我和鄰居大姐姐的故事

一

嗯…我同佢既故事，應該由邊度講起呢？

總之，從我有記憶開始, 秋兒姐姐已經出現響我既人生入面。

我地住響同一幢公屋，同一層既對面單位，好順理成章地，我地可以話係一齊長大既。

秋兒姐姐大我三年，而咁啱我地又係讀同一間小學，所以由我好細個既時候，佢已經成日照顧我。

秋兒姐姐細細個已經好可愛，而且由小學已經係一個好外向既人，讀書成績又好好，又參加好多課外活動，即使係小學既時候已經學校既活躍份子，深得老師們既愛錫。

秋兒姐姐唔止響學校好突出，即使返到屋企都成日幫手做家務、買餸甚至幫手煮飯（前提係佢老母果晚響屋企）。而且，佢真係當正我係親生細佬咁照顧，係一個好溫柔既女仔。

我成日覺得我望住佢既身影好似識發光咁。

點解秋兒姐姐會特別照顧我呢？其實都唔係冇理由。

我同秋兒姐姐都係黎自單親家庭。

由我有意識開始，我老母已經死左，得返我老豆同我相依為命。老豆佢讀書唔多，而且後生果陣又冇學返幾門手藝，所以為左撐起頭家，日日早出晚歸打幾份工，日做夜做賺得雞碎咁多黎養我呢個衰仔。

基本上除左農曆新年果幾日假期，又或者係啲咩大時大節，基本上我都唔會響正常作息時間見到佢。咁我細個果陣公屋啲左鄰右里就好有人情味既，老豆就比左小小錢咁將我掟左比同一層既李師奶照顧。

秋兒姐姐就同佢老母一齊住，佢老豆好似上左某鄰近經濟強國包二奶一去不返，留低佢兩母女響香港捱世界。伯母同我老豆一樣，為左兩餐經常都唔響屋企，留低秋兒姐姐響度。又係順理成章地，秋兒姐姐放左學之後，就係由李師奶照顧。

