[長氣多圖][無限期] 香港staycation之旅

DAY31 香港美利酒店(上) Murray Lane Popinjays

今次去既係花園道既美利酒店
美利酒店算係早期已經做緊優惠果堆酒店之一
同其他酒店最唔同既係佢地推既一直都係包三餐既package
下午茶
晚餐
同埋早餐
基本一次過就可以試晒去晒佢地所有餐廳
不過日子耐左
唔同既酒店都有cut cost既情況出現
最明顯既就係君悅
佢地staycation食港灣壹號既套餐由最初同主餐牌套餐一模一樣
到之後改弱左
而家仲改少多一道菜
行政客房以上同最初仲要貴足成千蚊以上
真係完全提唔起興趣去住
咁美利酒店其實都有相同既情況
原本佢地最初package包既晚餐係the tai pan四道菜晚餐
同walk in一模一樣
而家改到得番3 course
入住前仲因為禁晚市而淨番in room dining
我都已經淨係想改期而唔係想取消
不過因為今次係經kkday預訂
講到好死咁無得改
同直接幫酒店book既待遇係差天共同
之前都試過book不可取消既package問酒店都完全無say no
更何況酒店自己係新年出左個3餐連套房既package都只係3k4
抵到上天花
以後真係唔好貪果少少經agent book

其實次次坐過海巴黎黎去去都係果兩架
今次就搭到中銀大廈落車

由呢度行上去美利酒店都係幾分鐘距離

美利酒店門口亦唔係紅棉路或者花園道
而係正對住花園道三號呢座商業大樓既小巷
我入左大樓就行錯左去香港公園條天橋所以要落番去

大樓側邊一個出口就係正對住酒店入口

美利酒店
前身係狗官寫字樓
1969年已經落成
超過五十年歷史
直至2012年停用
後來改建成呢一座美利酒店
由會德豐投得同擁有
自家公司馬哥孛羅管理
屬於同系較高端既尼依格羅品牌
係2018年落成
開左業三年左右
係福布斯既四星酒店

美利package就一直係klook同kkday無間斷過
由二千頭起已經可以包三餐
應該都算係熱門酒店
不過今日星期六兩點checkin一樣唔洗排
所以上幾次就真係唔算個別事件
係真係少左人staycation了

美利酒店前台職員唔算好專業
亦都有甩漏
下午茶時間一早已經安排左係三點半
前台亦都同我confirm左
但係結果三點半上到popinjays佢地話下午茶係四點先開始叫我地番去
我估計係餐廳為左賺錢就整多左次輪sunday brunch
亦都證明餐廳同前檯係零交流

不過佢係我唯一一間酒店見過用呢種紫外線消毒機黎放筆

雖然一部就只需要兩舊水
但起碼都叫做有做下野
另外檯台除左消毒酒精仲擺左枝lotion係度

算係比較大方

其實我成日都期待有酒店職員送我地上房
但次次都只係送到入電梯就完

酒店泳池係地下電梯大堂對入
泳池全室內無景
疫情下亦都無唔開放圍封左


可能算係新酒店
硬件上係幾光鮮既

升降機入面放左張長椅

另外今次唔再係商住兩用酒店
無商場
無寫字樓
亦都無服務性住宅
全棟建築都係屬於美利酒店

地下LG係checkin大堂同泳池所在
仲有間類似行政酒廊既murray lane係比N3以上住戶使用
UG類似M floor有兩間餐廳the tai pan同garden lounge
我自己感覺上兩間根本係同一體
只係分開左右兩邊
the tai pan主要食正餐
garden lounge就下午茶
早餐同sunday brunch都會當成同一間餐廳使用
另一邊就有大橋出去花園平台
平台上面係外判出去既一星米芝蓮中菜廳國福樓
勉強黎講並唔算係酒店既一部份
一樓室內無開放睇唔到
而外面就係酒店聞名既拱廊斜路
二樓會議室
三樓係gem room同spa
無四樓
客房係五樓至二十三樓
十九樓以上係套房樓層
我地已經住到二十二樓
所以二十三樓就係總統套房既murray suite同其他特色套房所在
而二十五樓係宴會廳
同層有部獨立升降機上二十六頂樓既popinjays餐廳
所以我先話酒店餐廳重覆度高
自家有兩間定位差唔多既西餐廳
另外唯一一間定位唔同既中菜就係外判既
真心覺得marcopolo呢個集團幾搞笑
明明係香港品牌
但自家四間酒店全部都只係得西餐同自助餐供應

