[長氣多圖][無限期] 香港staycation之旅

hea下hea下時間又黎到七點
咁就搭lift落三樓
酒店全層都係滿福樓

其實以走廊特色黎講
比起之前去果幾間酒店中菜廳都靚

仲擺放左一個個唔知係咪中菜廳職員既名牌係度

呢種排場無論係三星既龍景軒定唐閣都無既

滿福樓
曾經係2010-12既一星米芝蓮餐廳
而點解而家唔再有星
從佢地既服務態度就可以感受到
不過雖然佢而家再無星星
但都有唔少人讚好
事實都會有少少期待既

總廚孫錦勝
係youtube都可以見到幾段跟著大廚去買餸既片段
見佢對住鏡頭介紹自己道菜食晒羅絲咁都幾搞笑
其實有時上酒店個fb
酒店會宣傳下餐廳既新菜式
然後留言有時係會見到主廚留言
個情景都幾得意
其實主廚都只係一個打工仔
並唔係d咩傳說中既人物
咁樣做的確係親民d既

門口有擺香檳

其實係網上見佢地餐牌
都有幾款有酒跟既餐單
但全部都係跟一款酒
並無wine pairing既餐單

滿福樓樓底好高

成個場好大
而裝修係有少少古風

餐桌

擺放都算幾工整
menu同網上見到既係一樣

但可惜小二態度麻麻
首先我問佢萬豪會員係咪有折
佢既回覆係反問萬豪有好多種會員wor
有比錢定無比錢先
然後我比個apps佢睇
佢又再講要住客先有wor
即係成個對答都好唔舒服
好睇唔起人feel
你本身都已經因為二人限聚搞到無咩客
星期六夜晚入座率連一半都無
係咪一定要咁串先
反而傳菜個阿姐就好熱情

我唔知係規模大細定點啦
之前去開酒店中菜都係同一個小二serve落單上菜斟茶
係偶爾會有其他人上菜
但呢度分得好開
上菜執野斟茶都係阿姐
小二淨係負責落單埋單同check單
就唔怪得可以咁串既

開左壺鐵官音


窗外環境係地盤景加些少海景

如果中午黎大概會有埋地盤配樂

滿福樓既套餐數量算多
而且都算抵既
最平四百幾有個
但就配左好多我唔太好既菜式
所以最後我都係單點左

而因為叫左龍蝦

佢係一開始就準備左刀叉
並唔係上龍蝦先配刀叉
亦都無好似去星級餐廳咁拎走個大盤

XO醬

埋單先食要收錢
我仲要無乜點到

先黎既係叉燒

呢度有兩款叉燒
普通同叉燒腩
價錢一樣
我地叫既係半例既半肥叉燒腩
一共六件
之前聽人講滿福樓既叉燒好唔錯
但食落始終都係普普通通
暫時都仲未食到話好好食既餐廳

我就唔知平時如果係套餐係點樣上菜既
但我散叫就無等我食完碟叉燒就上第二度菜

一品海皇羹
淨係叫左一碗
無幫我地分湯
不過飲落都幾濃同足料

蟹蓋

都係叫左一份
其實都係食第二次
就唔係好知點樣叫做差
我自己覺得呢度菜應該好難中伏
感覺同唐閣差唔多咁

咁呢
其實上呢個蟹蓋既時間
我係仲未食完碟叉燒既

好記得係唐閣我地一日未食完碟叉燒佢一日都唔上下一道菜
就唔可以話佢上得急
但佢係的確無咩點理會你既用餐速度

終於清晒檯面三樣野
就上主菜啦
我估上菜既次序就跟番我落單既順序
唔知如果我亂叫佢會唔會又亂排呢

風味金榜開邊龍蝦
要全隻叫
即係會有兩隻開邊龍蝦
可以算係滿福樓既招牌菜
呢個風味金榜汁好泰式
話係用椰汁同其他香料整成
而個炸饅頭可以用黎送汁
呢一道好好食
龍蝦厚肉
個饅頭仲無得輸
好食過唐閣
而且賣相吸引
有姿勢有實際

