[長氣多圖][無限期] 香港staycation之旅

sir alexander

九鐵既第一部柴油機車
維基寫既



其實最鍾意就係有博物館入面真路軌

感覺好好好正

其實當日都幾多人下

香港人係無得外遊既情況下
都唯有係香港裡面搵地方放下氣

舊九廣鐵路LOGO

見都未見過

話係55年既三等車廂

呢部百幾年前既三等車廂就可以入內參觀

可能有翻新過
完全聞唔到百年歷史果種味道




前面紅色呢卡就99年歷史



睇得多日本動畫
就好鍾意當路軌係平衡木行呢個畫面

以前去泰國華欣都玩過
但事實係技術太差
點影都影唔好




原來係一百年前
曾經有條支線去到沙頭角

不過因為公路通車而停駛左呢條線

車長室




SIR模型


大埔墟站

而背景就好格格不入

其實呢個博物館
應該叫做九廣鐵路博物館會比較貼切


續


去得多酒店
有時都想去番d區內旅遊
但又因為上左癮無時間去
仲要煩其他野
人真係好累

7婆話想禁足唔比出街
我直頭舉腳支持啦
唔洗番工大家一齊留係屋企攬抄不知幾happy
快快趣實行啦

想去鐵道博物館好耐，但次次都冇去

竟然
你鐵路迷黎架wor

咁大個仔去大埔一隻手數晒

放假去行下
或者去住沙田凱悅
近近地可以過埋去

邊間酒店最鐘意？
剩係去過四季

其實我都去得好少ja
暫時去過果幾間最鍾意都係朗廷
可能四季我自己觀感真係比較舊

DAY19.2 大埔海濱公園 Fat Belly Butcher & Gin House

其實之前經過三多
條港女就係咁嘈嘈嘈話要食三多雞脾
咁去完博物館
我地又行番轉頭去買三多啦

預計去完三多會去番文武廟
即係我一直係仁興街呢度來來回回

番到去三多見到山左門
睇番門口先知原來三多係夜晚先開既
但頭先唔知仲乜開左
結果係門口擾攘左一大輪
有位疑似老闆娘既人踩住架單車番黎問我地咩事
港女就話佢好想食炸睥
咁老闆娘就入去講左幾講
然之後就話等一陣就有

我估計之前開左門係耐唔耐都有人經過好似我地咁摸門釘
然後又會不定時售賣
不過以上都只係鳩估
大埔居民應該清楚好多
總之係佢打開左一棟門幫我地炸之後
又好似吸引左唔少人過黎買

三十蚊一隻生炸雞脾

勁脆勁多汁
仲好食過屯門很德輝
而家諗番起都幾回味

食完穿過文武二帝廟



門口望下就算

文武廟出面係富善街街市


大埔有間黃店熱狗Bulldog Hot dog都係拎呢個街市豬肉黎做
不過我就無去搵呢檔豬肉檔同去食熱狗了

一路穿過市中心
沿住廣福路行
行過去海濱公園都要四五個字





之前睇毛記星期三港案
有講三位大埔區議員

其中呢位個樣太得意
印像好深刻
而家黑狗全力淨係針住班區議員唔放
日日話人襲狗洗黑錢
屌你老母真係目無法紀

大埔就咁睇都幾靚

對面係馬安山

好似係

行到差唔多日落
就黎到海濱公園

成個公園沿住海邊一直行個範圍都幾大
下次有機會去埋大尾督行下

今日星期日
呢個海濱公園勁熱鬧
周圍都係人

仲好多風爭飛黎飛去



終點
回歸塔

算係香港比較有少少特色既觀光塔

由等埋發叔寫序

等到而家都死撚埋

觀光塔朝7晚7開放

唔只打風
連雷暴警告都會關閉

樓梯係緊急用
所以係行斜路圍住座塔轉上去


座塔好矮
一陣就行完

頂層唔可以同時容納50人

雖然唔知有無數

雖然唔算高
但附近都無咩野阻
都望到幾多野




樓梯係緊急通道唔用得


落番去已經天黑

塔底有個小食亭

開始入夜



又行番出去食飯了

fat belly

早幾日都仲訂到位
得六點同八點兩個時段
我地就book左六點
但係公園行耐左
confirm果時都講左會遲少少到
雖然一樣都要八點前還檯
但佢食物都上得快
時間都算鬆動

