[長氣多圖][無限期] 香港staycation之旅

係
啲野食感覺正啲

個嘉麟樓炒飯由前菜升格左做主菜

而家睇返個menu都唔知食唔食得飽
8號就要同條女去住

又白飯又炒飯
四餐點都飽既
係未必好食姐

而家Starter冇咗炒飯得返一個main course
雖然炒飯根本唔應該出現喺starter到

留名 心機post

之前睇相個炒飯都算大碟既
唔知轉左主菜會點

Thx

DAY33 香港瑞吉酒店(上) 潤

瑞吉酒店
係2019年落成
離而家開業兩年都未有
但已經係香港七間福布斯五星酒店其中一間
由華潤集團擁有
名正言順既支營企業
所以真係試一次就夠
唔會去第二次

酒店有兩間fine dining餐廳
一間中菜
一間法國菜
兩間餐廳係第一年就已經得到左米芝蓮一星稱號
今年2021年
法國菜L'Emvol再下一城升格成為二星餐廳
係呢七間福布斯五星酒店入面
就只有四季同麗思卡爾頓可以突破到一星
今日瑞吉成為左第三間
就唔知佢可以維持到幾耐

好耐之前其他爛鬼KOL就已經不斷吹奏呢一間酒店
係tripadvisor升上第一果時
仲幾個一齊開po祝賀
真心痴撚線
而家已經跌番落第二
比奕居呢個龍頭過番
咁其實係呢一兩個月酒店就不斷cut cost
所謂既管家服務都已經名存實亡
根本就無可能動搖到奕居個地位

酒店由萬豪集團管理
同麗思卡爾頓同屬cat8既頂級酒店
意義上黎講就已經住晒萬豪三間cat7以上既酒店
今次係book左套房送2K dining credit既package
發覺萬豪集團既高檔次酒店全部都係咁玩法
上次住麗思卡爾頓本身都係買左呢種package
而由12月禁晚市開始
就睇住佢個價慢慢係咁跌
結果今次星期日入住
連加一都只係要4400
比之前麗思卡爾頓個快閃優惠仲要平幾百
再用埋我最後一批萬豪gift card
即係以差唔多兩千蚊既淨房價就可以住到瑞吉套房
係抵到爛
平過晒果d半價套房

酒店位於灣仔
之前去萬麗住果時經過已經望到
就係華潤大廈格離

一間雙棟式既酒店
樓高27層
比附近大廈都要矮
而且並唔近海
就算有既海景都只係得一忽仔
同置地文華一樣係唯二無景觀既福布斯五星酒店

灣仔黨鐵站A5出口直上會展天橋


但靠灣仔天橋係應該入唔到酒店既
要係入境處落番地面先去到正門

酒店有優惠泊車
見到唔少住客都渣車入黎
而我就係i go to hotel on foot

正門口有條瀑布

而且同日式旅館咁一樣有齊入住名單
會幫你拎埋行李上checkin大堂
服務好好
但就真係只限於大門口

酒店分兩棟
正門位處副樓
只有六層高

而二樓就係共通既check in大堂

正門入面有d梳化位

但基本上都未過有人係度坐

地下電梯大堂

電梯只可以到達副樓

要係二樓轉lift先上到客房
而米芝蓮一星中菜廳潤同八婆下午茶既drawing room都係二樓
三樓係米芝蓮二星既法國菜L'Envol
呢個名我完全唔識讀
問職員佢都好搞笑咁同我講左個唔知岩唔岩既法音出黎
聽完我都係唔記得
而六樓就係ball room

酒店一樣係由傅厚民設計
以舊灣仔作藍圖
亦都用上好多老式氣油燈
即係之前係都爹利街見過果d
二樓the great room

其實即係check in大堂

以前就話職員係客房既三倍
會上房check in
而家都唔知cut成點
就算星期日都要大堂搞
所以先話管家服務已經如同虛設
仲點同奕居爭
人地就算聖誕節都係上房check in

我地兩點check in
但套房仲未ready
只能安排我地暫住入住普通客房
都無壞既
順便可以參觀埋客房
而因為禁晚市關係
本身係book左夜晚食潤既
但都同之前住麗思卡爾頓一樣要改1445呢個時段食
就係中間呢半個鐘時間做個room tour