因為基本上呢d餐廳都唔會再回頭
我盡量都揀番佢地menu寫既sigature

台山焗豆腐
豆腐加魚肉
呢個就普普通通

主糧煲兒子飯幾乎係同一時間上
岩岩一入餐廳就已經見到人地食緊一大煲
而煲兒子飯都算係滿福樓既名物
有位廚師係專門負責
一年四季都食得到
而今日唔想食套餐既最重要原因
亦都係因為煲兒子飯一次就要叫二人份
如果叫左套餐就再無可能食得落
見孫師傅係youtube整左個蝦醬五花腩幾吸引
所以就叫左個蝦醬五花腩煲飯

不過上檯呢個份量應該要叫煲老豆飯
完全無兒子既味道
小二話可以食到四碗飯
我地每人食足三大碗都食唔完
絕對係四人份量黎

跟左碗豉油
一開始都仲覺得五花腩唔錯
但越食都越膩
而且無乜飯焦
最後因為太飽變左要格硬食
變成左個敗筆
如果可以叫一人份量就岩岩好

甜品都係叫左強撻

都係一般般

呢度無開胃菜
亦都無額外甜品送
點幾多就係上咁多

最後參觀埋個廁所

算係靚過唐閣既

同埋呢度都幾多私人包廂

今日應該全部都係空空如也

仲有呢款梳化座位

全部二人限聚
而且淨係可以食到十點
所以今晚真係好少人黎食飯

茶錢32蚊位
另外收左xo醬40蚊
白金會員七折

再加上之前買左萬豪八五折既gift card
今餐算係幾抵食
平均每人都係五百五左右

雖然佢無等你食完每道菜先上下一道菜
但叫左七樣野
都由七點食到九點三
食左兩個幾鐘

咁食物係有質素既
但小二既態度係直頭令人不快
連交戲都唔撚願意
咁真係抵佢無星星
即係我都明呢間唔係一間頂級酒店
但都收得呢個價錢
其實係應該要再做得更好
見小二同格離檯都有講有笑既
咁可能我真係窮閪格
法官大人
我都無撚野講啦

飯後再上泳池行多轉



打左燈氣氛唔錯

the grill個BBQ仲未完
行入去個感覺其實都怪怪地


夜萬麗

夜君悅

雖然話爆緊疫情
但都唔少人住
不過今日就應該唔係高峰
起碼checkin唔洗等
餐廳亦都無咩人

另一邊個bar


再行入d係君悅個花園走廊


著埋燈幾靚
其實入埋去都仲得
不過又好似無咩意思

落番萬麗地下
mirage

門口有隻牛仔

但呢間野既定位唔係扒房
佢有八婆下午茶
亦都係一間bar
都算係多國菜既餐廳
佢晚市同午市都有做緊呢個前菜放題既套餐
恆生信用卡晚市仲有五折
都算抵食
不過質素同服務都麻麻

地下大堂

酒店好鍾意玩吊燈
呢個唔知咩名堂

聖誕限定裝飾

萬麗仲有間花店

中午checkin既櫃台


八樓宴會廳竟然仲有人擺酒

當時好似限二十人

真地下

有個水牌有寫埋其他會展商場既餐廳


應該好少人會經過既地下入口

出面亦都係停車場

鷹君大廈

格離係瑞吉

最後又番左去玩浴鹽

今次玩牛奶味

不過個浴缸真係好細

萬麗酒店樣樣野都差少少咁
最重要係咩呀
係張床好搖
好似拍AV咁係會成張床搖到痴線
暫時住過幾間五星酒店
萬麗張床都可以算係最差果間
早知真係唔好貪平買呢張半價券啦