不過，伯母好似當年離婚既時候拎左小小贍養費，所以家境都叫做比起我屋稍為好小小。

總之就係因為咁，加上我地兩家人又住對面，我同秋兒姐姐就好似真係兩姐弟咁親密。

李師奶係一個好人，可能係因為佢同李生都冇仔女既關係，佢好錫我同秋兒姐姐。

基本上，我小一至小三既生活，都離唔開一放學就比李師奶接去佢屋企，然後同秋兒姐姐一齊做功課，做完仲有得睇電視同玩玩具。

要知道…我屋企部電視係壞既…直至到後來我大個上埋中學都未整返好…

而玩具，都係李生同李師奶買比我地玩…明明佢地自己就冇仔女。

所以話，佢地真係好錫我地。

秋兒姐姐同我唔同既係，佢做完功課之後仲會幫李師奶手做下家務，夜晚如果留響度食飯既話又會幫手煮飯…相反，我就真係得個玩字。

呃…仲有睇電視既。

而家諗返起…果段時間真係好開心好開心。

好快，秋兒姐姐就升左上中學，得返小四既我一個同李師奶過日子。

對於小學雞既我黎講，我依然係好享受果陣時比李師奶愛錫既日子。

佢令從來未見過老母既我感受到乜野係母愛。

只係…

快樂既日子總有完結既一日。

有一日，接我放學既，唔係李師奶。

而係我最鍾意既老豆！我當時仲好開心老豆會親自黎接我放學，我有好多野想同老豆講~

老豆冇解釋過點解係佢黎接我，但係都好鐵漢柔情咁同我傾計，聽我講下學校發生既事。

如是者，老豆冇返左成個禮拜工黎照顧我，我記得果陣仲好開心…

然後…

…

再次見到李師奶既時候，已經係響靈堂。

對於乜野係死亡，仲係小學雞既我冇可能體會得好清楚…

只係…我好清楚知道…我以後都唔會再見到李師奶。

後尾聽返老豆講先知李師奶係嚴重交通意外受傷入醫院，冇幾耐之後過身。

喪禮果一日，老豆帶住我同秋兒姐姐一齊出席，因為秋兒姐姐老母要搵食所以黎唔到。

我仲記得入到去靈堂果一刻先知發生乜野事，喊到豬頭咁。

但我最有印象既，係我喊緊既時候，有一隻溫柔既手不斷咁撫摸我頭頂安慰我。

再用帶有母愛既溫柔目光望住我。

係秋兒姐姐。

明明…秋兒姐姐佢自己都好傷心，但仲要好堅強咁照顧埋我。

去完李師奶既喪禮躹躬之後，秋兒姐姐黎左我屋食晚餐。

因為佢老母仲未放工。

食飯果陣老豆仲係愁眉不展，因為佢之後都唔知點樣搵人響平時照顧我好。

而且佢已經冇返成個禮拜工，再唔返既話比炒魷都似。

我明白老豆既難處。

即使我仲係小學雞都好。

「老豆，我大個架喇，自己返學放學都冇問題，放學之後會即刻返屋企做功課同書，而夜晚你比小小錢我出去買外賣就得架喇。」我用一種堅強既眼神望住老豆講。

當然，做功課同溫書呢度我係諗住水我老豆既啫…不學無術既我又點會咁乖？

老豆摸一摸我個頭，冇出聲，始終…響每一個父親既心目中，仔女永遠都長唔大。

何況我真係個小朋友？

「不如…等我黎照顧熙熙？」秋兒姐姐突然開口提議。

不得不提，果陣已經升左上中學既秋怡姐姐一身白色校服連身裙，留左一頭長髮, 又束起左一條馬尾, 散發出一陣斯文優雅既氣息，由一個可愛既小妹妹，變左個發育緊既小美人。

「咁點得架？秋兒妳仲要返學架。好麻煩架。」老豆把口就咁講，但其實語氣已經有啲鬆動。

口裡說不，身邊卻很老實。

「點會麻煩呢？熙熙就好似我細佬咁，你唔比我照顧佢我先麻煩啊。」秋兒姐姐嫣然一笑咁回答。

好溫暖既笑容…

咦？

我捽一捽眼睛，好似又見到有啲聖光由秋兒姐姐身上面散發出黎…

就係咁，老豆真係口裡說不，身體卻很誠實咁將我推左比秋兒姐姐照顧喇…

（待續）

終於的起心肝開新故。

呢個故仔，其最初打算係以第二篇小說發表，因為果陣阿熙響o camp故入面都幾有人氣，比起威仔受歡迎好多，所以寫到中期已經構思緊佢既獨立故。

不過好多原因，寫左另外三個故都未開始寫阿熙故，搞搞下實在拖得太耐，分分鐘讀者們連阿熙係點都唔記得，所以終於的起心肝寫。

呢個故預計會係長篇故，除左講佢同林秋兒既愛情故事之外，仲會講述由阿熙點樣由一隻自大自我中心既小學雞，慢慢成長到ocamp故結局時既佢。

今次出故暫定隔日出，原因係我最近唔係咁多時間寫野，又唔想求其整篇垃圾出黎交功課。有時間先加個速。

甜度方面暫時打算跟返ocamp故咁適量甜喇，同埋應該唔會咁快寫到，唔好見怪。

如果大家鍾意既希望賞面比個正評同留個言，甚至like埋我ig同fb喇，你地既支持，係我最大既原動力！

ig: leafopen3
     https://www.instagram.com/leafopen3/
fb: leafopenleafopen
     https://www.facebook.com/leafopenleafopen/


紙言: https://www.shikoto.com/authors/37384.html

Penana: https://www.penana.com/user/52938

有興趣睇舊故，不妨click入去睇下:

正傳世界觀：

《我和一個o camp女女的故事》
https://www.shikoto.com/i/TgG

《我個仔被老屈藏有炸藥》
https://www.shikoto.com/i/WQU
https://www.penana.com/story/50939/

Marvel同人世界觀：

《如果蜘蛛俠係香港人…》
https://www.shikoto.com/i/Ykw
https://www.penana.com/story/54279/

亂鳩咁黎 (即係其他)：

《我響婚宴酒樓遇到一個教堂妖精，佢話可以幫我回到過去…》
https://www.shikoto.com/i/UVy

Lm

Lm

劉明

加甜

Lm

lm

G持

多謝大家劉明支持
希望舊讀者仲記得阿熙

會有呀，但冇咁快會到

四年級就加甜 得唔得㗎

所以話冇咁快會有甜

無甜點追

會有架等下喇

重甜未？

我諗個甜度最甜應該係類似上次ocamp外傳屌表姐個甜度，可能再甜小小

https://www.wnacg.com/photos-slide-aid-103978.html
秋兒姐姐

劉銘

五年級啦

同我心目中既秋兒姐姐形象好唔同

多謝

應該都唔會，五年級我諗應該真係毛都未生齊

得閒講多謝不如出文啦屌你 想睇呀

留番個名先
好想睇秋兒姐姐圖