[長氣多圖][無限期] 香港staycation之旅

有塊奇華餅同兩舊蘋果

Upper house個廁格係堅大個
仲有得比你寫感想

我都係拎我兩個staycation體驗照直講
可能你而家再去瑞吉你都覺得無樣好呢

啱啱去完半島 冇咩member不過生日就free ug上套
房都幾滿意 空間感夠大
Package 就還好 真係可以餐餐都超飽,不過好唔好味就...
不過如果冇升套就一定冇乜咁開心

咁差仲keep住去?

你本身book咩房?
如果由最低升上去都差2k都有

普通studio

咁抵晒啦
佢每級個價都差好遠

DAY34 香港瑞吉酒店(下) L'Envol

起身反而係第一次睇到日景既窗外
個景觀可能只係比起朗廷好少少
拉到最盡先可以望到一忽仔海

唔知二十樓係咪真係岩岩好就見到會展後面個海

其實咁都可以拎出黎做個升級賣點間酒店都幾撚痴線

早餐係尋日食lunch既潤
原本package就無包早餐既
不過本身就有個健身班因為武肺停左就話補番個早餐比你

今次坐圓檯
就比尋日大張

聽講L'Envol果邊都走左好多人
就唔知呢邊潤係咪都係咁所以搞到質素拉低左

早餐係半自助

中式係絕對豐富既
有點心有粥
其他果d就好似美利咁樣單點法

而半自助就少過美利果邊
因為場地根本唔係做自助餐關係都擺得幾散
一東一西咁
係好多個月之前
餐廳就唔係做半自助餐早餐
而係menu任點既
cut cost搞到奇型怪狀

麥包小食擺門口

cold cut同生果擺門口兩邊

穀類放係正門座位前

熟食只有幾款就擺係餐廳最入

格離係幾款果汁


一場黎到
唔係唔飲番杯排毒水呀

仲有杯單點飲品

尋日都奇怪檯中心個圓形圖案用黎做乜

原來係擺果醬
就唔知餐廳原本設計係咪for早餐用

主菜叫左一份鮑魚粥同一份班尼迪強

蒸籠入面有蝦餃燒賣珍珠雞
仲有餐廳招牌之一既龍蝦春卷
唔知早餐同正餐份春卷分別大唔大
如果一樣既話就真係唔洗特別叫了

班尼迪強


飽魚粥漏左單

所以先話瑞吉既餐廳真係同預想有段距離

日頭既酒店大堂

the drawing room未開去唔到飲果杯canto mary
最後搞到要係法國菜餐廳飲



雖然話個package係24小時
但白金會員一樣可以延長退房至4點
萬豪集團應該得w一間先要強制搬屋
麗思卡爾頓同瑞吉兩間都唔洗既
而呢三間我都係星期日禁晚市既日子入住既

睇番原來睡房喇叭都係用B&O

即係萬豪集團由cat7以上三間都係用呢隻牌子

張床好似係比其實酒店厚既


仲有原來呢
靠反射

我地可以係華潤大廈望到海景
其實我前幾日先請假去完華潤大廈
因為儲左唔少鳳凰支音里數
一月尾到期無得好似亞洲萬里通咁延長
原本上年係換左黎試新加坡航空架波音787-10既
但而家係新航封左換唔到
見長榮都有呢部新機就換左十月去台北
講真武肺之下就就真係完全提唔起勁去旅行
但迫住換就真係無計
去到就去
去唔到就算
不過換完都仲有兩萬里要倒左海
以後都係考慮下仲換唔換支音里數

