【誠信破產管理局】 一個以誠信評級主宰嘅城市

前排玩cyberpunk 個世界好靚
覺得好似香港，好想寫佢出嚟

係呀，專登設計到咁
因為現實你都唔會知啲人係咪真心信你，話信你然後背後插你兩刀

我都好想寫到black mirror咁神

Jeng

諗起以前補習啲小朋友都會叫姐姐
多謝你呀，由第一本書睇到而家嘅讀者
估唔到仲會記得老萬嘅句子

「一句講晒，你打算點樣一次過幫呢度所有人恢復評級？」我解開領呔，捲起襯衣衣袖認真起來。如果他的計劃行得通，我可能還趕得及在兩個月內——也就是洋子回來之前就恢復評級。破產一事只要我永遠不提起，就沒有發生過。

「破產者要恢復評級只有一個辦法，就係要搵到擔保人。」在院長旁邊的千代搶答，不忘抬眼鏡：「但係要搵到擔保人，係一件好難、好難嘅事。」

基於如果目標再次破產，擔保人就會一同破產的規定，每名正常評級的住民只可以擔保一名破產者。

「我知，」我自問比誰都更有資格說這句話，我可是因為擔保別人而導致破產的：「咁你仲話要搵四個擔保人？」簡直天荒夜譚。

「錯。」院長開腔，語氣來得異常堅定：「我哋夾埋，只要一個擔保人就得。」

他一邊說話，一邊用手勢在空氣比劃：「假設，我哋搵到條水魚幫千代擔保，千代嘅破產令解除後，佢就係一個普通嘅住民。亦即係話，佢都有權幫一個人擔保。

所以只要我哋有一個人解除咗破產令，就可以幫下一個人擔保，一個接一個咁形成信任鏈。」

最終，我們在座所有人都可以解除破產令，恢復正常人的生活。

院長說的時候仿如置身烏托邦，但我們在所的是D22。D22已經連續十年被評為發展最快的都市，每個人都為著更多的利益獨步前行，從來無暇兼顧身邊的人。

但擔保制度最荒謬的一點是，我們就是不受歡迎，誠信值才會不夠以落到如斯田地，又怎可能輕易找到人幫我們作擔保？更別說安居樂業的正常住民為何要為著一個誠信已經破產的人，背負自己破產的風險。

所以找擔保困難，不是在於沒有人敢冒險。
而是這個社會根本不相信誠信破產的人。

如果眼前的人已經撒過十次謊，
你願意相信他第十一次的真誠嗎？

「可以話，誠信系統嘅設計根本唔想俾破產嘅人翻身。」

宏觀社會來看，我們只是試算表的一個數據。
大部分的正常人繼續追求自己過著本來的生活；而破產者恢復誠信值的機會微乎其微。系統看準人類幾個世紀以來獨善其身的強大遺傳因子，只要D22會一直運行下去，他們才不在乎你的生活或生死。

院長說，在計劃開始之前我們都要明白一點：
就是誠信破產的制度被設計得牢不可破。

「但我哋只要搵到一個缺口，就可以乘虛而入。」院長說得胸有成竹，似乎已經有甚麼打算。

地窖的古董大鐘響起圓渾的鐘音。迴響揮之不去，我成為破產者的第一天才剛過去。明天只會是無止盡的等待和折磨，日復一日。在地圈工作，每次下班都抱怨一天時間不夠用，現在還加上破產的種種限制，我很有可能等不到洋子回來就已經活不下去。

「我可以加入。但係，」我將自己的面具交出，卻在院長接過的時候刻意定住：

「你係因為咩事而誠信破產？」

我已經被誠信破產者騙過一次。
要不然，我要怎樣相信你？

Live

想問下D22個地圖係點？天圈地圈人圈和圈有幾大

翌日一早我就將原本住處退租，搬到院長的地下圖書館。為了儀式化我的加入，他們幫我的面具畫上和一樣的圖案。我問院長這六個圓形的圖案有甚麼意思，他卻一直在賣無聊的關子，只說適當的時候我就會知道。