門口係一棟大閘

亦都有個餐牌擺左出黎

寫晒唔同扒既價錢出黎
對比起出面扒房都真係唔貴
而每塊扒仲會有兩個sides跟

基本上餐廳只就有bar臺同幾張細臺
講真係全部都唔好坐既
我地就坐係個轉角位

有番隻連豬認證

入到黎會點埋蠟燭

氣氛唔錯
而且仲係個飲酒既好地方

不過我就完全唔好
無試

咁我不嬲係廢鳩黎
唔識食既
連牛既部位都未識分
平時都淨係試肉眼西冷呢d氣

睇完都係唔撚識

網上食評果d就話會有小二黎介紹餐牌
今日招呼我地果位好明顯係新黎乜都唔識無介紹既
佢話蘇格蘭熟成果款賣晒
咁我都唔撚識就揀左是日special果隻和牛試下

港女就揀左黑安格斯西冷

落完單可以出去揀肉
其實已經切好晒一塊塊係度
靚唔靚我就唔識
淨係見到個重量
我果塊290g

另外果塊205g

可以要求換大塊或者細塊d既

配菜有八樣
原本就可以揀四樣
我地就另外課金要多兩樣
除左烤菜同沙律其他每樣要左一份

不過配菜全部都細細碟


同主菜好大對比




配菜個牛肉飯睇片就好正
但實際食落就無乜特別好食
其他都係一般般
比較好食反而係個薯蓉
而塊扒都有烤得over左
叫左五成都係熟左d
食完都有種 哦都係咁啦 既感覺
唔會話佢差
但亦都稱唔上好食

發覺呢排食野成日都係咁
我唔係食家
淨係識分好同唔好食
即係我成日覺得收得比外面貴既價錢
都希望得到比外面好味既食物
但結果就成日都同個期望有落差
食到我都成日懷疑人生
到底係咪只係我唔識食呢

餐後每人一杯熱飲
無得揀凍飲



而性價比係唔錯錯
餐廳無加一
兩個人都係779

save12

最後影到隻豬蒙撚左

最後行番去火車站
係個商場行左陣
就完結果左大埔既行程

咁自製呢四日既假期自我感覺係良好既
當係去左黃竹抗渡假
又黎左大埔玩下食下野
有時候
除左去酒店
去下其他行下睇下都係個唔錯既選擇


是夜
除左幻愛係台灣得獎之外
仲有一套叫做夜更既短片得獎

而家可以係果燃台睇得到
大家都可以去望一望


DAY19 完

淨係開門炸一隻俾你

之後都多人幫襯呀

間fat belly
去咗三次都無開門...

Book左檯唔開？

無book，不過入面無開燈

Bookl定先嘛

樓主呢

仲在生

DAY20 香港萬豪海景酒店 滿福樓

係取消半島既一星期後
我就入住左萬豪海景酒店
其實呢間唔係我個list入面
一黎佢唔高級
二黎佢餐廳無星
三黎佢亦都唔算新淨
咁除左好多人吹奏之外
我都睇唔到呢間酒店有咩吸引力

但係十月份既時間
萬麗出左半價住宿券同七折既餐飲優惠
原本無咩興趣
但睇完見到千鬆d可以住到套房
最後都deal撚左

一共買左兩張優惠券

1500既以半價750蚊購買
而1000就以6折即係600蚊購買
總共以1350買入左價值2500既住宿券
同時亦都book左萬麗最低級既套房studio suite

曾經
都有一段時間
因為book左好多其他想住既酒店
檔期唔夠
令到我想賣住宿券
但後來搞左個萬豪白金會員番黎
可以late check out
食飯仲可以七折
搞下搞下搞到半島都取消左
最終都係決定左試下呢間望落去好普通既酒店