二樓電梯大堂

電梯幾乎都係用大理石造
並無鏡面
而且好大部

因為每層只有八間房
所以只有三部客lift

同美利一樣無服務式住宅
全棟都係瑞吉酒店本身
7樓係室外泳池 spa同gem room
而8至27樓都係客房所在

走廊都用左氣油燈設計

門口又係用左保護色

上次美利又係咁
我地今次安排既客房係叱咤903

如果係套房以上級別門牌就會刻有套房名

酒店平面圖

瑞吉主樓長方形設計
最大既9號房就係套房st regis suite
其他7間客房size都係差唔多
大約五百幾尺
分別就只在卡景觀同corner位
最普通既deluxe就係我而家身處既3號房
一路去到7號房都係
第二級既grand deluxe room就係1,2號房
多左隻窗
而有機會望到海景既premier room就應該係8號房
我估

903門卡


一入房就會經過長走廊

側邊可以放行李

有兩個衣櫃


客房就係咁簡單

一眼望晒
大床同梳化

對面係電視機同bar檯


呢個bar檯係同套房一模一樣既
有咖啡機

聽講以前係玻璃樽水
而家已經轉晒做cool水
其實其他萬豪酒店就一樣既
只係佢連自己包裝紙就無就特別難睇

茶包同子彈

收費小食

最底係mini bar

全部都要收費
無因為酒店無lounge或者已經廢左管家服務而免費
亦都無因為禁左晚市禁埋泳池而有任何補償

電視格離有張孤形梳化


雖然無美利咁大

但呢部都唔細
可以連到ios

雙人床

床頭上面果個裝飾傅厚民話係參照舊香港既鐵閘設計
比喻晚上拉閘既情況

兩邊床頭


燈光窗簾控制都係晒度


窗口係對正中環廣場

仲有會展兩邊既萬麗同君悅

我而家先知原來萬麗後面比較高果座係會展廣場辦公大樓
而君悅後面比較高果座係服務性住宅會景閣

椅後面有一座擺設

套房果座都係一樣

另外洗手間可以由門口或者睡房進入

中心有一大個浴缸
同美利有d似

但瑞吉就算係客房浴缸都有電視機
就收埋係浴缸前塊玻璃鏡入面

即使係客房都有雙洗手盆

成個廁所好似水龍頭同扶手全部都係銅製
望落係幾高貴既

廁所係普通座廁

廁紙下層有兩個usb頭
看似方便但要你自己急屎關頭仲要帶埋條線入黎
諗下都知無咩可能
所以實用性唔高

沖涼房

後尾淨係果三個水龍頭開關真係好難按制
完全唔user friendly

沐浴三寶
好似都幾高級
套房都係用呢set
隻沐浴露仲有磨砂feel

另外拖鞋幾舒服

不過張牌子招紙就好un腳
設計奇怪

room tour完都夠鐘落去食中餐
酒店一共有三間餐廳
但今次我地無入過the drawing room
只係試到兩間

近客房電梯果邊係the drawing room
而近地下大門電梯果邊就係潤
潤門口格離有座水池同樓梯

聽講係st regis既傳統黎
其他世界各地唔同既瑞吉酒店都有呢種設計
樓梯上面就係三樓既L'envol
因為佢星期日休息
所以我地就揀左星期日食中菜
不過因為禁晚市關係
L'envol已經變成一星期七天無休

餐廳單字一個潤

由總廚洪志光一手建立
一年內就將潤升格成為米芝蓮一星餐廳
以往曾經係文華廳同國金軒任廚既洪師傅
同之前食過滿福樓既孫師傅原來曾經係拍檔黎
洪師傅幾次出走孫師傅都會再次搵番
其實我覺得呢個行頭可能都幾細
幾間酒店總廚其實都係fd黎
而我地一入門口就見到洪師傅行左出去
確認到有開工

今日安排坐係度窗口位
雖然無景睇

本身上次去天龍軒呢個early dinner就已經少客
今次係潤亦都係得少少地四五檯客

其實呢
我真心覺得潤呢間餐廳真係無乜中菜廳feel
大部份餐檯都係四四方方
再加上佢地朝頭早會用黎做酒店既早餐
一早就已經搬晒朝早所需既餐具同碟係度
令成個感覺唔係幾暢快


