[長氣多圖][無限期] 香港staycation之旅

支持樓豬

有人睇

btw 低分係指openrice？Openrice啲分都可信既咩

Google map ja
平時d人都鳩比
鳩比都可以得兩三分

但我覺得香港食野唔可以信啲評分

高分就未必可信姐
但係低分就無可能唔可信

認真咁講，打手除左有讚好都冇專負責彈既，係香港唔信評分係唔信佢個制度，冇日本人咁認真去做同可信

G持
日日都有追

但你唔日日出文

無咁多貨交
連剪片用咩程式都唔識

lm

細佬我真係搞唔掂剪片部份
都係純文字討論算
同埋有無咩免費剪片無水印又有60fps既程式推介


DAY9 香港文華東方酒店(上) Cafe Causette

今年中秋同支慶痴埋左一齊
咁岩仲要係星期四五
所以十月頭就有四日連假
而係九月岩岩開呢個po既時候有巴打講話mo有優惠好抵
咁我當時其實都只係去開幾舊水cheap酒店
見到要兩千幾蚊都覺得有少少貴
不過諗諗下
因為武漢肺炎令到香港頂級酒店減價機會真係絕無值有
文華東方貴為福布斯五星級酒店
亦都係香港三大巨頭品牌之一
一泊兩食仲要有海景最後我都係含淚屌左佢
結果隔幾日我再屌埋佢文華廳個午市套餐
所以最後係變左一泊三食
自此呢
個大門就好似打開左咁
之後就已經唔係搵平就算既酒店
而係變左可以食得好既酒店

因為係第一間係香港住既五星頂酒店
咁又真係由九月初咁期待到十月既
仲問人借左部osmo pocket
諗住可以除左影相之外仲可以拍埋片
不過未用得慣效果都係一般般

坐黨鐵去到中環站

其實係F出口已經大大隻字寫住文華東方酒店
不過因為要食埋個lunch先所以就去左另一個出口

今日中環既第一站係鮨樂
因為之前係大富翁樂園抽到張優惠券
所以今日用埋佢


鮨樂係間立食餐廳
環境都算唔錯
lunch menu亦都唔算話太貴
平平地百零蚊都有交易

前菜

叫左個櫻花魚生丼飯同十件既竹壽司


質素係唔錯既
價錢亦都唔算貴
可以翻屌

又再講下
酒店個優惠係以買coupon既形式係官網eshop買完
之後再要打電話去酒店book房
其實我覺得都幾煩
先要唔知有無位之餘又要等好耐先有人聽電話
不過而家酒店出左第二輪優惠
今次就可以直接book埋日子
不過房價就貴左一兩百

同埋個package係一泊兩食
酒店係入住前幾日就send左個mail過黎問晚餐揀食乜野
仲話因為太多人
如果要係cafe causette食呢個3 course晚餐就九點半之後先有位
佢亦都有比左另外一個offer
話有得揀食自助餐
不過就只有90分鐘既限時
其實人大左
就真係唔太鍾意呢種任食既形式
純粹為左擠飽自己既食物
所以最後我都揀左九點半食呢個晚餐

條港女就建議買定個下午茶入房食住先填下肚
雖然有d難睇
但都係拒絕唔到佢

就係附近呢間野買左個海南雞
本身仲有個串燒既
但係我搞錯左變成兩盒都海南雞
自帶海南雞飯去一間海南雞飯出名既酒店
呢個畫面都幾搞笑

文華東方係中環有兩間酒店
而兩間都係福布斯五星
置地文華由L600開始基本上都已經係套房格
不過優惠只係包1K餐飲仲要唔包早餐
都幾難去扑槌

今次都係會經過置地廣場

再穿過呢條天橋就會進左我地要住一晚既香港文華東方酒店

下面條街就比d傭工佔領晒
屌你老味仲要係度行catwalk真係痴閪線


三點鐘checkin
咁我都預計過要排隊諗住早D去
不過食下野買下野又搞到真係三點先到
一入大堂就見到咁既畫面

係有預想過
不過係無諗到係咁混亂
四日長假既第一日
真係好撚多人

比左張身份證職員
留埋個電話等叫籌之後
就可以縮番埋一邊坐低等叫名
可以拎番杯welcome drink飲下


事實真係見到好多一家大細
拎埋燈籠黎準備今晚賞月

結果等下等下
都等左成粒鐘先有電話到

佢話我登記左fans of mo
送左細細盒個朱古力

同埋可以85折食文華扒房
不過今晚同聽日都有著落
基本上就係用唔著既

check in 果時仲有部pad show話登記左fans of mo
係官網預訂可以得到以下兩款禮遇
真係鬼打都揀upgrade啦
不過我地好似唔算係官網正式預訂所以無晒呢d著數

