我和鄰居大姐姐的故事

小學雞係要受下教訓

佢把口係幾多口

阿熙係會變到咁既，係一個成長既過程黎既

另外果個女仔又唔一定係淇淇既
不過有排先寫到果part

一言驚醒洛克人
冇錯，我bug左了
我一陣執執佢

唔該晒

捉Kitty姐姐黎掃佢對胸大好多

姣婆正

我要執執佢

唔知呢

多謝熱浪巴
你咁講我好開心

十七

秋兒姐姐既表情暗淡左落黎，好勉強咁講左句：「嗯。我真係唔係你邊個。」

聽到呢句、睇到秋兒姐姐忽然暗淡落黎既表情，我小小既心靈好似突然刺一刺痛。

我…係咪講左啲好差既說話？

但我呢個時候唔好話道歉，我直情乜都講唔出口…

講唔出口…

我由細開始係成日亂鳩咁寸人，但對住兩個人我一直係保持住好友善既態度去對住佢地。

第一個係我老豆。

與其話友善，不如話係尊敬同佩服。

佢一個人日日都努力返工湊大我，我係知道的，同樣係好感恩。

第二個…

係秋兒姐姐。

由細同我玩到大、同我冇血緣關係但兼埋我母職姐職既秋兒姐姐。

我知道秋兒姐姐對我好好，我一直都係好感恩。

對住秋兒姐姐，我總係有一種好親密、好舒服既感覺，而且我可以完全放鬆晒，甚至好樂意向佢撒下嬌。

我仲會成日都好掛住佢，想同佢傾計，想成為佢心目中特別既一個。

而秋兒姐姐都係對我百般遷就，從來冇乜點責罵過我。

或者係咁，我先會覺得佢對我既溫柔係必然，無論我對佢點都好，佢都唔會嬲、唔會唔開心。

我以為我點發脾氣都好，佢都一定會氹返我。

唔應該係而家咁。

唔應該係呢種氣氛…

究竟我講左啲乜野…

我感覺到我雙眼開始有小小紅。

我冇出聲，繼續凝視住秋兒姐姐。

正確啲黎講係我根本唔知講乜好…

秋兒姐姐嘆左口氣，黯然道：「其實…熙熙你響學校，我冇可能全天候都可以睇得住你。但係，你響啦啦隊練習入面唔習慣，其實我一直有留意。只不過…正如我第一日返學所講，升左上中學之後，你要學下獨立…」

「我小學仲唔夠獨立咩…」我小學既時候經常性都係自己一個人…唔止獨立，仲好孤獨…

秋兒姐姐搖一搖頭，再道：「我係指，你應該試下自己去解決問題，同其他同學打好關係，唔再好似響小學既時候咁孤零零。如果我郁啲就主動地出現幫你，你就未必咁易建立到自己既圈子…你係應該要有自己既圈子。」

唔係架…妳對我黎講重要過其他人架…

但我呢一刻乜都講到出口。

秋兒姐姐再嘆左口氣：「而且，更加重要既係，下年我就會考，我好快就要開始比心機響讀書上面，唔可以成日照顧到你。萬一…萬一我升唔到中六，你都已經可以獨立咁響學校入面生活。」