真係你唔講都無人會覺得呢間係中餐廳

而我地張臺呢

雖然有放左個靚靚可以重用既口罩套係檯面
但明顯地我係少左隻茶杯既
而且我真係第一次食呢種酒店級既中菜係無檯布既

無可否認
開始去多幾間呢d中菜廳係真係會拎黎比較既
人亦都開始比較挑剔
但擺盤少左樣餐具又真係幾唔細心
同埋餐檯黎講真係去咁多間最細既
呢張堅係雙人檯黎
雖然都放得落幾碟送

鮮花擺設


格離張檯唔知做乜擺完中菜設定又執走佢

之後又改早餐設計

咁潤亦都係少數有茶藝師駐場既中菜廳
全港只有幾間頂級酒店中菜好似嘉麟樓 龍景軒 欣圖軒設有茶藝師
潤緊隨其後成為一份子
原本想開壺靚茶見識一下手藝
結果好失望咁都只係得一壺外觀透明既茶壺擺左上黎

而並無茶葉表演
呢壺係經理兼茶藝師既Kezia chan推薦既花茶

送既花生同xo醬


餐牌

同天龍軒唔同
呢個時段都仲有點心供應既
官網就無點心menu
而chope同我地今日見到既點心menu亦都非常之唔同
唔知係咪會成日轉menu呢


之前去天龍軒都講過頂級酒店既點心數量係可以改既
今次問過都可以
不過最少要兩粒起
咁就每樣點心都按人頭點左兩件

今次係第一次係酒店食點心
點心就無預期佢會逐度上架啦
而個次序都應該無咩標準
第一個上既係荔芋餐包

原本我係想試下佢地菠蘿包
今次只得荔芋包都試住先
但都幾有驚喜
外層好脆
芋味亦都好夠

除左點心仲有叫左幾樣主餐牌既項目
今次就無好似之前咁散叫幾樣扮set
無湯無主糧無甜品
算係比較亂黎鍾意食咩就叫咩
但第二度就上左主餐牌既煙薰鵝肝

其實我不嬲都唔好鵝肝
滑sansan咁
不過呢個招牌菜黎已經賣相唔錯
擺上檯仲有煙由下面噴出黎

一盤六件
每人三塊係太過份
如果有專屬點心可以一齊食就更好

第三度係龍蝦腸粉

138蚊只得一分為二兩件
而其他同價位既腸份係有成六件
呢份龍蝦味唔出
就覺得比較唔抵食

糯米小丸子

以為只係一舊飯粒
但裡面係肉丸黎
同埋有幾粒魚子醬幾得意

食完見到個籃下面有好多窿窿

娘惹咸水角

水果造型但其實係咸點
呢度點心設計都幾有心思
創意度十足
味道又唔錯
平時唔食得辣既女朋友都話一d都唔辣

招牌點心和牛酥
之前book晚市都有d失望係無得叫呢個
今次轉左午市就可以點得到

繡球造型
雖然食落好簡單
但睇宣傳師傅話係功夫菜黎

另外其實仲有一款招牌點心龍蝦春蝦
直頭列入左主餐牌入面
不過因為早餐可以食得到就唔洗點

食完點心
小二有幫我地換過隻碟


同天龍軒名字一模一樣既黑毛豬叉燒
叉燒醬另上

一份十件
半份就五件
價值184蚊
天龍軒差唔多價但就多一件
唔知係疫情定因為第三輪午餐關係要預先pre order

食落去都淋既
但就無天龍軒咁大件咁滿足
就唔知係咪都係用上膊頭肉

不過呢個咀就無可避免咁會整污糟張檯

西班牙黑毛豬就試左幾次啦
下次試埋嘉麟樓既匈牙利鬈毛豬睇下又點唔同

壓軸係冬季菜單既粉皮蒸白鱔

肉好實而且好入味好好食
再加埋下面d粉皮
絕對可以用黎做主糧
一人一份都不為過
更重要既係呢籠鱔連一百蚊都唔洗
係好難相信會係酒店出現既價錢

參觀埋廁所

同房一樣都係用上銅器水龍頭

今餐無叫甜品
不過餐廳都有美點雙輝送番

桂花糕同自家制既開心果餅乾
塊餅幾好食

瑞吉酒店所有餐廳都無入到萬豪大支華七折名單入面

花茶每人九十六蚊
係幾香既
但我預想係會有部茶車之類既野所以覺得唔太值
點左五樣點心
再加埋叉燒等等
無點甜品
埋單一千二百幾
萬豪gift card已經用盡係房價身上
所以就無得再平
個價位就一般

