咁都講左女朋友唔食貝殼類
即係我一個人生吞晒呢個tower
質素係ok既
不過睇番好多食評呢
以往呢個tower係有龍蝦既
武漢肺炎之後唔單止縮左水
仲加埋價
跟住就講下自助區
cold cut種類都幾豐富
仲有幾款芝士比你玩
亦都有專人負責配沙律
話說雖然望落去幾整齊
但我地就正正坐係自助區前面
望住佢呢四個鐘入面其實都無refill既
就咁一直放係度
其實都算係幾唔衛生
之後就會開始定時派發幾款熟食
炸物
扇貝
西班牙海鮮飯
都係一般般
然之後係甜品區
賣相都幾豐富
色彩繽紛
呢個距離太遠睇唔到有無refill過
仲有個酒水區
而我地淨係可以飲果汁
食到咁上下終於上熟成牛
但其實個口感真係好自助餐feel
到最期待既主菜
我揀左和牛面頰
估唔到係咁樣散晒上
雖然有幾款醬
但本身就已經重味到仆街
另一份鱸魚
呢份就淡到無味
唔知係因為已經食埋甜品先上
定或者係太飽啦
兩樣都有仆街中伏感覺
雖然話可以食四個鐘
但其實食左兩個幾鐘都已經飽到上心口
三點幾就埋單
每位688未加一
仲貴過caprcie
用自助餐黎比價錢亦都直迫the food gallery個自助晚餐
都真係好難稱得上抵食
而小二都係送下餐收下碟
餐牌同上菜都無介紹
無乜服務可言
可能期待過高有d失望
或者用自助餐既心態會開心d
咁雖然個用餐體驗就一般般
但都仲會想試下其他既
好似marcopolo既cucina
美麗華既whisk
帝苑既sabatini
呢d都係得獎餐廳
唔知質素會唔會比較好呢