妳讀書咁叻…唔會升唔到架…

「黃社方面，其實已經有幾個幹事知道我同你係由細玩到大…我唔想比人話我呢個副社長公私不分…」

我諗起上次班男幹事望住我既眼神…

秋兒姐姐再直視住我，再帶點內疚咁講：「令到熙熙你亂諗野…係我諗得唔夠周到，我應該要一早同你講清楚…我諗…我今次真係用錯左方法…對唔住…」

秋兒姐姐…為左我…諗左咁多野…仲無端端同我道歉…

我先係應該要道歉既人？

但我係一個又小學雞又死要面既人。

歉，我道唔出…

沉默左一陣。

「但你講得啱，我唔係你邊個…我冇權將自己既諗法，強加響你身上…」講完呢句，秋兒姐姐冇再出聲，只係默默咁低頭繼續食飯…

我…想開口講啲野，但話響喉頭梗住，乜都講唔出…

我究竟響度做乜？

*

我掃跌晒啲飯餸，但秋兒姐姐冇鬧過我…只係默默咁收拾好，再將剩低既飯餸再整過…

咁既沉默令我更加鬱悶…我啱啱究做左啲乜？

我地兩個默默咁食完餐飯之後，我主動幫手洗碗，但…個過程好似好尷尬咁，妳又唔出聲我又唔出聲。

而且我平時都唔係成日幫秋兒姐姐手，而家咁既情況大家又冇溝通咁一齊做家務反而越做越亂，最後秋兒姐姐終於忍唔住開聲叫我出去。

平淡既語氣。

冇乜感情既語氣。

最後…我忍唔住咁怪既氣氛走左返屋企。

依舊冇出過聲…

*

我訓左響張床度，望住個天花板…

究竟我做乜鳩發咁大脾氣？

不過人響衝動既時候真係好多野都控制唔到…（係喇…我知係藉口喇…）

唔理喇…聽日先算喇…

*

第二日我如常咁搭巴士返學。

只不過…今日…我唔再係同秋兒姐姐一齊返學。

我其實有諗過好唔好早小小起身走去搵秋兒姐姐一齊返學既，但臉皮薄既我最後都係冇咁做。

一來遇上呢啲事情我既臉皮真係薄，二來諗起尋晚洗碗時既尷尬…

所以，我選擇左逃避。

*

「喂！話你知話你知，同佢一齊放學先知，原來女班長份人都幾傾得計架喎！」小息既時候，阿必響我隔離嘈個不停：「佢個人真係好友善！」

我伏左響張枱上面，郁都唔撚想郁。

秋兒姐姐…

「我一路同佢傾計，佢都有比反應我，我幾驚佢嫌我悶唔比反應呀！」阿必繼續講。

好撚嘈呀…

比我冷靜下得唔得…

秋兒姐姐…

我同秋兒姐姐既關係…係咪永遠都係咁架…

唔好呀…

我轉一轉個頭，將個頭完全伏晒落手臂入面…

我想將自己隔離…

咩都唔想理…

「熙熙，你冇事吖嗎？」淇淇把聲出現左。

佢把聲…點解聽落咁溫柔既？

我繼續伏響度冇理佢。

同時，阿必果把好撚煩既死人聲都停止左。

落得清靜。

淇淇見我唔出聲應佢，再問我：「你係咪唔舒服？今朝開始見你面神都唔係咁好，好似冇乜精神咁。」

我繼續伏響度。

「唔係吖，佢不嬲都係咁架喇，冇事喎！」死人必你唔出聲冇人話你啞架。

「你唔好咁話人喇。熙熙，駛唔駛陪你去醫療室？」淇淇果把溫柔既聲音又響起。

陽光既淇淇同文靜既秋兒姐姐其實應該係完全唔同既類型，但呢一刻我覺得佢地溫柔既聲線好似。

我忍唔住抬頭望一望佢。

咁啱同佢四目交投，見到佢一臉擔心咁望住我。

我搖一搖頭再伏返低：「唔駛，我冇事。」

「嗯…真係冇事？」

「冇呀！」我唔耐煩咁回答佢。

我啲脾氣又開始想發作。

「喂！」我感覺到阿必拍一拍我。

我冇比任何反應。

淇淇呆一呆，再道：「嗯，咁你好好休息下。」頓了一頓又關心地道：「如果真係唔舒服記得出聲。」

我都係冇反應。

「咁…陣間見？」淇淇向我道別。

「嗯。」我求其回應。

咪住。

陣間？

即係啦啦隊練習？

（待續）

再一次感激瑞士汁巴

新讀者想問下每日會幾更？

新讀者留名
主線唔加甜唔緊要
但可唔可以整個張潔婷水運會嘅短故事

一次過追哂樓主三個故 幾鐘意ocamp故入面阿威同阿冰內心嘅掙扎同感情線樓主寫到阿冰咁正 Jenny真係完全被比下去

重複po??

推

點解重複左

我都以為自己憶文成狂，碌咗琴日啲文嚟睇添

多謝！本身目標係隔日更，而家儘量keep住日更，大家happy

多謝支持先不過暫時唔會整外傳住，因為而家目標想keep住日更已經係我既極限

不過關於Kitty，佢之後都會多返啲戲份，希望到時鍾意

係架

所以果個故張人物示意圖應該執執佢

執返小小bugs

點解重複左

中間改返個bugs

唔係
係我篇文有bug要改