《重來一次的足球人生》

慢慢來 比較快🌗

加油，保持到每日出文已經好滾動！

而家有少少吃力
不過真係更唔切我會講
（同埋都就1月 我要停or佛系一排 淨低呢一個禮拜左右都會盡量keep落去）

加油樓主！

多謝

加油

加油！

多謝

多謝

好緊張

整合咗放咗上Penana
已經全部改正返 如果想重溫or新追得舒服啲嘅話可以上去睇
（未必同步更新）
https://www.penana.com/story/71329/%E9%87%8D%E4%BE%86%E4%B8%80%E6%AC%A1%E7%9A%84%E8%B6%B3%E7%90%83%E4%BA%BA%E7%94%9F/toc

正, 又可以找錯處

關島屠夫余仁海

個小說比賽寫完未?

2月中截止 所以我1月會停更/佛系更呢度

唔好阿

推!

最後整理中 稍等一下

三十一、




「今次個陣容會係咁。」前一晚的作戰會議中，陳召禧朝白板上的菱形4-4-2陣型圖敲了兩下，回過頭來看著眾人。「之前練波大部分時間我哋都係踢4-2-3-1，亦有短暫咁踢過呢個4-4-2，大家有咩諗法同疑問？」

孫敬學聞言立刻舉起了右手，並被陳召禧示意可以發言。

「中場防守比較薄弱。」

「無錯，呢種4-4-2嘅陣最依靠嘅係呢兩個位，」陳召禧點點頭，分別朝白板上蕭智堯及司徒俊緯的位置指了一下。「因為攻擊中場上咗去好多時候未必返得切嚟，作為唯一嘅防中，俊緯你要一個人迅速判斷應該係包、係搶定係拖延？你正確與否嘅指揮會直接決定成支球隊嘅防守強度。」

「至於攻擊中場，喺菱形4-4-2底下，球隊犧牲防守給予你極大嘅發揮空間，你前後左右等於有五個傳球選擇，成個進攻三閘線位可以俾你自由做任何你想做嘅嘢－所以如果你場上表現未如理想，我會考慮任何調動包括變陣甚至換走你。」

「明白。」蕭智堯及司徒俊緯兩人都點頭應道。

「陳Sir，」舉手的還是孫敬學。「我想問，你知唔知不丹大概會係咩類型嘅球隊？」

「偏保守，因為始終佢哋國家足球實力一向都唔係太理想，堅守陣地耐心等待反擊機會係弱隊慣常嘅做法，當然而家港隊同不丹實際上實力未去到話相差好遠，但大致上佢哋應該都係會縮後，所以我先會要你哋試下用呢個陣去踢。」

CUT一層先

「好耐無見，禧Sir。」

球場一隅，兩名年齡相近的香港人插著褲袋相對而站。

「嘩庭Sir，幾耐啦？七年？定八年？」陳召禧臉帶微笑地搖著頭。「估唔到你去咗不丹教青年隊。」

旁邊這名看起來較年輕的男人叫方功庭，以往曾與陳召禧擔任港隊一隊的助教，但在七年前辭職遠走他國，也與他失去了聯絡。

「教下細路仔幾開心，」方功庭笑著朝不丹的那些青年球員看去。「以前後生嗰陣成日聽人講不丹係最幸福國家，後嚟先知係媒體謠傳嚟……呢個國家貧窮而落後，自從資訊科技開始入侵佢哋嘅生活之後，成個國家個風氣一直都唔太理想……可能你見到最多笑容嗰陣就係喺足球場度。」

「我知你想講咩，」陳召禧盤起雙手，點著頭笑道。「你以前都係利團人。」

「我入利團唔代表我認同佢哋個理念同方針，我只係希望可以將自己嘅足球知識教畀更多嘅細路仔。」方功庭笑著拍了一下他的肩膀，便告別回到不丹的教練團那邊去。「始終我哋都做過鍾意足球嘅小朋友。」

陳召禧微瞇著眼觀察不丹球員們的練習動作與情況，與他所想的有點不一樣－方功庭沒有為這支國家隊注入利團的基因。

但他們的動作確實有些許相似的影子。

「智堯。」

司徒俊緯從右路接到球後，很輕鬆地傳給出來現位的蕭智堯，但不丹將三閘線後的空間收縮得很緊，即使兩名前鋒不斷想方設法地插入也無法找到合理的傳球路線。

前中後三條平排的防線緊密地橫架在禁區前沿，是典型的「泊大巴」陣。

“港隊排菱形中場陣，但攻擊中場竟然唔係司徒俊緯？”方功庭捏著下巴，當他看見這名被譽為港隊新希望的中場竟在中後場擔當組織角色時感到有點意外。“印象中夏天睇片佢仲係踢緊攻擊中場……呢個八號究竟有咩板斧可以搶咗司徒俊緯個位？”

