我和鄰居大姐姐的故事

1001 回覆
281 Like 18 Dislike
2020-10-07 19:47:06
多謝
2020-10-07 19:48:33


「秋~兒~姐~姐!」我連控緊既波都唔理,一腳踢鳩走佢,然後跑過去秋兒姐姐身邊。

成班騎呢大叔都停晒腳,面容呆滯咁,連比我亂鳩咁踢走既波都唔理,慢慢咁行過黎。

突然比班騎呢大叔包圍,秋兒姐姐好似有小小不知所措,但係好快面上又掛返專屬於佢既溫柔笑容。

雖然秋兒姐姐係靚啫,又直情發出一陣仙氣,但係果陣佢先得十二、三歲,班仆街撚樣成班金魚佬大叔咁望住佢,屌吖。

「秋兒姐姐,就係佢地教我踢波架啦。」我好似一個小朋友咁吱吱喳喳咁講…







我根本就仲係小朋友!

秋兒姐姐對住班騎呢大叔溫文一笑:「多謝你地幫手睇實熙熙。」

「客乜野氣呀?」文叔對住一個可愛既小妹妹突然變得好有禮貌:「照顧小朋友係我地呢啲成年既男子漢應該做既事!亦係一個良好公民既責任!」





屌鳩你個文叔,你唔好撚再誇鳩張啲?平時你都唔撚係咁既。

唔止佢,成班大叔讀野既語氣突然變到好斯文,變到好撚有禮貌。

然後班仆街七咀八舌咁響度弦耀自己有幾照顧我…響秋兒姐姐面前認屎認屁…明明啱啱先寸鳩完我黎…

你班仆街變態佬!秋兒姐姐得十二三歲好細個架咋,你班蘿莉控!

秋兒姐姐有啲應付唔到呢班騎呢大叔突如其來既熱情,只好一路點點頭,唔係點出聲咁,尷尷尬尬地聽佢地講野。

不過,就算我大個左之後記返起,都淨係覺得呢班騎呢大叔係一班好熱情、好友善既傻佬。(但同時都好撚戇鳩。)

可以話…係我既良師益友。

外表係騎呢左啲、係麻甩左啲、係戇鳩左啲,但佢地對我真係好好。

我咪話過我好撚窮既?我地細個踢波邊有錢買平底波砵架?係白飯魚架咋。我就算上到中學之後都好,總之響呢個屋邨球場入面踢波著既每一對白飯魚,都係班撚樣送比我既。所有飲品錢都係佢地出既,佢地間中仲會請我食tea添。

離題了。

我見班撚樣對住秋兒姐姐鳩up左咁耐,波又唔撚踢,有小小唔耐煩,於是拉一拉秋兒姐姐隻手:「都夠鐘喇,不如我地返屋企啦。」

秋兒姐姐對住我笑一笑點一點頭,再同班騎呢大叔講:「我地走先喇,以後熙熙就麻煩你地照顧喇。」

有個同樣係光頭,但係佢有大肚腩又九唔撚搭八咁有副大胸肌既炮哥講:「冇問題!」然後對住我講:「熙熙,你又咁可愛,你家姐又咁靚女!做你既家族真係好,有咁靚既遺傳。」

聽見佢叫我熙熙,又話我可愛…屌,我有啲毛管桐…你班撚樣都係叫返我寸仔仔喇。

同埋其實佢唔係我家姐,不過我都廢事解釋咁多,反正佢地總有一日會知真相,所以我都唔急住澄清我同我秋兒姐姐既關係。

而且,佢響呢一刻既我心目中,真係一個姐兼母職既好家姐。

「拜拜喇熙熙。」騎呢大叔們大聲道別:「聽日再踢啦!」

秋兒姐姐都溫文一笑,向班撚樣道別。

btw屌你班冚家剷,我聽慣你地叫我寸咀死仔,咪撚再叫我熙熙得唔得?

*

「點樣呢?佢地係咪唔係壞人呀?」回家既路上,我問秋兒姐姐。

其實係咪壞人邊有咁易睇得出吖?不過事後睇返我算好彩,呢班戇鳩大叔只係一班老粗,都唔算係咩壞人。

事後問過,佢地做裝修既,多數係裝修商廈(即係夜晚開工),而且有陣時搵夠就唔開工,所以熱愛足球既佢地先會成日揀中午時份踢波。

「佢地真係一班好有趣既人。」秋兒姐姐微微一笑:「睇黎都唔似會帶壞你。」

其實好人定壞人真係要相處一排先知,但至少一眼就睇得出班撚樣唔係黑社會先。

「咁我以後可唔可以繼續同佢地踢波?」我好雀躍咁問。

「唔…」秋兒姐姐側頭一諗,再道:「我放學黎接你既時候一定要走,得唔得?」

「得!」

「就算我果日唔得閒接你,你最遲三點半都一定要走,得唔得?」秋兒姐姐都係擔心我太夜先返到屋企。

真係好溫柔。

「得!」我諗左一諗,再吞吞吐吐咁問:「但係…妳會唔黎接我架咩?」

唔知點解我當左秋兒姐姐黎接我係一件理所當然既事咁。

「傻瓜!」秋兒姐姐微笑住咁拍一拍我個頭:「有時學校放左學都有啲課外活動要參加架嘛。」

「嗯。」我有小小唔開心。

可能…係驚秋兒姐姐升左上中學之後,我同佢既距離會變得越黎越遠?然後…會變得疏離?

