[長氣多圖][無限期] 香港staycation之旅

香港贏係有維港夜景

不過海景就真係好多酒店都有

港島酒店望過黎就多，九龍望向港島最靚應該係 半島 喜來登 同YMCA個位

我反而覺得半島唔近海好似無咁好
利申住唔起半島海景房

好似早排翻新過？

好耐之前食過一次lunch自助餐 定半自助餐，尬幾抵食，風景又靚

冇印象啦，幾年前

DAY8.1 昂坪市集

去日本
除左會去觀光塔同坐纜車上山頂之外
仲會去參觀下神社
黎到香港
最出名既應該都算係天壇大佛

細細個跟屋企人去果時
係要坐船去到大嶼山
再轉大嶼山巴士un下un下咁去
淨係一程都起碼三四個鐘
諗番起都好似去左旅行咁
而而家就已經可以由東涌坐吊車去得到
但係今日個過程依然好似去緊旅行緊
原因係去東涌
係要坐機場巴士

一早起身執背囊
然之後坐機場巴士
沿途望見呢D畫面

成個畫面就好似入緊機場咁
幻想下一陣要去邊度checkin
坐邊班飛機
呢D曾經係每兩三個月一次既指定動作
都因為武漢肺炎而失去晒
取而代之既
就係遊下香港
住下酒店
而家每日既習慣
已經係由google map儲存景點
變成去各大酒店官網睇下有咩新既精選優惠

咁話咁快
唔洗一個鐘就去到東涌泳池

隔離就係纜車站
印像中
呢個纜車站永遠都係人山人海
仲有DC9加價搶錢

武肺爆發之後真係唔單單只有壞處
呢D原本只係做支那生意既地方
變成佢地口中被迫做香港本地人生意
就成為而家空空如也既纜車站

纜車站對面係東薈城


纜車飛就幾乎唔洗排隊


上次係大富翁樂園抽到既免費飛
因為九月尾就到期
所以專登係九月最後一個星期日過黎
換到普通車飛一張

同埋兩張折扣券

基本上係市集就一定用得到

另外係klook買左fila套票
一樣有果兩張折扣券
不過就多左5張100蚊既fila現金券
同一堆無咩用既禮物

仲會有兩套來回纜車飛
不過因為要影相整pass
所以兩套纜車飛只限pass持有人使用
但加埋D咩首500名買家有100蚊klook回贈d野之後
仲有兩套fila挑戰卡可以係昂坪市集玩遊戲
扣埋晒d19code之後只係用左322.4
而係官網買既正價8折都要188
感覺都算係抵用既

昂坪市集地圖

之後個職員幫我圈晒fila果d活動個位置出黎

昂坪360開業14年
今次都應該算係最慘淡既一年

香港人或成最大贏家

加50可以轉坐單程水晶車

不過女朋友話驚唔敢坐

FILA PASS有條專用line
可以坐BTS主題纜車


不過只得pass持有人可以坐

所以我地都係坐番普通車廂

其實架BTS纜車只係痴左D紙牌係度
連彩繪都稱唔上


咁多年黎我都係第一次坐360纜車

回頭望過去既機場

已經剩番好少飛機係度升降

諗起係登別吊起成埋咸魚

下面係昂坪棧道

其實我地都已經十點開門買飛坐
但都竟然可以見到回程纜車有人坐
相信係D遊人行完棧度過對面再坐番轉頭


中程站
海拔570米既彌勒山

但應該無得落車

再過就已經見到大佛

但相對比我細路仔既觀感
而家就覺得佢好似細個左好多咁

好多新界牛


纜車站而家淨係開朝十晚六


成個昂坪望上去感覺唔算好大

半日夠晒有突

一入黎就已經係手信店
不過呢度買水唔算貴

其實真係好多FILA野


話說挑戰卡呢
買夠一百蚊野都可以得到
而我地買FILA PASS就已經有兩張玩
儲齊兩個金牌就可以參加抽獎

第一項係碌LING

其實輕鬆無難度
連我條女都做到


其實今朝野都未食
所以入到市集就先醫左個肚先

去左食印度野

一個飯大約八十蚊

不過可以用25蚊餐飲券
其實即係五十幾

叫左個咖哩雞烤餅

同埋咖哩炒飯

都幾惹味
以遊客區黎講都算唔錯




第二項係劍擊

會隨機著燈

奪金平均要0.6秒以下刺中目標都算幾難
雖然話只要兩個金都可以參加最後抽獎
其實可以放棄呢樣
不過失敗左之後職員建議把劍可以一直放係正中間個位就會易過關D
因為我地有兩張飛
所以玩左兩次
結果第二次岩岩好0.6秒

