首先多謝大家既支持先。
見有唔少讀者們提到想加速、加甜既問題,所以都想統一回應下
每日一篇其實暫時已經係我既極限…因為我除左返工放工之外,返到屋企都有野做。好耐之前樓主都自爆過自己係同另一半一齊住,而另一半其實係唔知我響連登出緊故既,所以想再加速又會再難小小。原本其實我諗住再悠閒啲隔日先一篇,但係真係有賴你地既支持先比到動力我每日一更,如果再想加速既,我會儘量,如果出到既一定會出,但我始終唔係全職作家,有時出唔到既都希望大家體諒。
故事進度方面,其實ocamp故果陣都已經有讀者提過,好似寫好多字但故事既推進仍然好慢。呢個係因為我通常寫寫下一件事為左唔好忽略某啲細節就會越寫越多字。而每集既字數其實係差唔多既,所以就會變左故事推進得慢。呢個一樣希望大家見諒,除非cut晒啲細節位,如果唔係都好難響少既字數度推快個故仔進度。
最後關於甜方面,始終呢個我自己既定位唔係甜故,甜會有,但只係會當成故事中其中一啲情節而唔係重點,而呢一樣野暫時都唔諗住改變,所以真係想睇甜既讀者,可能要再稍為等等,令你地失望,非常唔好意思。
多謝大家有追我呢個故,真心既,有你地既支持,我先至可以響故台出呢度第5個故。所以如果樓主真係有咩做得不足既地方,請留言我會儘量改善。但如果有啲位係改唔到住既,都希望你地包容一下。
再一次,多謝大家。