我和鄰居大姐姐的故事

sor放lunch覆下留言
今晚會加速出

我諗遲啲會好似之前咁整啲角色示意圖

二

於是由果日開始就由中一既秋兒姐姐開始照顧小四既我。

但話就話佢照顧我，實際上佢成三點幾先放學，所以秋兒姐姐其實都係響放學之後先會睇住我，同買餸煮飯比我食。

老豆就照返以前咁辛勤地工作賺錢。

唔記得講，我果陣係讀上午班既，所以放學之後有成兩個幾三個鐘既自由時間先會到秋兒姐姐湊我。

咁呢段自由時間我會做乜野？我梗係好似之前應承老豆咁，響屋企做功課同溫書…

…

…

…

先至奇！

我讀書天份唔算高，亦唔鍾意讀書，但點解我既成績仲可以過得去？

因為秋兒姐姐呀！佢會好似老母教仔咁捉住我溫書做功課。

所以佢未放學我仲唔趁呢段自由時間自己周圍玩咩！

不過，好可惜，響小學既時候我係一隻孤獨精。

唔係我唔想識朋友，而係因為我既家境太窮既關係，佢地平時玩既pla○station遊戲機呀、果陣流行既四䡱車呀、數碼○龍同埋乜乜乜漫畫我都冇接觸過，而且我屋企部電視係壞既，李師奶過身之後我連卡通片都冇乜點睇過，漸漸地，就冇人同我有共同話題，所以冇人同我玩。

