葡萄無意義，最緊要事事親力親為。
睇情況，香港一國兩制一直會繼續「成功」落去。要等英國發落果陣，可能已經過咗黃金十年。況且，移民唔係旅行，所有事由頭開始，人工會又少咗一截，唔係個個人接受到。不過你自問吃得苦嘅，基本上要搵工都唔係咁難。
當然啦，去外國生活，當然識當地語文最好。當然啦，你攞BNO但又唔識講英文，的確好難說服僱主請你。
我都係覺得，與其靠政府施捨，倒不如自己去爭取。
係我負能量上腦,我學極英文都唔識
上網睇到呢段,好有共嗚
「人地外國人一出世就唔使學外語.
但我地一出世就黑髮黃皮膚的人.
就注定要比外國人更加辛苦 」
上帝好唔公平
來生不做中國人
我唔同意囉。 就算歐洲人都唔係一出世就識英文，好多國家小朋友反而仲俾亞洲兒童遲開始學英文，好多係小學五六年級甚至中學先開始學英文。當然，某啲國家語文同英文近似，學習上都容易。而且歐洲人商務往來，好多時都會用到英文，多機會講，自己英文就會好。你越怕講，就越想逃避，你越避就無動機再學落去。所以之前有家長話贏在射x前都多餘，語言能力係好現實嘅，你日日都用，就算記憶幾差都好都會學得識。 你睇吓星加坡人就知，外國老闆唔係追求你講純正英文，好多時佢地要求你好好表達自己就夠。 我住咗係外國一段時間，都唔見得佢地英文個個比我好，你亦都唔需要妄自菲薄。
有咩方法可以唔用中文做基礎學英文，好似我地學中文咁
都係老掉牙嘅方法，要逼自己接觸英文人和事，同你生活有關嘅資訊，你會有興趣去睇落去。如果你鍾意旅行嘅或者地理嘅，上吓Wikipedia睇吓英文版，從你最有興趣嘅嗜好着手。當然，你有閒錢嘅，去吓英語國家遊歷吓，逼自己同當地人交流吓，最低限度買張車票，點菜都要英文啦... 當然你識到朋友嘅話，咁就好好保持聯絡。 我有朋友以前好怕講英文，但佢又夠膽膽粗粗自己一個係歐洲週圍去，又夠膽去見工，有老闆睇中佢，幫佢攪埋居留簽證。所以話，呢個世界無嘢係無可能。 事在人為！ 你咁快幫自己打定輸數就無人幫到你啦。