DAY20 完



前幾日去左W
餐廳差就一早有聽聞
星宴就的確好麻麻
反而kitchen無傳說中咁差
自助餐黎講都有幾款野算係好食
同埋marvelous個浴缸真係無得輸
最衰係成間房太多玻璃
住落感覺唔係好舒服
雖然late check out要換房
但佢比我地去到七點先走真心都幾顛
當十二點到達酒店食自助餐開始計
到七點先走
今次個住宿都成31小時
個價仲要唔貴
雖然無左晚市
都算係咁啦

11部𨋢其餘5部係做Service用，例如推行李/加床(如果嗰層唔夠)/備品/床單被鋪上落各樓層，送餐都係用嗰5部而唔會用客𨋢

好多酒店呢啲𨋢都係好隱敝
不過renaissance 有5部都好誇張

其他酒店既平面圖未必Show出嚟姐

我做過Marco Polo有4部，佢地重要唔隱蔽，行過都會見到

至於港麗平面圖都有Show，有部特別大部添

仲以為比d達官貴人專用

巴打用咩rate卜？

屌喇星咪Quote咁長啦，一係編輯左佢一係打名

巴打用咩rate卜？

唔知你想問萬麗定w
萬麗就間房flexible rate連加一2420
我用一張半價券一張六折券比錢就用左1350
W就用 member rate dine whatever whenever連加一3109.04
用之前買既85折gift card計埋匯率就係2694.65

Between
唔該真係唔好再quote圖啦

個個一想問野就quote到水蛇春咁長唔知為乜

我見好似有superior suite係無浴缸景
可能有d唔係corner房

寫得好表面ja

有景同無景個feel差好遠

DAY21 香港海景萬麗酒店(下) Mirage Bar & Restaurant

張床近窗
格離就係落地玻璃

唔起身都可以望到個無敵海景
都可以加番少少分既
真係少少咁多啦

發覺而家住酒店
最困難既事就係食早餐
我自己去旅行就好早起身既
但而家真係無十點都落唔到去
而通常早餐都係收十點半
個時間真係好難搞
更加難搞既就係通常我都會book埋個lunch
呢個鐘數食完早餐再十二點幾一點食lunch就真係有d辛苦
有時候
我真係寧願個package係無早餐跟
但無得食個感覺又真係好似差左d野咁
好矛盾

萬麗早餐就係平時食自助餐既萬麗咖啡室度食
咁其實之前我從來都無黎過港島呢邊食自助餐既
作為一個窮鳩九龍人
當然係去番九龍食架啦
所以港島酒店既早餐我係全部都唔會有去過
萬麗咖啡室係位於酒店M樓
搭lift直到或者地上行樓梯上都得

雖然話係至到十點半
但其實十點半都只係無食物供應
就唔會趕你走既

個場話大又唔算好大
座位都有少少迫
而且樓底都好矮

咁出面食物種類算多
熟食

點心

有廚師即值整雞強仔同格仔餅

呢度早餐仲有流心強
亦都有廚師整庵列
當然質素就一般般

仲有個粉麵檔無影
水bar


另外場中間擺左coldcut同麵包

種類都幾多下

仲有小弟最憎既乳酪

次次食完都會急屎

呢個早餐算係比朗廷豐富
咁當然朗廷都仲有其他特色野好似葡撻奶茶咁呢度係無既
不過就早餐所見
我估計呢度自餐助應該唔會太差

因為時間淨係夠拎得一轉
就樣樣都拎左d番黎

d餅都唔錯既

雖然係免費
但都要埋單既

個價錢好似拍得住平日lunch buffet

番房先留意到原來房門掛左個環保袋
入面有份報紙

但係垃圾藍絲報

扣你五十分

話說今次以公廁會員身份
用apps set左4點check out
所以食飯前係唔需要執野check out
可以舒舒服服咁食lunch
不過本身book左一點
最後都因為飽飽地所以改左一點半先落去食萬麗既最後一間餐廳mirage