客層電梯大堂

好寬落

酒店以黑白色設計
走廊都係一樣色調


門口全黑

保護色差d睇唔到門口係邊

今日入住第二高層既2207號房
套房係由19樓以上先有
我自己就book explorer suite既
但間房就似係signature suite
官網睇相兩間suite既分別好似係在於個睡房而唔係個景觀
平面圖

酒店長方形設計
但全部房為左配合光線照射問題都係打斜設計
我地呢一邊係望中環高樓
另外一邊就係望香港公園
而左右兩邊既景觀就有d模糊
右面主要都係望大廈
而左面都一樣可以望到香港公園仲多左山景
咁呢間酒店既房型定位好奇怪
官網無講到好清楚
亦都無平面圖可以睇到
好似N2同N3面積係一樣大
explorer同signature suite又只係差1尺
我只可以肯定到05-07同13-16呢六間房型都係同我一樣既
另有兩個角落位02,03,11同12係被劃分為全酒店最細既superior room
我肯定唔到08同17係乜房型
似細過我地房但又大過N3
另外01,18,09同10呢四間細房我亦都分唔到佢地係N1,N2定係N3
呢間美利真係我第一次住到房間定位咁模糊既酒店
真係就算比你升級左
隨時都未必可以感受得到有咩唔同

一入房玄關位有座地櫃
上面係擺左一系列既用品

有咖啡機
四枝支那百歲山水
無生果既果盤
鮮花
仲有果兩本書其實係menu黎

地櫃都擺左唔少野






油同小食要收費
不過因為本身可以係murray lane食黃昏小食
但晚市被禁用唔到
所以就話除左烈酒之外既飲品都係任飲既
基本同奕居係一樣

checkin果時佢同我寫低既時間

無屈佢佢都係交代比我聽三點半上popinjays
另外n3以上房型都有呢個the murray experience
可以early check in同late check out
5點前係murray lane可以飲茶,咖啡或者汽水
如果無禁晚市5點半至8點更加可以享用小食同汽油或者餐油
所以禁晚市黎到真係好唔抵
最離譜就係呢個in room dining

個餐牌同the tai pan個主餐牌係完全唔同晒
原本係有龍蝦沙律同牛扒鋸
而家前菜係連揀都無得揀
亦都無寫明話係邊個廚房既出品
見福布斯個list上面有the tai pan呢個名
雖然無星或者推薦
但唔多唔少都有d期待
今次真係未食就已經先失望
只有安慰自己三餐連套餐都係3k6幾抵就算