由兩點九食到四點半都差唔多兩個鐘
食物係好食
點心仲幾有特色
但我唔知係呢個時段少客關係定酒店cut cost啦
並唔係話小二有西面等唔舒服既情況
但就覺得唔算好專業
或者同餐廳有做埋早餐有關
而且即使叫左款貴茶
係人客唔多既情況之下大部份時間都要自己手動斟茶
覺得個服務係追唔上酒店級數
上次天龍軒即係覺得小二無咩笑容
但我都覺得佢地係專業既
潤既小二比我感覺就好似只係純粹有禮
並無太用心既感覺
而且仲要無檯布
成日聽講話呢間餐廳值得上更多星星
但係我今次既體驗係呢間餐廳仲有好多進步空間
而聽日去埋既L'Envol都有同一樣既感覺
服務算係比中菜好
但都會有甩漏
而食物都唔算特別好食
唔覺值得升格兩星
我自己個人就認為呢間瑞吉酒店真係過譽晒

走果時其實已經見到職員係一直係度準備聽日早餐

好多酒店都只係因為原早餐餐廳容納唔到咁多客所以開放自己既星級餐廳提供早餐時段
好似文華扒房同珀翠咁
但潤係由始至終都係瑞吉既早餐餐廳
我就覺得真係唔係咁合適

食飯途中其實已經收到電話話套房已經準備好可以轉房
不過因為bakehouse夜晚唔開所以就提早出去選購晚餐外賣

酒店對面係狗屋

1同2號房係對到正既

真係好少會拎住相機係香港街頭


修頓被封

運動員連練習既機會都無
多謝政府

和昌大押
二級歷史建築

而家已經活化成為餐廳

沿住條巷行入去就係bakebouse本店

由前四季酒店餅房總廚Gregoire Michaud開辦
拍過蘋果既黃店拯救隊同大廚出軌實錄
亦有搵有啖好食拍佢地分店
係無時無刻都咁多人排隊既

再去左格街餃掂

都幾多選擇

最後買左十隻芝士餃



又用埋匯豐半價券買左兩杯天仁茗茶

補番四蚊雞




最後用eatigo半價屌左兩個焗野同雞翼


真係痴撚線
明明岩岩先食完野
每次都要被迫食咁撚飽
仲要拎住一堆野去轉房

今次轉房亦都無任何房間介紹
不過都有幫我地拎行李都算係咁

今次住16樓
一層只有一間9號套房
去到頂樓總統套房好似會變左8號房

門口都有寫住呢間叫做st.regis suite
上一級既套房叫做metropolitan suite
兩者係完全一樣既房型
差別就只有metropolitan suite係20樓以上
可以望到會展後面果一忽仔海景

