【少甜】《吸血鬼係香港搵食真係好拎艱難》

報一報到先

玻璃佬點解變咗機械人

無所謂
不過會唔會改

新故唔改，舊故可能改下

玻璃佬點解變咗機械人

無肉體都要整個容器俾佢架嘛

Pish

第48回 - 連續屍體發現事件VI




「咁你就要成為食物！！」黑暗中傳黎呢把聲，然後黑影撲出黎，雙手直接插向肥佬喉嚨，然後就無然後了。我只聽到聲帶軟骨組織被扯爛既聲音。

黑影大口大口地吸血。

我由黑霧轉化返做實體，行向黑影。「估唔到你會淪落到咁喎，殭屍。」

「女吸血鬼？新面孔喎。」殭屍似乎比我嚇左一跳。睇黎佢察覺唔到我就係華仔。咁又係既，我自己都估唔到有一日，吸血鬼會利用到外星科技改變DNA先得架。「又玩變身把戲？我仲以為邊d妖魔先會咁鬼祟！」

呢條柒頭就係老朋友殭屍文傑，即係我一開始第一回做左吸血鬼果時成日恰鳩我果個。我輕輕挨住牆邊。「做咩？而家連自己去吸血都懶，要人類帶獵物黎比你？殭屍都要做乞兒啦？」

我無意得罪殭屍一族。不過殭屍係我眼中的確柒碌。淨係成班蝦蝦霸霸，論實力其實吸血鬼強D。

「你有咩資格話我呀？」文傑仍然扒底係度吸緊血，好似餓左好耐咁。

「你食野食得咁柒就當然要我黎屌柒你啦。」我閃去文傑後面，一手扯住佢頭髮，點知扯撚甩左成塊頭皮。疆屍d皮膚真係好脆弱。

文傑想反擊，一手打埋黎，但我以左前臂擋住攻擊，然後右手伸長一吋，捉撚住佢條頸，向喉嚨直壓。無錯，我可以伸長手的。殭屍就無呢支歌仔唱，只識跳。

「你知唔知你亂鳩咁殺人，人類開始注意到啦 ？」我問。

「咳咳...我無....」文傑喉嚨都好跪弱。始終係腐屍嘛。

「你無？」我左手打多佢一拳。「你都幾無品喎，殺完人話無殺。」

「咳...咳...」文傑就快咳哂d血出黎。於是我放底左佢。

「你條撚樣。」我話。平時我唔敢搞佢地班殭屍的，因為怕佢地成班友過黎趙我。不過而家我有天使照住嘛 。是撚但啦。

文傑繼續係度咳。佢要打的話唔會夠我打的。吸血鬼可以學到既技能多過殭屍太多了。雖然疆屍不死，不過只係局限係物理世界，吸血鬼可以有限度地突破物理界限。

「唉，乞兒仔。」我係度恥笑文傑。我都忍佢好耐啦。

文傑唔會係咁啱路過餓得濟先食肥佬掛

文傑唔會係咁啱路過餓得濟先食肥佬掛

如果係真都幾慘

文傑唔會係咁啱路過餓得濟先食肥佬掛

如果係真都幾慘

幾時寫埋個甜筒故

幾時寫埋個甜筒故

我都想知

第49回 - 連續屍體發現事件VII





「停一停先...女吸血鬼....」文傑好悽慘地叫，因為佢仍然比我捉撚住條頭。

「停你老闆咩。」我再星佢一巴。呢一刻我都知自己粗魯，唔似女吸鬼鬼架啦 。

「條...條屍....」文傑指一指向肥佬死屍既方向。

條屍唔見左。

我鬆開手。「你變左佢做疆屍呀？ 」

「我無..」文傑狂咳。其實佢唔係因為透唔到氣而咳，因為佢唔洗呼吸。佢咳係比嘔出黎果堆血濁親。

我望住黑暗既後巷，集中精神，聽到800米以外有屍體被拖行既聲。

「大仙，玻璃佬，我去追返條屍，保持聯絡。」我用大仙既外星通訊「器」講。雖然叫做通訊器，不過我已經將佢嵌入頭骨入面，用念力去操控，所以呢件通訊器對我黎講只係放大心靈通訊既工具，要用電子機械幫手收發說話既只係騎呢外星人大仙。玻璃佬就唔洗講啦，佢唔洗通訊的。「玻璃佬你跟住我，距離我一公里做backup。」

「收到。」通訊器傳來回應。我唔預期佢地會跟埋我一齊去，因為兩條友都唔識打交的。一陣玻璃佬塊玻璃比人打碎左，個靈魂就會飄去周圍上人身 到時我唔撚會捉呀，叫林正英捉啦！

「答我，你知幾多野？」我扯住疆屍文傑。

「嘻嘻嘻...」文傑口吐住血，係度鳩笑。

「笑乜撚野呀 ？」我話。

「嘻嘻...對波好軟熟.... 」文傑又鳩笑。唉，唔撚記得佢個稱號係淫仔文傑。不過我真係斷估唔到佢淫到連男人都搞！ 我而家諗起比男人摸胸我就好撚想嘔

我歎一口氣，然後一下右勾拳打甩佢半棚牙。

幾時寫埋個甜筒故

我都想知

頂你 快d 啦

留名

最黎幅圖係邊個

最後幅圖係邊個

Seed

無左半條屍命都要揸波
Chi lun sin