酒店房有八百尺
同之前住過既W同RC差唔多

但感覺上都係W比較大
而套房既設計同普通客房格局亦都分別唔算大
一樣有張工作臺
只有多左間睡房
客房既睡床就變左梳化
就真係睇唔出同客房果三百尺距離去左邊

五人梳化

茶几上面只係擺左一堆好難食既糖

美利既電視機應該係去過咁多間最大既

好似有六十幾吋
一樣有寫名

而電視機左面門係睡房
右面門係浴室
浴室一樣通往睡房
同麗思卡爾頓一樣並無分主客廁
所以先至覺得呢度無800尺

扮工檯

聽聞呢d位以前係老闆坐既
檯面就對正門口

其實坐係房入面就唔覺得呢個房形設計係斜既
檯面上有個無線叉電器

但其他USB插頭都封左晒
另外櫃桶入面有d信封

美利窗口獨特既設計

被稱為嵌入式既窗戶傳說係可以避開太陽光照射入屋
同時又唔會因為咁而令房間變暗
聲稱可以節能
而窗口外面就係望匯豐總行同下面聖約翰主教座堂
仲有一忽仔既icc海景

按制

有電動窗簾開關
同埋燈光亮度有四種選擇
不過房間本身偏白
望上去係幾光猛
唔會好似好多酒店咁死氣沉沉

睡房

今次張床有五個枕頭
部電視機仲係好大部
而signature suite同explorer suite分別好似係多左窗邊梳化呢個突出去既位

梳化上面放左暗黃aaron
隻窗個景其實都係同出面一樣

兩邊床頭

隻鐘仔再簡單d


窗既對面係浴室

而床頭邊再入去就係衣帽間

都幾多衣架
拖鞋得大同中兩對

但著落幾舒服


天花


一入浴室就已經係浴缸

浴缸係獨立式
幾大個
不過就無電視睇了
除左三枝沖涼野仲有盒浴鹽

牆上面除左有燈光控制
另外仲有個魔術玻璃控制

按一按就可以改變個透度


幾得意

洗手盆有三塊鏡

雙水龍頭
護理用品

呢度d樽仔用澳州品牌
一套有六枝咁多

除左三枝沖涼用之外
仲有爽膚水,潔面乳同cream
客房同套房都係用同一款
用過覺得都唔錯

地下有個磅

應該係叮噹法寶黎
時光倒流磅
十幾年前就有呢個重量

比較可惜係風筒用19野


企缸都大

不過呢
應該係水壓問題
成日沖沖下涼會出現怪聲

另外座廁係智能馬桶

用toto日本野
又可以洗足一日屎眼

始終酒店都係新
黑白大理石
成間房望落去都仲係好光鮮新淨
係唔太鍾意個浴缸擺位
又唔似奕居咁樣有電視有景睇
就覺得比較無癮

影完相就差唔多時間落去黨鐵站接人

今次行番天橋落去遮打花園


附近呢條樓梯都係打卡位


最近美利酒店應該係J2出口

都係行幾分鐘就到
比起去纜車站輕鬆

番到房就已經出現左枝prosecco

今次無研究佢貴唔貴

三點半我地就上左去頂樓食下午茶
點知話四點先開始叫我地走
咁就落番地下
去左murray lane
原本murray experience時間只係去到五點
三點半食下午茶
咁原本就應該唔會去得到
而家變相可以體驗番
所以遲食下午茶都未嘗唔係壞事

murray lane位於酒店入口處

黑色巨型藝術吊飾既左手面

樓上係食早餐同下午茶既garden lounge
murray lane地點同定位應該係類似其他酒店既the lounge酒吧咁
亦都有行政酒廊既玩法比n3以上客人使用
show一show卡片套上面果粒黃色野就可以免費使用


因為座位少人又多只可以坐高檯

走果時影既

murray口罩套係可以重用既

成個file套咁

menu有隻狼

單點只可以揀tea coffee或者汽水果汁



murray lane環境


其實就只係細細地一個corner餐廳
但見其他人有食緊三層架下午茶
懷疑係上面garden lounge唔夠位落左黎食

首先點左壺花茶同杯抹茶咖啡

坐多陣又點多杯汽水同果汁


坐到四點半就離開上頂樓食下午茶
係呢度點野要埋單
四杯野加埋二百四左右
都係埋數做個樣

搭lift上到25樓
一邊係宴會廳

另一邊係上天台popinjays既專用lift

只有25同26樓選擇


呢間餐廳好神奇
接待處後面就已經係洗手間

入面係獨立廁間


popinjays位於酒店頂樓
就完全無任何fine dining既味道
時間都係hea跟唔洗理預約時間
我地book 3點半佢叫我地番去坐下4點半再番黎
但其實六點就禁晚市
4點先開始下午茶本身就好奇怪
估計係餐廳本身星期六日lunch time做sunday brunch
因為疫情關係做兩轉去到成四點鐘先轉下午茶
搞到成個情況都幾混亂
原本我仲對murray餐廳有d期待
不過去到就知道根本係另一回事