我果陣都冇再深究呢個問題。

「仲有,返到屋企之後要即刻做功課,食晚飯之前要做晒,得唔得?」唔知幾時開始,秋兒姐姐變到好似我老母咁。

「得…」

「你記住喇。」秋兒姐姐微笑住同我講:「咁你可以踢波啦。」

「放心,我唔會同叔叔講既,嘻。」秋兒姐姐罕有咁露出一個挑皮既表情:「難得熙熙可以開開心心咁同其他人玩嘛。」

「好野!」一諗到以後可以同班撚樣踢波,我就忍唔住開心地大叫左出黎。

就係咁,我直至升上中學之前,無論係返學定放假,都會響果個時間衝落球場同班大叔踢波。

放假既時候,秋兒姐姐甚至會默許我再踢得夜小小。

至於對手,除左班大叔自己分隊之外,間中會有其他人黎跟隊比賽。但係班大叔雖然戇鳩,但係球技真係好好,好多時跟隊既對手連波都未掂到就輸鳩左。於是,響佢地既帶領,再加上我本身踢波既天份真係幾高既情況下,作為進攻球員既我都有明顯既進步。

漸漸地,我既位置就定左響前鋒呢個位。

至於秋兒姐姐…有時放假既時候,佢都會落黎睇我踢波,班大叔見到靚女落黎仲會趁機同佢寒喧,佢地都逐漸熟絡,當然都知道左佢唔係我親家姐。

就係咁,幾年就過左去了…

(待續)
2020-10-07 22:13:52
慢慢加糖pls
秋兒姐姐
2020-10-08 08:54:00
會有架!
但要等多一陣先喇
2020-10-08 09:26:17
慢慢嚟,唔使急,對樓豬出文速度同埋質量有信心
2020-10-08 13:11:41
多謝
反而我自己對自己速度冇乜信心

內容就希望大家鍾意,我會繼續比心機寫唔會hea大家
2020-10-08 14:10:28
加油
2020-10-08 16:01:40
唔想班大叔同姐姐有關係
2020-10-08 16:09:29
班大叔同秋兒姐姐幫熙熙上性教育想唔想像到?
2020-10-08 18:51:40
3p
2020-10-08 19:26:10
多謝
2020-10-08 19:26:37
我諗算朋友關係呱
應該都ok?
2020-10-08 19:27:24
會唔會重口味左啲
2020-10-08 19:27:46
會唔會重口味左啲
2020-10-08 19:28:08


日月如梭。

唔經唔覺,我已經準備升上中學。

相比起踢波,我讀書其實真係唔算有天份。但係日日放學踢完波之後返到屋企(或者秋兒姐姐屋企),秋兒姐姐就會監督我做功課同溫書,所以成績都叫過得去喇。

然後唔知點解,響秋兒姐姐既陪同之下溫書做功課,再辛苦既時候我都會覺得好開心。

有陣時佢有佢溫,我有我溫,我遇到唔識再問佢。

秋兒姐姐好似都參加左唔少課外活動,又係學校合唱團成員,又係啲乜鬼辯論隊既成員,又係啲唔知乜鳩野社既幹事,好似好忙咁,但對於我既事佢又可以分到身黎照顧我,教我讀書,時間分配方面真係冇得頂。

