[長氣多圖][無限期] 香港staycation之旅

追到live了 我星期三都去大澳 睇下去前等唔等到大澳遊記下集先

淨係去大澳定住埋?
如果住埋就唔係對間酒店太大期望

DAY26.2 香港大澳文物酒店(上)

虎山落番黎
由少林行番酒店既路程就唔算遠
不過去到碼頭就見到個好靚既畫面

大大個夕陽黎迎接我

今次番酒店做埋d checkin手續
reception入面有兩個本身係屬於拘留所既房仔

而家用左黎寄存行李

然之後職員就堅持拎埋我件行李上房簡介
話由於呢度係二級文物
盡量輕力對待呢度既野
唔好跳黎跳去

文物酒店並唔係高級酒店
裝修一般
服務亦都唔算話特別貼心
如果用價錢黎計
仲夠晒入住rosewood以外其他福布斯五星酒店既套房
呢度有既就只有歷史味
而且係大澳唯一一間正式既酒店
值唔值就見人見智
我自己都覺得個性價比幾低
不過除夕夜黎住
都算係有一種紀念性既

而且並唔係智能酒店
門鎖仲係用鎖匙開門


而且棟門都仲有d問題
開唔到同山唔埋
職員都有提過

我地住係reception上層
叫做一樓既套房
樓梯平時會圍封左
要自己拉開去上

一樓走廊

穿過盡頭係酒店餐廳
而且一樓係唔對外開放
就唔會有人耐唔耐走過黎裝下個門口

走廊另一邊盡頭可以望到日落

大澳可能係全香港睇日落最靚既地方

咸蛋白直插落水平線
係2020年最後一個日落
其實都無乜可以期望
成日話黎明前既夜晚係最黑暗
但我已經睇唔到幾時先係最黑暗
香港每日都黑過一日
港共亦都無底線可言
今日鍾意就拉呢個
聽日果個打人危險駕駛都唔會有事

我地住既係套房
其實即係兩間房黎
2115

同2116

不過2116個房門就已經封左唔可以出入
而我地呢個套房既前身係局長睡房
係官網淨係見到處長室同司令室
我就唔知邊個先係啦

今次係一樓既平面圖

一樓得三間房
2111既係客房
另外2112同2113係同一間套房黎
最後就係我地既2115同2116
主樓層格離就係餐廳同中間既徐晃
所以話我地房同徐晃係幾步之隔

環保問題
房內係無提供拖鞋同牙刷
不過職員介紹完間房問我有無帶之後就送左兩份上黎


入住有份禮物仔

其實係個USB貝殼燈


雖然話係套房
但一入門就已經係睡房

即係職員一推門就可以見到住客扑野

張床就幾大下

床頭邊有插蘇同電話


床腳有個火爐同電視機

火爐唔知用唔用得
而電視機淨係寫住guest無名
同埋個network係連唔到既
除左電視台乜電影都睇唔到
仲要收唔到香港電台


除左空氣清新機同電暖爐
呢間套房仲幾多擺設

睡房有個貝殼
但我成日都驚會撞到整爛

靠牆有張工作檯
檯上面有隻窗

但外面只係望樓梯同山
完全無野睇就從來都無開過

櫃桶上面有咖啡機
入面就有D茶包同茶具

不過呢度就無提供樽裝水
要水既話可以去樓梯口斟水

試過夜晚晚行出去有d寒
斟斟下都有d驚

工作檯有D書仔
仲有隱藏插蘇


格離有個衣櫃


天花


地板

唔知係真歷史建築定後期加工
行落去並唔會有EE聲
不過都已經磨到蝕晒個落床位仲好冼腳

睡房洗手間

叫做有個浴缸

不過amenites就係久奉既

係得支搓手液
淋浴露同洗頭水就兩大支固定既

穿過去另一間房先係客廳
所以覺得好奇怪

一樣有火爐電視機


工作檯


呢邊收藏品仲多


客廳一樣有衣櫃


亦一樣都有廁所

而且唔係普通客廁
係仲有企缸既


呢度都唔少掛畫


出番外面由樓梯位可以望到我地睡房廁所隻窗既

所以基本上就唔會打開架啦

基本上間房就係咁多野
套房同客房就應該純粹只有大細既分別
一樓叫做清靜d無乜人行咁啦
不過我都成五幾先checkin
而且checkin之後放低野我都要出番去接人
所以都無咩機會可以比人騷擾

