[長氣多圖][無限期] 香港staycation之旅

亦都有唔少人係度野餐



講緊進入草地

唔少得既係波波
天空亦都有一群

睇住佢地不斷轉換陣法都幾得意

六點武肺會出動
餐廳好似都無咩點開


呢d社交距離真係只限黃店

法律只係用黎針對反對政府既人
呢樣先係最可悲既地方

自由空間就係成個狗閪既盡頭


又番番去ICC

其實咁樣行下
個感覺都幾似我住係樓上
行完就番屋企咁
幾特別

今次係天際100地下個入口番上去
個票務處無晒人好冷清

都叫做行過天際100個入口

我諗下次去麗思卡爾頓呢度都仲未開得番
所以應該都唔會上到去睇夜景了

番到去原來係有good evening既地毯


六點都已經入夜了


黎左呢度31小時
終於要checkout
其實住宿個感覺係舒服既
只係太多鏡感覺好怪
而且無lounge
餐廳質素亦都麻麻
無得入泳池同健身室
呢兩日既體驗就可以話係無配套可言
純粹好似淨係租左間房而唔係入住酒店

而前台職員我住過呢七間
都未遇到有態度唔好既
最後我用gift card找數
個前台唔識玩係咁計錯
都不斷唔好意思前唔好意思後
雖然都搞左幾耐
但都可以接受

佢最後mark左個數係收據到
果1k美金我淨係係上次萬麗同今次w用過
計黎計去好似都係差左少少
唔知係咪次次個rate都會唔同
但其實上次已經見萬麗係將果1k美金轉晒做港紙先計
我到而家都係唔係好識點玩

最後落番圓方下面坐小巴走

DAY23 完



岩岩聖誕去左upper house
幾舒服
個廁所仲大過間房
唯一可惜係無辦法係cafe gray執粒前食佢晚餐
同埋真心幾貴
最基本房型都已經係人地套房價
咁都叫做住過金鐘了

同埋聽日會入大澳過新年
咁岩遇上寒流
希望唔會凍死
亦都希望新一年香港可以變番好

想睇大澳包膠

lm 睇大澳

咁撚凍入大澳

要寫埋upper house先有

唔知幾時先寫

本身book左黎過新年
無預過佢咁凍

我反而想睇Upper House

過埋呢個假期先

the upper house

希望仲有力寫得到

最失望係無得食晚餐
九月果時已經book左窗邊檯

DAY24 Cafe Gray Deluxe 奕居

計番日子
今次book奕居
已經係三個月前既事
當時仲未咁熟識酒店既事
淨係見到奕居當時有優惠
而且當時仲係tripadvisor香港排第一既酒店
見聖誕節都無加價
無咩點諗就book左
但係之後又出左個優惠住studio 80仲要再平d
先令我覺得咁早book真係晒鳩氣

奕居只有一間餐廳
叫做cafe gray deluxe
位於酒店頂樓49樓
擁有無敵海景
亦都係米芝蓮餐盤推薦餐廳
主要包辦晒奕居入面所有飲食
除左早午晚三餐
仲有提供八婆下午茶
加上價錢唔貴
其實就算平時黎都吸引

本身餐廳四道菜晚餐都只係每位六百幾
更加難得既係
佢地仲有個早段晚餐
只for六點入席既客人
用餐時間個半鐘
提供三道菜晚餐
而價錢更只係四道菜既一半
以西餐晚市
呢個級數既酒店黎講
應該係平絕全香港
所以book左12月26日呢一個日子
因為前兩日係只提供聖誕餐
咁我諗早成三個月book位
應該可以開開心心享受一個唔錯既聖誕夜
掛
點知7婆個六點禁堂食就延長去到2021年
成個聖誕晚餐就落空左
只有改期食個比晚市更貴既brunch

奕居
福布斯四星酒店
座落太古廣場
英文名the upper house
顧名思義係高層酒店
座落係jw萬豪酒店既頂層
前身係服務式住宅
09年改建成精品酒店
由著名設計師傅厚民設計
一直都係旅遊網站tripadvisor評價既頂端
屬於太古自己擁有同管理
勉強黎講係鬼佬野
唔算係紅色企業
而一直踏入唔到福布斯五星既原因
大概係因為佢無自己既泳池
而且餐廳亦都只有一間可以選擇
我估