有啲人仲會睇唔起我，叫我死窮鬼、乞衣仔。

當然，我冇主動咁去嘗試識下朋友，但既然班人都睇我唔起既，我都無謂去浪費時間去求人地同我玩。

冇人同我玩我咪最多自己一個囉，我絕對冇問題！

…

…

…

都係唔好講朋友呢個話題住喇。

總之李師奶死左之後，我每日放學如果唔想返屋企對住四面牆既，就要自己搵節目喇。

*

好記得果一日，天氣好晴朗。

我用老豆比我既飯錢買左個菠蘿包同一支維○奶之後，一個人百無聊賴咁走左去附近既足球場坐低。

當時下午一點幾，烈日當空，有乜野痴線過一個人響咁熱既天氣下踢波？

就係一大班人響咁熱既天氣下踢波。

我坐左響附近好簡陋既觀眾席上面一路開餐，一面睇住眼前呢班大叔除晒衫咁踢波。

唉，點解連呢班騎呢阿叔都有朋友同佢地玩，而我就要一個人自己響度食包？

班阿叔一路剩係響度射龍門又唔比賽，睇下睇下都開始有啲悶。

好快我就食完個菠蘿包。

個包響啲小店買，唔似美○呢啲垃圾店咁係空心架！

食完包坐坐下有個光頭阿叔突然大叫：「老鼠條仆街黎唔撚黎架？想五打五都仲爭一個，屌佢個閪！」

嘩，啲用字好新奇又有趣！

順帶一提，果個係七人場黎。

「屌，四打五咪得囉！求撚其開波就算啦！」有個地中海大肚腩阿叔回應：「仲想射龍門射撚到幾時？」

呢啲用字好撚正，我決定要學！

屌！屌！屌！

冇錯嘞，我啲粗口就係慢慢咁跟住呢班騎尼阿叔學返黎架喇。

當然，最初一開始我啲粗口係冇而家咁鳩勁喇。

呢啲野，慢慢進步架嘛。

講返果日。

突然果個光頭阿叔見到坐響觀眾席既我。

「喂，仔，有冇興趣一齊撚下波？」光頭阿叔對住我大叫。

屌，咁大聲講粗口嚇撚死人咩。我仲係小朋友黎架咋。

我望一望周圍，得我一個仔咋喎。

唔通同緊我講野？

「唔撚駛望啦！係你條撚樣啦！」光頭叔叔對住我大叫。

…

…

…

佢地係咪主動邀請我一齊玩？

唔計秋兒姐姐，有幾耐冇試過有人同我玩呀？

Yeah！我玩！我玩！

咁啱果日有體育堂，我著緊PE衫。於是我就咁拎起個書包跑過去：「玩呀！玩呀！」

包維○奶同遺流落黎既垃圾？唔撚柒理喇！

我衝埋去中圈。

「嘩，你小朋友都唔放過呀？」地中海阿叔好似個金魚佬咁笑笑口咁問光頭阿叔，再轉過頭望住我：「仔，你識唔識踢波架？」

哼！問我識唔識踢波？

…

…

…

我好似響PE堂有玩過下咁囉…

不過個地中海阿叔咁鳩寸，就算果陣我仲係小學雞都唔可以退讓！

「上體育堂踢過下咁喇！不過，都夠晒贏你地。」我好認真咁回答。

我咁答，佢地先係呆左一呆，但係就冇嬲，仲好大聲咁笑出黎。

我谷紅左塊面，小學雞式大叫：「喂，笑乜野！」

光頭阿叔笑住咁話：「小朋友，你真係好撚過癮，開波啦屌。」

我學佢講：「好，開波啦屌。」

聽到著住套小學PE衫既我學佢地講粗口，佢地成班阿叔應該覺得好撚搞笑，於是又大笑出黎。

開波之前佢地好簡單咁自我介紹左一下。

邀請我踢波個阿叔叫文哥。不過，哥乜撚野吖，文叔就差唔多。

對面個地中海阿叔叫柒頭。柒乜撚野頭，頭頂中間果忽連頭髮都冇不如叫禿頭喇屌。

其他人等我之後再提到既時候再介紹喇。

之後我就呢班騎尼大叔踢左兩個幾鐘頭波。

好開心。

好撚開心。

好撚柒開心。

（待續）

咁六年級得啦掛
六年級已經有性教育堂
落咗堂就搵姐姐補習啦

咁就原諒你啦 今晚唔見 文or老母 自己揀

都冇咁快
雖然而家啲小朋友好早熟

出左喇

之後落甜？重甜thx

甜就一定會加但應該唔係重甜同埋要等多陣，唔會咁快有位比我落甜住

留名 估唔到熙仔又幾搞笑

見到原來之前有故仔，特登返番轉頭睇，花咗成日終於睇晒，期待睇阿熙點同秋兒姐姐結婚

小學雞一個啫

多謝捧場！希望呢個故都唔會令你失望！

lm

如果可以 一日幾篇就好
一日一篇真係好吊癮

儘力而為
因為就算放工返到屋企都有其他野做，所以暫時黎講一日一篇都應該盡

不過如果我有餘力，而大家又鍾意睇既，我儘量加個速

三

快樂不知時日過。

踢踢下我突然醒起我要返屋企，如果唔係秋兒姐姐返到去唔見我會好擔心。

我應承左佢同老豆一放學即刻返屋企。

果陣手提電話仲係Noki○當道，不過我呢啲死窮撚邊有錢買。

有錢都買玩具喇屌，況且果陣啲電話得貪食蛇，邊撚到有而家啲智能電話咁撚多野玩。

而且…秋兒姐姐都冇電話。

所以我唔返屋企既話秋兒姐姐係搵唔到我既。

「哎呀，而家幾點呀？」於是響大家飲水既時候我問。

「三點幾喇。」呢個綽號叫肥肥大肚腩叔叔答我。

老實講…肥肥呢個名…好唔襯佢。

不過，原來已經三點幾！秋兒姐姐都放學架喇！