酒店頂樓全層都係popinjays
除左室內仲有室外露天位
以風景環境黎講就真係一流
但只係用黎飲酒做自助餐同下午茶就有少少浪費

同下面te thai pan同garden lounge差唔多

呢一邊就大約等於下面garden lounge位置
我地座位係另一邊大約就係等於the tai pan既位置

餐臺

就好普通
檯墊都無

檯上面有個槌仔就用黎扑野用既

個類似經理既鬼佬見到我地拎黎玩走過黎講幾句笑
呢度用餐就算係幾輕鬆既

附近多掛畫

主要環境

太陽光猛果時會落窗簾

下午茶就係固定餐牌既

只需要點番個餐飲就得

同樓下murray lane就無咩分別
但只可以點一杯
不過頭先都已經飲夠

戶外環境就咁既

外面d鬼就真係純飲油吹水

環境都係同我地房望既差唔多

不過戶外班撚樣就嘈到仆街
完全唔想係度坐

唔知係佢地三層架用晒定點
今日個下午茶就用左呢兩條膠板擺盤

成件事一d都唔chill同打卡able
第一次食八婆下午茶既體驗好似差左少少
小二有介紹係乜點物點
不過就只有名字介紹
無講話由邊度食起
聽完亦都唔記得其實係乜黎

放完一件上碟影左一張相發覺都係算鳩數

基本就係咸點同甜點
食完都無乜感覺
真係寧願正正經經食番午餐好過

本身就應該仲有一籃scone
但時間關係未上就已經到左個抽獎環節

小二拎左成個人咁高既雀籠過黎
可以揀入面其中一隻出奇強

裡面有機會可以得到sunday brunch既免費任飲香檳券
頭先個槌就用黎扑蛋蛋既
我地就乜都抽唔到
不過蛋蛋碎片就可以當朱古力食

最後先上既scone

食唔晒打包走
外賣盒同紙袋都幾靚

其實我地都食到六點
但外面班撚樣都無意慾離開

如果係度打電話報狗應該可以開到好多單

之前真係一次都未試過八婆下午茶
一係入lounge食自助既
一係我就揀番食lunch
因為之前諗過係想check out 後去國福樓飲茶既
所以先揀左第一日過黎食下午茶
結果就得到左個一般般既體驗
下次正正經經揀番個正餐好過

我估計
酒店呢個包三餐既餐廳分配
大概係會令你可以試晒popinjays同garden lounge
如果下午茶係garden lounge食既話
早餐就會係popinjays食
所以我地岩岩食popinjays食下午茶
聽日就會係garden lounge食早餐

差唔多六點就落去行下睇下
因為係包埋夜晚所以就唔需要外出買外賣
落番去UG garden樓層

左面係the tai pan
右面係garden lounge
分別就純粹只係中間呢部份界開左
其實檯凳同設計都分別唔大

UG另一邊有天橋可以行出去花園


居高臨下可以望到地下大堂
天花係斜面
上面就係著名打卡位既拱廊
以前仲係寫字樓果時係行車路黎

由外面睇係幾靚既


走出去酒店外面望到既係百年老樹節果決明

列入左香港古樹名冊入面
另外前面座建築物就係酒店既外判中菜廳國福樓
最後都無揀到食呢一間中菜
一黎價錢貴到唔合理
二黎評價好麻麻
三黎外判
雖然係美利唯一有星既餐廳
但都係算鳩數

餐廳前面有個用英文字拼成既人頭


呢一邊方向係望香港公園既房

格離果座係花園道三號

隧道

壁球場同體育館

另一個香港公園入口

纜車站

以前我記得係呢棟野下面搭纜車既
但而家就要再行多條斜路先到

今次無出去太遠路就回左頭

戶外位置cotton tree terrace都係the tai pan既一部份
餐廳全名叫做the tai pan & cotton tree terrace
如果係帶同寵物既就可以係呢個戶外範圍用餐