「其實你點解要搵我哋？」院長有學識這一點我毋庸置疑，我覺得最莫名其妙的是那兩個女生。作家千代至少有些墨水，可是那個阿妹連廿六個字母也不知道能否背得出，令我不禁心生疑惑：「抑或你只係需要求其搵幾條契弟翻嚟？」

院長聽罷，目光從書桌上移開，難得眼神確定地直瞪住我：「呢個計劃，一定要係你哋幾個。」縱然院長這話意味深長，他始終沒有將破產的原由告訴我。

我是眾人當中最遲破產的一個，無論是對破產的認知還是他們的計劃還是很有限。一大早院長就在自己的角落埋首，而阿妹亦不見蹤影，千代負責和我講解他們一直以來籌備的計劃。

千代從傘裙的蕾絲口袋中掏出一本小小的筆記本，認真向我講解：「我哋嘅目標暫時有三個，全部都係男性，有正當職業。十八歲去到八十歲都有。我嘅工作係留喺度做資料搜集，而阿妹就負責去接近佢哋，希望搏到是但一個肯幫佢擔保。」挑選他們也是有理有據的。十八歲的才擁有誠信評級不久，未必聯想到作擔保有多危險；八十歲的則是貪他們行將就木，甚麼都看得很開，對誠信值也相對沒那麼著緊。

「派個𡃁妹去接近男人，應該好快搞掂？」就這樣想困難應該不會太大，我嘲弄：「除非條女好豬嘅啫。」

千代輕嘆：「你以為啦。」她這話把我說得像個不知疾苦的局外人：

「首先，破產者想識個正常人已經好困難。嗰啲交友APP全部都唔准破產者登記做會員，一係就要收天價會費。佢哋好小心㗎，之前嗰幾十年太多人喺交友APP呃錢，搞到好多人都好抗拒。但係自從引入咗誠信評級系統，呃得人多嘅職業騙子入唔到去，無人sell美容sell健身，即時多咗好多人玩。咁你話啦，佢哋點會歡迎破產者。」

「呃人錢係呃，呃閪屌唔係呃咩？」 我反問。他們將騙錢的騙子拒於千里，卻急不及待一頭栽進去感情騙子的懷裡。怕被素未謀面的人騙走積蓄，卻不怕將幸福押注在連頭像都要用濾鏡的人。
到底是D22人看錢太重，還是我們的感情有這麼廉價？

「識玩咪唔係呃囉。」

搭話的人是阿妹，剛進門的她摘下面具，心情沒有很好。難得的是今天她一改平日的熱褲造型，穿上格子襯衫、麻布長裙，頭頂編織草帽的她判若兩人。大熱暑天還要作這般打扮，看起來已經夠不輕鬆。

「咁早翻嘅？今日你哋唔係去野餐咩？」千代邊看時間，邊翻查口袋掏出的手帳，密密麻麻地寫滿了行程。

她逕自跑到地下室盡頭的洗手間，不忘一邊報告任務進度：「無，衰撚咗。嗰條柒頭自私到死。今日佢咪話車埋我去嘅，本身都覺得佢幾有風度。點知臨上高速公路好多車，佢驚俾人見到佢同行人士有破產者，會要佢去排非優先綫，話咩一塞車油錢都蝕埋。嗰條闔家剷竟然叫我落車，喺highway叫我落車自己行！大佬呀出面幾十度，仲要我行成個鐘，謀殺呀？」

