[長氣多圖][無限期] 香港staycation之旅

咁多位高台貴手唔好再quote長文同多圖

我呢d濕碎野
你睇留言其他巴打度度都去過

邊個係
未見過佢咩樣

Upper house而家都唔算貴
St regis耐唔耐都有平價
但係rosewood個價都無跌過
最多都係之前送多餐比你

都係d餐廳渣少少姐
仲有置地文華呢d

點解樓主影風景咁靚
但係影食物咁hea

可能食物多數用電話影掛

有錢還有錢，樓主講過佢要返工既

點睇得出唔洗番工
我全部都星期六日假期去

巴打講到咁令原本想試龍景軒ge我有d卻步

景同服務都好好呀
係我自己廢j唔識食姐

因為我個幾月前食左天龍軒lumch，平時基本上冇食個尼個level ge中菜，比想像中出色同有驚喜，搞到我想試埋龍景軒，但睇完你同另一個巴打講又好似麻麻地

清係天龍軒食左d咩有驚喜
拎黎參考下

巴打有女 洗錢都特別豪

今次睇相唔多吸引，依個價錢以為食材/造型會再特別d添

呢個餐唔吸引
真係散叫好過
可能點心會吸引d

再去過

仲有咀多間揀
應該有排都唔會回頭
係都去新裝修文華廳先

推

想繼續睇

DAY14 香港四季酒店(下) Caprice

四季酒店既早餐選擇同文華東方差唔多
可以揀係the lounge食套餐
去四樓宴會廳食自助早餐
亦都可以選擇係房食

咁今次就揀左去宴會廳食自助早餐
但因為十點鐘落到去太多人
要留電話唔知幾時先有位
就轉場落左地下the lounge食

lift口望出去既島景

今日天氣好好

the lounge個位置就係reception格離

總共只有三款早餐揀

就唔似得文華東方cafe causette咁話可以任叫

尋晚無係呢個餐廳食3 course
唔知佢地服務點
不過今朝小二態度就麻麻地既

每人坐低先揀杯果汁

個口罩套同尋日龍景軒係完全一模一樣既

三色gem


今次中式係比較豐富

唔知點心係咪龍景軒出品
但真龍景軒出品既今日就無機會試得到lu

美式早餐叫左班尼迪強

就咁得兩件

餐茶



咁個早餐就送既
但係一樣都要埋單

一樣都有個價錢係度
加埋一成七舊幾水
唔知係咪以前四季包早餐呢

原本諗住去泳池睇下有無位
職員話太陽凳就無晒位
不過淨游水就ok既
咁我想曬埋太陽就唯有又要留名啦

番番房漫無目的
就欣賞下呢個好天氣

今日晴空萬里


同上星期係九龍海逸果時個星期日有得揮
之前係文華東方走果時都諗下今次住四季會唔會去碼頭個海事博物館
但一陣再食埋個lunch睇怕都無咩時間

hea下hea下電話終於到可以落得去玩水曬太陽
其實十二點check out
都唔明點解十一點幾都仲咁full
唔通個個都有得late check out

睇番酒店45樓係行政貴賓廳同米芝蓮兩星既鮨齋藤

原諒我張相太廢
但真係唔知行政貴賓廳要咩資格先入得到

去番六樓泳池職員會介紹佢地有邊幾個池

仲會開埋床
好細心
目測呢度都真係好多鬼
唔知會唔會係四季匯果邊住客

睇番四季匯個租價都成十萬八萬起

有本menu

係度飲杯酒係要百零蚊杯

四季泳池都應該稱得上係全香港數一數二既泳池
除左有個賽道池
仲有個恆溫無邊際既池
外加冷暖spa各一個總共四個池


佢地話呢個池底有音樂
但我都游左一段時間就乜柒都聽唔到

係度曬下太陽
感受上四邊壓迫既高樓
又真係幾特別


仲有少少摩天輪景睇下

不過睇人地片
又有雪條食

又有咖啡飲

我自己係度待左大半個鐘就乜都無

咁玩左大半個鐘就上水
話說原本尋日reception幫我地book左caprice一點半
但我地游完都已經就黎一點
咁番上房前都會經過caprice門口
就著住浴袍問佢可唔可以改兩點
佢地話ok
不過呢個時段就只可以點3 course lunch
我原本都諗住係食最平果個set就無咩所謂啦
咁又可以兩點check out先再上去食lunch

收拾行裝再擺係地下reception
又上番去六樓caprice
就食埋今次四季酒店既最後一餐

穿過呢條酒窖走廊

右面就係caprice bar

左面就係餐廳部份

雖然係尋日先book位
但竟然都有得坐窗口位

可能住客真係有特權
繼續都係icc景觀

不過其實塊玻璃係現場睇都幾污糟下

相比起中菜
我就無咩點去研究下法國菜餐廳
今次黎caprice都係即興
無咩安排
只係知道香港法國菜頂點既三星米芝蓮只係得兩間
而caprice係其中一間

睇過木村而想去感受下三星既威力
尋日食既係中菜
感覺會有少少唔夠match
而今日
就可以真正感受到同木村一樣既三星法國菜
今次算係第二次食法國菜
拎出黎對比
就真正感受到三星同一星既分別