出去果時正門就已經封左

其他人應該可以用部升降機上去餐廳買外賣
掛

落已日

都仲有人係賴死唔走既

村民自己既裝飾

應該真係做比遊客打卡用既

其實如果係虎山睇埋日落先走
出番黎有機會都已經天黑
不過呢度人流唔少
就應該唔會蕩失路既

夜晚先有既小燈飾


酒店只係得部自助水機
所以買野飲都要出番黎先有


係門口間黑珍珠號買左杯台式飲品

不過佢地六點後係完全未驚過咁照開堂食既
又或者餐廳外既範圍唔算堂食掛

接完女朋友
來來回回又番番去酒店
黑已天
行過都覺幾陰森
以前細路成日會嚮往呢種郊外原野生活
大個左之後就發覺太理想同唔現實
無商場無戲院無娛樂
連網都未必上到
夜媽媽無街燈仲會幾恐怖

夜晚終於可以用到部升降纜車
番到去已經見到間間房都著晒燈

仲開埋窗簾食緊in room dining
佢地應該估唔到咁夜都仲有on9仔行黎行去

夜媽媽捉盤棋


本身間房就有餐廳餐牌

而今日我地個package原本係跟個晚餐set既
不過因為除夕
佢就有另一個聖誕新年餐牌

可惜今個十二月禁晚市無晒街外人
就只剩番九間房既住客享用

房間用餐時間自行選擇
總之九點前就得
鬧完交食又得
鬧緊交食亦得
不過最意想不到既佢竟然唔係全部菜一次過上
而係好似係餐廳食咁樣預足時間分course上
仲會打埋電話黎問可以上得未
叫做真係享受到係餐廳用餐既感覺
唯一唔好既
就佢真係原汁原味原碟就咁拎過黎

咁我地客廳張檯就真係矮
要烏低身食得幾辛苦
而工作臺高度就OK
但只係夠一人獨撚食

我地package叫做慶典住宿計劃
除左set dinner
仲有汽油同強糕送

查過支油就唔係貴野

不過同早餐plan相比只係貴六百蚊
因為本身都預左要係酒店餐廳tai o lookout食
我覺得都值得比既

前菜同湯係連酒一齊上

兩樣都無得揀既


蟹餅同個湯都唔錯
仲有沙律同麵包
份量唔少

咁樣一邊睇電視一邊食
唔急唔趕都幾舒服
過一段時間應該係我地鬧緊交無應門
就打黎問可以上主菜未

主菜揀左一份雞同一份魚

不嬲聖誕到會食火雞呢
都係鞋到仆街既

今次呢件唔鞋仲幾入味
分量多
仲用左大澳既紫貝天癸黎做汁
栗子就麻麻
[img][/img]
另外份三文魚都唔會好乾
不過唔知係天氣凍定廚房擺得耐
過一陣就開始凍
難食左

另外附送每人一杯餐飲
同埋送既蛋糕最後一齊上晒

d配件好得意

除左有新年快樂
仲有隻朱古力公仔同雪人
雖然唔係好捨得
但都一野就開左佢個腦

慘慘豬

四道菜由八點食到十點幾
係房一邊食一邊發顛都食左兩個幾鐘
最後無叫到佢地收走就一直擺到checkout

本身都無乜期望過同其他五星酒店餐廳比
食落去反而有驚喜
雖然唔係特別既食物
但用左大澳自家植物作為香料
味道都真係算唔錯
但係正價要五舊幾就未必會諗了

講番
其實呢度雖然遠離市區
但電話都算收得唔錯

我都係轉左smt一日時間
速度都算OK

溫度亦都無話比市區凍好多

仲有十一度

沖番個涼

浴缸就真係算細既
伸唔直隻腳

風扇都係用cheap野

咁呢方面就真係無乜期望過

唔想睇CCTVB
睇下VIU有d乜野倒數活動

都係鳩下鳩下咁
自己派豬肉獎比自己人搞下笑
係度就只有自己同自己係房倒數
然後就已經係2021年了
諗起上年係瑞士睇電視機見到香港倒數好似有煙花
今年就邊度都去唔成
睇怕就算係2021年都係要留港消費

DAY26 完


今日又成百宗
唔洗番工係開心既
不過咁樣去美利就食唔到the tai pan
唔知kkday可唔可以改到日子

雖然大澳酒店成個package唔算好高級
但係個久唔久係呢個環境休息下都幾好

師兄幫下手唔好引用圖片

雖然大澳酒店成個package唔算好高級
但係個久唔久係呢個環境休息下都幾好

係
原意係過去遠離下市區

Sad
共勉之
Between,no show係咪會收錢

等睇ritz carlton

睇到好sad
食野都要鬧住咁食

好慘....
真心staycation呢啲開開心心去玩 何必呢

我都想快d寫

唉

真心staycation係想大家開心
但每一次都有不快事

Sad
倒錢落海
去多d餐廳
等佢唔敢太嘈

周圍行同食野咋 沙翁茶果都去試下先

無聊事
就唔關間餐廳事既