【誠信破產管理局】 一個以誠信評級主宰嘅城市

睇住先，晏啲再出加更
正皮留言隨緣樂助

未科勞我嘅請去下面

MeWe: https://mewe.com/p/waittobewritten
Instagram: www.instagram.com/waittobewritten
Facebook: https://www.facebook.com/waittobewritten

存檔死清光

新讀者Lm
個故好好睇呀 live住等

推呀 我要睇故

越睇越正

推推

存檔死！清！光！

原來仲有加更未出

有冇人估到到底破產真正原因係咩？

暫時睇落洋子有機會做左某啲嘢間接令到佢破產，但係洋子係唔知道佢做的呢件事會有咁嘅後果

正皮加更篇

此話說著就不自覺提高了聲線，在地下圖書館縈迴不去。遠處的千代和阿妹都停下了手上的工作，把目光放到我們身上。我多番追問院長，被高牆壓垮得遍體鱗傷的我們為何不反抗它。

「唔得。」院長說得比我更堅決：「你哋做唔到。」

「點解做唔到？點解試都未試你就知唔得？」我隨即追問：「成個計劃係你諗出嚟，係你召集我哋，但你一直都淨係叫我哋去做，自己從來唔會出面；
你咁清楚誠信系統，入面識咁多人，點解有份研發嘅人會無辦法阻止自己破產；
仲有去黑市嗰陣，點解你咁輕易就拎到咁多錢出嚟？」

疑惑像毛衣掉出來的毛線頭。它在平整的表面冒出頭來，不斷不斷引誘你去拉扯它。
一旦牽動，整件毛衣就瀕臨瓦解。

所謂誠信和懷疑，都是透過嚴密的思維和說話編織而來。
看起來密密層層，事實卻滿佈破綻。

院長有份研發誠信系統。
所有人都說他殺了德川先生。
他有著一大筆不明來歷的資金。
他堅決要讓我們接近破產官織部，但同時極力反對我們對抗誠信破產的制度。
黑市的情報販子似乎很熟悉院長，而且一眼就認出那六個圓圈的組織標記。

他叫過我要小心身邊的人。


我離開辦公桌，面對他慢慢向後踏步。我一邊拉開距離，一邊戰戰競競地問：

「我點知道，我哋可以信你？」

他從一開始就明言要求我們要對他百分百信任。但隨著經歷不同的事，我對院長的信任值有減無增。毛線頭越冒越多，即使我按捺得住不去碰它，太多破洞的毛衣和太多破綻的謊言還是會不攻自破。

「咁你覺得，我可以點證明？」

院長反問我，問得我無言以對。

要證明一件事存在很容易。
反之，要證明一件事不存在卻很難。

全因我們的疑心太慎密，而思考又太粗疏。


「唔好嘈——」千代突然在自己的位置大叫，剛溜出口就發現自己的語氣好像太兇而連忙收回：「……住先。」
旁邊的阿妹往電腦處瞟，雙目突然像發了光一樣：「嗰個……有個好出名嘅page主send訊息畀我哋，話想邀請我哋合作呀。」

我湊近去看，發現專頁的人好熟眼。

那人是「Baby-33333-」，抄襲千代卻害她破產的專頁主人。

甫聽見這個名字，千代的目光就凝在空中，久久不能聚焦。腦袋正忙著運行無數的猜測。

為什麼偏偏是她？

懶理在胡思亂想的千代，我乾脆把她的電腦砰一聲合上：「梗係唔好show佢。佢邀請你，都係想瓜分你嘅熱度同注意力咋嘛。真係欣賞你哋咩？益街邊阿伯都唔撚好益佢。」

阿妹聽罷也紛紛同意：「等我覆。我幫你屌柒佢，屌到佢反艇——」

「唔好。我哋要接受佢邀請。」千代漠視我們的反對，擅自下了決定。她之前一直有留意Baby333333的受眾背景，自從她近年多接了奢侈品牌的化妝品宣傳廣告，天圈觀眾的比例大幅擢升。以吸引誠信值高的圈子為前提，在她的專頁亮相無疑是一條捷徑。

「但係佢抄鳩你，搞到你以後都無得寫嘢喎……」我只覺得難以置信：「咁都無所謂？」

「如果大家可以咁恢復評級……」千代皺上眉頭，又讓自己苦笑一下：「我諗唔到理由拒絕。」

「咁你要諗下，夢想對你嚟講有幾重要。」我想裝作若無其事讓她自由抉擇，但剛閉嘴哽在唇邊的說話就自然溢出來，說得莫名激動：「點解對住踐踏你夢想嘅人，仲可以卑躬屈膝；對住每日蹂躪我哋嘅誠信制度，我哋要委曲到一個咩地步去擠身入去？」


「生活同夢想呢啲，從來都海鮮價㗎啦。」

千代這樣說，是什麼意思？在我眼中，她是我所認識當中最努力、最堅持的一個人。為什麼會說出如此悔氣的話？

「即係點解大把人生出嚟正正常常，而我天生就係一個肥妹，由細到大無朋友又無拖拍？
又點解我好哋哋寫下小說，又要遇到Baby呢啲賤人，儲心積累搞到我誠信破產？

係呀，夢想係要付出代價，不過人人個價都唔同囉。

你成日話我好努力，其實我每次聽到都好嬲。真係好嬲。
你估我想咁努力？你估我想每晚寫嘢寫到天光仲周圍去求人睇？

如果有得揀，邊個唔想好似Baby咁擺對波出嚟，抄幾隻字就大把人追捧？
你哋成日讚我努力，有無諗過呢個唔係讚美，而係傷害嚟。每一次都喺度提醒緊我乜都無，我只可以揀努力。好似條女唔鍾意你，咪唯有讚你好人，一樣咋嘛。
事實就係無得你揀。有得揀你估嗰班契弟好想做好人，唔去做player？

有啲人衣食無憂，個個都支持佢無後顧之憂咁去追夢，嗰啲人嘅代價咪平囉；
有啲人誠信破產，生活都成問題，搵人注意下我都難，咪唯有卑微啲，迫自己做啲唔想做嘅事囉。

我一早接受咗我個package貴啲㗎啦，鬼叫自己鍾意咩，都要硬食㗎。」

說罷，千代迅速就擬好答應Baby邀請的回覆。傳送。輕鬆得像行於天上的雲朵，不帶一點屈辱或不快。也對，雲層可以是任何形狀，縮小變大都一樣輕快。

「條路遠就遠啲，難就難啲，好就好在仆多幾次，總會行到去嘅。」

有人會寧願跪著也要盡快走過終點，有人寧可繞遠路多花時間也要昂首挺胸的走完全程。

千代是前者，我是後者。
分別或者就在於，我沒她那般努力的決心。
只是終歸我們都是同一道接力賽上的跑手，以各自的方式演釋過程。

留名

係緣份呀

生意難做

植入式廣告是傳統

凌晨先更新到 推post又推唔起

推

感謝呢度啲讀者都好高汁