係一波N折之下
我就坐左過海巴士黎到灣仔
走上呢條已經好耐無去過既天橋

曾經
每一年既書展同動漫節
呢條天橋都係通往會展既必經之路
唔知由幾時開始
就已經再無左暑假去會展呢個習慣
而今年就更加唔洗講
因為武漢肺炎
香港乜都無晒

原本
每一次行經都會見到傍邊有間健身室既跑步機係對住天橋

而家
已經再見唔到間健身室了
係7婆既政策底下
健身室同食肆呢d係首當其沖

望出去就見到只係開業年幾
已經成為五星福布斯
tripadvisor排名第一
坐擁兩間一星米芝蓮餐廳既瑞吉酒店

酒店岩岩減左價
下個月尾應該就可以試得到晒

過左入境處
就會到達會展
會展有兩間孖生酒店
都係由新世界擁有
同佢自家rosewood品牌唔同
呢兩間酒店一間係hyatt管理
另一間係marriott管理

去到會展商場
轉左會係君悅酒店
而轉右
就會係今日入住既萬麗酒店

入口係直接通往一樓大堂
相信大部份人都會經過呢邊
而地下入口就比較少用

今次萬麗係兩點鐘check in
比起之前去過幾間早一個鐘
再加上公廁級會員可以四點check out
即係可以住到26小時

雖然係星期六
但可能因為老舞群組爆發影響
所以兩點鐘黃金時段check in
都係唔需要排隊既

好順利咁拎到房卡

同兩張lounge既指南

住宿當日武漢肺炎仲未會係六點出動
所以lounge仲係full services
下午茶時段由兩點去到四點半
而黃昏雞尾酒時段就會分兩段時間
第一段係五點至六點半
而第二段係七點至八點半
星期日至五時間會有調整
而公廁會員仲可以帶多一位進入
另外因為支那病毒亦都會係泳池一帶出沒
所以泳池就要關閉
不過就依然可以出去打卡影相

電梯大堂

望既係內園境


走廊

每間房前都有件藝術品

我地今日住既係19樓既21號房

平面圖所示

酒店係類似L型設計
由09號房至到30號房全部都係海景房
分別就只係角度
呢間21號房係19樓全層既唯一既套房
我估計其他套房好似superior suite大概係將其中兩間海景房打通
而deluxe suite應該係將我地呢間房同格離20號房合拼
不過可能每層得一兩間套房太少供應
而半價又太平
所以套房我都淨係見過十二月有推過出黎
其他日子從來都未見過
checkout果時問過職員
佢地話套房已經full到去二月尾
而就算有客取消booking都因為得一兩間房唔會放出黎
但我見客房都真係幾細間
而酒店又稱唔上高質
真心唔太建議住

而且由平面圖都見到
其實成座酒店係有11部升降機
其中六部係客用
另外果五部我都唔知係做乜
出面會有棟門鎖住左入唔到
每次行過都總係好好奇

萬麗最新一次翻新係2013年
大約7年歷史
間房就唔算太殘
但亦都稱唔上好先進
淨係窗簾全手動呢一下都已經輸晒

係香港住酒店
從來都已經有張卡插住
唔會好似去到外國咁要用自己卡先有電


一入房就見到張梳化

旁邊係mini bar 咖啡機同杯具等等

有包寫住係滿福樓送既茶葉

不過我就拎左番屋企無用過
櫃檯入面有兩間聖經

同茶包放埋一齊

梳化邊就係落地窗

我地住19樓
只係算酒店既中層
面對住大大個會展
如果係高層觀感就會比較好

其實住得多就會開始對呢個海景無乜感
唔會再有wow既感覺
就好似去旅行唔會再有心跳既感覺一樣
反而想知如果由尖沙咀果邊望過黎會唔會有唔同既感受

拉到盡側望係望到去中環IFC果邊既

另外床既一邊

基本四個枕頭
可以用apps再叫多幾個

但呢張床真係好差
係搖到仆街
成晚都唔係好訓到

床頭電話都好普通

而個鬧鐘係同朗廷用同一款有無線充電既
呢點唔錯

側邊係浴缸邊

但其實已經用左磨砂玻璃乜都睇唔到
個窗簾都唔知做乜春

燈制都好普通


床既另一邊係另一塊落地玻璃


呢邊個海景叫做避開左會展
但就唔夠正中
而且下面係地盤
我地住19樓都仲聽到有少少地盤聲


咁我地呢間叫做studio sutie
好聽d叫做開放式套房
但其實係君悅入面
呢種房型係會納人客房系列
稱之為行政客房
因為廳同房中間係無門隔開既
而且呢間房亦都無分客同主廁
電視機都係得一部
都幾難稱之為套房
其實係有少少失望既

咁廳同床就唯有用左張工作檯黎分隔

電視機得一部
就叫做可以較角度兩令梳化同床都可以睇到
但就無得分開睇

反而好似而家變左疫房既置地文華
佢地L600雖然叫做客房
但廳房分明
而且仲有兩部電視機
都唔明點解會唔叫做套房

不過話說呢
呢部電視機真係好得意
首先一開機會出晒兩個登記人全名

雖然係殘體文
但呢部電視最最最重要係無CCTVB

應該係所有人入住都會講一次既特點

入廁所都叫做有個小型衣舞間

可以放行李
衣櫃

R字拖鞋


廁所一眼望晒

洗手盆得一個
企缸唔大
勉強有個浴缸

無景亦都無電視

座廁

衛理用品全部係櫃桶

洗涼套裝用呢款tokyomilk


套房同客房都係用同一款
好似係

係間房影下相影到三點左右就上去lounge行下
咁lounge個下午茶由兩點已經開始左
即係由checkin開始就已經可以入得

萬麗架升降機就無咩特別

升降機指南

lounge入口係41樓
而lounge總共有三層
由40-42樓都係
12-39樓係住房樓層
睇番相先知原來無13樓
11樓係花園同泳池層
仲有健身室
8樓係宴會廳
4樓寫字樓唔知係咩
而全間酒店得三間餐廳
我地三間都會去晒
3樓係今晚食中菜既滿福樓
M樓係聽朝食自助早餐既萬麗咖啡室
1樓係聽日lunch食西餐既mirage同checkin大堂