而港航竟然仲有咁多機飛台北

本身我係chope book左L'Envol十二點九
尋日check in果時問過最遲可以一點半入座
所以改左一點半先食呢個lunch

仲有時間可以浸多個日光浴


係瑞吉住宿既最後
係去左岩岩升左米芝蓮二星幾日時間既法國菜L'Envol食lunch

L'Envol請左olivier elzer主理
呢位法國大廚係香港都算幾有名
同之前食過tosca既主廚angelo agliano一樣係出自robuchon
而且先後係多間星級餐廳打理
幾乎每一年都會有星星斬獲
之前亦有曾經有過自己既餐廳seasons by olivier elzer
而呢間L'Envol同潤一樣
係開業唔夠一年已經成為左一星餐廳
係一年後更成為全港唯二升格成為兩星既餐廳

而呢位olivier elzer
花邊新聞仲勁
除左食過孫佳君
仲係梁芷珊既前男友
而家仲有合作開緊一間叫o'chef lab既網店
幫過瓏門冰室改過餐單
就真係唔知算唔算得上黃啦
仲見佢有個中文名叫做岳力華

係秘密網見到有職員話呢位大廚身價仲高過酒店總經理
咁當然係比起去潤有更高既期待啦
畢竟上一次係caprice既體驗係咁完美
我估呢間L'Envol都唔會差得去邊
掛

尋日係潤只係食左千二蚊
咁既然仲有幾舊水dining credit淨就緊係去食埋呢一餐啦
check in果時八卦聽到格離渣車黎果對情侶都有book到呢間餐廳
但佢地只得1000credit
即係點都要補錢
所以住套房有多一倍credit真係抵玩好多

今日被安排係近門口靠窗既位置

一邊梳化另一邊係座椅

窗邊景色其實同潤係一樣都係望中環廣場

只係高左一層

餐檯

係只有一隻碟
同埋牛油刀

鮮花擺設


口罩套同潤一樣都係可以重用既

全部都有自己餐廳名
上次去美利酒店都係用呢種file口罩套但就只有酒店名
今次真係去咁多間最精美既

餐廳算係界開左兩part

我地坐近門口
可以望到開放式廚房
望左好耐
岳力華今日應該無番工
而另一邊既餐廳只係去洗手間經過望左幾下
果邊感覺上比較grand
純白色
但就會望唔到廚房

係小二放低左個餐牌無幾耐
就上左個餐前小食

係當堂打左個突
但係就無上無餐具既
即係要落完單先食
但又咁早擺上檯
我就唔係好明呢種係咩玩法
仲有sourdough

香檳牛油

薄脆


呢度小二外籍比例好高
今日由兩位小二serve
而其中一位就係外藉既
小弟英文差
面皮又薄
懶醒咁叫左still water
以為同caprice一樣無收費
結果就瀨野

呢枝野價值96蚊支
中過招下次識叫tap water

比較好既係仲有一半serve我地既係香港人
由佢介紹餐牌

與其話介紹
其實j都只係講解點樣揀course
午餐餐牌由三道菜到五道菜
但唔理邊一款都只可以揀一道主菜
而前菜同甜品就自由配
即係可以揀四道前菜一道主菜都得
係咁多
就無餐單介紹既
無話推薦邊一款菜式

其實呢度價位本身就已經比好多星級法餐廳高
三道菜要688
而之前去過三星既caprice都只係645
半島既gaddi's更只係608
當然貴過佢既餐廳都有
好似amber咁門檻要成778
不過就算係半島抑或者係置地文華既餐廳都有折扣優惠
反而瑞吉既餐廳係完全無折既
不詔見尋日係潤食點心比預算用少左
就諗住加錢試埋佢個招牌蟶子配魚子醬
結果真係落完單就拎餐具出黎