cotton tree terrace正對住條斜路

黃昏過黎就好多人打卡
試過影影下相有成班港女過黎淨係識叫人唔該行開d
自己又霸撚住條路
on9到震
呢條前行車路就一直駛上去一樓

前面就排晒檯凳好唔比再行

可以入番一樓電梯大堂坐lift走

又落番地下
門口停車場

美利酒店並無logo
就淨係得九個英文字母

國福樓門口

餐廳樓高兩層
但係呢兩日都好似無見佢有開門
門口亦都泊晒車

參觀埋大堂洗手間
今次有分男女廁
男廁入面都係分開唔同個室

每個都有獨立洗手盆

私隱度幾高

最後行埋出去花園道呢邊

都係得九個字既全名

長江中心

中銀大廈


好少可夜晚影車軌

不過無腳架乜都無就fail fail地


其實花園道三號仲可以係長江公園呢邊進入




可以搭電梯落到最下面

離遠處既文華東方都幾顯眼
二月文華東方會新設有行政酒廊文華閣
有lounge access既房型聲稱會有管家服務
另外文華廳亦都新裝修完畢
再加上仲未住過佢地既套房
一開始玩酒店仲未識玩得精
下次可以當佢全新酒店看待
再試埋文華扒房個sunday roast
唔知又要洗幾多錢

花園道三號

頂層有個citi logo

再番去斜路終於無人了

可以慢慢影相了
其實窗入面就已經係the tai pan
原本都好期望今晚係呢間餐廳食飯既
而家乜都無了

番上房已經七點幾
但原來仲未開床

而外面個景就一般般啦
又未算差得晒既
對住各大銀行
同埋無論住邊都會見到ICC

晚餐本身想order 2020食既
不過佢地話呢個時段full左
要2115先有
咁都成五點先食下午茶其實ok既
原本八點幾無特別野搞就諗住去開水浸架啦
但架車仔又真係2020就推入黎
我都唔知咁樣算唔算驚喜

推車仔果位職員係頭先係murray lane見過既韓仔
聽朝早餐又有佢份
個出現率非常之高

但佢放完d食物就要拉番架車走
估計係太多in room dining酒店根本唔夠餐車用
因為係大型酒店
就唔再有好似大澳咁樣既服務
3 course所以野就一次過上晒

兩枝油係中午送果枝汽油

麵包一般


兩份前菜一樣都係北海道帶子

算係比較好

主菜個魚都還可以既

但件牛我就覺得麻麻

雖然拎入房隻碟仲係暖既
但放得耐都凍晒
所以我先咁唔鍾意in room dining
寧願自己買外賣都無咁唔開心
文華東方出左個package話係in room食文華扒房既威靈頓牛
聽落個名好似好勁
但諗諗下都知唔對路
先唔好講食物
淨係個環境同氣氛都已經差好遠
無擺盤
無裝飾
無服務
外賣既米芝蓮到底仲可唔可以稱得上係米芝蓮
更何況
我而家食緊呢個set由頭到尾都無寫由邊個廚房出
真心覺得成個體驗唔完滿
即係無得去泳池仲可以接受
無得食主餐廳個心理真係唔太平衡到

甜品就ok既



仲有張茶几真係太矮
坐係梳化要烏低個人好難食
最後都係轉檯去左寫字檯食
但咁樣就無得望住電視機送飯


原本見落完樓番黎都無開床
我以為今次又多人得濟無架啦
點知食食下野成九點左右姐姐就有禁鐘仔過黎開床

其實都係將被反一下

床邊擺多塊布

床頭整多樽水

同埋有枝甜睡噴霧

另外仲比多包泡泡浴


最後個浴缸放水量都快

但同入面企缸一樣
唔知係咪水壓問題
成日會出現怪聲
成間房其實都算係好睇唔算好好用
浴缸係幾大
但無波睇成年事就好單調

夜晚仲發生左件事
個港女玩撚爛左塊廁所板

好在工程阿叔好人寫report唔洗賠
仲搞到酒店經理上黎道歉話佢地d野打擾到我地
第二日check out又幾條友走黎派卡片話下次黎住可以whatsapp佢有折
好尷尬

就唔知同靈異野有無關
噴左枝甜睡噴霧都係訓唔到
眼光光又一晚

DAY31 完


住完瑞吉
兩間餐廳都試晒
無係麗思卡爾頓個用餐體驗咁好
尤其係岩岩升左兩星既l'envol
同三星caprice比真係有段距離
無萬豪折扣仲再貴d
個管家服務就同無既無咩分別
真心無論係同樣萬豪系既麗思卡爾頓
定抑或係tripadvisor爭頭位既奕居
我覺得瑞吉都係被比下去既

