由佢做下運動啦，手腳僵硬呀嘛係要比人打死 。』我話。『喂你locate我附近有隻SCP-957，幫我做瓜佢我先可以行動。』

SCP-957既體力極高，破壞力極驚人。根據人類既資料，可以陡手撕開一個有基本裝備既飛虎隊隊員，所以我都唔敢亂行動。『你手頭上有咩武器呀？』

「打呢隻？用20mm口徑穿甲彈囉。」玻璃佬話。

『屌你，你邊度班返黎架 ？』我差d就笑出聲。

「我食鹽多過你食米啦。拿我鎖定住左佢啦。」玻璃佬話。

『好，配合我數3聲，然後你先好開槍呀下。』我話。

我慢慢係暗處實體化，手指做手槍狀指住一路斬緊人呢個男人，一有唔妥我就可以即刻射死佢。你地唔撚記得啦？我可以操控體液係身體任何一個地方以高壓發射，力量同子彈無異。

『3。』

SCP-957無動靜！似乎佢視力唔係想像中咁好。

『2，』

我第一次個心跳到咁快，我回想返我仲係人類果時既感覺。

『1！Break it！！』

情況同我想像中有少少唔同，我以為會好似電影咁會有野打爆玻璃然後有返多少爆炸畫面睇下。但當我仲等緊子彈爆破璃嚇柒個男人果時，原來隻SCP-957已經中左槍，心口開左個大洞，黑血開始滲出黎，成個過程一秒都無。

『哼！』玻璃佬好得戚。

「咩事？？！」個斬人既男人極緊張。

「咪郁。」我指住佢，「舉高手。」

「小姐你咩人？手指指住我就有用架？」個男人想笑。然後我即刻射爆佢身後面果堆爛人肉。哎呀做左好事添

「我投降！」男人開始淆底，舉高雙手。「你...係警察？」

「講哂出黎啦，你知道既所有野。 」

[img][/img]

下次開post要寫埋【驚慄】先得

聽日休息

咁今日喺咪開工
好L正啊
磨牙

留名

新讀者留名

路過劉明

留名

文呢

文呢