自從阿妹和其中一個目標約會失敗，千代開始更賣力地分析剩餘目標的資料，務求可以讓阿妹投其所好，增加他們為她擔保的可能。
住下來幾天，有件事我一直頗為好奇。我們所在的這棟大樓顯然已經被棄置多時，前身應該是隸屬這所學府的建築物。那麼已經不再是院長的他為何還可以保留這個地下圖書館作辦公室？
每晚我在地上睡覺，總是隱約聽到微弱的一種電波聲，咿咿嗡嗡的，像前人使用無線電被干擾時出現的雜訊。我甚至有好幾次感受到地板震動，嚇得驚醒過來。
「呢度以前係咩地方嚟？」我趁機坐到院長的工作桌上八卦：「點解你俾人炒咗之後，都無人嚟收返呢個office？」以D22對破產者的一貫態度，他們只會趕盡殺絕，不可能這般寬容。
「呢度以前係開發掃瞄軟件嘅技術中心。」他回答得不經意。
「你意思係，誠信系統用緊嗰套掃瞄人腦嘅程式，就係喺呢度發源？」這個問題是有點明知故問：「但係點解……呢度嘅辦公室寫咗你名……？」
院長望向我，輕佻反問：「你話呢？」
「你有份研究呢套系統出嚟？」我潛意識後退了一步，覺得眼前的人沒那麼簡單：「咁你自己點解會破產？你應該好熟悉呢套制度先啱。」
院長終於放下手上的工作，把椅子拉前。
「我被邀請去研發誠信系統嘅時候，出發點、所有嘢都好好。誠信值係以大眾對你嘅信任度作為一個指標，目標令人同人之間嘅信任透明化，減少猜疑。
你應該知道，誠信系統用緊嘅掃瞄軟件，其實就係當年為咗控制瘟疫而呼籲住民植入體內嗰套。
但係喺將呢套軟件更新至匹配到誠信系統嘅時候，我哋遇到啲技術問題，一直卡關解決唔到。
直至當年嘅創辦人——德川先生搵到一個解決辦法，就係喺更新檔入面加入有化學成分嘅補充檔。
嗰隻化學成分係喺其他同事研究核幅射嘅時候無意中發現，將佢哋運轉成程式碼加入去就可以令人體入面嘅掃瞄程式成功link到去誠信系統。
但副作用係，呢種成分會削弱人嘅思考能力。失去咗獨立思考，人就會傾向盲從主流。
而呢種掃瞄程式係有遺傳因子，會帶俾下一代㗎嘛。所以喺一代傳一代之後，人就變得越來越蠢。」
我吃力把院長說的話消化下來，總算更認識了誠信系統的歷史。只是越想就越覺得哪裡不妥。
我試著提問：「但係誠信評級，唔係正正係依據每個人對我嘅獨立評價而得出嚟咩？」
這樣說的話，誠信系統整個概念就本末倒置了。
由一開始為了提升住民辨識騙子的警覺，隨著人的思考力變弱，誠信評級變成了評價每個人的唯一指標。
人芸亦芸，盲隨主流的後果就是將人的評級兩極化。
誠信評級高的人只會越來越高，評級低的人亦只會每況愈下。
在誠信評級系統實行之前，世界一直如此。
推post者我幫你全家祈福
騙子又最無「後果」