估錯以為實比你試晒兩間
不過點解話禁晚市仲好？

想睇SR包膠，隔離po屌到仆街間野咩野都cut

Cut晒cost
我之前無去過就覺得無咩野
其他酒店都用cool
只係佢連包裝都唔換

我覺得一般只係兩間星級餐廳都唔特出
L’envol餐牌介紹又無
上甜品又上錯比女朋友
另外間潤服務都一般般
坐底檯面又少隻杯
同埋酒店職員見到都無乜招呼
得正門有welcome back

DAY32 香港美利酒店(下) 香港公園

一晚訓得唔太好
第二日都算係早醒
可以十點前落去食早餐
我地被安排係garden lounge食早餐
即係完全無機會去到the tai pan

garden lounge本身係白檯白凳既

臨走影既
坐低果時基本都係full晒

但我地坐到係murray lane樓上既位就變左黑檯

早餐係半自助形式
可以話叫做係garden lounge同the tai pan合辦
除左出面自助餐
仲有單點

有中西式
但cut cost到只可以叫一份
大約十一二月開始就再無任叫呢d歌仔
之前住過既奕居都都係咁

單點就真係單點
並唔係套餐黎
我地叫左一份班尼迪強

同埋XO醬炒腸粉

附放春卷兩件

另外每人可以叫一種野飲

我就叫左壺earl grey
外面擺左車jing茶葉

唔知係咪用呢d沖

garden lounge有外賣甜品

早餐係無既

自助區就放左門口位
即係garden lounge同the tai pan既中間位

garden lounge芝士

the tai pan cold cut

自助區雖然唔大
但基本野都有齊
煙肉腸仔

粥類

雲吞

點心

麵包

另外果汁之類擺係戶外區
果醬都幾靚仔

其實都幾夠做


附近檯仲要係外人特登課金入黎食既
咁可能無其他酒店有真自助餐廳既早餐款式多
但我覺得算幾高質
唔係普通鳩流流既早餐

自助區去到十一點會執野
我地都坐到成十一點半先走
見到外面已經開始換晒sunday brunch既食物


入面紅色凳就係the tai pan
sunday brunch一樣係兩間餐廳合辦
基本上就係早餐既升級版
有諗過食呢個brunch補番尋晚果餐數
但個早餐都食得幾飽
所以就無食落去了

我地無搭lift
直出去左戶外走

如果帶寵物就會被安排坐呢戶外位置

不過成日要推門入番去都煩

另外尋晚經過既cotton tree terrace

我估the tai pan同garden lounge兩間座位應該係相若

廚房應該都係共用既
所以話根本就係同一間餐廳黎

又兜番去國福樓

點睇都唔似有開

尋晚食剩既麵包
擺到過夜今日已經發左霉


其實個窗景除左匯豐
仲望到下面間聖約翰主教座堂同長江公園


原本12點check out既
不過我地都要求左可以一點半離開
check out就發生左派卡片事件
硬係覺得好似比人步住咁

咁整個美利酒店既體驗就唔可以話係好完美
無試得到the tai pan係個好大既遺憾
不過酒店都好客氣無因為整爛野罰我地錢
反而仲向我地道歉
真心有d受寵若驚
以佢地既質素
係稱得上福布斯呢四粒星既
只係間套房唔算太grand
房型分類亦都唔明顯
自己都唔知道自己住緊乜野房
同埋以新酒店黎講
浴缸無電視機真係唔係好掂
而且佢地黑白大理石色調亦都有少少膠感
不過酒店周邊算多野睇
並唔只係一座四四方方形既既酒店

安頓好晒行李係酒店之後就出發我地窗景見唔到既香港公園
同酒店只有一條馬路之隔
過番花園道三號就有天橋可以穿過去香港公園


用得自己本土黎命名既公園
當然有咁上下份量
當自己去左類似新宿御院咁樣既地方又可以扮下旅遊
公園係三十年前開幕
依稀記得小童時代老母係成日帶我地黎玩既
所以坐101號巴士感覺就同去旅行畫上等號一樣

