第44回 - 連續屍體發現事件V
「其實我係lesbian
」Rose向我表白。
即係話就算Rose對我有好感都係對女性既我有好感,對男既我就完全免疫
唔撚怪得之前對我就兇神惡煞啦
「華女呀...不如你做我女朋友啦?」Rose面紅耳赤。
唉中伏!!Rose呢d咁muscular既女仔一定做攻果方!!如果我貪口爽應承左,到時先不論我用男定用女身,都係要被人吉!!無得吉人!!所以諗諗下真係唔對路。
「..我帶你去個地方啦。」我轉個話題。
========================================
「仲意為你帶我去玩,你帶我黎做咩姐
。」rose話。
「咁我平時收工係做呢d架喎。」我再次係屋頂望向肥佬。「玩少d啦,聽日有job做果陣你又發夢聽炒魷呀。」
「咁我靠你架嘛華姐
。」Rose攬住我隻手。
「喂縮開啦,核突婆。
」我話。費事佢真係咁想我做佢條女呀。
「我靚女黎架!」Rose話。「你先核突婆!平時化到個妝咁白!又咁大個黑眼圈!」
我都無化妝,本身就咁白
。
「你再嘈我就咬死你。
」我望到個肥佬買完豬肉,竟然行向一條平時佢好少行既路。
「痴線
。」Rose笑住話。
「大仙,玻璃佬,睇實個靚女先。」我向後面話。
「下?後面有人?
」rose好驚奇,不過佢無黎得切聽到回覆,就訓著左。
玻璃佬渣左兩下rose對波:「又真係幾靚女喎。」
「我可唔可以吸佢血?」大仙問。大仙都需要吸血的,因為佢係水蛭d fd。不過佢同吸血鬼唔同,我地要用牙咬穿血管同皮膚,然後吸佢地噴出黎果d血。但水蛭好溫和,佢地會將個嘴鑽入去血管度吸,同時避開哂感覺神經。所以好多時受害人比水蛭吸左血自己都唔知。
「吸囉。不過唔好殺佢。」我話。「同埋你d迷暈煙可以停架喇玻璃佬。」
玻璃佬既身體係天使用地球以外既金屬製造,同時都係好洗好用既多功能機械人。
好喇唔講廢話,我而家要去跟蹤個肥佬喇!!佢今日行去後巷,睇黎有動靜喇。
我匿撚埋先。
「今日有無咩食物?」後巷黑暗處有人聲。
「我話過唔會再有。」肥佬斬釘截鐵。
「咁你今日過黎做咩?」
「我認真話你聽,我唔會再幫你。」
其它人可能好奇怪,點解肥佬會自然自語。但我好清楚,係入面果個唔係透過聲帶震動發出聲音,而係心靈傳播。係一個指定範圍內都會聽到呢把直接傳入腦既聲。人類會叫呢樣野做「鬼叫」。而我當然可以聽到呢種頻率既聲啦。而其中一種識得運用呢招既生物係...希望我估錯啦。
「咁你就要成為食物!」入面把聲咆哮。