聽到這裡我頓時覺得有點抱歉。一直以為這個阿妹看起來不學無術，整日無所事事的樣子，原來為了找到擔保人斷不是只出賣美色。

此時她已經換回平日的衣著，舒適地在地毯攤坐：「我嬲撚到即刻走，仲用鎖匙喺佢車頭𠝹咗碌鳩出嚟。」

「點解你唔直接𠝹佢碌鳩出嚟？」院長看似沒有在聽，卻選擇在適當的時機搭嘴。

「係喎，柒咗。」阿妹被院長的話逗笑，在外面受的氣一掃而空。她還說應該今晚假意和他上床，趁機會割他的子孫根丟去高速公路讓他撿。

旁邊的千代沒有加入他們的玩笑，只是靜靜地在手帳寫筆記。我看到她翻開一頁，貼有幾張相片，旁邊則是手寫的筆記。

「呢個就係阿妹頭先去見嘅人？」我坐近她，想要看清楚一點。

「嗯。」她將手帳翻給我看，每掀一頁必須小心，因為裏面夾著各式各樣的名片、單據，又有不同顏色的便條貼和螢光筆跡：「每一個目標都係由我去搵。起下佢底、了解下佢平日習慣嗰啲。要見到佢有potential做到擔保人，我哋又未至於接觸唔到嘅，先會叫阿妹去馬。」

「呢啲資料全部都係你一個人搵翻嚟？」我不禁詫異。即使是正常人也得花上極長時間才能整理好這般資訊量，何況她是網速受限的破產者？依她們所說，破產者每一日能順暢上網的時間大概只有凌晨三點至早上六點左右的三小時。憑她一人之力，就能在短時間內翻找出這些資訊？

「我喺討論區打滾咗咁多年，起底呢啲基本嘢點都識啲嘅。」她伸伸舌頭，不想自吹自擂：「其實係而家啲人鐘意咩都擺晒上網啫。就算佢唔係咁嘅人，佢身邊總有啲活躍於網上嘅人，你點都阻止唔到佢哋upload合照、或者朋友間留言傾偈提及到你呀。只要喺佢哋嗰到抽絲剝繭，篩走一百張無用嘅相總可以搵到一張有用，一旦搵到某個keywords就可以還原到好多資料。慢慢重複再細心整合，你分分鐘比佢老母更清楚佢。」

「我以為你淨係寫字。」我以搔頭掩飾自己的窘態：「失覺晒。」
我已經分不清是網絡世界危險，還是懂得利用它的人可怕。

她生硬地搖手，對加諸自己身上的稱讚感到不自然：「鬼叫我誠信破咗產咩。你知唔知，討論區雖然唔使實名化，但係嗰班admin一早同誠信局打晒招呼，會喺誠信破產嘅user帳號上面加標記，好似一個細細嘅面具咁，話晒俾全世界知你係破產者。我唔識起下底、摸熟啲佢套演算法，仲邊有掟企。

話就話只係純粹方便用戶區分真假資訊，但係我觀察過，正常user開膠post都可以上熱門，破產者開嘅post就全部都好難推得起，接觸率仲低過我喺巴士站派傳單叫人睇。」

「你試過咁做？」都2087年了，我很難想像會有人手執一疊自己故事的草稿，在車站傳銷似的不斷派發來推廣自己的作品。這樣做倒不如下跪求人看還來得有誠意：「好柒喎。」

「追夢係柒㗎啦。」她腼腆一笑：「追到咪唔柒囉。」

是日終了
希望大家多多正皮同留言，等理想巴繼續做一個追夢嘅柒頭。
200正皮加更


想大大力支持，可以follow埋我：

MeWe: https://mewe.com/p/waittobewritten
Instagram: www.instagram.com/waittobewritten
Facebook: https://www.facebook.com/waittobewritten
MeWe 同步更文，IG會有寫作生活事、隨心寫短文，同埋我啲貓。

推

好多文

pish

每日都黎報到

希望佢地4個可以回復身份

推

多謝飛𨋢

推

等埋下次加更

唔遲唔早啱啱好追live有現場感啊

D22地圖



噚晚見到個留言就快手整咗
粗製濫造，多多包涵
其實地圖一直喺腦入面，只係估唔到大家想睇
希望大家睇得更投入

填撚左 填撚埋右

笑左