我間中就會傻更更咁問佢:「秋兒姐姐,妳係咪以後都會對我咁好?」

屌,好撚似啲女問佢地男朋友愛唔愛佢咁。

諗返起都好撚柒。

呀,唔係好撚柒。

係好撚柒閪柒。

不過面對我咁柒既問題,秋兒姐姐總會好溫柔咁回答:「你係我細佬黎架嘛,唔對你好對邊個好?」

嗯…

我係細佬…

而佢的確係一個好好既家姐。

總之,托秋兒姐姐既福,我既學業成績都幾好,最後入左一間區內都叫做唔錯既中學。

最重要既係…

同秋兒姐姐同一間中學。

*

響中學開學之前果一日,我如常響球場上面同班撚樣大叔踢波。

踢到咁上下,我地坐埋一邊吹水。

「時間過得真係快。你個死矮仔,聽日就變左中學生喇。」文叔同我閒聊。

佢地而家成日亂鳩咁叫我,又死矮仔,又豆釘,又塞豆窿,仲有最初叫開既寸咀死仔。

佢地都會叫我做熙熙既…秋兒姐姐黎接我既時候囉。扮撚晒野咁,屌。

「我屌鳩你咩。」我啲粗口已經流利左好撚柒多。

順帶一提,我中一開學既時候未發育,真係…唔太高…

「你個樣仲好似成個小學生,校工會唔會以為你係想去參觀唔比你入學校架?」柒頭夾擊我。

「含撚喇屌你。」我一臉唔耐煩。

我知我個樣細個喇,但係可唔可咪鳩成撚日提。

「聽日仲黎唔黎?」文叔突然間好正經咁問。

一言驚醒洛克人。

我又冇諗過呢個問題…一放學就黎球場踢波踢到三點半已經成為左我既習慣,根本冇諗過升左上中學之後會黎唔到。

但中學係全日際,放學已經成三點半,依照同秋兒姐姐既約定,我之後係黎唔到踢既。

但係我相信同秋兒姐姐傾下,應該冇問題既。

加上聽日第一日返學只係返半晝,就更加冇問題喇。

「黎呀!」我順口答。

「哈,咁就好,幾撚鳩驚你之後唔撚再黎同我地撚波呀?」一個叫老鼠既大叔加把口。

呢個叫老鼠既大叔叔細細粒粒,個樣真係好似隻老鼠,但又留左一把長頭髮。

「點呀,咁撚快掛住我?你基咋,我唔撚係基架。」我道。

「點話點好啦!仔,等你返黎一齊踢呀!」老鼠答我,但全句冇否認過自己係基佬。

屌,我下意識夾緊菊花。

順帶一提,班大叔有時冇工開真係會踢到夜晚十一點球場熄燈先走。

佢地踢波既方式好食腦,所以體力消耗唔係真係咁大。對佢地黎講或者根本冇出儘全力,只係當熱身咁玩玩下。

吹吹下水,文叔突然問我:「喂,矮仔,其實你係咪鍾意你個秋~兒~姐~姐~?」

最後四隻字佢學我叫秋兒姐姐既時候既語氣。

屌!

再提多次,經過呢幾年相處,佢地一早就知秋兒姐姐唔係真係我家姐。

「痴撚線!唔好亂講!我對女仔、情情愛愛呢啲冇興趣!」我塊面好似紅左,急急忙忙咁澄清。

我相信每位雄性小學雞都一定經歷過,同女仔一齊玩又或者因為傳緋聞所以比人笑,然後急急腳咁避開啲女仔又或者作出和尚宣言既人生經歷。

你班戇鳩,大個你地就知同女仔扑野有幾正!

「嘿嘿嘿,咪撚呃鳩阿叔喇,你對佢講野既語氣同對其他人完全唔同既!」老鼠加入戰團!

「痴撚線,佢係我家姐黎架嘛!」我真係當佢家姐架咋!

「我就唔撚信嘞!」文叔話:「我都唔撚會用咁既語氣同家姐傾計既!」

「屌,唔好講呢啲喇,我地繼續踢波!」我拎起個波想逃走。

柒頭拉住我:「傾多陣先啦,你之後都唔會仲會唔會成日黎!」

逼於無奈,我又坐低左。

「屌你班撚樣,做乜鳩野無啦啦係咁問我野呀?」我一臉唔耐煩。

「拿,你升左上中學就要開始媾女架喇,阿叔驚你青頭仔乜柒都唔識諗住教精你咋!」文叔猥瑣咁講:「中學一開始就要準備下點識女仔架喇!」

「痴撚線,都話唔撚媾女咯!」好柒煩呀,快鳩啲踢波仲好喇。

「不過,你再大小小,唔駛主動走去媾女啲女應該都會自己埋你身。」文叔望住我個樣再點點頭。

我感覺到面又紅左:「痴鳩線。」

「哎呀呀!小熙熙面紅呀!」成班痴線佬起哄。

「屌你屌你!」我語無倫次。

其實佢地唔係真係以為我鍾意秋兒姐姐,而應該真係見我就黎升中學,到左可以識女仔拍拖既年紀,所以一齊撚鳩我。

大家吹多陣水,去到差唔多五點幾,一個熟悉既身影慢慢步入球場。

成班大叔講野突然間冇晒粗口,變到好文謅謅。

屌。

見到秋兒姐姐準備過黎接我,文叔又笑笑口咁對我講:「秋兒都升中四架喇,佢咁靚女有好多人追真係唔出奇,哈哈。」

補充返小小,暑假中期既時候班仆街起哄咁問秋兒姐姐有冇拍拖,秋兒姐姐就話冇,所以佢地先知秋兒姐姐而家冇男朋友。

「痴線!」我當文叔發up瘋:「佢有冇男朋友關我咩事!」

「我都冇話關你事!哈哈!」



真係痴撚線!

但係…

可能因為想繼續獨佔秋兒姐姐…所以…我真係唔希望秋兒姐姐有男朋友…

(待續)
2020-10-08 19:35:49
跟到live,幾好幾好
2020-10-08 19:49:30
訓醒就有文睇 心已開
2020-10-08 22:06:47
多謝支持,雖然我本身set既目標係隔日一更,但我都希望儘量做到每日一更甚至更多,等你地追到live都唔駛等咁耐
2020-10-08 22:07:00
多謝捧場
2020-10-08 22:20:19
留名
2020-10-08 23:03:04
老老豆豆,幾時加甜?
2020-10-09 01:28:05
多d糖thx
2020-10-09 07:24:35
想睇秋兒姐姐發姣
2020-10-09 09:02:33
多謝
2020-10-09 09:03:05
真係冇咁快隨遇而安喇
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