check in完佢先話我知其實我地間房係仲未ready
不過見我地拎住野食
就準備左另一間客房比我地坐住先
諗住咁樣搞法問下聽日有無late check out都唔算太過份
而且我仲book左lunch係度食埋先走
結果當然係乜都無
其實一邊check in就已經一邊聽到有其他客唔耐煩拍臺問點解咁耐都未有得check in
政策係公司定左
職員就做晒禍心

雖然話好full
但都仲有服務可以幫你拎行李上房
係大堂等緊果時直頭見到個阿伯叫職員幫佢拎住部相機

雖然大堂好多人
但上到房又唔算話好嘈

我地首先被安排既係1412房

酒店設計係四方形
而四間corner房有三間設計成套房
淨番一個角落可能因為景觀太差被界開成兩間官房
而三間套房有城景,皇后像景同海景
其中19-26號房面海
26-04間房係面皇后像
理論上三間套房
就咁睇平面圖
應該係得皇后像景既套房會望唔到海
而最平既城景係反而係個廳會望到海
戴番個頭盔先
以上都係我自己鳩估既
有機會下次住套房既話再體驗下

首先係呢間唔係我既房既room tour


床頭有八個枕頭

呢個係基本裝備
但事實上我地最後間房果時係得番四個
估係執房執漏左掛

而呢間房係無景既

對面係聖佐治大廈

真係乜柒都望唔到

個廁所亦同一般房好唔同

係無浴缸既

我估呢間角落房正常係應該無人book既
所以先會分配比我地坐住先

而浴袍就得一套兩件

一樣都有兩枝水擺床頭

另外仲有枝會放係櫃入面

天花都有設計過既


電視機算係新淨同大部

如果用samsung電話可以mirroring上電視
有基本既電視台

仲有我記得好似now體育台都有

如果硬要計既話
我地呢兩日都叫做食左5餐
頭先係鮨樂食第一餐
而家係房食第二餐

仲有cafe causette第三餐
聽朝係房食第四餐
同埋文華廳食第五餐

食完野仲未有得上房就繼續周圍睇下

張開門卡都幾有特色
我地呢間係14樓既客房
之後我地間海景房反而得9樓
泳池同健身室係24樓
頂樓25樓裝修緊
文華廳搬左落同文華扒房一樣既1樓
而米芝蓮兩星既pierre已經執左
所以呢張野係唔update既

電視檯下面都幾多機關
有收費既雪櫃mini bar

仲有餐具

welcome茶葉


條港女幫我係度留名


床邊檯就有個220V插

仲有兩個2A既usb位

係度坐到六點
拎起個電話打落大堂想問有房未
同一時間就有職員直接打我手機話間房已經準備好
會過黎接我地上房

睇番以前台仔d遊記
其實係可以入房先check in既
不過而家酒店業應該都做到甩肺
再無可能有咁既服務
不過囡囡帶我地上房都有叫做順便介紹下既
話聽日早餐如果想係房食既就寫低掛係門外面就得
再問多次都無得late check out
其實如果我發下爛渣話成六點先有房我諗都可能有既
不過見佢態度好好都廢事留難人
我都只係純粹想食完個lunch可以番房執埋野先走姐
而家最多寄存d行李係酒店