「夠鐘，我要趕住返屋企呀！我走先喇，拜拜！」我拎起書包諗住即刻走。

「喂，細路！」文叔突然叫我。

「乜撚？」咪撚阻住我返屋企啦！

「小朋友黎講你都踢得幾好呀。」文叔對住我咧嘴一笑：「聽日仲黎唔黎？」

我呢一刻由心笑左出黎。

「黎！梗係黎喇！黎打柒你地！」我大力點頭。

「哈哈哈…」一班大叔見到一個小朋友短短幾粒鐘可以講粗口講到收放自如，係幾好笑既。

我講粗話唔定真係有天份。

「咁聽日見啦，寸咀死仔！」大叔們向我道別。

「拜拜！」道別完之後我即刻跑返屋企。

要響秋兒姐姐返黎之前趕返去先得！

因為我應承秋兒姐姐同老豆放學之後係即刻返屋企食飯的！之後仲應該要好好咁溫書做功課…

*

「熙熙，你做乜成身汗咁既？」秋兒姐姐再摸一摸我背脊：「校服又未換，成件衫都濕晒喎。」

我低一低頭，答：「嗯…唔，可能係屋企太熱…」

根本係鳩up。

秋兒姐姐再望一望我擺書包既位，發現書包根本冇打開過。

「熙熙。」秋兒姐姐柔聲咁叫我。

「嗯。」我仲係dup低頭，驚比秋兒姐姐知道我放學冇直接返屋企出左去玩。

「你老實咁話比姐姐知，」秋兒姐姐把聲都係咁溫柔：「你放學之後係咪唔係即刻返屋企？」

…

…

其實秋兒姐姐咁冰雪聰明，點可能估唔到？

我好似個做錯野既細路咁點一點頭。

…

…

唔係好似，我根本仲係個細路！

秋兒姐姐摸一摸我個頭，再講：「熙熙，姐姐唔會唔比你去玩，不過你之前應承過姐姐同uncle啲咩架？如果你真係想出去玩既，你下次要同姐姐講定先，得唔得？」

「嗯！」我大力點頭：「我應承！」之後笑得好開心。

秋兒姐姐當然知道我冇乜朋友，見我笑得咁開心，於是問：「睇你笑得咁開心，今日去左邊度玩呀？」

「我去踢波呀～」我有小小雀躍，畢竟我除左秋兒姐姐之外，都好少可會有人同我玩。

之後我就將同班騎呢阿叔踢波既事全部講晒出黎。

不過秋兒姐姐越聽個樣越有啲擔心，最後聽完之後問我：「熙熙…果班人…」佢諗左陣，似乎諗緊點措辭會好啲。

「果班人？班叔叔？」我天真咁問。

「嗯。佢地…係咪好人？」秋兒姐姐好婉轉咁問。

而家我大個就明白秋兒姐姐擔心啲乜野。

有睇過古○仔都知，果個年代黑社會好興響公屋既屋邨球場度收，陳○南就係響屋邨球場同○昆結怨。所以秋兒姐姐擔心我學壞又或者比人蝦係好正常。

不過玩果陣我根本冇諗過呢個問題。

總之肯同我玩既一定係好人。

「嗯！」我又大力點頭：「佢地好好人架！」

老實講，大左諗返起，我識左佢地一日都唔夠，其實點知佢地好唔好人吖？

我見秋兒姐姐好似仲有啲擔心，於是提議：「不如妳聽日放學黎球場接我咪知囉～佢地好搞笑架。」

聽到我咁講秋兒姐姐首先係有小小愕然，不過佢好快就變到好溫柔咁望住我點頭：「嗯，咁我聽日黎球場接你啦。」

好野！

又可以踢波，又可以見秋兒姐姐，聽日一定會好開心！

*

我放左學又去同班騎呢阿叔瘋狂踢波。

不得不提，我既足球技術最初就係響呢度同班阿叔日日磨練而黎。

日日同一班大自己幾十年既老波骨踢波，令我由最初唔識踢波既小學雞，慢慢進步成一個識踢波既球員，為我日後既足球之路打左好好既基礎。

雖然七人街場同十一人草場踢落係好唔同，但班騎呢阿叔可以話係我足球生涯入面既啟蒙恩師，亦都係佢地令我愛上左呢一項運動。

另外，除左足球之外，佢地都係我講粗口既啟蒙恩師。

屌！屌！屌！

睇下我講得幾流利？

不過呢啲全部都係後話喇。

果日我放左學之後即刻連包都唔食飛奔去球場。

「喂，寸咀死仔，你真係又黎喎！做乜今日咁早呀？」文叔一路的波一路問我。

我冇答，反而比佢玩既的波吸引到入晒神。

「可唔可以教我呀？」我問：「好似好得意。」

「得！不過對初學者黎講好難架喎，你得唔得架！」文叔一路笑鳩我一路問。

其他大叔一齊大笑。

諗返其實佢地都係整古緊個小朋友，冇惡意。

我塊面谷到紅晒，大聲講：「乜撚野唔得呀，踢得叻過你呀！」

文叔教左我之後我自己的左幾野。

「屌你，踢得有紋有路喎寸仔仔。」柒頭見我的得幾好佢就講。

「梗係啦，我教出黎架嘛！」屌你，文叔響度認屎認屁。

的左陣波當熱身，之後又射下波，猜下波咁，然後等齊人就鬥波了。

汗水揮灑響球場上既感覺令人身心舒暢。

即係踢得好撚爽呀屌。

好快兩個幾鐘又過去，然後一個熟悉既身影步入球場。

係秋兒姐姐。

班阿叔沿住我視線望到秋兒姐姐，大家突然停晒腳步，郁都唔郁咁望住佢。

（待續）

lm 好睇

快d快d

多謝

其實如果阿冰再出場既話，我應該會搵過個角色示意圖

不過，好多謝你既支持

儘量加速

加油