其實奕居個位置有d神秘
認真睇地圖係搵唔到入口
最後係盲仲仲咁行過去

今次坐黨鐵去到金鐘站

F出口有成五間酒店

除左金鐘三寶既港島香格里拉
港麗同JW萬豪
仲有奕居
最後仲有間三星既ozo wesley

因為book左去食brunch
時間就有d趕
就無咩點係太古廣場停留
直接上the upper house
酒店係太古廣場四樓平台
係商場搭升降機可以上到去平台
門口就係jw萬豪旁邊
一入門口有個細細地既開放式counter
企左幾位職員係度安排check in
今日26號雖然係聖誕既三日連假
但呢度應該算比較少房
而且價錢門檻唔低
唔算係staycation既熱門酒店
完全唔洗擔心排隊呢樣野
登記完放低行李
就坐扶手電梯上六樓平台轉升降機上頂樓餐廳

奕居作為精品酒店
連升降機都有擺藝術品

奕居位於JW萬豪上層
除左4樓入口同6樓平台

由38-48樓都係客房
gem room係48樓
bob叔之前住既頂層套房應該都係呢一層
而49樓係西餐廳cafe gray deluxe同sky lounge
另外7樓無去過唔知係咩地方

唔知係聖誕特別安排定因為太多人用餐
我地今日個brunch係安排係49樓既另一側sky lounge
因為餐廳都係同一層
而且sky lounge有時候都會用黎作為私人宴會用途
咁都無咩唔舒服既
不過餐廳係年尾12月31日就會結束營運
由2021年開始
會進行為期三個月既裝修
職員都話成件事好神秘
到而家都未知餐廳係叫咩名
咁我唯有聽日食早餐先再正式參觀啦

臨走果時影既

sky lounge位於49既一側
海景比餐廳霸佔左
呢邊就只有山景
平時開放比人hea下睇下書
並無其他酒店行政酒廊提供酒水既功能
聖誕節期間就用左黎做餐廳既延伸
擺左十張檯
限聚令之下可以坐二十人

我地就安排係火爐邊既一角

唔知係臨時安排定點樣擺款都係一般
而檯上面都有d聖誕擺設


口罩套係透明既

濕紙巾係殘體字

我地身後既角落位

就係奕居引以為傲既設計
基本上所有客房同廁所都用上呢種轉角窗
有成270度風景可以欣賞

cafe gray deluxe既brunch只有一個roast set
其他都係散叫

以為前菜,蛋同甜品都係每人一份
都算係有個四道菜可以食
但小二話比我地知其實全部都係揀一份黎share
咁就真係幾慳皮
計番落散叫個價都係差唔多
仲要無跟餐飲

前菜點左呢個terrine de campagne

中文意思就係唔知咩肉醬
純粹唔識揀又見佢最貴所以揀左
但係成件事都幾怪
件包係蛋糕型唔知點樣查醬
而空口食就仲怪
堅係唔識玩

另外煙三文魚班尼迪強就一齊上

呢份就正路好多
都幾流心
不過每人就只有一隻

今次早左參觀廁所
奕居個廁所係堅靚仲有景睇

而文華東方得個女廁靚
所以奕居個廁所絕對係我暫時去過最靚既

番到去已經見份主菜擺左上黎
我成日以為呢種級數應該係會等埋先上檯既
咁呢樣就差左少少

不過一睇見到除左火雞卷
仲有份三層架
今次樣樣都有兩份
都真係幾豐富

火雞卷靚仔同大份
唔鞋而且幾好食
用黎做聖誕餐唔錯

呢份叫flatbread
我就唔識同pizza有咩分別
個餅底唔會好硬
配红莓都唔錯

整到成份煙肉咁
其實係番薯黎
口感幾特別
呢份都好食
另外椰菜仔串都幾特別

不過我係食肉獸
對菜係無味覺
最底層既沙律我就唔識評價了

因為預左三點拎房
所以係book左一點半
但其實入黎果時其實人都差唔多食完
到食主菜既時間就已經走晒
變左我地包場咁
好特別

其實係度食野
可能仲舒服過係餐廳果邊
因為聽日去食早餐feel到佢d檯迫到密密麻麻都唔太舒服
不過果邊就會有海景

甜品揀左tiramisu

share食就得番好細份
呢個一般

最後仲有送兩款朱古力

食唔晒佢係預左會打包送埋比你拎走


火雞set價值940
連加一平均每位517

之前酒店有出過七折gift card不過聖誕節用唔到所以無買
其實如果當時識玩
應該買gift card book套房
連埋個晚餐7折後都係4k幾
都同而家差唔多
最多就聖誕住第二間既姐
不過呢種機會一閃即逝
睇怕都幾難再有