香港公園範圍都幾大
橫跨兩個地鐵站
我地就周圍鳩遊一下


一入到去係全個公園最大既池塘
人工池

我成日以為呢d池入面應該會有好多銀仔
但又唔係

即係公園再大
都遮唔到後面高樓

香港公園另一邊連接太古廣場
呢座應該係港島香格里拉
最近佢地有新裝修既山景套房
只得一間
好貴而且唔入package
應該就唔會住得到

呢個牌唔知有無三十年歷史

d龜頭一隻疊一隻上去唔知做乜鳩

人工湖後去有條瀑布同山洞



幾有氣氛

蜻蜓保肓區


以前讀小學果時好似都會黎呢d地方
所以好有親切感

溫室就因為武漢肺炎關係唔開放



實景地圖
美利酒店前身稱為美利大廈
而花園道三號前稱花旗銀行大廈

其實美利酒店就已經完全改造成一間現代化酒店
同1881或者大澳文物酒店就好唔同
只係淨低老樹同舊車道可以見到歷史痕跡

一直行去觀景塔
經過華福樓

讀書果時好似真係有入過去


太極園

呢d就真係抗疫英雄

而家政府果班陷家產真係食撚屎
日日拎住防疫做藉口黎封城
無腦果班on9仲係咁成日口upup封得好封得好
個世界唔應該係咁架

鳥瞰角就係大極園入面

得果一百級樓梯都好叫人量力而為


輕鬆登頂

雖然得三十米高
但視野都幾廣闊
可以望晒成個香港公園同埋周圍高樓
頭先經過既溫室

正下方太極園

再過就係尤德觀鳥園

纜車總站同半山

最後係岩岩checkout既美利酒店同花園道三號

走果時搭lift聽到今日應該係有婚禮係度搞
見到有幾間套房有貼到雙喜d野

屋頂就係尋日食下午茶既popinjays
其實仲有個選擇就係今日checkout後行完香港公園先番去食下午茶
如果無禁晚市既話可以去murray lane同泳池hea一個下午
咁樣成個體驗就會更加完整
塔樓分開上落兩條樓梯

上落客就唔會撞埋一齊

觀鳥園就係格離


疫情下有限制人數只可以70個


可以係度撚雀

部rx100終於有所作為
以前買黎諗住輕便同去睇波用
而家可以唔洗換鏡頭都可以打雀了



隻姆克鷹肥撚到

個鳥穩就唔係話好大
不過如果要搵番唔同雀都有難度
0

再過就係兒童遊樂場
細路仔最有印像既地方
而家已經封左
又番到去紅棉道

婚姻註冊處



呢度d人已經無視晒限聚令

疫情下無得擺酒
好多人都結唔成婚
我嘛
已經越黎越對呢種事無晒憧憬

最後去奧林匹克廣場


已經比班姐姐霸撚晒

話說我地淨係食左個早餐
所以今次就落左去搭叮叮去中環
都係幾個站距離

四季常餐

黎智英個仔開既
最威水好似係賣二手檸茶
不過亦都成日比狗搞

今次有提示叫唔好除罩


叫左叉燒通粉

同埋炒牛肉通粉

真係無試過呢種食法
幾特別

埋單94蚊

以中環黎講應該算抵掛

食野完就行路番美利

只不過星期日既中環真係好多姐姐

全港唯三有星既意大利餐廳



左面果座係置地文華

係建築既低層
之前見有個package有車接送
有升級L600
送1k餐飲都想去食餐amber既
而家做左疲酒店就唔洗再諗

都爹利石級

下次住既瑞吉就話拎左呢d煤氣燈黎做設計

番酒店拎番行李又結束多一日行程

DAY32 完


今個月只會住一間半島
日子有d累
淨番果d酒店package都唔算吸引
以後會玩少d酒店了

半島真係食足咁多餐都同一間餐廳
文華package就不嬲都差唔多既
多左個lounge都想試下
但見佢d淋浴露變晒大枝裝

我上次係晚餐In room、午餐大堂、早餐露台餐廳

好耐之前八月果次？
佢應該食四餐果個都係差唔多款