前菜係加錢既蟶子

有魚子醬專用匙
追加表演係拎左五兜魚子醬過黎話食緊呢道菜係用左上角果款
用黎配蟶子會比較好

其實真係第一次西餐會加錢食
以前都只係貪過癮想體驗下高級餐廳
呢道菜要加成280
已經足夠貴過直接點五道菜
講真真係太過奢侈
好似每一啖都食緊銀紙落肚咁

底層忌廉都係用魚子醬打成

真係非常之漏

另一道係原先我自己想點既吞拿魚

呢樣野就真係食幾多次都唔會輸既

對於味道
岳力華主張係所有食材一齊食
先至食到法國菜果種複雜既層次
小弟不才
仲係度學習緊

今餐最大既敗筆就係點左呢杯野
瑞吉酒店既welcom drink
canto mary

其實就唔關餐廳事既
係尋日check in果時職員話我知呢杯野就算係其他餐廳都可以點得
咁我諗住食完都要check out無時間再去st.regis bar飲
就索性係度飲埋
呢杯野同酒店個水池樓梯一樣都係傳統黎
世界各地唔同既瑞吉酒店都有佢地特有唔同版本既bloody mary
呢款香港特有既canto mary入面係辣椒,陳皮,鼓油整成
難飲到仆街
又咸又盛
每飲一啖呢杯野我就要補刀一啖水
結果足足飲左兩枝evian
收左我兩舊水
而且飲完呢杯野仲會破壞味蕾
感覺成餐飯都變得怪怪地咁

話說我係點左王道式前菜主菜同甜品三道菜
但係女朋友係點左兩款前菜同主菜既三道菜
所以上菜既次序係怪怪地
佢既第二道前菜
阿拉斯加蟹肉

呢個圓形玻璃樽入面載滿水

唔知係咸定淡
賣相幾得
真心唔知佢點入水

蟹肉都幾豐富

而我係呢一round係乜都無既
即係意味住主菜會一齊上

主菜
我點左M8牛扒

配菜有幾粒心形脆薯

以為揀扒應該無死
但望落幾單調
邊位亦都難切
食落就真係普通普通

另一份騸雞

呢份都比caprice果次份珍珠雞比下去
口感有d怪
主菜黎講兩份都真係比較失色
唔知會唔會點番海鮮會比較好

慣左影埋把餐刀

係黎自法國既
另外果把好似無寫


參觀下個洗手間

同下層潤果個又有d唔同

洗手間出面係酒櫃走廊

望出去呢一邊既餐廳感覺色調更白

最後應該係我份甜品
上錯左係女朋友個位度
呢round女朋友應該係乜都無既

不過泡沫好得意
賣相幾好
食落好舒服

反而最後既petit four係最驚喜
成架甜品車推過黎

雖然佢介紹完我都唔知係乜
但女朋友就好貪心全部都要

雖然好豐富
但就搵唔到印有L'Envol餐廳名字既朱古力

跟餐附送餐茶
要左玫瑰茶同熱朱古力




三道菜食左兩個幾鐘

兩枝水價值兩舊
加埋差唔多三舊水既魚子醬
埋單過兩千
淨係一餐已經用盡左我成個dining credit
比預期最基本消費足足貴左五舊水
始終唔係想要慶祝乜野
純粹只係staycation體驗
真係會肉痛既

即係咁
呢度服務就一定優秀過潤果邊十萬九千里架啦
下面果班似足炒散質素
係完全唔同層次
但係連裝修都靚咁多我就覺得好奇怪
作為酒店兩間fine dining餐廳
唔通法國菜定位係係中菜之上
另外如果佢地肯諒解我英文麻麻而轉番中文channel成事會舒服好好好多
同埋搞錯左甜品個擺位真係低級錯誤黎
直頭係去左幾個月staycation第一次發生
咁的確係完全無辦法可以及得上caprice果種舒服
食物本身我都覺唔係特別好食
所以呢一餐我真係食唔出佢果兩粒星既
同預期有落差
有d失望
另外秘密網都有講呢間餐廳有走左一班人
唔知又關唔關事呢

