[長氣多圖][無限期] 香港staycation之旅

咁點解成日post buffet

因為有其他人鍾意

Mola

500蚊spa credit簡直就係送豉油氹你買隻雞

btw 如果W係高層港景匯係低層就正好多

港景匯租出去容易賺錢過酒店嘅

就好難既
全香港既服務式住宅好似都起係酒店上層
級數有別

港麗唔係

酒店高過服務式住宅

舊式設計
如果tst hyatt可以住屋頂都幾正

萬麗柴房係有電動簾

會變到貴過君悅

柴房先進過套房

都未必既
無咁grand
淨係大堂都輸晒

請問w酒店你book左幾錢？

3k1
再用gift card

唔捨得
始終香港酒店又唔係溫泉酒店

有頭髮邊個想做熾哥

非同居情侶就值得去既

但呢個價係套房再包2k餐飲
雖然佢餐廳唔係出名同好食

DAY23 香港W酒店(下) 西九文化區

今朝一起身
天陰陰咁



唯二上泳池既專用電梯


今日早餐亦都係kitchen食
尋日坐門口位
今日就坐左落最入果d位

張19檯仲要細到爆炸
仲要有一邊係貼埋櫃
都唔知呢邊平時點樣可以食到自助餐

咁其實早餐擺位同尋日分別不大
可麗餅變左格仔餅
點心都仲係角落位

格離變左粉麵檔

再過係呢d見到都唔想食既卷物


中間係熟食

都仲有班尼迪強果d

另一邊係殼物同果汁牛奶


cold cut


包點


今次就無話食好多

咁其實我覺得都正正常常唔會難食既

不過正價都要成三舊幾一位


雖然佢有海景

但而家二人限聚
佢咁樣將四人檯硬拆成兩張二人檯
搞到密密麻麻
其實都真係幾難睇
所以我地尋日坐到四人卡位應該算係靚位黎

番上房門見到有份報紙勾係度先醒起尋日checkin果時有問我地要唔要

難得佢除左藍報之外
竟然係有蘋果揀

緊係要支持下

食完早餐其實就完架啦
無泳池無健身室
又話一點要轉房
咁就訓多陣再執埋d野

差唔多一點就落去大堂搞轉房
轉左32樓既海景客房

咁就儲左兩張紙卡套

安頓好晒又落番一樓食lunch
咁樣又上又落都幾煩

今次出左hello

轉呢架lift其實除左上六樓lobby

仲可以上到七樓宴會廳同八樓會議室

而地下就有呢個暫時性既woobar攤位

睇相先見到原來仲有張完全唔起眼既福布斯四星獎痴左係牆上面

而攤位對面就係星宴中餐廳
其實門口走廊幾靚
擺左幾多酒
不過現場太黑影唔到

咁星宴雖然知名度唔高
但其實間餐廳設計算都唔錯既


主要係想柔合西方味道
都襯番佢W自己既風格
我覺得都ok

除左卡位之外
佢比左張圓形大檯我地

係坐得幾舒服
不過碗碟同擺位就跟唔上個環境

檯上面擺左張賀年廣告hardsell


口罩套同kitchen都係一樣既


檯面金屬擺設

其實唔好睇

一樣都係擺左三小碟野

睇番openrice以前好似係有碟鴨胸
而家變左碟齋

開左壺唔記得咩茶

都有火暖住既

除左單點本menu

仲有點心同酒水menu
咁原本我一早就諗住有七折叫呢個set
兩個人又可以試下唔同野

但原來七折係只限單點
當堂喊出黎
因為平時下午茶時段星宴就已經有點心放題
係完全唔想單點佢既點心

諗左好撚耐
最後都係叫佢最平果個lunch set

叫做有七道菜
個價位係呢種級數既酒店黎講算平
其他講緊都要五六百起跳
本身仲想叫埋個招牌和牛盒
不過比人叫停左

不過一開始已經覺得佢怪怪地
首先佢上菜唔係順序
餐牌寫點心
佢就黎左燒味先

燒味水準唔算差
叉燒幾甜
雞同海蜇都一般

第二道先上點心

再跟左唿汁同醬


賣相靚仔
食落亦都唔錯
如果點心放題都係呢種質素就真係食得過

中間又無左個老火湯
第三道菜就黎左個帶子

其實開頭都好地地
算豐富又唔錯
又逐道菜上
成個節奏都OK
但黎到帶子呢度應該就唔夠時間所以就出得開始求其啦
一次過就上埋碟菜

呢兩樣野就真係稱唔上做主菜
而且我同一般酒樓都無咩分別

清完呢兩碟就去左廁所

唔知係錯覺定點
連埋W去過三間萬豪系酒店
全部都係無提供抹手布既

去完廁所番黎已經見到上埋個龍蝦湯麵

成碗擔擔麵咁
但個湯就無味既
而且蟹肉都係得少少

而個老火湯完全係上漏左
佢仲同我地講話上齊先好笑
結果要追番最後先上埋個湯

清保涼煲雞

而個湯入面係乜渣都無既
一次過飲左兩碗無味既湯都唔知做乜鳩


仲要埋埋張單先上甜品

兩個套餐
茶錢28
連加一都七百幾
乜優惠都無
dinning credit亦都因為用晒所以無得減
但其實係w酒店eshop係有8折券買

兩個人連茶錢加埋都唔洗六舊
不過就要book十一點食