又有兩個卡套了


平面圖同9樓係一樣既

仲係果9個房型

今次住瑞吉既套房應該咁多次staycation最大既
最入門級既套房都有過千尺

個廳係絕對大過W果個
大到足夠可以分到客廳同飯廳

客廳都已經有兩大張梳化

兩張梳化都夠長足夠伸直訓到成個人

檯上面放左d welcome甜品


窗外面就係望正鷹君中心同萬麗

20樓以上樓層就係可以望到會展後面果忽仔海景
真係有無都罷

而呢間套房隻窗真係我見過最污糟既

好難頂

客廳飯檯

夠晒一家大細係度開餐

我頭先就一共買左三間餐廳



原來就係book左夜晚食潤既
因為一場武漢肺炎禁晚市搞到轉左中午食
原本預算都要食兩千蚊左右既
而家慳番七舊幾水再買埋呢個晚餐都仲有淨


雖然擺係度都凍撚晒

飯廳再入要經過bar櫃先到客廁

之前都講話同客房果個一樣既

客廁幾大

不過洗手盆底漏水既
呢間瑞吉真係好多甩漏
並唔似佢外表吹到咁完美

睡房

時間都開始入夜先做room tour

原來我地轉房之前已經開左床

床頭有朱古力同cool水

另一邊床頭個鬧鐘呢

我試過連電話藍芽
只係得到一堆雜聲
係完全播唔到歌既
雖然我係用低價住呢間房姐
但都唔係咁架嘛

窗口對住灣景中心大廈

真係唔住過都唔知原來灣仔都有唔少樓既
個那仔可以望到紅隧同極少量既銅鑼灣避風塘海景

個櫃一模一樣

連張圓檯梳化都係

頭頂燈


最後主人房浴室係超大間
仲大過四季果個
連棟雙門都重過人
次次入去都好似小岡去基路亞屋企咁
好顛咁有雙衣帽間



大大個雙洗手盆

沐浴三寶就同客房一樣

不過用apps要求多兩枝lotion
唔要求應該真係唔會比

終於有番個靚風筒用
不過呢間就無風筒座

銅器雖然靚
但都唔算好禁用

想像唔到酒店用多幾年會變成點

座廁


淋浴間大到有位可以坐

一樣都係三個好難玩既水制


浴缸

打開窗簾係對面樓

有景睇既唔識玩窗
呢d無景睇既影個窗又唔知做乜鳩
而且仲要搞左好耐都完全唔識轉花洒mode
亦都有浴鹽送


天入晚
解決完個外賣可以call管家

其實佢有張卡片
不過我都係打番個零號電話
可以得到每人限定一次既沖咖啡機會

咖啡仲有塊餅仔跟
而呢一次就應該係唯一一次見到個管家
其實仲可以叫埋果兩杯welcome drink既canto mary
不過諗住可以去埋st.regis bar參觀埋就聽日先用
雖然最後都係去左L'envol飲

夜晚再落多去一轉
唔同樓層走廊都係一樣

電梯大堂望出去同我地廁所景一樣

仲有張凳可以坐下

2樓電梯大堂

出面就係the drawing room

算係開放式
類似其他酒店既the lounge咁
門口擺左把馬刀

傳統酒店係有個入夜儀式
每晚五點半會表演馬刀開香檳
不過武肺之下就無左
變成左其中一個package係可以由客渣刀自己砍

夜晚既大堂已經無晒人

唔知個火爐有無得點火

好似奕居咁

大堂盡頭就係潤

已經關門大吉

潤外面都有個廁所

大過潤入面果個
成間酒店真係所有野都係呢種銅色調

轉上樓梯上三樓

就係聽日會食既兩星米芝蓮法國菜L'ENVOL

一樣都因為禁左晚市而無開門口
兩間餐廳都唔似其他酒店咁有做外賣生意

三樓電梯口有張梳化正對住L'ENVOL大門

最後落埋我地窗口對住既港灣道花園

瑞吉酒店既外型真係非常唔討好

而且仲要比周圍建築都要矮
呢一個方向面就只有兩間房
左面既corner room係1號房
我地9號房就係右手邊

番房終於可以浸浴睇波

但係發覺呢個只係開左業唔夠兩年既浴缸

竟然已經有裂紋
呢間野都算幾多問題

不過訓落床都算舒服既
雖然都唔係訓得幾夠

咁間房其實都算滿意既
夠大夠靚
但微小位就真係好麻麻
亦都無其他野可以令我滿意到無視呢d甩漏
管家零作用
職員亦都只係按本怕辦事
除左正門口其他遇到既職員都無乜主動既招呼問侯
咁就真係只可以話今次住宿得個抵字
對呢間酒店成個印像就一般般
同麗思卡爾頓係完全無得比

DAY 33 完

sr對我嚟講只有傅厚民個名同佢最鍾意嘅圓檯吸引到我

咁我覺得奕居舒服過瑞吉好多

岩岩聖誕既？

係
香港嘅有粒朱古力都皇恩浩蕩

我相反
完全唔覺UH有咩比佢好既地方

有maxi bar任飲
浴缸較grand
座廁空間大
電影任睇
有無限爆谷點
就算最低級山景都靚過城景
木系裝修亦都舒服過瑞吉黃銅味
職員經過又會主動點頭

有maxi bar任飲
UH依家係大方啲，岩岩SR cut cost比無計 butler沖成本高好多
浴缸較grand
我覺得SR個套房浴房新啲又舒服啲
座廁空間大
同SR一樣喎
電影任睇
staycation gimmick 野 我記得以前無呢啲
有無限爆谷點
gimmick 野 同上
就算最低級山景都靚過城景
岩
木系裝修亦都舒服過瑞吉黃銅味
同一個設計師，所以見人見智 我反而中意SR
職員經過又會主動點頭
唔知點解你無