最後係私人感受
唔關餐廳事
除左果兩舊水花得唔抵
仲有杯canto mary真心有影響食慾

而食完呢一餐都成四點
仲未番房執野
所以最後要求左五點check out

埋單找數終於都用盡晒萬豪gift card既餘額

以後去萬豪酒店都唔會再有平了

離開後落港灣道花園行多轉


呢度一樣係比高樓包圍

最後係終於影到張瑞吉酒店兩棟大樓

左面矮果棟就係潤同L'Envol加ball room果一座
而高果座就係客房
但由外國睇上去窗位就唔係整齊排列
唔通唔同層數窗位係唔同既

DAY34 完





我都盡量唔去想呢篇係大結局
不過以後應該會比較少去酒店了
而家都淨係得番月尾一間半島
最快都應該要下個月先會再見
就唔知仲會唔會爆po了

最後update埋個真時間表
DAY1 蒲台島->Beef & Liberty->赤柱
DAY2 天際100->每日->Ozone
DAY3 太平山->大富翁夢想世界->凌霄閣摩天台428->楚撚記大排檔
DAY4 玄鮨->Epure->觀塘海濱花園->平山
DAY5 Sukiya->梅窩->銀鑛灣瀑布->La Pizzeria->逸東軒->普慶餐廳
DAY6 Aaharn->大館
DAY7 龍逸軒->1881 Heritage->嘉頓山->素年
DAY8 昂坪市集->Ebeneezer's Kebabs & Pizzeria->天壇大佛
DAY9 鮨樂->香港文華東方酒店(上)->Cafe Causette
DAY10 香港文華東方酒店(下)->文華廳->香港摩天輪
DAY11 九龍海逸君綽酒店(上) ->炉端燒
DAY12 九龍海逸君綽酒店(下)->The Promenade
DAY13 Mamaday->香港四季酒店(上)->龍景軒
DAY14 香港四季酒店(下)->The Lounge->Caprice
DAY15 香港朗廷酒店(上)->朗廷會->唐閣
DAY16 香港朗廷酒店(下)->The Food Gallery->Bostonian Seafood & Grill
DAY17 香港海洋公園萬豪酒店(上)->萬豪貴賓廊->Marina Kitchen
DAY18 香港海洋公園萬豪酒店(下)->Pier Lounge & Pier Bar->香港海洋公園->1仔冰室
DAY19 香港鐵路博物館->大埔海濱公園->Fat Belly Butcher & Gin House
DAY20 香港萬麗海景酒店(上)->Club Lounge->滿福樓
DAY21 香港萬麗海景酒店(下)->萬麗咖啡室->Mirage Bar & Restaurant->金紫荆廣場
DAY22 Kitchen->香港W酒店(上)
DAY23 香港W酒店(下)->Kitchen->星宴中餐廳->WooBar->西九文化區
DAY24 Sky Lounge->奕居(上)
DAY25 奕居(下)->Cafe Grey Delux->燈籠滷味
DAY26 大澳->香港大澳文物酒店(上)
DAY27 香港大澳文物酒店(下)->Tai O Lookout->大澳->蘇廬
DAY28 香港麗思卡爾頓酒店(上)->Tosca di Angelo
DAY29 香港麗思卡爾頓酒店(下)->The Lounge & Bar->天龍軒
DAY30 嚐囍煲仔小菜->心經簡林->Involtini Italian Cuisine
DAY31 香港美利酒店(上)->Murray Lane->Popinjays
DAY32 香港美利酒店(下)->Garden Lounge->香港公園->四季常餐
DAY33 香港瑞吉酒店(上)->潤
DAY34 香港瑞吉酒店(下)->潤->L'Envol



預定

DAY35 吉地士->香港半島酒店(上)
DAY36 香港半島酒店(下)-大堂茶座->嘉麟樓

city view係新翼?
加成千蚊先有海景就真係太貴

對九龍酒店應該係最基本無景果間
咁加1k都算抵玩
都叫升左三級

之前lounge接晚餐都試過
所以我都book到最後入座時間先食lunch
又唔會頂唔順既

呢個package 聽落都幾好
有時純粹想過下夜

係
果時都係貪平
佢兩間都有半自助算抵食