咁整體用餐係愉快既
除左無等就上菜同無介紹
小二服務都係貼心同好笑容既
環境亦都幾靚
有聖誕氣氛
唯一遺憾就只係無辦法係餐廳結束之前食一餐晚餐

食完餐飯都三點幾
搵左小二幫手問上房
佢話有職員會上黎帶我地入房checkin
無咩人又可以鬧下交
順便係sky lounge影下相

呢度望出去其實都有一小格海景

格離有座真火爐

發覺upper house好鍾意玩火
入口都有兩座小爐

等多陣就有職員帶我地入房
由十月開始住到而家
除左文華東方因為轉房關係有人帶入房
都真係第一次有人完整咁介紹間房
到介紹完間房先係真正既checkin
今次呢個package係klook訂
個名叫與奕居的24小時
介紹完就大約3點9
咁佢就同我地講聽日checkout時間就3點9
完全無呃鐘

咁成個room tour就由頭開始過
住客樓層一出lift
就可以見到酒店係中通既
直望落到底38樓有個水池

最頂49樓有條天橋係通往cafe gray deluxe

成間酒店都幾暗

但門口都會有光

除左我地間房之外

我地住41樓既10號房

平面圖並無房號

酒店算係正方型
全部房型都有呢種轉角窗
我地呢間係全酒店最細既studio 70
每層有5間
圖下兩間望海
圖上得一間望山
我地呢間望城既就左右各有一間
其他studaio 80同套房都分佈得好平均
上面兩個角落總共間開左四間studio 80山景房
而下面兩個角落就成為左兩間海景套房
唔知其他樓層係咪會將套房同studio 80既位置互換呢