搞到成六點
足足三個鐘先有得入我地間房
925


今次D畫放左係門口玄關

打開個櫃入面係冰桶同咖啡機

不過冰就要打電話拎

杯杯羹羹

其實我次次都想整番杯咖啡黎飲下
但次次到最後都係無做到呢個動作

仲有個暗格連住出面第二朝會用黎派報紙


今次就有兩套浴袍


呢個房型同係官網睇既有少少唔同
廁所係日式既乾濕分離


浴室入面亦都分開左花灑同浴缸

入面亦都有浴鹽提供

amenities亦都幾齊

沖涼四寶

如果住套房既仲會係用jo malone
我都係條港女有用呢個牌子香水先識

king size大床

可惜無左果四舊紅色既枕頭
其實就無乜需要既
但係唔齊裝就硬係覺得怪怪地咁

拖鞋直接放左係床邊

今次電視上面就有寫住我個名啦

原來電視櫃仲有個機關係側邊


書檯

上面有隻bose既藍芽喇叭

可以拎埋入廁所駁電話播歌

仲有塊鏡係上面

櫃桶入面有D名信片

而全日最最最期待就係呢個畫面

雖然一早都知道酒店同海既距離有D遠
不過望住個摩天輪個感覺都算幾治癒

咁樣睇住入夜個景都算好唔錯

https://www.youtube.com/watch?v=h3MPRNkrImI

因為今晚會落餐廳食飯
所以聽朝就係房食早餐

其實得西餐同中餐揀
基本上都係揀晒兩款
係凌晨兩點前掛出門口咁樣聽朝就會有人推餐車上房

睇下平行時空既出面發生緊乜事

又睇下個夜景

有時我都會懷疑人生
到底我係度做乜鳩

係房做愛做既事做到八點幾
餐廳就打上黎話有位可以落得去食啦

cafe causette係酒店m floor
文華餅店就係格離
同一層仲有食自助餐既快船廊
亦都有好多名店

餐臺擺設都幾簡單

餐廳係m floor
個景就唔算開揚

全部都係同銀兩有關既野

只係咁靜局既中環真係好少見到

因為過左九點
佢話每人會送一杯酒比我地
其實我就唔飲既
不過開心飲少少都無壞既

一世人可能都淨係呢一兩年可以住咁多高級酒店
開心下都無壞

先黎塊包都幾硬
唔太好食


前菜揀左龍蝦湯同西毛豬火腿哈蜜瓜


件港女話火腿蜜瓜好好食

主菜肉眼扒同比目魚柳


塊扒就麻麻地無乜肉味

最後甜品
芝士強糕同朱古力強糕


芝士強糕就無想像中咁好食
不過強糕上面有佢地個招牌又幾得意

仲有兩舊我唔係咁鍾意食既野

個選擇好似同肥鳩L佛一鳩樣
整體食物就一般啦
不過環境氣氛唔錯
而小二服務都OK既
又唔會話好似米芝蓮餐廳咁拘謹
無果種距離感
算舒服既

食完諗住拍拍屎忽就走人
原來要係張單到簽個名
見到張單上面有個價錢
大約八百幾蚊
計番兩千四減番八百
即係今晚既房價大約係千六蚊海景房連早餐
如果係平時既話
就一定做唔到呢個價位了

電梯大堂個吊燈一直由上面吊到落地下


都算係酒店個icon

食完都成十點半

原本都想出去望下呢個靜局中環
不過最後無出到去
而係上左去24樓參觀下健身室

大就唔算好大


不過基本野都有D
係度扮下野踩左一km單車就走lu


同一層仲有泳池同spa
salon都係度
不過好似都無開了


個裝修幾靚
直到第二日都無時間去參觀個泳池
係有少少遺憾既

DAY9 完

3-6點
有無整亂間房？

上上星期去住 有紅色枕頭
但無左明信片 想要一張 好靚
Btw個龍蝦湯好正 但塊扒 個人覺得一般
下午茶都一般 早餐係正既 但要同人爭位

3-6點
有無整亂間房？

唔敢整亂呀
不過我諗之後點都要再執房
如果有呢三個鐘我可以落泳池玩下

上張床瞓下係咪都得6點c/i 乜補償都無好過份

正路都得既
成六點先走
都應該唔會有下一手住

上上星期去住 有紅色枕頭
但無左明信片 想要一張 好靚
Btw個龍蝦湯好正 但塊扒 個人覺得一般
下午茶都一般 早餐係正既 但要同人爭位

紅色枕頭感覺好似特別D
成個dinner set我都覺得無乜特別
早餐無落去食
我反而覺得係房好食爽呀