最後先上既甜品

米餅
綠茶糕
芝麻糊
呢個反而幾好食
但都救唔番了

咁緊係失望啦
成餐除左位上之外就毫無特別
食物同服務都好一般
次序亂晒仲要上漏個湯
自助餐都話算
但呢間星宴係W入面唯一一間fine dining既餐廳
即係雖然係最平個set
但七舊幾都唔係話特別平
本身聽人話w伏都係起源於佢個自助餐
但估唔到星宴先係big boss
睇番福布斯四五星果堆酒店
全部中菜廳最起碼都有個米芝蓮餐盤推
除左星宴同金葉庭
而金葉庭都叫做曾經有星星
星宴的確係同級酒店黎講真係唔入流

到左午後時間
又舖番張地毯上去了

咁就上番我地食飯前轉既客房

今次住32樓
高過之前間套房十幾層


平面圖又睇多次

09號係我地之前住既套房再過兩間房
全排都係海景房
相反非海景房既其實先得四間

普通海景客房面積只有四百幾尺
係之前marvelous既一半

一入去就已經見到張床
床邊有張長梳化
夠訓到一個人

出面個海景同之前浴缸景係完全無分別既



而呢十幾層既差距亦都唔係好明顯

床頭d野都係一模一樣

又有四支水

不過今次我地只係暫留
就廢事整亂佢地d野

今次部電視無反光

睇得仲舒服係套房

個mini bar亦無分別

又見番隻甩毛狗

衣櫃


今次呢間房就無咁多鏡


個L位係兩塊躺門
推開佢入面就係廁所

洗水盆都係雙水龍頭

其實沖涼洗面既gel都係一模一樣

浴缸無景

變到好細個
亦都無電視

企缸

座廁

不過躺門淨係可以遮到一邊

一個沖緊涼另一個屙屎就無得山門了

最後個風扇變左VS


hea下hea下
開埋個youtube睇下自己去唔到既泳池


搞多陣都已經四點
其實頭先轉房拎卡果時reception就話想幾點checkout都ok
我就講左五點
但而家諗起一陣要落woobar飲野
又想去埋西九文化區
就話想改到六點
最後係比到我地成七點先checkout

hea夠就拎埋張野落去woobar飲個welcome drink

之前睇過有啖好食係屌到個八婆下午茶飛起
其實呢度平日lunch同dinner都有提供3 course set
之前有諗過係第一日check in前食星宴
而check out後個lunch係woobar食
其實都只係純粹想試晒佢餐廳
不過今次唔洗食正餐都可以黎到飲杯野

woobar位於六樓大堂


樓底就好高

我地坐係一側雖然無景睇
但私隱度就幾高
咁當然都同麗思卡爾頓間ozone無得比啦

小二見到有兩個
兩個都唔似香港人
但其中有個都識講中文
佢話有酒精既飲品要再加小食先點得
而其他無酒精既就可以任揀一杯
咁就求其叫左杯mocktail

兩杯我都唔記得係咩黎了
畢竟係免費野
都無乜要求

咁呢間野仲有一樣野係好好好特別既
就係全部職員都係西面既
果兩個調酒師仲大大聲講野
我真心覺得呢間W真係好神奇
餐廳已經夠少
而且仲咁特別
唔明到底係點生存到

本來個預計係
係W checkout之後
就上房間對住既ICC
即係天際100
諗住補番上次無睇到既夜景
再係間cafe100食埋個晚餐之走
但因為武肺
天際100都跟隨住暫時關閉
無得上去
就改左前往西隧後面既西九文化區
本身就從來都對呢個地方無乜興趣
但既然都過開黎
近近地就去埋

落地下架lift轉左hello


入番圓方
再落去九龍站
E4出口就係前往狗閪


其實行過去話遠唔遠
沿路就有架74D既小巴

都係4蚊
但只係假日先有
平日就要係ICC門外
即係唔知邊度搭
所以都係步兵過去

穿過西隧條行人天橋

日頭可以望得到W酒店即係天璽1同II既兩座建築

兩座天璽望落去都幾似樣
而天璽I更係全港最高既住宅大廈
不過拍埋格離座ICC都仲係有一段距離

天橋既盡頭就係西九文化區個入口

0600開到夜晚2300
即係尋晚落去睇夜景都得

我地由西閘w點開始沿海邊紅色虛線一直行
去到盡頭自由空間就行番去東閘e點離開
全程行下影下相
大約行左一個鐘左右

都幾多人係度跑步

不過今日堅係天陰
影相出黎都麻麻

以為可以行出去望下海思考人生

但係封住左唔比行


其實香港一直都用緊我地錢起緊好多野

呢度有座故宮
我屋企附近亦都有座大會堂
其實起呢d野都仲可以接受
但加黑警人工就真係接受唔到
無奈處處都係港奸
仲要呢頭話完愛國
果頭就驚左紫荊黨要移民走果班陷家產

離遠睇ICC高天璽都真係唔止一個馬鼻

所以我曾經都只係認識麗思卡爾頓而對W毫無印象

狗閪好多唔講都唔知咩黎既藝術品





海旁望既係中上環既景色

可惜天好陰
我好耐都無遇過呢種天氣了