我係chope book既
咁見到話個八折午餐優惠係適合十二點至一點半既訂位
而個用餐時間係寫到明九十分鐘
咁我一點半入黎
理所當然係食到三點架啦
當然我係用萬豪會員七折埋單
咁正路個用餐時間都無理由有變架嘛
但由入去開始
無論係外面接客果位定係到坐到serve個侍應都話咩兩點半要交檯
完全唔知佢地up乜
而佢地個周末menu係前菜任食
根本都無可能一個鐘可以食得完
同佢地講話出面帶位小姐講話OK又好似無左件事咁
最後係食到三點
成件事都唔知做乜鳩
即係你話last order我都明白
但交臺係咩玩法
我都未聽過係酒店食野限食一小時

尋日係滿福樓係咁
今日係mirage又係咁
我自問就唔係想要R乜野
都只係拎番我自己既應得既權利姐
今日呢間mirage既服務直頭好似去街邊高級少少既餐廳咁
真係未食都已經先中伏

餐檯

原來尋日一直都無影個口罩袋

佢地呢度都好普通

呢度唔只係間扒房
亦會八婆下午茶供應
而且佢亦都係一間酒店
餐廳中央有座吧台可以調酒
而成間餐廳有好大塊落地玻璃
我本身就一早book左檯既
但之前因為今日原本係日本語能力考試既日子所以取消左booking
最後又因為能力試因為肺炎取消埋所以又book番呢間餐廳
就應該係遲左book所以無左個窗口位

餐牌

係寫到明90分鐘內享用
呢度平日係有二或者三道菜既express set lunch提供
而去到晚餐或者星期六日既午餐
就會變成任食前菜既indulgence menu
總共有九款前菜
我地都叫左八款黎試下

d人成日話麵包係西餐既靈魂
但我係caprice都淨係食到一種包係比較好食既

呢舊就唔好提啦
仲要要問先係格離檯拎過黎既橄欖油

咁前菜雖然有九款
但有四款係菜
最後係淨係無叫到生菜沙律
咁我就真係唔好菜
所以其實好多都真係無咩點掂過
醃菜

凱撒沙律

焗椰菜花


我都係食其他前菜多
栗米湯

好杰好重味
飲完其實都已經飽左半
兩個人share都夠

吞拿魚他他米餅

OK

油甘魚

呢款幾好食
又唔大份
可以encore

白毛豬火腿

呢份都唔錯

薯條

就一般般無咩特別

其實食完前菜都已經爆飽左八成
真係好後悔食太多早餐

之後先會上主菜
今次牛扒比女朋友搶既

我就改左羊架

兩份都好麻麻
羊好羶牛又韌
其實真係唔應該對呢度有太大期望
成日覺得呢d餐叫扒係最抵食既
第一次去文華間cafe causette覺得塊扒麻麻我以為係自己唔識食
到而家食多左幾次
我就終於明白
其實叫扒真係伏黎
我諗叫漢堡先會比較穩陣

最後太飽打包左甜品

拎到番屋企食反而覺得唔錯

呢間mirage既定位
應該就係類似文華東方既cafe causette
或者四季既the lounge呢d
係絕對無需要特登book黎食既
唯一優點係以酒店黎講算平
而家萬豪apps做緊優惠
最基本既免費會員都有九折

而上chope訂位亦都有八折
最後七折埋單700蚊

用埋gift cardy就大約三百蚊位
其實就算無會員價
之前萬麗都成日推七折餐飲券
而家上拍賣網都仲有大把
不過都係果句
黎萬麗如果想食佢餐廳既
淨係試一間滿福樓就夠
mirage服務同食物都好普通
小二真係純落單上菜同埋單
木口木面
毫無其他服務可言
就算有塊落地玻璃都因為係一樓只望得到地盤景
牛到羊都唔好食
根本就要乜無乜