41樓出lift就會見見到club lounge門口

同朗廷唔同
要拍卡先入得
有小二會安排座位
我地三點先黎可能都係遲左少少
只能被安排左呢張高檯

後面係海景座位

都已經比人霸晒

不過好快就已經有窗口位可以轉檯

呢個窗邊仲擺左望遠鏡


不過呢
塊玻璃就真係幾污糟下

坐低就會擺左呢個牌係檯面

大概都叫做識認有人坐之類

食物方面
下午茶就得幾款甜品同三文治

飲品

軟糖

個食物範圍都係得咁多

都幾少野
全自助式
無港麗同港島香格里拉果種三層架

係度hea完就周圍行下
40樓其實仲有得落
但就封左

角落打卡位
係度睇夕陽一流


窗邊都幾多擺設



呢個應該係黃金位黎

上番去41樓仲有條樓梯再上

42樓有少少包廂feel


餐廳二人限聚
其實坐得6個人

參覲完就離開
等五點鐘下一節黃昏小食時段再黎過

咁就去左11樓
出電梯一邊係健身室
而另一邊就係花園泳池層

健身室







可能時間仲早
都無乜人
我都係第一次咁早黎參觀

而另一邊係花園樓層

算係離開左萬麗酒店既範圍

呢度設施係同君悅共用
而且由君悅管理
好似係


平時呢個泳池應該係超多人

不過因為泳池會有武肺所以唔比落水

但都仲有d鬼會係池邊訓係度曬太陽
泳池盡頭有個瀑布


君悅酒店既餐廳比起萬麗多好多
淨係泳池邊都有兩個
一邊係飲油既露天池畔酒廊
另一邊係bbq半自助既the grill露天池畔餐廳

星期六lunch會有brunch提供
都應該係岩岩完左無耐
又要準備六點半開始既晚餐時段

其實成個畫面好怪
個餐廳就係池邊
如果係呢度游夜水就會好似動物園咁比食客望住
游都游得唔舒服啦

泳池係正兩間酒店中間
近the grill果邊係萬麗酒店

而近bar果邊就係君悅酒店

兩間酒店個設計其實都好似
不過君悅就再大間d

太陽凳

凳邊可以望到摩天輪


繼續行就係君悅果邊
我盡量都想將個神秘感留比將來去君悅果時再探索
不過君悅行政客房以上既房型都算幾貴
暫時都應該無錢去住

番去花園果邊





好似城市中既綠州
都幾特別
仲有兒童遊樂場

同網球場

每邊二人一組

呢班人可以拎去報狗

番到房見到其實係有房內早餐餐單

不過要課金先有

今日天氣唔錯
萬里無雲
夕陽d顏色都唔錯

仲有架直升機
唔知同半島有無閞呢

過多陣又要落去食埋黃昏時段小食
因為夜晚book左七點食滿福樓
所以五點就黎到呢邊

41樓其實都有個checkin counter
呢邊環境同下面40樓頭先影相個位差唔多
但就無開放

今次就坐左樓梯口

望住之前一開始被安排張高檯

相比起下午茶
呢個時段就多野左好多
頭先放甜點部份就轉左擺油

另外開放左熟食檔位


不過因為都係會食正餐
所以呢d都係求其意思意思

唔明點解咁多酒店都會有星島呢d垃圾報紙

咁油係任飲既
實有人會飲醉
望住對面幾個好嘈既廢中跌爆杯

後面又有個廢老哇哇叫話d玻璃彈到落佢到
呢班人都幾麻煩

女朋友唔知點樣溝左杯咁既野番黎

仲話係lounge既一角見到鄧達智

無得坐窗邊睇日落
就番左房去睇下夜景



坐坐下又有人送左支油同生果黎

咁我都唔知咩事就收左啦
上網search下支油
原來只值35蚊


萬麗係萬豪集團入面只係排cat6
只係算第三級別既酒店
本身定位都只係高海洋公園萬豪一級
所以都係無夜床服務既