餐檯都會擺左四隻杯同兩隻碟

而口罩套都仲係同之前其他餐廳一樣

侍應比例都真係幾多下


首先侍應有問阿乜生今日會唔會飲酒呀
並唔係問想飲d乜酒
成個感覺係好舒服
最後要左普通白水
都係成枝evian拎過黎幫你斟

無收費

之前都講左
因為我地兩點入座
兩點三會last order
所以只會有3 course lunch提供
而個menu真係會有專用既3 course menu

645一位
連加一就係1419
即係以酒店三星米芝蓮黎計
都並非天價水平

而今次就真係會有專人成份menu講解一次
推介邊一款食物
當然
我都係心儀番係乳鴿上面
畢竟將來都未必會再黎
當然係食佢招牌而唔係食佢既時令菜式

caprice都用左幾多吊燈裝飾

相比起龍軒景既簡單
呢度就顯得豪華好多

牛油有兩款

右面係咸味
左面正常

四款麵包全部都要晒

不過得佢地最特別既辣麵包好食
其他都麻麻地仲會食到一檯碎

先黎送既開胃菜

鵪鶉蛋
入面仲有d三文魚
幾特別

前菜我揀左龍蝦湯

好濃好好飲
同上次cafe causette果碟真係無得比
入面仲有份魷魚雲吞
好有咬口

女朋友既法國帶子
https://1.bp.blogspot.com/-vQQPyorLfPU/X66uLQKICnI/AAAAAAAAa_U/-fmuMph0mkUIQdsPfUTbOqbykZvqAAwQgCLcBGAsYHQ/s6000/DSC05467.JPG
食左一啖幾清爽

即係咁
上次去epure食下午茶好似食左陣風咁
今次真係對法國菜有d改觀

主菜
侍應推介既珍珠雞

真係食雞都係第一次沖口而出用個嫩字黎形容

我自己就當然係揀番乳鴿

伴咖哩汁
外皮脆口
小二推介係四成熟
入面d肉仲係嫩紅色
呢份都好好食

仔細d睇
原來把刀係有印上牌子既

而主菜碟全部都有蝴蝶花紋

睇得多木村
咁我就無痴線到玩跌餐巾呢一招
不過整污糟張臺布
佢又真係會拎多塊黎蓋起佢


甜品
四款有兩款要加錢
而淨番兩樣有一樣係我唔食既朱力古
所以我係被迫揀呢個芒果雪葩

三道菜我自己就最唔欣賞呢個
太酸

另外朱古力雪糕我唔食所以無評價

賣相就幾靚仔

最後送既petit four

朱古力上面終於唔係印上四季logo
而係佢自己caprice個名


另外仲有兩杯tea or coffee
要左佢杯唔知咩四季特茶咁既野


食完野去番個廁所
可以欣賞下廁所格離既開放式廚房


d廚都已經落晒場
雖然得三個course
但都食左兩個幾鐘
足足食到成四點幾

真心覺得心血來潮既呢餐比起期待左兩個月既龍景軒有驚喜穿得多
真正有令我想試埋其他amber之類既法國餐廳
以前成日唔敢去法國餐廳最大原因當然係自己英文廢
但caprice入面大部份都係香港小二
成個感覺都好好
見你拎住部相機又同你鳩up下今日天氣好好之類既廢話
即係呢種感受以前淨係去日本溫泉旅館試過
今次呢度食物有驚喜
服務亦都唔會令人尷尬
咁我真心覺得呢一間caprice係值得三星既級數

又落番地下大堂

今日係三日長假既最後一日
checkin既人龍都少左好多

八婆下午茶時段the lounge仲有人彈鋼琴


四點幾都未天黑
今次再遊多次中環
酒店一入番ifc
就係香港另外一間三星法國餐廳既robuchon



今次我地出番IFC
穿過中環街市

係半山電梯邊落番去

可以望番頭先個街市

而街市對面

就係dondondonki
不過呢個係出口唔比入

要去轉角位行上去再入

中環呢間donki只係開左十日左右
人流極多


而係一個月之後既而家
康城間donki又開埋
真係好痴線
不過我呢
就真係唔係咁鍾意去
因為條路實在太窄
人又多
身處係入面真係好惡頂
而我自己亦都無咩特別想要買
見好多人都會係度買野番酒店食
但我自己就已經plan定好多酒店餐廳
完全係唔需要考慮宵夜呢檔事
如果唔係買番盤壽司番去

的確係仲有旅遊既感覺既

中環donki仲有a5和牛便當

成兩舊幾水一盒就真係唔識欣賞

無無聊聊咁又番轉頭
決定要結束呢個回合

其實就真係唔熟悉中環既地理
完全唔識點樣先可以步行去到四季個停車場


結果又入番IFC番去

IFC入面好多姆明公仔

番酒店拎番d行李
又走過行人天橋係碼頭坐尾班船番紅磡
已經係入夜既景色

再坐巴士番屋企
今次就真係要完了

總結黎講成個住宿就好完滿
但中間就發生左好多事
都係令我無法好滿足既原因
整體黎講酒店就有少殘既感覺
房間除左落地大海景之外就都無咩驚喜位
餐廳以外既職員接觸唔多都無咩好講
但就真係無職務帶行李上房服務
亦都無房間介紹
雖然就明白太多人check in
但整體感覺就無咁好
即係之前住文華東方
連假日子更長
人更多
都有帶行李呢個服務嘛
而且佢仲有心特登唔講明係傷殘房呢個位亦都係怪怪地
不過酒店係餐飲方面就絕對係全香港最超班果間
沒有之一

DAY14 完


岩岩去左朗廷兩日一夜
呢間酒店上年都曾經係福布斯五星酒店
唯一缺點可以話係完全無景
而且酒店規模都唔算大
不過勝在人少
package抵玩
有貴賓室
餐廳有水準
地點亦都一流
用性價比黎講真係之前咁多間最高既