[長氣多圖][無限期] 香港staycation之旅

麻麻ja

因為萬怡個set係跟總統套房食中菜
同海洋公園又唔開

支持

等下一波或者其他酒店試下
between
我未住呀

DAY6 大館

時間黎到八月尾
係晚市解禁後既第一個周末
記得當初無左晚市夜晚根本無地方去
收工之後個個都拎住一個二個飯盒
到而家成條街d人都出番晒黎了

咁呢一日我就先去左188
因為訂左還願因為有小熊維尼而落左架既台灣GAME
不過直到今日都仲因為隻GAME太恐怖唔敢玩落去

咁係灣仔就坐叮叮去今日既目的地
中環站

其實有得揀既話我都會避開黨鐵
就唔單單淨係721同831既事
而係我從來都鍾意坐有風景睇既交通工具
好似去旅行咁
我並唔抗拒坐火車
只係對地下鐵呢種交通工具比較反感

偶爾過海
我都會坐下電車
扮下遊客

不過無冷氣又真係有D辛苦

唔睇都唔知
原來每個電車站都會有number


隻獅子都已經封左有一段時間

同機場D水馬有得揮

到達左中環
再搭半山扶手電梯去大館

呢條路
黎幾多次都感覺好遊客feel
同埋次次黎親呢一帶都係為左去食好西
個感覺又真係幾渡假

扶手電梯直接連到大館門口

今日真係好多人
而入大館先要探熱

黎大館第一個目的
唔係參觀
而家食飯
之後睇有啖好食
佢介紹左間全港唯一一星米芝蓮泰國菜幾吸引
咁就黎左黎呢度食飯順便遊下未去過既大館

aaharn就位於建築上層
屬於新派泰菜
不過都係由泰國人主廚

入口係酒吧邊位

經過條樓梯上去


當日仲有二人限聚
所以好多一家三口都要分開兩張檯坐
餐廳唔算多人
檯同檯既距離都唔窄

兩個人坐四人檯又真係幾舒服

餐牌

話說睇番openrice幾個月前三道菜個價都只係188
而家已經加到成288了

女小二唔太識講中文
不過見我英文咁鳩屎都無笑鳩我
反而用D好生硬既中文單字話呢個主菜係大辣呢個係中辣
值得加分

首先黎既係送既菠蘿


前菜雞串同椰子薄脆

都唔係話細細份果種

跟餐有飯同湯
佢會有專人派飯
唔夠可以再要

d菇好似笑緊咁

主菜齋咖哩同鱸魚


鱸魚我覺得幾好食
而齋咖哩乜都無就唔太岩我

最後甜品
芒果糯米飯


餐廳仲有露台位

望住大館食飯

不過大熱天時不了

餐廳整體感覺唔錯
女小二值得一星
而價錢都仲算可以接受
只係比幾個月前貴左成舊水感覺怪怪地

食完飯就落去鬆下

大館
即係舊中區狗屋同域多利監獄
而家已經係法定古蹟
不過武肺期間有D展覽都無開放參觀

頭先食飯果度其實係槍房


營房大樓



而再後面就係監倉


之前去過嘉義同聖彼德堡都有參觀過類似都地方
不過今次香港呢度就無得內進




殮房


當時無冷氣
要淋水降溫

手畫地圖

成個大館就唔算好大

最後係狗屋總部大樓




今次真係有人唔做去做狗

做狗個標準而家唔同晒啦

而家只要擦鞋同奶共就得
仲記得細細個未有google map好鍾意同狗問路
而家見到淨係得番噁心

因為之後有其他野做
無乜再詳細參觀就走左

咁岩出面就有架狗車

最後係另一個幾出名既打卡位
石板街



不過我技術廢
點影都咁柒

DAY6 完





其實個進度都已經追得上現實時間
而我都開始無乜課交
下個月開始先開始玩酒店
暫時book到年尾都係得呢幾間

香港文華東方酒店
香港四季酒店
朗廷酒店
萬麗酒店
奕居

咁同埋都會都試下佢地既米芝蓮餐廳
諗緊開新po定繼續係度寫好

G持

繼續寫

正但咁鬼熱又要帶住個死人口罩出街好辛苦
樓主有無去過鹿頸谷埔啊？

5間酒店都想睇

落雨可以去邊啊

繼續寫

我驚過幾個月會推唔番

係
尤其要行樓梯果d
你講果度好似好遠咁

你去過晒啦

番酒店避

好睇

想睇朗廷 3星中菜

淨係住過文華

想睇朗廷 3星中菜

文華廳
龍景軒
唐閣
滿福樓

你仲有去其他嘛