第62回 - 機械人警察
「呢個係武器原型—FXX K1。」公關姐姐開左電源,開始向我地介紹產品。
我真係太天真太傻。我以為武器會係一支唔知什麼炮什麼槍,點知人類竟然要整部機械人!!上次玻璃佬咪一粒穿甲彈搞掂隻SCP-957囉!點解要搞機械人呢?我就最怕人工智能呢樣野
妖怪協會入面有個係俄國走黎既人工智能人,成身都可以打開哂,好撚恐怖的。
我見過一次佢d白色內臟之後就好驚,唔知點解我對唔係紅色既人體組織係有種恐懼感。
呢隻機械人帥氣十足,白色金屬表面充滿光澤,配合黑色副色同POLICE字樣,完全配合到早幾年劉德華套膠片「未來警察」!未睇過既朋友,我勸你地就唔好睇喇,無謂浪費自己兩粒鐘啦。
「佢配備基本手槍同近戰警棍,特殊裝備係催淚彈、水炮同胡椒噴霧。」公關姐姐話。
「哦~」我笑一聲。
「主要功能就簡介完。你地..有咩意見?」公關姐姐問。
「太差。」愛CK魔人話。「你地呢部野同橫係交通安全城果隻有咩分別?我一下就撞開佢啦,點對付SCP-957
?」
根據馬小姐講,愛CK魔人既小隊入面,佢係正手。而且佢係同徒手格鬥打贏SCP-957既人。不過記住,打贏,不是打死。
「我比較在意佢點辦認目標。佢唔會對住一般巿民開水炮掛?」我問。
「幾好呀。」Savior笑笑口咁話。
公關姐姐話:「呢個只係原型,其實未開始實際使用。所以要你地比意見我地改良。至於劉先生既問題呢..其實係軟體方面我地開發左一個專門辦認人類同非人類既OS...」
幾勁呀,OS都開發到出黎。不過用ios同windows以外既新OS係十分應該的,避免比人hack入。不過公關小姐好似有少少緊張咁既點解?
「唔好意思,好似出左少少問題...」公關姐姐紅都面哂。
呀...其實唔洗公關姐姐講啦,我都見到有問題。因為
機械人舉起左支槍對住我!!!
「應該唔會咁架喎..
」公關小姐話。
「等我黎睇下。」馬小姐行去公關小姐度,開始對佢部電腦進行少少干涉。「開左個辨認人類以外既人形生物功能...準備開火喎。」
呀屌!!咁唔怪得會指住我啦
。
「喂人工智能,收埋支槍呀
!」我對住機械人大叫。
「點會有用架,你避開先啦。」Savior好言相勸,不過我又點會衰比另一個小隊昉正手睇呀!Alice 3號仲係我既衫袋度睇住我架嘛。btw介紹返,Alice 3號係Alice既新分身,羅少少組織出黎就培養到好細隻既迷你Alice架喇。今次用既組織係頭髮一堆。ALice既頭髮同人類唔同,係有生命識郁黎郁去既細胞來的。
「唔怕既,哈哈。」我完全未驚過。因為就算佢開槍呀,我一霧化咪避到囉!
不過唔係喎,成班警察高層望住我架喎,我一有少少痴線舉動咪死
。
「o彭!」隻機械人都係開左火
。