蕭智堯轉身後馬上便有兩名防守中場迎了上來作簡單的遮擋作用，其餘球員在後方保持陣型掩護，當然拿國家隊來跟普通中學校隊來比較是有點失禮，但他的第一感覺是比當初理善面對良橋時的區域防守更具紀律性及密不透風。

對方的防守任務十分明確，就是積極地擋住他向中間的傳球路線，逼使自己要往後或是兩邊傳，連兩閘也刻意向內收緊，就是為了極大地封鎖對手從中路撕破防線的機會。

以放題般的邊路防守引誘你落底傳中，然後再憑兩名明顯較同齡人高不少的中堅破壞攻勢，由防中嘗試策動反擊。

雖然知道對方的戰術安排是這樣，但處處受限也找不到傳球目標的蕭智堯只能先順著對方的意圖去試試水溫。

側身將皮球拉後往左邊推了一步吸引注意，左中場徐展強見狀立即前插，這時蕭智堯再將球傳給左閘放直線落底，這是一次很成功的三角短傳攻勢。

但在角球旗附近控好球的徐展強很快便發現對方的後衛早已殺到，根本沒有太多的思考空間，只能草草地一腳斬向禁區中間。

「我嘅！」皮球落點在遠柱的梁博豪附近，但緊跟在他身邊的不丹中堅身高起碼有一米八，躍起時毫無懸念地被完全壓制。（註：所有外語將自動轉為廣東話表達）

“對面踢嘅係平行4-4-2，兩個前鋒睇落有一個應該係速度型……”陳召禧看著不丹的左前鋒，表情有點凝重。“啱啱好係費爾唔擅長應付嘅類型……」

「走！」對隊友頂出的皮球控好後，早早看清局勢的不丹隊長與隊友作了一次簡單的One-Two，便成功轉身長傳發動反擊。

皮球高高地越過中場的防守線朝港隊的右後方而去，不丹那身穿10號的左前鋒果然如陳召禧所想般是隻快馬，步伐急促果斷，但這記傳球還是讓港隊右閘莊拿芬積遜先一步搶了下來。

「……」不丹的領隊見狀立刻跟方功庭聊了數句，若有所思地點點頭，卻不見有什麼動靜。

雙方一直拉鋸了二十多分鐘，眼看上半場快要完結，但仍未有一球具有威脅性的攻勢。

而同樣地對方也沒有多少像樣的反擊，半場的數據基本就能反映場上的局勢：雙方加起來只有港隊的三次射門。

「智堯，試多啲自己去，不丹啲球員個人能力唔勁，我覺得兩個拍你都可以試下照去，唔使太顧慮我哋。」司徒俊緯小聲道。

「OK。」蕭智堯朝對方的防守球員看去，點頭應道。

對蕭智堯來說，穿越後的第一屆學界經驗所帶給他的其中一個訊息是：足球有時候需要是一項個人運動。

香港足球人口眾多，但質素卻也參差不齊，一個地區動輒有上百間中學，這些初中所派出來的足球校隊大多都是臨時湊滿人數的烏合之眾。面對這樣的對手，作為球隊的王牌，你必須要在場上展現出碾壓級的水準。

但置身於國際賽中，身邊的隊友和對手都是各自地域中的同齡精英，自己那多出來的二十年經驗和技術在天賦的落差前真的還能有相同效果嗎？

“又係兩個……”經過上半場的交手後，迎球前朝兩側後方檢查空間的蕭智堯心中有數，這兩名防守球員確實可以嘗試直接過掉。

“馴熟嘅轉身技巧，意識同動作都接近完美……”同樣地觀察了幾乎整個上半場，方功庭似乎也理解為何他會被安排在十號位上了。

“而且技術亦相當精湛。”

面對迎上來但沒有強烈逼搶意願的防守中場，他還是憑著小範圍而快速的連續轉向，令人眼花潦亂地突破了這道二人屏障。

「中堅上一個！」

嚴守的防線出現變數後，數名後衛馬上陷入了短暫的慌張之中，蕭智堯看準空隙，用掃把腳傳到禁區的核心地帶當中，但余仁海卻因起步太早而被吹越位。

「屌！」余仁海一臉不耐煩地甩動手臂，仰天嘆道。

「港隊兩個前鋒睇落都好急躁咁。」不丹領隊一臉滿意地笑道。

「嗯，始終佢哋成個上半場都無幾多腳波到。」方功庭笑著點頭應道，雙眼仍死死地盯著蕭智堯。「不過教練，我諗下半場我哋有啲嘢……」


「啊……我知你想講咩，」不丹領隊胸有成竹地打斷了他的說話。「呢個攻擊中場。」
___________________