許願樹


同埋係市集買野可以得到一張係度影相既禮券

佢會幫你影幾張相
不過只係得soft copy
然之後會sell你買實體相
我自己覺得幾值得紀念就買左張
都算係平過外國D主題樂園既

最後一樣係踩單車

鳩踩就得

最後一張係三金
一張兩金

可以抽兩次獎




結果又抽左兩個袋
加埋一開始買PASS送果兩個
總其拎左四個唔同大細既袋走

最後既BTS打卡位

我真係識條鐵咩

昂坪市集可觀性雖然唔大
但原來咁樣行下食下玩下都花左唔少時間
曾經有諗過去埋大澳
但事實的確係唔太可行

續

其實睇落都幾好hea

Hea下hea下玩半日都唔錯
最緊要無晒大媽

未

DAY8.2 天壇大佛

昂坪市集其實好細
但連食連玩都係度逗留左三個鐘

離開左市集
就已經可以見到大佛

到而家仲帶住兒時既回憶
感覺呢尊巨佛忽然係眼前變得好細好細

南天佛國


側邊有一堆賣豆腐花既舖頭

但全部都低分得可怕

寶蓮禪寺

感覺就好似去奈良咁樣過門不入
明明去到東大寺門口但係偏偏唔入埋去
諗起都覺得痴線

天壇大佛開放時間
朝十晚五

唔需要入場費
不過可以係度添下香油

或者食場齋飯

由818開始進行維修

大佛頂層範圍竟然唔比入
真係喊出黎

不過都一場黎到
緊係行埋佢


下面就係頭先行經既圓形廣場

咁相比起山頂
都算叫做多人架啦
解放左晚市
市面都回復左生氣

最後只可以係樓梯口完事

天壇大佛係全世界第二大既戶外青銅坐佛
高26米
同我細路既形像實在差太遠

係上面停留左一陣就行番樓梯落黎

對面山都幾大霧

呢度都真係幾多呢種石門


就黎中秋
天氣都開始有D涼意
即使係烈日當空都已經無咁熱
日落時間都早左好多
好多時收工都已經開始天黑


我唔識死咁走左埋去
結果一陣風吹過
成身都化左灰

其實真係唔太感興趣
真係係門口影幾張相就算




雖然有時候會鬧得好唔開心
但有時候
回頭望
又會見到自己曾經開心過個樣
從前只有自己一個人歡笑
而家負擔大左
成個人都變得情緒化左
只能夠慢慢努力去維繫

偶爾亦都可以係度聽到唔少支那語
咁呢個時勢
相信果D都係香港人黎
我地只可以繼續努力
唔比廣東話慢慢咁被消失

三點幾走果時反而仲多人左

傳說中既新界牛

呢兩條友我都唔知佢係唔識死定on9


咁都終於搵到間唔係得兩分既豆腐花

叫左兩碗
一熱一凍

唔記得左幾錢
而黃糖任落


隻港女真係遲早糖尿

原路回程

又多左人抽獎

見到呢個畫面

我淨係諗起佛佛佛佛
我佛你

真係多人左好多



纜車站下面有好大幅壁畫
都幾多野睇

如果係坐水晶車既

其實都幾大機會走光

其實昂坪360
我一直淨係諗起玩running man既李敏貞
直至今日終於又多左一個回憶

如果唔係咁hea
同埋如果唔係夜晚要去食飯
係應該真係夠時間去埋大澳架

不過已經book左除夕到大澳文物酒店過年
無得出國玩
希望會係一次唔錯既體驗啦

臨入閘見到呢樣野

緊係二話不說課個靚金先

得到新界牛一塊

四點回程
同樣都係無人排隊既


之前係市集免費影果幾張相
佢會比張卡你

背面有網址可以上網拎相

$^$#^##@%#@^$#^$#左一輪

終於又番到黎東涌

行下商場

堅又係第一次黎呢頭
入面真係全部都係outlet

係商場入面都有指示去搭吊車


咁之前用匯豐獎賞錢換左十張半價天仁茗茶現金券

買完之後可以過格離food court坐低飲

坐番巴士過海做節又結束呢個回合

DAY8 完



下篇遊記開始就主力介紹酒店了
順便會係酒店附近食下玩下
就應該會比較少時間可以遊覽下香港
但係就要耐唔耐先更新到
希望唔係咁快沉底啦

同埋學緊剪片希望可以求鳩其可以剪到條room tour出黎

推

已經無乜人睇