但其實我地住緊最細既studio 70都講緊有730尺
比好多酒店既套房都要大

酒店房卡同卡套靚仔


不過始終都係客房
一入房門就已經係雙人大房

但最後鬧交我自己去左訓梳化
所以係感受唔到

床頭擺左一個普通鬧鐘
另外一部窗簾既遙控

仲有燈制

另一邊係bose喇叭同電話

唔知點解住過好多酒店好似文華同四季都係用呢隻

近門口有個書檯


書檯側有個任飲既maxi bar
除左最頂同最底兩枝酒

其他汽水,有汽水同啤酒都係免費既



咖啡機同其他酒店好唔同

茶包係用JING既

另外小食都係免費

茶具都幾靚仔


另外酒店送左份幾靚既迎賓禮物

打開係兩樽果jam

不過有效期只得幾日


而除左果jam
又兩杯迎賓飲品

不過因為六點禁晚市
轉左可以係餐廳飲又得
叫room services送入房飲亦得

仲有提供爆谷任食
可以用黎送電影

但叫左一碗唔好食
就無再叫過

雖然唔係corner room
但呢度全部房型都有270度景觀

而張梳化亦都算大張
我今晚就係咁樣渡過

呢間房算係城景
可以望到附近大廈

另外其實都仲有少少山景同海景

一開始住酒店都會諗加錢要個海景房
但後來住得多
已經慢慢對呢個海已經無咩所謂
今日對住個城景反而都覺得唔錯

奕居個重點都係廁所
studio70同80個廁所係一模一樣既

有認真度過個廁所真係仲大過間房
呢度望到既仲未包括沐浴既範圍

兩個洗手盤

仲有set飛機夜行用品袋

入面有齊牙膏牙刷同lotion
仲有塊眼鏡布

而廁所都有喇叭可以聽到出面電視機
牆身有制可以較大細聲

盡頭係座廁

好鬼大
仲有bob叔提到既紙仔可以留言比下一手用家睇

右手面係衣帽間

有齊衣櫃同保險箱

拖鞋

美中不足係個風筒好一般


最後係左手面既沐浴間

唔是海景

同廳一樣係城景只有小半山同海


但最緊要係塊玻璃夠乾淨
之前住W果塊真係幾污糟下

而浴缸前面都有部電視

不過就有d距離感
同埋有個頭枕
但因為浴缸都幾深
個頭枕就訓得好唔舒服

浴缸上面有擺毛巾

仲有好大壺浴鹽


企缸係廁所既角落
好大而且無遮無掩

聽過呢個牌子都係靚野黎


影完相可以好好咁浸下
因為係反光玻璃
日頭可以唔洗落窗簾望下出面風景

但原來部電視機好細部無乜好睇
沖緊涼又較唔到頭頂喇叭
同出面部電視機疊晒聲
完全唔過癮

順帶一提
今日部電視都有寫貴姓

package話係任睇電影
但其實都只係衛視電影台d自選電視
選擇唔多

開左部日版那部年黎睇
飛鳥係正
但成套戲同台版幾乎一模一樣
另外體育台無now

垃圾cable都係得一個台
睇唔到波既

hea夠就落去太古廣場行下
因為夜晚要自己解決
唔知點解住酒店有晚餐同無晚餐食個感覺真係差好遠
即使下午已經試左間餐廳
但都好似少左d野咁

落番六樓

呢度係有間餐廳仔

賣下小食同酒

唔知咩箱


另外有個戶外空間

可以係度搞婚禮

夜晚出到黎無咩人黑媽媽咁

望上去底層係JW萬豪既房


坐扶手電梯就可以落番四樓入口

因為係in room checkin
所以只有細細地一個counter擺幾部電腦做下手續
仲有棵用燈仔整成既聖誕樹

另一邊就有張梳化可以坐下

門口

外面有部專用車

因為酒店係無泳池
如果係泳池開放期間
可以單程車去太古既姐妹酒店東隅玩水

外面係太古廣場四樓中庭

格離就係JW萬豪既入口

即係就算聖誕節


入住率好似都唔太高
同會展相比就差好遠

下面係商場頂既透明玻璃

日頭可以有自然光透入商場

對出係統一中心

對呢度既印像就只有遊行同梁義士

除左升降機
仲有扶手電梯可以落商場

因為禁晚市

聖誕節都唔多人

我有理由相信其實好多人流都係上面酒店住客

商場周圍都係酒店既指示

唔知點解JW同upper house會分開


地底有間超市great

都係見到易賞錢先知原來都係誠仔既產物
好似係百佳系既最上級品牌
不過都有d窮人晚餐


感覺上就好似去旅行超市咁
但而家既感覺係點解我住酒店都要食呢d頹飯

行落去都幾多野買



仲好貴


藍店產品又有


太古廣場
上一次黎都已經唔知係幾時

咁樣夜媽媽行下感覺不壞




呢間係終極藍店黎

明明已經放棄左年青人
但同元氣一樣好撚多人買
因為個set真係好岩上面一家大細食

番四樓最方便都坐呢架升降機

有一層仲係正對住無印門口

行夠就番房食野
頭先係超市買左d凍肉

加埋酒店送既jam
連埋方包一齊食

但都係果句
明明我係book左餐廳對住海景食飯
我到底做錯左d咩要係度咁樣食法

今次電視機可以用到airplay
諗住睇下youtube睇下下次去大澳有咩食

點知呢條撚樣入面全部都係廣告黎既
入去間舖都拍成幾分鐘
仲不斷係我電話個apps出現係咁話自己無人睇
真係好撚嘔心

DAY24 完


我曾經講過
希望無論好定壞
都會寫埋落去
唔想就咁爛尾
然後
有機會寫埋大澳呢個遊記就會結束
當係紀念呢一年間乜都好啦
無論開心同不快
全部都會成為回憶
有緣再見

upper house d 備品 made in PRC有d失望

係？
呢樣野又無乜點留意到

終於睇到Upper House，呢間絕對係我心目中既No.1

樓主做咩咁灰，同條女鬧大交？

都係既
除左餐廳無得選擇同無泳池之外都無咩可以好挑